الظـــــــلــم ظلمـــــــات يــــوم القـــــيامه

[ابوعذاري]

الظلم ظلمات يوم القيامه

حبيت ابدأ كلامي بالموضوع اللي فوق وهو فعلا ابسط تعبير عن الظلم الفاضح والواضح من لجنه تدار بشيكات لانه بعد اللي صار منهم ورفض الاستئناف اجزم 100 % ان الدعوه فيها شيكات وعلى ذمتي.. لان الدعوه واضحه عينك عينك..
ماراح اتكلم عن حكام واخطائهم لان من الصعب ان تدخل في قلب الحكم وتعرف انه قاصد او لا.. لان الحكم بشر وممكن يخطي ولاهو شرط ان الحكم يتوفق في اي مباراه يلعبها.
لكن اللي ابتكلم عنه اليوم لجنة الانضباط ورفضها للاستئناف..للمعلوميه القرار اللي يقضي بنقل مباراه لفريق خارج ارضه وهو اصلا يلعب خارج ارضه يطبق لأول مره لانه اصلا مافيه قانون يقول كذا ابد.. يعني لو ان مباراه الهلال والوحده في الرياض على عيني وراسي مانقول شي لكن وش ذنب الهلال بالجماهير اللي تكون خارج ارضه.. ابذكركم في حاله ليست بالبعيده العام الماضي لعب الهلال مع الحزم بالرس وتذكرون الاحداث اللي صارت.. طبعا من الظلم انك تنقل مباراه للهلال وهو ماله دخل فيها ..طبعا قرار لجنة الانضباط العام الماضي هو ان يلعب الهلال المباراه بدون جمهور وفعلا لعب الهلال مباراته مع الخليج في الرياض بدون جمهور..بس لاحظوا لعبت المباراه بالرياض لكن مافيه قانون صريح ويقول تنقل مباراه خارج ارضه والاحداث اللي صارت اصلا هي خارج ارضه يعني ماله ذنب فيها...

وهذا اكبر دليل على ظلم اللجنه للهلال وتعمدهم على ابعاده من البطوله وتسهيل امور فريقهم المدلل الاتحاد من اجل التأهل للنهائي . ليش ماطبقتوا النظام وخليتوا المباراه بالرياض وبدون جمهور؟؟؟ وللمعلوميه قبل اسبوعين في الدوري التونسي نفس الحاله تقريبا ومباراه جماهيريه كبيره بين الافريقي والترجي مثل الهلال والاتحاد عندنا.. لعبوا الفريقين بدون جمهور..
لكن سهلوها على الاتحاد كثير وخلوا المباريتين بجده عشان يالاتحاد يالله فرصتك مباريتين بجده يالله فز على الهلال وتاهل للنهائي..

او اذكركم العام الماضي عندما نقلت اللجنه مباراه الهلال والطائي من الرياض الى حائل بسبب ان بعض الجماهير الهلاليه قالت نيجيريا.. وغيره من الجماهير تقول كلام اقوى من هالكلام ومخلينهم على راحتهم.. ترا الكل يقدر يسويها ويتفق مع كم شخص ويقولون الكلمه هذي وتصير مسموعه هذا غير بعض الجماهير المتعصبه اللي من الممكن توقف مع الاشخاص المتفق معهم من قبل انهم يقولون الكلمه هذي.. مثل ماصار في المباراه الاخيره في مكه اللي اجزم ان فيه جماهير جايه للتخريب من اجل اثارة جماهير الهلال والوحده وهذا اللي صار ..
سؤال يطرح نفسه
من سمح بدخول تلك القوارير وبعضها الحجم العائلي على انه ومن المعروف انه ممنوع تدخل اصلا وفيه تفتيش دقيق عليها يالله معقوله علبه بالحجم العائلي تدخل وماشافوها مسئولين الامن في الملعب والله قويه والمشكله ماهي وحده او 2 واضح ام الدعوه سايبه وواضح ان الحركه مرتبينها من قبل ومتفقين عليها ..

شفتوا الظلم الكبير على الهلال لكن صدقون دعوة المظلوم تراها مستجابه والحمدلله استجابها الله لنا ووفقنا في بطولتين السنه هذي واذا استمروا في ظلمهم ان شالله الثالثه بالطريق..
وتذكرون الظلم اللي صار للهلال بتـأجيل مباريات وتقديم مباريات للاتحاد وضغط الهلال في الدوري وتذكرون المباريات الاخيره للهلال بالدوري وشلون كان مضغوط مره.. بس الله مايرضى بالظلم والحمدلله توفقنا بالدوري..


النقطه الثانيه:

وهي ايقاف طارق التايب. مانقول شي يالجنة الانظباط وانا معكم طبقتوا القرار واوكي تصرفكم سليم.. لكن ليش كل اللاعبين ياخذون عفو نصف المده وطارق لا.
العبيلي وقفوه 8 مباريات وجاه عفو وصارن 4
حسين عبدالغني نفس الكلام نصف المده
كيتا نفس الكلام نصف المده
حسن خليفه ايضا نصف المده

الى هالدرجه كرهكم وحقدكم على الهلال ولاعبينه ليش الهلال مايستفيد من نصف المده مثله مثل غيره ..واذا فتحتوا على انفسكم باب العفو حق نص المده كان من الواجب تطبيقه على الكل ومن السنه الجايه الغوا قرار العفو..

[رسـ حرـاوي]

عموما اخوي اذا كنت تقول ان الهلال تعرض في هذه السنة لظلم
السنين الماضيه بالله ماكان له وضع خاص جدا ً بكل شي ؟
صدقني انا محايد بكلامي

[ابو مها]

يابو عذاري والله انك تنفخ بقربة مشقوقة ياحبيبي

الأمور مرتبة ومصلحة يبونه صفراء بالعربي .. يبي يرضون الريس !!

لكن بأذن الله وإن شاء الله الهلال عاشق للتحديات بالرياض أو بجدة بالتايب أو بدونه الفوز والتأهل حليفنا .

وكنت متوقع القرارات ومتوقع صدوره بليلة المبارة .. لو كانت لأحد الأصفرين لتأجلت الى الموسم القادم !!

تقبل ودي ..

[$البرنس صوصو$]

لالالالالالالالا يهمونكم


والهلال سيظل كبير

[ابوعذاري]

اخوي رساوي حر: ياليت توضح لي الوضع الخاص اللي تقصد.. وشاكر لك مرورك

شاكر لك مرورك ابومها وان شالله لاعبين الهلال يقابلون هذا الظلم بالاراده والتحدي

شكرا لمرورك صوصو والهلال كبير بدونهم

[أميـــــــ الـــورد ـــرة]

شويه ظلم..

[عجزتـ أنساكـ]

يارجال هذا اتحاد عبدالهادي

لاكن مع الزعيم بدري عليه

[نيتروجين]

الله لا يوفقهم وإن شاء الله يلقووون جزاء الي سووه بالهلال

ودام الشيكات موجوده أكيد بتكون الدعوى مهزلة في مهزلة


مشكـــــور يابو علي على الموضوع

[قلب المحيط]

(تقول الظلم ظلمات يوم القيامة)
ابذكرك في مبرات الاتحاد والهلال الخيرة كان الاتحاد 48نقطة والهلال 45نقطة وفازفيها الهلال وصارنقاطة مساويامع الاتحاد
في اي قانون ان الهلال يأخذ البطولة تقول من الاتحاد الدولي جب دليل
وتقول ان الدوري الاسباني يعمل نفس الطريقة ويأخذون مثل الدوري الاسباني ولماذا لايأخذون مثل الدوري الاطالي انه اذا تعادل الفريقان يلعبان مبراةفاصلة
هذا القانون من عندهم ليأخذ الهلال الدوري

[خعفق الخعفنق]

نعم الظلم ظلمات يوم القيامة يابو عذاري
ولكن هذه العبارة تقض مضاجع الهلاليين فقط
من رعاية الهلال الى اعلام النادي الى حكامه الى قناته التي تتحدث باسم السعودية
وهي هلالية الفكر والميول لايختلف في ذلك اثنان

[غريب الدار]

الشرهه والله مهب على لجنة الإنحطاط

الشرهه على هاللي يوقع القرارات وهو مغمض ..

الشرهه على اللي تقل صوره لايهش ولاينش

الله يرحمك يافيصل بن فهد ليتك حي تشوف وش صار عقبك من مهزل ..

لكن مانقول الا حسبي الله عليهم ..

الأمور صارت واضحه ومكشوفه بشكل قبيح وكأنهم يريدون تقديم البطوله على طبق من ذهب للفريق الإتحادي ..

لكن الله يخذلهم ويفضحهم

وبأذن الله يحقق نجوم الزعيم الإنتصار في جده ويتأهلون

يعطيك العافيه ابوعذاري

تحياتي

[صقرعنيزة]

ياحبيلك يابو عذاري
اخر ناس تكلم عن الظلم الهلال وجماهيره
ياسرع ماتنسون بطولات بالهبل من ظلم التحكيم ناهيك عن المباريات في الدوري
الشي الاخر تدخل السلطات العليا في الرياضة كلها عشان الهلال ولك في قضية كالون مثال وصفقة ياسر القحطاني
هذا شي بسيط بدأ الهلال يأكله وبدأ تسديد الديون على ظلمات الهلاليين ورعاية الهلال
نسينا رشاوي مباراة الرائد والهلال 8 صفر من اجل حصول على الدوري بفارق الاهداف وحصول باقابر على الهداف
ونسينا تصريح رئيس الهلال الحالي باعترافه على رشوة الحكام ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

يالله يااااااااااااارب يفوز الاتحاد بالوايرلس ويفوز بنتيجة تفضح الهلاليين كي يحسوا بالظلم من جد

.
.
.
.
.
.
.


جلسة النصراويين 6 جلسة الهلاليين 3