العودة   منتديات الرس اكس بي > منتديات الرس اكس بي > الرياضة و السوالف و التواصل
التعليمـــات التقويم اجعل كافة الأقسام مقروءة

الملاحظات

الرياضة و السوالف و التواصل لكل ما يخص الرياضة، و لتبادل الأحاديث المتنوعة و الترفيه.

إضافة رد
 
أدوات الموضوع انواع عرض الموضوع
قديم 05-05-2008, 08:10 PM   #1
"هلالي وافتخر"
عضو مبدع
 
تاريخ التسجيل: Apr 2008
الدولة: فى قلب امي الحبيبه
المشاركات: 1,866
معدل تقييم المستوى: 13
"هلالي وافتخر" is on a distinguished road
افتراضي شاب يواعد حبيبته في محل ابو ريالين؟؟؟؟لا يفووووووووتكم

يواعد حبيبته عند أبو ريالين لا تفووووتكم
---------------------------------------------
امس بعد صلاة العشاء تقريبآ عطتني أختي 25 ريال وقالت جب مناكير لونه موفي ... ومن سوء حظ أختي العزيزة إني اليوم مطفر وقلت بلا ماركات بلا هم أروح لمحل أبو ريالين واشتريلها من هناك وتحمد الله وتشكره << الولد مخطط على 23 ريال الي بتبقى..خخخخخخخخخخ

وصلت للمحل وللأسف مالقيت ملبق لسيارتي الا بحدود مشي عشر دقايق رجلية وتفاجئت يوم وصلت للمحل أبو يمن((أحلى تحيه لأخوانا اليمنيين ..لايزعلوون ولايكملووون الموضوع...)) المهم لقيته واقف بالبوابه ومنعني من الدخول يقول الدخول للعوائل فقط لاحووول حتى محل أبو ريالين صار للعوائل بعد ؟! يابن الحلال كلها دقيقتين بشتري مناكير وابطلع وأبو يمن مافيه امل يوافق وناظرته بعين حارة وقلت والله ماينفع لك الا حركة من حركات الفيصلية وقفت عند الباب لين ماوقف جمس ونزل عشر حريم معهم شنطه بها ترامس شاهي وقهوة ومعهم فراش وعربيه يدفون بها بزر تحلفون بالله إنهم رايحين لستار ستي مهوب محل ابو ريالين ..

مشيت جنب البزر وامه تدفه بالعربية ويوم وصلنا للباب نزلت راسي وبديت ألعب مع البزر إغاااااااء وأناظر أمه وأقوله أنتي جايبتن رضاعته؟ وأبو يمن يقول أيوووه ياخي من الأول جيب أهلك طبعآ مع الربشه وشدة الزحمة ماقدرت الأم تسوي شي وأنا الي اشوف الأم تناظر شنطتها وتناظر راسي تناظر شنطتها وتناظر راسي عاد طلعت ريال وحطيته بعربية البزر عن قولة شكرآ اخاف اقول لها شكرا وتشكرن هي بالشنطة ..>>ابشركم انطبقت الحيله ودخلنا محل ابو ريالين...


أول مادخلت المحل فقدت الاتصال بالعالم الخارجي لأني اول مره اشوف زحمة زي كذه هذي تسحب شماغي؟ وهذي تدف؟ وهذي تقول وخخخر لو سمحت ثم مادري الا وهي شايتتني بووووووز آخر شي قامو يوطوني ؟ توي ادري ان السعوديات جلوووف << وين اللبنانيات عنكم وين <<< مهوب منجلد ابد ...

مشيت بالمحل بعد معاناة وكل من شفته سألته وين احصل قسم المناكير ومشيت لين شفت لي وحده فاتشة ومبوبزة لفت انتباهي المنظر وتعلثمت بهالسؤال بعد ماتنحنحت طبعا لو سمحتي وين القى المناكير فيه؟ وعينك ماتسمع الا يامناحي يامحماس تناديهم ؟! وماتشوفون الا غباري والى ساعة اعداد وكتابه هذا الموضوع وانا ضايقن صدري ودي ادري وش جالسه تسوي ؟
المهم مشيت لين وصلت لمكان مزحوم بالمره حتى شكيت من صراخهم اني بالجمرات مهوب بمحل ابو ريالين هذي تصارخ على ابو يمن وتقوله قايلتلك أبي عشر درازن من دفتر ابو ستين وينها؟ ووحده ثانيه تقول بصوت عالي الله أكبر الله أكبر استغربت انا وقلت اكيد فيها بلى ذي ويوم قربت لها سمعتها تقول توني حاطة بجنبي درزن دفاتر أبو وجه ووجه من اللي أخذه << ماطيحت قلبه ابد
طبعا طلع المكان هذا مخصص للادوات المدرسيه وقتها حمدت ربي وقلت اشوى ان اختي تبي مناكير ماتبي دفاتر


مشيت أدور عن المناكير وفجاة مسكت ايدي عجوز وقالت الله يوفقك ويخليك لميمتك ساعدني باغراضي وصلها للمحاسب قلت لها تامرين امر وحبيت راسها تقدير واحترام ويوم شفت العفش اللي هي مجمعته بزاويه قلت لها والله لو تعطين افغاني 500 ريال ماشالها لك نعنبوا ابليسها ماخلت شي ماشرته ؟ قالت تعال واعطيك اللي تبي قلت والله لو تقولين لي وين مكان المناكير ماشلتها لك..>>بلاكممممم ماششفتووو حوستهاااا...

المهم مشيت وخليتها لين وصلت لآخر المحل وحصلت قسم مافيه ناس كثير وحصلت لي شاب مرسم يناظر مجموعة ورود اعجبتني رومانسيته وسألته عن المناكير قال انا مشغول استغربت مشغول وحسيت انه مرتبك وبوقتها دق جواله واثرها خويته متواعدين المهم مشى لمها ومشيت وراه لين تقابلوا ويسلم عليها كيفك حياتي؟ وهي بخير ياعووومري وقبل لا يعطيها الورده دخلت بينهم وقلت له لو سمحت ماتدري وين احصل المناكير فيه ؟..>>هههههههههههههههه قوووووة وجهه ابو الاحراااااااااج..

قال تراك اشغلتنا قلت له بس انا مظطر ارجوك ساعدني قال اوكي بس انتظرني بعد شوي لين اجيك رفضت وقلت له انا مستعجل قال خذ 20 ريال اطلع من محل ابو ريالين واشتر من محل غير هذا على باله يبي الفكه قلت له انا أبي عشر علب مناكير مهوب وحده قال مهيب مشكلة خذ 200 بس فكنا خخخخخخخخخخخخخخخ اخذت الفلوس واول رجل هئيه شفته عند الباب خليته يمسكهم متلبسين >>نذاله..ماشفتووو شي..

ومالقاها الا اختي جبت لها ثلاث علب مناكير من زود الفسقه
--------------------------------
إنشاءالله القصه تكون عجبتكم


تحياتي لكمـ..
الله عليم بحبي للزعيم


"هلالي وافتخر" غير متواجد حالياً   رد مع اقتباس
قديم 05-05-2008, 08:19 PM   #2
نـــــــــغ ــــــــــــم...!
عضو خبير
 
الصورة الرمزية نـــــــــغ ــــــــــــم...!
 
تاريخ التسجيل: Apr 2008
الدولة: في زوايا الصمت...!!
المشاركات: 4,528
معدل تقييم المستوى: 0
نـــــــــغ ــــــــــــم...! is on a distinguished road
افتراضي

هههههههههه القصه مشوقه ثانكس على الموضوع
نـــــــــغ ــــــــــــم...! غير متواجد حالياً   رد مع اقتباس
قديم 05-05-2008, 08:21 PM   #3
miss a
ღ قلب 1 ما نفترق ღ
 
تاريخ التسجيل: Nov 2005
المشاركات: 3,542
معدل تقييم المستوى: 0
miss a will become famous soon enough
افتراضي

كفو يالذيب صدتهم
__________________
شكراً
miss a غير متواجد حالياً   رد مع اقتباس
قديم 05-05-2008, 08:32 PM   #4
ابو صالح الرس
عضو اسطوري
 
الصورة الرمزية ابو صالح الرس
 
تاريخ التسجيل: Aug 2007
الدولة: في قلب كل شخص احبني في الله فإذا رحلة عنكم فذكروني بكل خير وادعو لي بالرحمة
المشاركات: 29,189
معدل تقييم المستوى: 43
ابو صالح الرس has a spectacular aura aboutابو صالح الرس has a spectacular aura about
افتراضي

يعطيك العافيه اما تقل داخل الجمرات حلوه
ابو صالح الرس غير متواجد حالياً   رد مع اقتباس
قديم 05-05-2008, 08:39 PM   #5
زياد العبدالله
عضو مبدع
 
الصورة الرمزية زياد العبدالله
 
تاريخ التسجيل: Apr 2006
المشاركات: 1,847
معدل تقييم المستوى: 0
زياد العبدالله is on a distinguished road
افتراضي

مشاء الله عليك عندك موهبة التأليف وافكارك متواصله وقدرت من موقف بسيط التعبير عنه اللي اشك انه من ارض الواقع
وهذا مايعني تكذيبك حشى لله لكن وانا اخوك قريت تأليفك اوووووه اقصد قصتك ماش عيت تركب غدين يبي لي كم ساعه على مابال اصحصح
ويقولك من ستر على مسلم ستر الله عنه يوم القيامه الا ماتدري وش صار على راعي الورد
المشكله انك قايل بالبدايه انه المحل عوايل الله مير يخيلك دقق على النقاط الدقاقه
الا على طاري العوايل
مرتن من المراري قررت عائلتي الكريمه الذهاب الى منتزه البدائع وكان يومها يوجد الخميه الشعبيه المهم دخلوا تسوقوا وانا رحت اتبطح بالثيل لين اذن ورحت ابصلي ومير اتوضى وكلي اتقاطر من الماء ويطلع المسجد بوسط الخميه الشعبيه ابدخل ولا واحد من رجال الحسبه يقول ممنوع قلت عسى ماشر ابصلي قال عوايل قلت حتى الصلاة صارت عوايل هههههههههههههههههه يعني وانا اخوك لاتستغرب
شاكر لك
__________________
-
زياد العبدالله غير متواجد حالياً   رد مع اقتباس
قديم 05-05-2008, 09:12 PM   #6
Danger Girl
عضو متألق
 
تاريخ التسجيل: Sep 2007
المشاركات: 983
معدل تقييم المستوى: 0
Danger Girl is on a distinguished road
افتراضي

ههههههههههههههههههه
القصه روووووووووووعه
وعليك اسلووووب يخلي نص فمك طايح بالارض من الضحك
يسلموووووو خيووووو
Danger Girl غير متواجد حالياً   رد مع اقتباس
قديم 05-05-2008, 10:35 PM   #7
$البرنس صوصو$
عضو ذهبي
 
تاريخ التسجيل: Dec 2007
الدولة: الــــــــــرياض
المشاركات: 2,972
معدل تقييم المستوى: 0
$البرنس صوصو$ is on a distinguished road
افتراضي

اقتباس:
المشاركة الأصلية كتبت بواسطة أم حديجان مشاهدة المشاركة
ههههههههههههههههههه
القصه روووووووووووعه
وعليك اسلووووب يخلي نص فمك طايح بالارض من الضحك
يسلموووووو خيووووو



مشكووووووور هلالي
__________________
تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً
$البرنس صوصو$ غير متواجد حالياً   رد مع اقتباس
قديم 05-05-2008, 10:52 PM   #8
نبض المشاعر
مشرفة سابقة
 
الصورة الرمزية نبض المشاعر
 
تاريخ التسجيل: Jan 2008
الدولة: الرس
المشاركات: 11,892
معدل تقييم المستوى: 0
نبض المشاعر is a name known to allنبض المشاعر is a name known to allنبض المشاعر is a name known to allنبض المشاعر is a name known to allنبض المشاعر is a name known to allنبض المشاعر is a name known to all
افتراضي

ماشاء الله عليك اسلوب رائع و خفة دم أروع !!!!
نبض المشاعر غير متواجد حالياً   رد مع اقتباس
قديم 05-05-2008, 11:10 PM   #9
..ღ بيـلسـان....ღ
عضو مبدع
 
تاريخ التسجيل: Apr 2008
الدولة: ღ هـونيكـ بلأحلام......ღ
المشاركات: 1,889
معدل تقييم المستوى: 0
..ღ بيـلسـان....ღ is on a distinguished road
افتراضي

ههههههه 00الأسلوب مرة حلو والقصه مشوقه بقوه وإبداع ما شاء الله إلى الأمام ولا تحرمنا من مواضيعك الحلوة00
أميرة بأخلاقي--
__________________
تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً
..ღ بيـلسـان....ღ غير متواجد حالياً   رد مع اقتباس
قديم 05-05-2008, 11:34 PM   #10
"هلالي وافتخر"
عضو مبدع
 
تاريخ التسجيل: Apr 2008
الدولة: فى قلب امي الحبيبه
المشاركات: 1,866
معدل تقييم المستوى: 13
"هلالي وافتخر" is on a distinguished road
افتراضي

الا على طاري العوايل
مرتن من المراري قررت عائلتي الكريمه الذهاب الى منتزه البدائع وكان يومها يوجد الخميه الشعبيه المهم دخلوا تسوقوا وانا رحت اتبطح بالثيل لين اذن ورحت ابصلي ومير اتوضى وكلي اتقاطر من الماء ويطلع المسجد بوسط الخميه الشعبيه ابدخل ولا واحد من رجال الحسبه يقول ممنوع قلت عسى ماشر ابصلي قال عوايل قلت حتى الصلاة صارت عوايل هههههههههههههههههه يعني وانا اخوك لاتستغرب
شاكر لك[/COLOR][/SIZE][/QUOTE]

ههههههههههههههههههههه مشكور
"هلالي وافتخر" غير متواجد حالياً   رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
شاب يواعد حبيبته في محل ابو ريالين؟؟؟؟لا يفووووووووتكم "هلالي وافتخر" الرياضة و السوالف و التواصل 15 29-08-2008 05:35 PM


الساعة الآن 06:29 AM


Powered by vBulletin® Copyright ©2000 - 2019, Jelsoft Enterprises Ltd. TranZ By Almuhajir