أتحداك أن ماتعلمت الانعقليزي بسرعة وبدقايق....

[كــريــزي بــوي]

ازعجونا في اللغه وهي سهله بس المشكله في طريقة التعليم فقعوا روسنا قواعد
وفعل وفاعل
لكن انا جيتكم وبعلمكم بدون وجع راس يالله نبدأ:
افرض واحد ضربك على صبعك بقوه وش بتقول : اي اي اي ,,,,, لاتسوي نفسك ذكي وتقول اح ,,لأن الضربه قويه لازم اي اي اي ,,,,
i = معنها = انا
هل تحب جبنة بوك= لاحظ بوك بس نوع فاخر +بوك= book = كتاب
هل تحب الكت كات= لاحظ كات بس نوع بناتي فاخر+كات=cat =قط >>> جعله يمشخكم:
هل تحب شاي= لاحظ شاي = shy = خجول <<<<<< يعني تقدار تقول : i'm shy <<<<<<<<< انا خجول
وانت واقف تطالع المرايه ,,,, فار مر ,,, تحت رجولك ماذا يحدث,,,, بتصير مشاكل كبيره ,,, ليش كذا ؟
الجواب: فار مر
فار مر ,,,, معنها مزارع ,,,,, ككك; farmer <<<< مزارع
من مايعرف الرئيس الأرهابي ( بوش ) الله ياخذه بوش -بوش = push = يدفع _يعني = يدف = وتلاحضونها على الأبواب
يعني تقدار تقول= ادفع الباب او دف الباب = push the door = بوش ذا دور
كلمه ثانيه:واحد يقولك: كيل تفاح تصير قوي_ كيل برتقال _كيل موز
لاحظ ( كيل ) كيل -كيل = تعني = يقتل او اقتل = kill
مثال = اقتلني = كيل مي = kill meاو= اقتله = كيل هيم= kill him
كلمه ثانيه:
واحد يطق الباب وش تقوله: اكيد تقول ( مين) مين مين مين
mean = مين = تعني = معنى = او قصد = كأنك تسئل وش معنى كلامك او وش قصدك
مثال: تسئل واحد وش قصدك ؟ what do you mean = وات دو يو مين
كلمه ثانيه:
وعلى فكره كلمة = com الي تشفونها في الرابط = تعني = شركه = وهي اختصار كلمة = company
تسمعون البزر يقول الى امه : ماما يالله قوه البيت = قوه قوه = ياقليب قليبوه
المهم واضح معنها لكم :
go = كوه = قوه
يالله نروح= let is go = ليتس قوه
كف = فيه احد ما جاه كف على وجه ؟ انا بصراحه تصفقت لين دخت
كف= معنها = كحه . كف = cough تقدار تقول= i have cough = اي هاف كف = انا عندي كحه او سعال
مذر كير = من مافيه من البنات مايعرف مذر كير = طبعا نوضحها للشباب = هذي ماركه تهتم بملابس الأطفال او اسم
محلات تهتم بملابس الأطفال تشفونها دائما بلأسواق ( دعايه مجانيه ) يالله بسيطه ,المهم
مذر كير= عباره عن كلمتين دائما النساء ينطقونها ومايدرون انهم يتحدثون الأنجليزيه بطلاقه , نقسم الكلمتين
مذر = ام +ماما +امي= الي تبون تسمونها= مثال / هذه امي = this is my mother = ذس از ماي مذر
كير= عنايه= او اهتمام او يهتم او يحرص= care = كير = مثال/ انا اهتم فيك = i care about you = اي كير اباوت يو
انا اهتم = i care = اي كير
باوار هورس = مشروب الطاقه المعروف موجود في السوبرماركت = لو تلاحظون عليه رسمة حصان
هورس = حصان = horse باوار= قوه =power <<حصان هع هع << قوه
ركزوا معي في تركيب الجمله = انا عندي حصان = i have horse =
لاحظوا = i have = متكرره , i have = انا عندي
يعني حطها في بداية الجمله وحط اي شي عندك = مثال / سياره + كتاب + اي شي = i have a car = انا عندي سياره
الرئيس الأمريكي السابق ( بيل كلينتون )هم الله ياخذه بعد
بيل + bill = فاتورة = يعني وانت في المطعم تبي الفاتوره تقول= عطني الفاتوره = give me the bill = قيف مي ذا بيل
او تقول = بيل بليز = فاتوره لو سمحت = اهم شي تدبر عمرك
بلوتوث = واواواواو
bluetooth = معروفه مايبي لها طقة عصاة , بس اللي كثيرين مايعرفونه انه وش معنها ؟
بلوتوث تعني = الناب الأزرق = او لو حبيتوا نقول الضرس الأزرق ماشي,
بلو= blue = ازرق
توث= tooth =الناب او الضرس
هذا الحرف وشلون تنطقونه ( T ) = تي صح = تي ,تي , تي= معنها = شاهي = t ea = تي
سيف = سيف معروف اذا بغيت ترقص في العرضه مع الشيوخ لازم تجيب معك سيف وتنتبه لاتخبط الي جمبك
سيف= save = يحفظ او يحمي او ينقذ = يعني تقدار تقول: احمني او انقذني = save me او احفظ المعلومات = save it او احفظ الصوره =save the picture = سيف ذا بيكتشر
فار = مخلوق نذل يصعب مسكه الى اذا جبت له قطو لأن القطو رجال
فار= far = معنها = بعيد = تقدار تقول = انت بعيد مره = u are so far = يو ار سو ( فار) = so = تعني جدا ,مثل very
يعني تقدار تقول= u are very far =يو ار فيري فار = على كيفكم
ني = اللحم ني او الدجاج مو مستوي ني
ني= knee = معنها = ركبه
بس ماعليكم من حرف الكاف في بداية الكلمه ماينطق =k nee = تنطق = ني
كان = ( كان) ياما( كان) في قديم الزمان
كان = CAN = يستطيع او يقدر = انا استطيع = I CAN
ممكن يكون معنها اسم بمعنى = علبه او صفيحه = يعني علبة البيبسي تسمى كان لأن فيه فرق بين العلبه والقزازه
وش رايكم بالموضوع هههههههه

لاداعي للمدح أحرجتم تواضعي << أقول لايكثر الكلام

[ارض الجليد]

اشكرك و فعلا سهلة الحفظ بالتشبيه ,, و خاصة ان تجتمع فيه الطرافة ,,,
و لكن الموضوع فيه غلط الا وهو ( الانعقليزي ) ,,

[بندر ماغيره]

ههههههههههههههههههه
اقول والله مستحيل افهم بالطريقه هاذي ابدا

يعطيك العافية على الموضوع

[ابو صالح الرس]

الصراحلة حلوه فار مار مزارع

[ابو صالح الرس]

الصدق فيه ناس ما تتعلم الا بالطريقة هذي

[بندر ماغيره]

اقول طريقة هاذي تمسح العنقليزي من روسنا
قعدت افكر فيها قبل شوي الا لخبطت راسي
وانمسح كل الانجليزي اللي تعلمته
الله يرحم والديك خلنا على طريقتنا الاولى

[قلبي مو لي]

مشكوووور على الكورس السريع

[%خجل%]

أنا كذا أفهم بالمواااد الصعبه حييييل اللي مافيه أمل تنفهم والله أفهمه بالطريقه هاذي وتركز بذهني ما أنساه


يسلموااااااااااا

[عاشق الآزوري]

مشكووووور ..اي واحد يغرف مدرس فرنسي يعلمني ناوي اتعلم اللغه الفرنسيه..

[نوني_88]

هههههههههههههههههههههههههه
مشكوره حبيبتي ماقصرتي

[كــريــزي بــوي]

نووووووووووووووووووووووووورتو صفحتي

مشكورين على المرور والله لا يحرمنا منكم

[كــريــزي بــوي]

المشاركة الأصلية بواسطة نوني_88

هههههههههههههههههههههههههه
مشكوره حبيبتي ماقصرتي

فديت هالظحكه


مشكوره انتي مو انا الي مشكوره


فتحي زين