حب الوطن ماهوب رقصه وموال

[ناصصرالشعلان]

حب الوطن ما هوب رقصة وموال
وإلا قصيدة شعر بألحان شيلة
اسم الوطن يبقى وبالقلب ينشال
وتردده نبضاتنا كل ليلة
وطاعة ولاة الامر في كل الأحوال
اكبر شهادة للمحب ودليله
ويوم الوطن ذكرى لمن قاد الابطال
يوم انها رمح وسيوفٍ صقيله
صقر الجزيرة احتمل قيض ورمال
وداس المصاعب والدروب المهيلة
واليوم نذكر فعله وفيه نختال
عساه في جنات عدن ظليله
المملكة له مجد شامخ وبالعال
تعاقبوها وارثين الفضيلة
(أبو فهد) مليكنا شال الاحمال
حكمه وحزم وعزم وقت الثقيلة
كم دولة في وقفته همها زال
وكم دولة خلاه تشقى ذليله
وولي عهده للصعيبات حلال
شبيه جده مشيته وتحليله
له رؤيةٍ تفتح مشاريع وامال
وعلى دروب المجد مسروج خيله
محمد محمد عسى سنينة طوال
الله يحفظه من ردى كل ميله
ويوم الوطن نذكر ليوث على البال
جنودنا مثل الخيول الأصيلة
فخر الوطن متلحف سلاح بجبال
يشفي على الحد الجنوبي غليله
هناك تلقى ارجال في قلب رجَال
وهناك رَجالٍ يساوي قبيله
يا ديرتي هامت بك أجيال واجيال
تعشق ثراك ولا تدور بديله
والمملكة تبقى لنا حضن وظلال
وارواحنا تفداه وقت الصميله




ناصر الشعلان


حاولت تنسيقها لكن ماعرفت