شي يشب التسبد ( الجزء الثاني )

[pussy-cat]

السلام عليكم ورحمة الله وبركاته ..

لما لقاه الجزء الاول من صدى كبير في الكليه قررنا نكمل الناقص


انا ماانكر العمل الرائع اللي يصير بالكليه من بناء وترميم وتحسين .. فجزاهم الله خيرا

بهذا الموضوع فيه عدة اشياء تشب التسبد راح احطها على شكل نقاط :

1- كشوفات الغياب لقسم اللغه الانجليزيه الى الان مارفعت بالرغم ان بقية الاقسام رفعت كشوفاتها .. فأين العدل بنات تنزلهم حرمانات بأخر الايام .. والذنب مو ذنبهم .. الذنب راجع على الاستاذات اللي ماخلصوا مناهجهم الى الان واختباراتنا الاسبوع الجاي .. صراحه مدري وش يحترون ؟ والله شي يقهر انه نجي للكليه عشان ماده او مادتين .. حنا من اصعب الاقسام بالكليه يعني ستحق اقل شي نغيب اسبوعين قبل الاختبارات عشان نستعد وندرس .. بس ماعندك احد ):

2-درجات المواد اللي ماتنزل الى بطلعة الروح .. ليش الاهمال من قبل الاستاذات؟؟ .. يعني لو انه زي زمان ممنوع تاخذ معها الوراق للبيت كان مانلومها بس الحين اول مانطلع من الاختبار تستلم الاوراق وتاخذهم لبيتها والمشكله ماتسلم الدرجات الا بعد اسبوعين او اكثر .. طيب ليش ؟ وش قاعده تسوين بالاوراق ؟ والله شي يقهر .. لعب بالاعصاب على اصوله .. مااقول الا الله يصبرنا

3-الشي لثالث واللي هو الاهم جدول الاختبارات .. دائما يمشون رغبة طالبات الفنون والاقتصاد على رغباتنا .. طيب ليش ؟
حرام يقارنون أقسام سهله زي الفنون بقسمنا يعني مثلا بنات يختارون ماده مشتركه يوم سبت واحنا نحتاج ماده انجليزيه بس بالأخير رأيهم يمشي علينا ):


4-هذي النقطه الي عجزت ابلع محتواه .. ليش اللبس الملون عقابه غياب للطالبه ؟؟؟ اصلا هذا يعتبر (قمة الظلم) يعني هذا الشي مش ضمن اللوائح .. اكبرالجامعات والكليات بالسعوديه ماقرروا هذا النظام !!!!!!!! شي يقهر .. بنات ينحرمون عشان لبس ..فوضى وقسم ..

هذي النقاط الاساسيه ولي رجعه بنقاط فرعيه

اي بنت عندها اقتراح او شي شابن تسبده تسدحه هينا ..


معا لكلية أفضل

[طالبة علم]

اختي مجرد احساس ابتعادا عن المشاكل .. ليتك تعلقين على محتوى الموضوع او السكوت افضل

فردك ليس له علاقه بالموضوع ..


اما تعليقا ع الموضوع ..

انا معك اختي بكل كلمه قلتيها صراحه أشياء تقهر بقوه .. الله يعيننا بس ويسهل علي هالاسبوعين واتخرج (:

بالتوفيق للجميع ..

[pussy-cat]

اللي موتني ضحك قال ايه قال بطور لغتي

الحمدلله والشكر .. الحين التعلم صار يضحك

ان دل كلامك هذا على شي فهو يدل على س......

..اولا يا ماما ليه ما اقترحتي هالشي هاذا على معلمة المادة؟؟؟؟

الحين اكلتوني وانا بس كاتبته بالنت تبغيني اتكلم معها بالقاعه عندكم كان تذوبحني بسم الله علي فقلت افضل طريقه اني اعبر عن رغباتي بالنت

طوري لغتك كود تجيب لك قطعه خارجيه تبلشين

لاتخافين من ناحيتي ماراح ابلش .. اشكالكم هي اللي راح تبلش والا ماكان كتبتي هالكلام كل هذا خوف من انها تجيب قطعه خارجيه

بس ابشركم حتى لو جابت قطعه خارجيه راح تجيب شي بقمة السهوووووووله يعني راح تنجحون .. فبلاش دلع مصختوها تراكم

بعدين من الادب انك تدين على الموضوع مو تجين بهذا الموضوع وتردين فيه بشي يتعلق بموضوع ثاني .. عندك مشكله بالموضوع ردي بنفس مكانه

............

[حمامة سلام]

المشاركة الأصلية بواسطة pussy-cat

جدول الاختبارات .. دائما يمشون رغبة طالبات الفنون والاقتصاد على رغباتنا .. طيب ليش ؟
حرام يقارنون أقسام سهله زي الفنون بقسمنا يعني مثلا بنات يختارون ماده مشتركه يوم سبت واحنا نحتاج ماده انجليزيه بس بالأخير رأيهم يمشي علينا ):

اختي فيه اقتراح لربما يفيدكم . . وإن شالله يبي يفيدكم . .

بالأول المواد المشتركه اللي تجبرون تكونوا انتم وقسم ثاني معاكم ..توجهي للدكتور/هـ ..واستأذنيه بوضع نموذجين . .لمن يريدون السبت . . . . ومن يردون يوم بوسط الاسبوع بحكم مناهجهم . .

إن أذن . . . تمام //توجهي لرئيسة القسم وبلغيها . .بترتيباتكم مع دكتور/هـ المادة

إن لم يأذن !!
تيك تيك ع باب العميدهـ . . . واشرحي لها الوضع . . . صدقيني راح تتعامل بتفهم وتعقل -إن شالله -لأن المسأله بالنهاية راجعه لمصلحتكم . .


ع فكرة إحنا نفس المشكلة دائما . . وهكذا نتصرف . . والحمدلله في الأغلب تمشي رغم رفض رئيسة القسم لبعض البنود لكن <ما يردنا إلا باب العميدهـ >



أتمنى لكمـ كلية أفضل . . . تعكس رأي أفضل....وتنم عن مستويات <أعضاء وطلبه>أفضل . . .



دمتي كما تحبين . .

[<همس المحبة>]

الله يعينكم

[زهرة الاوركيدا]

بسم الله الرحمن الرحيم..
اولا احب ان اعلق على الجزء الاول وهو ماكتب بخصوص الترجمه فأن أقسم بالله أنها لو فعلت ذلك وأتت لكم بترجمه خارجيه أن تقلبوا الدنيا رأسا على عقب..
ثانيا: أن تخرجت على أيدي هؤلاء الأستاذات الفاضلات وهأنا معلمه منذ ثلاث سنوات وأدين لهم بالفضل فاوالله العظيم أن قسم اللغه يمتلك أروع هيئه تدريس وبالذات من وضعت لكم رئيسه للقسم فهي على مستوي راقي من الاخلاق والعلم وللمعلوميه فهي تتحدث الانجلزيه والفرنسيه على حد علمي وبطلاقه..فشكرا لكم أستأذاتي الفاضلات فالله لا يشكر من لا يشكر الناس..
ثالثا: هناك فصل دراسي كامل للمذاكره فلماذا تحشر الطالبه نسها في أسبوع واحد فقط للمذاكره..
رابعا: بالنسبه للتصحيح أن المعلمه تكابد المشقه في هذه الأيام فهي ليست معلمه فقط فهي أمي و زوجه وربت منزل وقبل كل هذا أنظري لأعداد الطالبات المهوله وهناك أسئله تكون مقاليه تحتاج للوقت في تصحيحها وفوق كل هذا خطوط بعض الطالبات السيئه التي تأخذ وقتا لفك الشفرات المكتوبه فأمر التصيح ليس شئ سهلا..
أخيرا أخيتي: الكليه مكان لتلقي العلم وليس لعرض الأزياء وهذ والله وضع للمصلحه وحتى لا يذهب وقتك سدى في الأسواق بحثا عن ماذا أرتدي غدا..؟
أتمنى أن تتتقبلي مروري متمنيه لكم التوفيق

[طالبة علم]

رجاء اخواتي اللي عندها اي تعليق بخصوص هذا الموضوع تاخذ راحتها ..


بس يمنع منعا باتا التعليق هينا على موضوع ثاني ..


بالتوفيق ..