سالفه

[طاغي ملامح]

هذا مفرح ..... هذا مبكي .... هذا نار .. . وذا برد

هــذا فرحي ... وهذا جرحي .. وهاذي كل السالفه

هذا علقم ... هذا حالي ... هذي مره ... وذا شهــد

وهذي سهله باعتقادك ....... اما هاذي ناشفه

هــذا طبعك يالحبيبه ..... وما تغيرتي ابد

اركض بفكري لباكر ... وانتي بعدك واقفه

هذا غامض في ظنونك ... وهذا ما يحتاج رد

بين وعيك ...ببين جهلك فكره خرسا هايفه

هذا له معنى تبينه ... وذا له معنــى شرد

خانتك بعض المشاعر .. وأثرها مترادفه

هذا صوتك .. هذا صمتك .. هذا قربك ..وذك صد

حددي هذا خياريك ..ياهدوء أو عاصفه

هذا ضعفي ...هذا حتفي ..هذا صفي .. وذاك ند

لحظة حبــك لي شجاعه .. وبعض الوقت خايفه

هذا وجــه ...وذا قناع والمرايه وجه ضد

وأنكشف وجه الحقيقه ..رغم قولك حالفه

هذا عذرك ... هذا غدرك ..بينهم مافيه حد

والدليل انك ذبحتي ...ثم قلتي آآ سفه

هذا يومك ضاع وده ...وكان امسك ذاك ود

معجزه هذا التناقض ..في صميم العاطفه

هذا حظي بك خذلني ... حظ مالي فيه بد

انتي فرحي وانتي جرحي ..هاذي كل السالفه


طاغي ملامح

[د.ربيع]

ما شاالله عليك
والله أنك شاعر فطحل
وأنا مالي خبره بالشعر والنثر بس أنا عندي زيننه مره وأعجبتني

[العاصفه]

يعطيك العافيه اخوي


كلمات معبره وجميله ووصف حلوه جدا


يعطيك العافيه ونتمنا ان نرى المزيد


اخوك العاصفه



على فكره يسلموا على تدكري في احد ابياتك


( حددي هذا خياريك ..ياهدوء أو عاصفه )

[الفرزدق]

قصيدة رائعة جداً..
وكل مافيها مميز..

ولكن أكثر مالفت انتباهي وإعجابي فيها هي موسيقاها.. فقافية الشطر الأول مفاجئة وكأنها حافة للكلام.. بخلاف قافية الشطر الثاني الذي يعطي مجالاً للنفس براحة.. وكأن القافيتين إحدى المتناقضات الذي ذكرت في القصيدة.. وهذا ماأسميه اتحاد الموسيقى والمعنى..

شكراً لك على هذا الجمال .. وبانتظار مزيدك..

[أسير الحب]

يعطيك العافيه
مشاركه جميله

[ســـلــمــان]

قصييده رااائعه الله يعطييك العافيه


مع التحيه ....



سلمان