|
|
|
|||||||
| الإشعارات |
| المواضيع المنقولة وأخبار الصحف والوطن المواضيع المنقولة من الانترنت وأخبار الصحف اليومية و الوطن. |
 |
|
|
LinkBack | أدوات الموضوع | طريقة العرض |
|
|
|
|||||||
| الإشعارات |
| المواضيع المنقولة وأخبار الصحف والوطن المواضيع المنقولة من الانترنت وأخبار الصحف اليومية و الوطن. |
|
|
|
LinkBack | أدوات الموضوع | طريقة العرض |
25-04-2008, 04:31 PM
|
#1 |
|
عضو مميز
تاريخ التسجيل: Mar 2008
المشاركات: 146
قوة التقييم: 1
|
لاتستعجلين !!!!!!
بحكم أني أحب أقول قصص و طبعا قصص واقعيه فبقول لكم قصة قريتها من احد المنتديات .. وهي ليست مجرد قصة لأنها تتكرر معنا كثيرا وتحتاج الى نقاش لعلاج المشكلة المهم يا الأجواد هذي وحده من أنصار العنوسة هو بصراحة الوحده اذا طقت الثلاثين و هي ما ودها تجيب عيال تتأقلم على وضعها ويصير صعب تغيره المهم من كم سنه كان عمرها 31 سنه تقدم لها عريس سنع و أهله أجواد و ما قد أعرس و موظف و شكله حليو و ما يدخن و عمره 35 سنه بس البنت ما تبي تعرس و السلام قالوا لها : لا تستعجلين ... شوفيه أول شافته شكله لا بأس و باين طيب بس العله في فكرة العرس نفسها ما تبي تعرس قالوا لها : لا تستعجلين ... كلميه جوال و سولفوا يمكن ترتاحون لبعض كلمته و سولفت معه و صارت ما يمر خمس دقايق الا طفشت و ودها تسكر الخط و الأجودي مدهر بالسوالف قالوا لها : لا تستعجلين ... مو على طول تتفاهمون و ترتاحون لازم تكلمون بعض كم مره استمروا شهرين يسولفون و ماش صارت تحط جوالها على موجود عشان ما تضطر ترد عليه و تكلمه قالوا لها : لا تستعجلين ... يمكن إذا تملكتوا وصرتوا تجلسون مع بعض و تطلعون تتمشون تنبسطون و يصير فيه تقارب بعد إقناع و أخذ و رد حددوا الملكه أنا فاهمه وجهة نظر أهلها ... البنت تعدت الثلاثين فعريس مثل هذا يعتبر لقطه و ضربة حظ بعد واذا راح ما ينضمن يلقون مثله أو ...................... غيره المهم البنت تملكت وسووا حفله بسيطة للعائلتين بس لكن كانت حلوة وكانت يومها فرحانه بالإهتمام و الدلال و الفستان و التسريحة و التصوير بس بعد يومين راحت السكره و جائت الفكره قالوا لها : لا تستعجلين ... اصبري الين يزورك بالبيت و تطلعون مع بعض وتجهزون بيتكم جا و زارها و ماحست بتغيير وطلعوا مع بعض و لا فيه اي تحسن بالعلاقة والى الآن ما قدرت تتقبل فكرة الزواج مر عليها يوم و قال : عندي مفاجأه وداها فله صغينونه و فتح الدور الأرضي وقال انه استأجره و لازم يبدون يأثثونه للزواج راحت لأهلها وقالت : يا جماعة الخير حرام عليكم الرجال يخسر فلوسة و انا ما ابيه وخصوصا أنه اجودي وطيب و ماله ذنب الا انه طاح بوحده ما تبي عرس و لا بزران قالوا لها : لا تستعجلين ... يمكن لو بديتوا تأثثون تحسين أنه بيتك و تقتنعين بالفكره بعد كلام طويل و إقناع و اخذ و رد بدت تأثث البيت حست بتأنيب ضمير و هي تشوفه يصرف غير كذا أصبحت فكرة الزواج حقيقه قائمة قدامها أرعبتها وطيرت النوم من عينها حاولت تتفاهم مع أهلها للمرة الأخيره ودار بينهم حوار طويل تخلله عبارات جارحه مثل تحسبين نفسك بزر ... من زينك ... احمدي ربي اللي اعماه وجا يخطبك و الا بنات البارح يتمنونه ... ترى ما بقى شي و توقفين عن العيال أضربت و قفلت جوالها و أعتكفت في غرفتها عاطفتين تمزقها : الشفقة على نفسها و تأنيب الضمير ناحية العريس بالأخير أنهارت و نقلوها المستشفى و أكتشفوا أن المرارة تعبانه وشالوها أضطروا أهلها يرجعون للرجال مهره وشبكته و يعتذرون و راحوا معه للمحكمه يجيبون ورقة الطلاق ولما دخلوا البيت ومدوها لها قالوا : ولو .... أستعجلتي !!! ملحوظه : المدة من يوم تقدم إلى الطلاق أستغرقت تقريبا سنه ... تعتبرونها أستعجلت ؟؟؟ |
|
|
|
25-04-2008, 05:16 PM
|
#2 |
|
.:: أنثى لا تتكرر ::.
تاريخ التسجيل: Aug 2006
البلد: k.s.a <<تراني نورها ^_^
المشاركات: 4,838
قوة التقييم: 7
|
يوووووه مسكينة..
>>تحمست مع القصة.. غريبة فيه بنت ماتتمنى تعرس؟؟!! أكيد فيها بلى .. كل البنات يفكرون بليلة العمر.. قصة حلوة هلا وغلا.. يسلمووو..
__________________
|
|
|
|
|
25-04-2008, 05:24 PM
|
#3 |
|
عضو مميز
تاريخ التسجيل: Mar 2008
المشاركات: 146
قوة التقييم: 1
|
هي ما كانت عايفة العرس بس مع الوقت تعودت على وضع حست انها بعد مقارنة نفسها مع المتزوجات احسن بكثير
|
|
|
|
|
25-04-2008, 09:00 PM
|
#4 |
|
عضو مميز
تاريخ التسجيل: Mar 2008
المشاركات: 146
قوة التقييم: 1
|
ليه ليه ليه موضوعي هنا
ياحرام عليكم ماتت مواضيعي بكل محل تجدعونهم مو معناته اني قريت القصه بمنتدى ثاني معناته موضوعي كله منقول على الاقل انقلوه لمنتدى القصص أهون شوي  |
|
|
|
|
| يتصفح الموضوع حالياً: 1 (0 عضو و 1 ضيف) | |
| أدوات الموضوع | |
| طريقة العرض | |
|
|
النمط المتتابع
