العودة   منتديات الرس اكس بي > منتديات الرس اكس بي > الرياضة و السوالف و التواصل
التعليمـــات التقويم اجعل كافة الأقسام مقروءة

الملاحظات

الرياضة و السوالف و التواصل لكل ما يخص الرياضة، و لتبادل الأحاديث المتنوعة و الترفيه.

إضافة رد
 
أدوات الموضوع انواع عرض الموضوع
قديم 08-05-2008, 01:33 AM   #1
شـهـد الـبـحـر
عضو ذهبي
 
تاريخ التسجيل: May 2005
الدولة: الرس
المشاركات: 2,468
معدل تقييم المستوى: 0
شـهـد الـبـحـر will become famous soon enough
افتراضي شوفوا موقف الشاب يوم لقى شغالتهم بغرفته...!!

هذه القصة كاتبها ولد صار له موقف مع الشغاله بس امه شاطره ه0و على باله انها مو مصدقته بس الام فاهمه حركات الخادمه البطاله ومنها دخول غرفته للتنظيف وقت عودته

السلام عليكم
وصلتني هذي القصه وأحببت ان تقرأوها معي


اول شي احب اعطيكم فكرة عن شغالتنا
شغالتنا يا كرام مخروشة الى ابعد حد يعني لما نشوفها جايبه الشاهي نعلن حالة الطوارئ

لانه عادي عندها تشيل 13 بريق شاهي بيد و10 دلال قهوة بيدها الثانيه وتمشي صافطه الطبلون يعني كنها تصاقط ظلالها
انا اقول لامي احس انها مسكونه بجني كان يشارك في اختراق الضاحية
تصدقون شرينا جهاز تعلقه معها علشان امي لما تبيها تناديها بالجهاز بس للأسف علشان سرعتها صار الجهاز ما يلقط الارسال
يعني لو تبي تعذبها خلها لا تتحرك بس ثواني
وبعدين عادي تناديها وتسالها عن شي ما تدري الا هي رايحه ومخليتك.... تطنييش !!!
انا احس انها ما قد شافت بشر ولا تدري وشلون يتعاملون مع بعض

تقدرون تقولون انها مخروشه وفي روايه اخرى سبيكه
المهم انا صار لي معها موقف قوي
مرة وانا راقي لغرفتي مروق وادخل غرفتي وانا من عادتي اني ادخل غرفتي وبعدين اعطي الباب كعب قوي واصكه واقفل غرفتي
واطلع جوالي وانطله على المخده مع انه دايم يطيح ورى السرير وابلش ادوره
وثوبي احطه في مكانه المعتاد اللي هو اجدعه على الارض
بعدين اشيل فنيلتي واصفطها لين تصير مثل الكوره واشوتها على المعلاق قصدي الشماعه
يعني ما يبقى على الا سروال النص
المهم حمامي الله يعزكم جوا غرفتي
المهم قعدت قدام المرايه اتميلح نفسي واكلم روحي وانكت شوي وامسك المشط واتخيله مكروفون واغني ....يعني قمة الطرب
واستعرض عضلاتي والعب كراتيه مع صورتي بالمرايه
وبقية الحركات اللي انا دايم اسويها بشرط ما يكون عندي احد
عاد انا دايم انهي حركاتي هذي بقفزه على السرير وكنت دايم وانا انط اقول دووووووق فليــــب<<< هذ اسم اللي كان يسوق كريندايزر <<<
عاد وانا ناط وبين السماء والارض لفيت وجهي للحمام وش شفت
سليكه<<< اسم شغالتنا .... واقفه بوسط الحمام وماسكه مكنسة وسطل وهي منصدمه
قلت لها سليكة خيررررر وش عندك ... زي العاده ما ردت رجعت مرة ثانيه بالاشاره اسالها وش عندك كل هذا وانا بين السماء والارض ما بعد وصلت السرير
<< ما يكذب ابـــــــــــــــــــــــد
واصرخ عليها هيه ورى ما تكلمتي وعلمتيني انك هنا
وكالعاده كنك تكلم جدار
المهم لاني عارفها دريت انها يوم سمعت صوتي انخرشت ولا درت وش تسوي
وبذهانتها الخارقه قالت بقعد هنا ومهب شايفني ....
عاد انا قعدت اتذكر وش كنت اسوي أوالله الفشيله بس اللي مهونها علي قلت اشوى اني ما شلحت كل شي
كان انا اللي بطلب من اهلي يسفروني مو هي
المهم اني قلت لها خلاص امشي اطلعي وانا ابي افتح باب غرفتي اسمع امي جايه لغرفتي وتناديني
يا سلاااااااااااااااااااام على الحظ
انا والشغاله بغرفة نومي والغرفة مقفله وانا كاسي عاري ما علي الا سروال نص
يعني امي لو هي عمياء بيروح علطول بالها لشيئ ثاني
يعني التهمة لبساني لبساااااني

علشان تعيشون معي الموقف بس

انا ما علي الا سروال نص والشغاله جنبي واقفه ,,,والباب مقفل وورى الباب امي
وانا اعرف امي ماراح تروح الا اذا فتحت الباب
في هاللحظه .... خطرت في بالي فكرة انما ايه ما تخرش الميه
لي اخو يدرس برى وامي تموووووت فيه واذا دق تركض امي ركض كأنها بنت جايتها رسالة جوال
فقفزت على السرير واخذت الجوال ودقيت على بيتنا ورد على ولد اختي من تحت قلتله انا خالك بدر وين جدتك بسرعه انا اكلم من برا
فقام البزر يصوت لامي خااااااااااااااااالي بدررررررررررررر بالتلفووووووووووووون
امي اول ما سمعته يصووووت تدروشت وتلخبطت وقامت تقول يووووووه قله انها فوووووووق وصارت تمشي وتدور التلفون اللي فووووق وهي تقووول افففففففف وين ودت التلفون هالشغاله
وانا في نشوة الفرح لنجاح خطتي الجهنميه اذا بسليكه
يوم سمعت امي تقول (وين ودت التلفون هالشغاله) اذ بها بأعلى صوتها تقول... فوق مكتبه يا ماما
انا من قوة غبائها والحركة اللي سوتها ما استوعبت الموقف قعدت لحظات علشان مخي يتعرف على هالموقف بس ما لقى اي موقف مشابه قد مر عليه يعني سبق مو صحفي سبق غبائي لهالشغاله
الادميه ذي ذكائها خارج التغطيه الا مخها منتهي الصلاحية
المهم انا صرت ما اسمع لامي صوت مدري هي سمعت الشغاله والا لا
يوووووم جت المصيبه
وانا واقف عند الباب اتسمع والشغاله جنبي
اذ بسليكه تمسك عروة الباب وتبي تفتحه فخزيتها بعين

المهم خزيتها بعيني يعني وش تبين قالت لا بابا افتح الباب لا بابا حرااااااااااااااااااااااااااااااااام لا باب ايش يبغى انت لا بابا انا حرمه كبير انا حرمه فيه بيبي حرااااااااااااااااااااام بابا
ياسلاااااااااااااااااااااااااااااااااااااام الاخت فاهمه غلط تحسبني اسوي كل ذا علشااااني ابيهاااااااااااااااااااااااااااا
مدري اضحك والا اصيح والا وش اسوي فيها
من زينك انتي ووجهك
لو تطب علينا الهيئه اخذو علي تعهد وانتي سجنوك مؤبد وراح يسوولي انا كشف حمل مو انتي L
المهم الآدميه مصره تفتح الباب وما دريت الا هي فاتحه القفل وامي جنب الباب تقول ,,,, سليكه!!!! سليكه انتي هنا
وقبل ما تفتح امي الباب دورت بسرعه سروال السنه ولقيته على الارض وامد ايدي باخذه.<<<يعني اذا لبست بتنحل القضيه
.... في هاللحظه فتحت امي الباب

ولا لقيت تصريفه لوضعي وانا ماد ايدي للارض باخذ سروالي الا اني لا ارادياً قلت

اللللللللللللللللللللللله اكبررررررررررررررررررررر<<<<< ايه سويت نفسي اصلي واسجد J

وش اسوي ما لقيت اي تصريفه وبعدين ما ابي امي تسالني عن شي فاحسن شي اسوي نفسي اصلي
المهم اني في نفسي اقول يارب انها ما تلاخظ اني اصلي وانا شبه عاري
امي دخلت وتنحت شوي بعدين قالت للشغاله وش قاعده تسوين لكن كالعاده الشغاله مطنشه وساكتهبعدين طلعت
وقفت امي شوي وانا قاعد اصلي واقول في نفسي اشوى انها ما انتبهت اني بهاللبس
المهم شوي الا و يوم قالت لي اجل تصلي هاه !!!!!!!!!! وانا اللي ابلع ريقي مو بس ريقي الا حتى اللوز بلعتها

قالت اجل تصلي,,,, زين بس ترى القبله غرب وانت تصلي شرق
وطلعت وصبخت بالباااااب بقوووووووووووه
يوووووووووووووووووووووووووووووووه انوااااااااع الصدماااااااات ياربيه وش اسوووووووي

واقعد افكر يارب وش اسوي والله اني مظلووووم <<<<<<رحمتوني صح
واقعد افكر وافكر ,,,,, قلت احسن حل الصرااااحة واللي يصدق يصدق واللي مو مصدق لا يصدق
ولا انتبهت لنفسي الا بعدين طول فترة تفكيري وانا قاعد اكمل صلاتي J
المهم لبست ملابسي ونزلت ورحت لامي وهي من هوووول الموقف قاعده تتنافض وتحتري ابوي
يوم جيت صرخت بوجهي لا تكلمني ولا تلمسني ابعد
قلت اسمعي
الصدق مجراه والكذب مفراه
قالت وشو
قلت الصدق منجراه والكذب مفتراه
قالت وش تقول انت
قلت الصدق زين والكذب شين وشوله الفلسفه
وقعدت اقولها كل اللي صار واحلف ايمان واقسم بالله
والحمد لله لان امي واثقه فيني صدقتني
بس مدري ليه سفرو الشغاله بعد يومين<<< الى الحين ما فهم انهم سفروها لانهم ما صدقوه
بالنهايه احب انصح اخواني الشباب انتبهوا لأنفسكم ولا تتخبلون

بغرفكم وعندكم شغاله اسمها سليكه متعوب عليها النصيحه









نقلتها هنا بتصرف

التعديل الأخير تم بواسطة شـهـد الـبـحـر ; 08-05-2008 الساعة 01:42 AM
شـهـد الـبـحـر غير متواجد حالياً   رد مع اقتباس
قديم 10-05-2008, 05:02 PM   #2
عساس الحياء
عضو مبدع
 
تاريخ التسجيل: Feb 2008
الدولة: الرس
المشاركات: 1,576
معدل تقييم المستوى: 13
عساس الحياء is on a distinguished road
افتراضي

حلووووووه مشكوره شهد قصه معبره وتحكي واقعنا
عساس الحياء غير متواجد حالياً   رد مع اقتباس
قديم 10-05-2008, 06:31 PM   #3
هلالي رساوي
عضو متألق
 
تاريخ التسجيل: Mar 2007
المشاركات: 905
معدل تقييم المستوى: 0
هلالي رساوي is on a distinguished road
افتراضي

والله موقف مجححححححححححححححححححححححرج جداً
هلالي رساوي غير متواجد حالياً   رد مع اقتباس
قديم 10-05-2008, 07:01 PM   #4
نـــــــــغ ــــــــــــم...!
عضو خبير
 
الصورة الرمزية نـــــــــغ ــــــــــــم...!
 
تاريخ التسجيل: Apr 2008
الدولة: في زوايا الصمت...!!
المشاركات: 4,528
معدل تقييم المستوى: 0
نـــــــــغ ــــــــــــم...! is on a distinguished road
افتراضي

مرسي على الموضوع
نـــــــــغ ــــــــــــم...! غير متواجد حالياً   رد مع اقتباس
قديم 10-05-2008, 07:55 PM   #5
ابو صالح الرس
عضو اسطوري
 
الصورة الرمزية ابو صالح الرس
 
تاريخ التسجيل: Aug 2007
الدولة: في قلب كل شخص احبني في الله فإذا رحلة عنكم فذكروني بكل خير وادعو لي بالرحمة
المشاركات: 29,189
معدل تقييم المستوى: 43
ابو صالح الرس has a spectacular aura aboutابو صالح الرس has a spectacular aura about
افتراضي

لوانا كان رحت فيها
ابو صالح الرس غير متواجد حالياً   رد مع اقتباس
قديم 19-05-2008, 03:37 PM   #6
شـهـد الـبـحـر
عضو ذهبي
 
تاريخ التسجيل: May 2005
الدولة: الرس
المشاركات: 2,468
معدل تقييم المستوى: 0
شـهـد الـبـحـر will become famous soon enough
افتراضي

عساس الحياء

هلالي رساوي

ابتسامة بريئة

أبو صالح الرس


ألف شكر على مروركم وتعليقاتكم
شـهـد الـبـحـر غير متواجد حالياً   رد مع اقتباس
قديم 19-05-2008, 09:03 PM   #7
نوني_88
عضو مبدع
 
تاريخ التسجيل: Mar 2008
الدولة: قــــ نجد ــلـب
المشاركات: 1,154
معدل تقييم المستوى: 0
نوني_88 is on a distinguished road
افتراضي

هههههههههههههههههههههههههههههههههههههههههههههههههه ههههههه
يسلموووووووووو اخوي عالموضوع
نوني_88 غير متواجد حالياً   رد مع اقتباس
قديم 19-05-2008, 09:10 PM   #8
$البرنس صوصو$
عضو ذهبي
 
تاريخ التسجيل: Dec 2007
الدولة: الــــــــــرياض
المشاركات: 2,972
معدل تقييم المستوى: 0
$البرنس صوصو$ is on a distinguished road
افتراضي

هههههههههههههههههههههههههههههههههههههه

يسلمووووووووووووووووووووووووووو
__________________
تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً
$البرنس صوصو$ غير متواجد حالياً   رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
شاب بكى فأبكى رجل الهيئة !!!! فلماذا ؟؟ "هلالي وافتخر" تاريخ الرس و الأدب و الشعر 9 12-07-2008 12:43 AM
سيدة أعمال سعودية تتبرع بمصاريف زواج الشاب السعودي منقذ العائلة الأمريكية طيف الأمل المنتدى العام و الأخبار المتنوعة 8 01-05-2008 06:25 AM


الساعة الآن 06:16 AM


Powered by vBulletin® Copyright ©2000 - 2019, Jelsoft Enterprises Ltd. TranZ By Almuhajir