إقالة مدير شرطة القصيم و(تعين ) اللواء عبدالقادر طلحة بدلاً عنه ؟؟

[الحاكم]

اللواء عبدالقادر طلحة مديرا لشرطة منطقة القصيم واللواء خالد الطيب كبيرا لمستشاري الأمن العام


صدر قرار مدير الأمن العام بتكليف اللواء عبدالقادر طلحة مديرا لشرطة منطقة القصيم خلفا للواء خالد عباس الطيب الذي انتقل عمله إلى منطقة الرياض وتحديدا بمنصب كبير المستشارين بالأمن العام .

يذكر أن اللواء خالد الطيب تقلد مهام عمله مديرا لشرطة منطقة القصيم عام 1417 ..

منقول

[وادي الرمة]

مستشار لا يشار

يعني على الرف شوي قبل التقاعد

[رسـ حرـاوي]

من الطيب الى طلحة
مافيه احد من اهل المنطقة يتولى هالمنصب
والا منصب الأمن لازم يكون من خارج المنطقة
مشكور ياحاكم على هالخبر

[صديق الموهوب]

والله خالد الطيب ابوأسامة وطلحة أبو عبدالباقي ماشفنا منهم إلا كل خير وبيض الله وجيههم ورحيل اللواء الطيب خسارة كبيرة لأهالي القصيم بس اللواء طلحة فيه الخير والبركة ونتمنى لك التوفيق في حياتك العملية يابوأسامة وأيضا لاننسى اللواء طلحة أن يوفقه الله في مهمته القادمة.

[Mac.Mazyad]

المشاركة الأصلية بواسطة رسـ حرـاوي

من الطيب الى طلحة
مافيه احد من اهل المنطقة يتولى هالمنصب
والا منصب الأمن لازم يكون من خارج المنطقة
مشكور ياحاكم على هالخبر

عنصريه مقيته

لا واذا الواحد جاء يبي يدرس برا وفي امريكا مثلا

اشغلنا ما يبي ولايه عنصريه

شعب عجيب ومتناقض في كل شي


الله يوفق الجميع لخدمة هذا البلد

[لزام]

بارك الله في السلف وخلف لنا خلف مباركا

[[إبن الحزم]]

السلام عليكم ورحمة الله وبركاته...غادراللواء الطيب الله يذكره بالخير . وخلفاً له اللواء طلحه الله يحييه . علماً أنني لاأعرفهم كلهم . ولكن يجب علينا الدعاء لكل من قام بخدمة وطننا الغالي بالتوفيق وخصوصاً أجهزة الأمن فكم واجهوا من السهروالقلاقل للحفاظ على أمن الوطن . ولاننسى ماشاهدناه على الشاشات كيف كانوا يخاطرون بحياتهم لأمن المواطنين . يقف الفرد منهم أمام عبث الدخلاء على وطننا وقفة الأبطال . جزى الله المخلصين للوطن عنا خير الجزاء . اللهم
آمنا في أوطاننا ياخيرحافظ..#

[الحاكم]

المشاركة الأصلية بواسطة وادي الرمة

مستشار لا يشار

يعني على الرف شوي قبل التقاعد

أوافقك ..
شكرا" لمرورك وادي الرمة ..

[قـــرحـش]

أخوي / الحاكم الغريب أنا اللواء الطيب ما أكمل المده المقرره له بعد التجديد له لمدة سنة

وأزيدك من الشعر بيت أعفاء مدير فرع وزارة الشؤون الإسلامية والدعوة والإرشاد بالقصيم الدكتور/ العجلان من منصبه بناء على طلبه لكي يتفرغ كمحاضر

في جامعة القصيم .

[المعقب]

شكرا على مروري
لايوجد تعليق
فكلهم يذكرون بخير

[عساس الحياء]

المشاركة الأصلية بواسطة [إبن الحزم]

السلام عليكم ورحمة الله وبركاته...غادراللواء الطيب الله يذكره بالخير . وخلفاً له اللواء طلحه الله يحييه . علماً أنني لاأعرفهم كلهم . ولكن يجب علينا الدعاء لكل من قام بخدمة وطننا الغالي بالتوفيق وخصوصاً أجهزة الأمن فكم واجهوا من السهروالقلاقل للحفاظ على أمن الوطن . ولاننسى ماشاهدناه على الشاشات كيف كانوا يخاطرون بحياتهم لأمن المواطنين . يقف الفرد منهم أمام عبث الدخلاء على وطننا وقفة الأبطال . جزى الله المخلصين للوطن عنا خير الجزاء . اللهم
آمنا في أوطاننا ياخيرحافظ..#

بخشم الريال ابن الحزم قليل من تحصله يعمل من اجل الوطن الحقيقه لازم تقال ملينا من المجاملات ابن الحزم ياليت تقبل ردي بصدر رحب

[المجاهر]

المشاركة الأصلية بواسطة عساس الحياء

بخشم الريال ابن الحزم قليل من تحصله يعمل من اجل الوطن الحقيقه لازم تقال ملينا من المجاملات ابن الحزم ياليت تقبل ردي بصدر رحب

عزيزي وإن كان بخشم الريال ما يمنع انه يخدم وطنه وجزاه الله الف خير وانا لا أعرف الرجل لكن احسبه عند الله كذلك وتقبل ردي بصدر رحب