تصيد حمام في الوادي تدفع قسيمة (( تغريزة )) 3 ساعات

[صادق الـوعد]

السلام عليكم

يوم الخميس 18/4
ذكر لي انه فيه لقاط حمام هنا و قلت ياولد بطلع الى الوادي وشمال الى الدوحه
اشوف ممكن نحصل لنا شي .
و الحمد لله اول ما نزلت فيه حصلت وحدة وكانت اول وحدة بين الرمث
وبعدها نزلت بطن الوادي وحصلت لي كم حبه فيه تقريباً 6 نحصل على حبه حبه
حتى اصبحت الساعة 5:40 د وانا ادور على شجر العشر الا هذي التكيه .
جلسنا فيه الى الساعة 9م رزقني الله في ناس جزاهم الله كل خير ما قصرو
معي كانو راجعين قبل المغرب من كشته .
واتصلت على قريب معه جيب فيه ونش و تم سحب السيارة .
















هذي جرس انذار لكن مع الحمام لم نهتم فيه ودوووووس فيه حمااام
هههههههههه


بس وقف هنا ولا حركه... هكسه يحبها قلبك بس مو وقتها فيه حمام





















مجنون صح من يطب الوادي
..

[قـآٍيـد آلرِيـم]

..

حلوووووووووووووه الهكسه ..

انا مثلك رحت للوادي و لعب بالموتر بالطين لين قالت مكينته ( آي )

وليومك بالورشه ..

(.. خلاص من حبكم يا شعبان عزلنا ..)

** يعطيك العافيه صادق الوعد بس الحمام يستاهل **

..

[صادق الـوعد]

هههههههههههه

يعني مو بس انااااااااااااااا


مشكور على مرورك و تعليقك

[ابوعيون]

أهلين صادق الوعد
ولو معوكسة معك هالموسم بالساحل والوادي
الصراحة لو إني داري انك صايد تسان جبت العزبة وجيت أنقذك
آسف قصدي يعني لو داري انك مغرز جيت أساعدك
المهم طال عمرك

هذا يسمى الربريب
وعلى فكرة خذ هالسالفة بمناسبة هالمكان بالذات
في عام 1400 هـ مريت بهالمكان على جمس 78
أنا عارف ان أكثر أعضاء المنتدى لم يكونوا قد ولدوا ذلك الوقت ولكن هذا ماحصل
المهم
السالفة أنا توي قاص رخصة وكاشت بأهلي بهالمناسبة ونزلت أهلي وعفشهم يسوون الغداء
ورحت أتمشى ومعي اخوي أصغر مني وأستعرض عنده بسواقتي
المهم لقينا حباري ثنتين يتمشن ولا جابن خبر وكان الوقت بعد نهاية الوسم بشهر تقريبا والوادي يمشي
المهم قمت أطاردهن أبي أصدمهن ولم يكن معنا سلاح يعلم الله أن هذا ماحصل ولطرافة الموقف ذكرته هنا
وكل مرة يطيرن قلت لأخوي شف تمسك زين ترا هالمرة صايدهن صايدهن
وأنا أدوس للجمس وأدوس علشان أصدمهن يوم وصلت وهن يطيرن وأنا أطب بوسط منقع سيل وطين يحبه قلبك
وينشب الجمس مثلك يوم الخميس مع فرق 29 سنة بين التغريزتين
طبعا ذلك الوقت كانت الجيوب نادرة جدا وغير مرغوبة للناس وقليل أن تجد شخص معه جيب
بمعنى أن الدفع الرباعي خاصة الياباني كان نادر جدا ذلك الوقت
وكانت فورة السيارات الأمريكية خاصة الجمس والبيوك والكابريس
لذلك لم نجد من يسعفنا ويسحبنا
القصد أن السيارة الجمس تركناها في مكانها يومين حتى نشفت الأرض وطلعناها ولا يوجد حل غير ذلك
سالفة لاأنساها وجاء وقتها ومناسبتها وذكرتها الله المستعان
ألف شكر صادق الوعد
وتغريزة أعادتنا إلى الوراء سنين عديدة
تكفى لاعمرك تغرز خاصة بالطين
سلامي لك وآسف جدا للإطآلة

[غريب الدار]

المشاركة الأصلية بواسطة ابوعيون

في عام 1400 هـ مريت بهالمكان على جمس 78
السالفة أنا توي قاص رخصة

واااااااااااااشيطآآآآآآآآآآآآآآآآآآح

عام 1400 ولا بعد قاصن رخصه

لعنبوابليسك اثرك شايب وانا جادع الموانه معك احسبك توك فرفور

وافشيلتاه

الله يقلع ابليس هالخال هو اللي خربنا ..



ماعليش ياصادق على هالخطمه بس طار عقلي من عمر الرجال

انا بعام 1400 مافكر ابوي يجيب اخوي اللي اكبر مني ==>اول مره احس اني فرفور

وياشين الهكسه بالطين

قسم بالله ياهو تجيب المرض

لاينفع وقته لادبل ولايحزنون ..

بس اهم شي الوناسه ..

موهب يقولون (كشت قال ايه كشت قالوا غرزت قال لا ماغرزت قالوا اجل ماكشت)==>يازينك ساكت

الحمد لله على السلامه ياصادق

تحياتي

[صادق الـوعد]

ابو عيون الله يعطيك الصحه و العافيه
ومشكور على هالقصة الطريفه منك

غريب الدار

مشكور على مرورك و تعليقك

[عاشق الرتامه]

إييييييييييييييييييييييييييه هذا اللي يطلع ولا يعلم ربعه

علطول يغرز لا وبطين بعد ياليتي داري

كان جاي عندك وأصيد قدامك وكل أشوي أمر

جنبك وأضحك عليكأ نا وخالد وأمشي لين أصيد الحمام

اللي حولك وإذا غابت الشمس

أفكر أطلعك وإلا لا

عاد الصدق مالك حق ورى ماعلمتن أجيك

والله تستاهل يابو محمد وتراي زعلن عليك

عشانك ما اتصلت وعلمتن

[صادق الـوعد]

امش يا ابو رمش انت مخليك لشديد القوي

ولا هذي ماهي شي

بس اشوي واتصل عليك نطلع نصيد

ومشكور ابو الفزعات عشووووق

[ابوعيون]

عام 1400 ولا بعد قاصن رخصه

لا هو الحقيقة كان فيه خطأ في التاريخ وأنا كبرت نفسي وقلت في 1400 هـ وهذا خطأ
فبعد ماشاهدت الرخصة اتضح لي اني غلطان وفعلا كبرت نفسي كثير
الصدق يعني ان التاريخ كان 1401 هـ شف هالفرق

وحياك ياوليدي ياغريب
معليش الخطمة صدووقي

[عضو متلطم]

ههههههههههههـ

الحمد لله على السلامه ابو محمد ..

اجل تقولي يزين من نزل العزبه وتقهوا وانت توك ما جاء خويك ..

لا وبعد الله يصلحك مطلع خويك من الورشه .. ازعجتنا مكالماتهـ ..

هههه الحمد لله على السلامه .. وعلوم حمودي عقب الطيب ..؟

يعطيكـ العافيهـ ..

[عضو متلطم]

<< وعلوم حمودي عقب الطين ..تصحيح ..

[صادق الـوعد]

اه وش دراااك لا تكون انت اللي صلابي المغرب ولا خويه

وانا اقول ليش يقول صور هالتغريزة


بسم الله الرحمن الرحيم

انت من يا رجل (( يا عضو متلطم ))

والله اني قبل ما اخرج منزلها من السيارة ولا كان ضبطته القهوة عند الموتر

ابو عيون يازين جلسه معك و سمع سواليفك شكلك مخزن سواليف و خاصه تغاريززززززز
ههههههههههههههه