عـودة للخلف   منتديات الرس اكس بي > منتديات الرس اكس بي > المنتدى العام والمواضيع المتنوعة
التسجيل الأسئلة الشائعة التقويم تعليم الأقسام كمقروءة


المنتدى العام والمواضيع المتنوعة الموضوعات العامة والمناقشات والحوارات الهادفة، والتي لا علاقة لها بأقسام المنتدى الأخرى.

إضافة رد
 
LinkBack أدوات الموضوع طريقة العرض
قديم(ـة) 20-06-2008, 03:34 AM   #1
عضو بارز
 
تاريخ التسجيل: Sep 2007
المشاركات: 384
قوة التقييم: 0
شهد الرس is on a distinguished road
Question الـــســـــعــــوديـــات ؟؟!!؟؟!!؟؟!!



بسم الله الرحمن الرحيم ..


السلام عليكم ورحمة الله وبركاته..





كاتبه موضوع مهم صراحه.. وحرصت إني احطه بكل مكان اقدر انشره فيه..
وهذا المهم بالنسبه .. (( الأوساط السعودية )) وخاصة الشباب منهم.. بناتهم وعيالهم..


لكم الموضوع..

.
.
.
.
.
كان يا ما كان

قبل 10 سنوات او حولها

كنا لما نمشي في ديرتنا ونشوف اجنبيه فاتشه

تطير عيوننا .. نقول وش هذي.. يا ساتر ..

كان يا ما كان

قبل ثلاثة ايام

افتح ايميلي واشوف رساله من قروب مشهور... صور لبنات ويتفاخرون انهم سعوديات

السعوديه فخر بس للأسف ما يستاهلون يرفعون هذا المسمى على الصور الي كانوا طالعين فيها

مثال ..

صورتين

لـ 6او 7 بنات..صافين..عالجدار وملقينا ظهورهم..ومرفعين يدينهم ( كأنهم معاقبات )..
ومنزلين البنطلون..ونص البتاع طالعه..



قله الحيا هذي مهيب مقبوله!!

10 سنوات فتره موب قليله ..

كيف وصلنا لهذي الدرجه من فراغ الاخلاق . ؟؟


الصيف اللي راح.. للأسف غلطنا ورحنا مصر .. وما ادراك ما مصر ..

مع الحرص الشديد الحمد لله للابتعاد عن اماكن الفساد .. لأن يوجد فيها فساد اكثر من الدول الغير عربيه صراحه!!

ويلومننا ليه نكره الدول العربيه!


رحنا لمطعم سقيم..طلع فيه واحد عالستيج.. ومسك المايك وقال(( احلى تحيه لشعب السعوديه ))

وتصفيييييييييق..!!


لحقونا بعد شوي الشعب الاماراتي والكويتي..


بس السعوديه عادها يمكن 6 مرات..


جلست افكر.. ليه يعني حنا اكثر؟؟

فكرو فيها شوي.. لين يخلص الموضوع بعدين جاوبو..

......
ارجع الحين لصلب الموضوع..

ليش صرنا نشوف صور كثيره.. وعناوين الصور(( سعوديات..سعوديات..سعوديات ))


لو نتفرج عالصور..


نلقى رجول..


نلقى جزم!


نلقى اساور خضرا<<يعني ترا حنا سعوديات..



والفيس بوك عاد..والهاي فايف.. انواع الصور اللي مدري وش اقول عنها

شفايف..


* * * ...

عيون..


ونادر ما تلقى وحده حاطه وجهها..



على فكره.. اللي تحط صوره وجهها,, محترمه اكثر من اللي ترزز اشياء ثانيه!!


يعني عشانكم تتغطون..تروحون تصورون ذا الصور..!


تمنيت اني اطيح على بروفايل احد..والقاه حاط اسم كتاب حلو نقراه..خاطره حلوه من كتابته.. موقف مضحك مر فيه..موقف مؤثر..

او اذا كانت او كان.. يعشق التصوير.. ليه يصور هالاشياء السخيفه..؟؟ اللي ما تدل الا على سخافه تفكيره؟؟


ااذا يحب التصوير..ليه ما يحترف..ويصور صور فوتغرافيه احترافيه..وراح يبدع فيها!..


ليه كل اللي اشوفه..بربسه حكي.. واحيانا قله حيا!! لا صراحه.. موب احيانا.. غالبا..

وش هالفضاوه في العقل لدرجه انكم تصورون يدينكم.رجلينكم..
(( شنطكم الماركه))..


يمكن الفضاوه.. اقدر اتقبلها.. او ابلعها..لأن احيانا نسويها حنا انفسنا.. من كثر الفراغ اللي حنا فيه.. او يمكن شكل الصوره حلو..


بس ان الوحده تجي تصور مقفاها.. هي وخوياتها.. وكاشخه بالجي سترينق!!

والمنتديات والقروبات السعوديه تتسابق لنشرها ..

الدال عالخير كفاعله.. والشر بعد..


بعدين انتي ياللي مصوره انتي وخوياتك..


يعني انتي همك الوحيد ما يشوفون وجهك عشان محد يعرفك..


بس مقفاك.. شفايفك.. و * * * *.. عادي يشوفونه!!


لأن المهم عندك الناس.. موب الله؟؟


طيب صورتك قدام نفسك طيب؟؟ ما تهتز انك سويتي شي حقير ووضيع مثل هالشي؟؟


اصلن اصلن.. كيف صورتو صوره زي كذا.. يعني ما استحيتو من بعض يا بنات؟؟


عيب يعني..يعني عشانكم بنات مع بعض عادي تورون بعض يعني؟؟


ولا اقولكم..انا نسيت انكم ناشرين الصور للعيال..فما يهمكم البنات..


يعني صدق شي يضيق الصدر.. بنات سعوديات مسلمات في مجتمع مثل مجتمعنا يسوون زي كذا..



ودي اعرف امك..وابوك..وش بينظرون لك بعد ذا الصور؟؟

يعني حرام..اهلكم ربوكم احسن تربيه..

بس انتم للأسف ما ربيتو انفسكم..

فيه شي اسمه تربيه النفس.. بس انتم تتبعون اهوائكم.. او خليني اقول مخكم الفاضي!!



ولا قروب ثاني سعودي برضو..والصور اللي ناشرينها..

ذوليك عاد.. متبرقعات..وبعابياتهم..متكحلات..ومسوين حركات غبيه ومصورين..!


طيب؟ وبعدين؟؟ ابي افهم وش الهدف؟؟ مره وناسه؟؟ مره يضحك؟؟ ماااااااااااااااره كوووول انتم صراحه!!



طبعن ترا الكلام موب موجه للبنات فقط.. لأن يوجد عندنا وبكثره رجال عقول فاضيه..


اللي همهم نوم واكل.. وفلوس ياخذها من ابوه ولا امه!!



تطورو شوي.. ارتقو شوي..اطلعو بصوره احلى من كذا..


انتم عارفين ان النت اكبر وسيله انتشار..


قبل فتره.. في ام بي سي فور.. تدرون ان في برنامج من برامجها عارض بروفايلات لبنات سعوديات.. باسماءهم.. طبعن موب اسماء حقيقه.. !

بس شوفو الصور انتم! شفايف و * * * * ومدري وشو.. علقو على هالشي باننا متكمكمين بعبايتنا عشان كذا نروح عن انفسنا بذا الطريقه..


ما تستحون؟؟ قبل الغرب اصلن.. صوركم قدام انفسكم!؟ ما تهتز؟؟

انشرو شي حلو,,حاولو تطلعون بشخصياتكم الحقيقيه.. موب تصيرون مثل الامعه اللي يسوي شي عشان يقلد الفنان الفلاني.. ولا البنت الفلانيه..

ليه بس تنشرون الشي الشين؟


انواع المقاطع الشينه تنتشر.. انواع الصور الشينه..


ليه؟ وش استفدت؟؟ غير الذنب والاثم.. انك خليت احد يشوفها.. وانك نشرت شي مو كويس عن المسلمين!


اقولكم شي؟

شفتو كتاب ( بنات الرياض) قريته..صراحه كل اللي فيه واقع..اشياء فعلا تصير عندنا..طبعن لفئه معينه من الناس..

بس تدرون ان الكتب تترجم لاكثر من 22 لغه؟؟

تدرون انهم برا يدرسون الكتاب فيه دوله من الدول

يدرسونه؟؟ تخيلو؟؟

رجاء الصانع ما كانت تبي تنشر غسيل.. كانت تبي تفتح عيون الناس على اخطائهم..وتصلح هالاخطاء..


يا حلّو الثقافه اللي يتثقفونها بس!

يعني الحين اللي برا..يدرسون الكتاب كنص سعودي ادبي يمثل حياة السعوديين.. كله سلبيات في سلبيات,,!,,مثلا احنا الحين ندرس..روبنسون كروزو في الجامعه.. على اساس انه نص انجليزي يمثل الحياه الدينيه والسياسيه الاجتماعيه في هذيك الفتره..

هم يدرسون ( بنات الرياض ) لتمثيل المجتمع السعودي!


انا ما الوم رجاء الصانع على اللي كتبته.. بالعكس انا عاجبني الكتاب من إلى.. وكل اللي كتبته اشوفه بعيني عندنا..

وكل اللي سوو عليه ضجه.. هذولي يبون يعترضون لمجرد الاعتراض..


ليه تعترضون؟؟ لييه؟؟ ما تشوفون بناتكم؟؟ ما تشوفون عيالكم؟؟ ما تشوفون مجتمعكم كيف!!

ليه تنكرون كل اللي بالقصه وانه موب موجود!

الا موجود ونص والدليل هاللي نشوفه بالنت والسوق والجامعه وكل مكان!

رجاء الصانع تبي تصلحكم وتفتح عيونكم على اخطائكم..

لكن موب الغلط في اللي كتبته رجاء.. لكن الغلط في مخ كل من يقرا الروايه!!

شلون الواحد يصلح مجتمعه؟؟ بأنه يكمكم على اغلاطه ولا يحكيها عشان ما ينفضح قدام الاجانب والناس!


بس عادي يدشرون ويخربون وكل شي.. بس ما ينتشر عنهم شي!


ويستمرون بنكران كل قصص الدشاره والصياعه اللي عندنا بحكم اننا سعوديين.. مدري يمكن قصدكم سعوددين= ناس طاهرين!


غلط ! كل دوله بالعالم فيها الصالح والطالح..

البيت الواحد فيه الصالح والطالح..


ما تحبون احد يحكي فيكم ابد.. بالرغم من كل الاغلاط بحياتكم..

قبل فتره سمعت انهم رحلو هشوم الرياض.. الى ديرته الحقيقه
( سوريا)

وانه لا يمت للشعب السعودي بصله!

كأن ما عندنا سعوديين من هالجنس!!





ليه ما تصلحون ايميلات تعود لكم بالفايده؟وتحسن سمعتكم! وتظهر الجانب الحلو في كل سعودي وسعوديه؟


بقولكم مثال..لوحده اعرفها شخصيا.. قبل ما ينتهي رمضان.. ارسلت مسج لكل اللي تعرفهم..وقالت انهم بيجمعون فلوس هي وبنات خالاتها.. وبيروحون يشترون العاب..وحلويات.. ويرسلونها لجمعيه الايتام..وفعلا جمعو.. ووصل المبلغ لين 22الف.. كله من بنات عشرينيات في العمر.. كلهم تحمسو لهالشي.. كلهم اتشغلو وشرو العاب..وحلويات.. شرو ميك اب..وشرو اشياء ثانويه الجمعيات ما توفرها للمحتاجين والايتام.. يعني البنات فكرو بتفكير مررررره حلو,, فكرو بالاشياء اللي يحتاجونها الفقرا..ويفرحون فيها,, بس ما توفرها لهم الجمعيات لانها مهيب ضروريه مثل الاكل والبيت والملابس,, يعني هالمثال صراحه اوقف واصفق له بحراره.. هذولي هم السعوديات اللي نعرفهم!!



شله شباب..اعرفهم بعد.. طبعن هم نجديين..طالعين لجده..في رحله بحريه..وصادو كميه لا بأس بها من السمك..

تدرون لو بيبيعون هالسمك.. كم يبيجب لهم؟ تقريبا 4 الاف..

بس هم كانت نواياهم اهم من الفلوس..

اخذو هالسمك وودوه لمنطقه فيها ناس فقرا.. وتصدقو..




برضو حمله تبرعات الراجحي..

ترا اكثر من تبرع فيها شباب..


(( المواقف مذكوره عشان ابين انو فيه ناس كويسه,,يعني ابين الجانب الايجابيه ))


يعني فيه ناس تشتغل.. فيه ناس عندها اهداف..

موب بس بالنت.. حتى برا النت,,

سواء بنات او شباب..

نبغى جيلنا السعودي الجديد ينتشر عنه كل شي حلو..

انا ما اقول انكم ما تنبسطون.. ما تسوون هبال.. بس برضو بحدود..


موب عشانكم ورا الشاشات يعني عادي؟؟


( هياط ورا الشاشه = مرض)

الصور اللي من النوعيه اللي ذكرتها في البدايه.. بطلو تنزلونها النت.. بطلو تحطونها بالبروفايل حقكم.. ترا صدق يعني هالشي ما يبين الا فضاوه عقولكم..لأن هالبروفايل يبين شخصيتك..


اي احد يشوف هالصور..ولا يجيه ايميل من هالنوعيه.. يبطل ينشرها.. لأنها يساعد على انتشار هالظاهره..لأن التقليد عندنا اعمى!!


وابي اتطرق لموضوع بيخش فجأه بس لازم اعلق عليه(( فضيحه بنت .. الخ)) هالنوعيه من الصور والفيدوهات.. ترا عليكم اثم لو نشرتوها..

حرام.. يعني ما تخافون من ربي؟؟

اولن نشرت شي حرام. ثاني شي ما سترت على بنت او ولد الناس..

ما تخاف ربي يفضحك بشي بعد سنه او 2 او 100!!


قال الرسول صلى الله عليه وسلم
( من ستر مسلماً ستره الله في الدنيا والأخره )

اتمنى ان موضوعي هذا ين تشر بنفس الطريقه اللي انتشرت فيها هالصور..


يهمني الموضوع ينتشر في المنتديات السعوديه.. اكثر من المنتديات العربيه..


لأننا نحاول نناقش قضيه سعوديه داخليه..ومافيه مجتمع ما يخلو من الاخطاء..


ابغى اذا احد قال(( احلى تحيه لشعب السعوديه )) وعادها 6 او 10 مرات..

اعرف ليه قالها.. واقول معه حق..
.
.
.
.




تناقض المجتمع وتناقض الافكار ينتقل بصوره عجيبه!

منقول ..

جزى الله خيرا كاتبة الموضوع,,

وجعله الله في موازين أعماهاا ,,
شهد الرس غير متصل   الرد باقتباس

 
قديم(ـة) 20-06-2008, 03:41 AM   #2
عضو بارز
 
صورة رساوي بالقاهرة الرمزية
 
تاريخ التسجيل: Nov 2007
البلد: الرس رسك
المشاركات: 531
قوة التقييم: 0
رساوي بالقاهرة is on a distinguished road
الله يعطيك العافيه تقرير روووعه

تدرين ليش يسوون هالحركات البنات ؟

لأننا شعب ( ورثنا ) الدين ولم نعتنقه !

أعتقد كلامي يفهمه العاقل .. ويختصر كل ما سيقال !
رساوي بالقاهرة غير متصل   الرد باقتباس
قديم(ـة) 20-06-2008, 04:00 AM   #3
عضو بارز
 
تاريخ التسجيل: Apr 2008
البلد: أتمنى ما يكون أحد كان متضايق مني مع السلامة
المشاركات: 339
قوة التقييم: 0
وه بس is on a distinguished road
مشكورة عل النقل
اللي يقرا الموضوع يقول الشعب السعودي كله سلبيات
الموضوع فيه من الواقعية الكثير ولكن فيه من المبالغة في نفس الوقت

وعن أبي هريرة -رضي الله تعالى عنه- قال: قال رسول الله صلى الله عليه وسلم: إذا قال الرجل هلك الناس فهو أهلكهم
وه بس غير متصل   الرد باقتباس
قديم(ـة) 20-06-2008, 04:10 AM   #4
عضو متألق
 
صورة {بنت-عــــز} الرمزية
 
تاريخ التسجيل: May 2007
المشاركات: 1,065
قوة التقييم: 0
{بنت-عــــز} is on a distinguished road
كل مجتمع لابدددد يكون فيه ناس مرضى وعقولهم صغيره لاااااااااااكن مانقيس الكل عليهم

السبب الرئيسي لتغير المفاهيم والانحلال الاخلاقي لدى بعض البنات يرجع للفضائيات والانجراف وراء

ستار اكاديمي وطقته... وغياب الاب والام وانشغالهم بأمور الحياه وووالبعض منهم يشجعون بناتهم

على التحرر والانفتاح مدعين انه تطور ورقي..
{بنت-عــــز} غير متصل   الرد باقتباس
قديم(ـة) 20-06-2008, 04:11 AM   #5
عضو بارز
 
تاريخ التسجيل: Sep 2007
المشاركات: 384
قوة التقييم: 0
شهد الرس is on a distinguished road
اقتباس:
المشاركة الأساسية كتبها رساوي بالقاهرة مشاهدة المشاركة
الله يعطيك العافيه تقرير روووعه

تدرين ليش يسوون هالحركات البنات ؟

لأننا شعب ( ورثنا ) الدين ولم نعتنقه !

أعتقد كلامي يفهمه العاقل .. ويختصر كل ما سيقال !
ألف شكر لتوااجدك ..

مشكله لو ماكان الدين متأصل بقلوبناا ,,
لكن نحن لا نعمم كما فيه نماذج سيئه ولله الحمد الكثير فيهم الخير وحمل هم الدعوة في قلووبهم,,

وربي يهدي الجميع..
شهد الرس غير متصل   الرد باقتباس
قديم(ـة) 20-06-2008, 04:14 AM   #6
عضو بارز
 
تاريخ التسجيل: Sep 2007
المشاركات: 384
قوة التقييم: 0
شهد الرس is on a distinguished road
اقتباس:
المشاركة الأساسية كتبها وه بس مشاهدة المشاركة
مشكورة عل النقل
اللي يقرا الموضوع يقول الشعب السعودي كله سلبيات
الموضوع فيه من الواقعية الكثير ولكن فيه من المبالغة في نفس الوقت

وعن أبي هريرة -رضي الله تعالى عنه- قال: قال رسول الله صلى الله عليه وسلم: إذا قال الرجل هلك الناس فهو أهلكهم
أخي الكريم ,,
لو قرأت الموضوع كامل ,,
لما أستعجلت في الحكم ..
ذكر فيه نمااذج طيبه لفتيات وشبااب ,,
دلت ع ان الخير موجود في قلوبهم ,,

ألف شكر لتوااجدك
شهد الرس غير متصل   الرد باقتباس
قديم(ـة) 20-06-2008, 04:15 AM   #7
عضو مميز
 
تاريخ التسجيل: May 2008
المشاركات: 284
قوة التقييم: 0
راع الطموح is on a distinguished road
مشكوره اختي شهد الرس .. والحقيقة لدي تحفظ (( العباة اللي ماكان يلبسها الا السعودية )) هالحين كل العاهرات من جميع الجنسيات .. يلبسن العباة .. وما لبسوها الا لهدف تشويه سمعة البنات السعوديات .. الحمدلله بناتنا مافيهن عيب دين واخلاق وحشمه .. وانا لاانفي .. فيهن الصالحه وفيهن الطالحة .. والصالحات اكثر والحمدلله .. وما كل من لبست العباة صارت سعودية .. نحن مستهدفون ذكور واناث .. تقبلي تحياتي ،،
__________________
تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً
راع الطموح غير متصل   الرد باقتباس
قديم(ـة) 20-06-2008, 04:15 AM   #8
عضو بارز
 
تاريخ التسجيل: Aug 2007
البلد: القصيم
المشاركات: 537
قوة التقييم: 0
كريم السجايا is on a distinguished road
الله يعطيك العافيه
__________________
تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً
كريم السجايا غير متصل   الرد باقتباس
قديم(ـة) 20-06-2008, 04:17 AM   #9
عضو بارز
 
تاريخ التسجيل: Sep 2007
المشاركات: 384
قوة التقييم: 0
شهد الرس is on a distinguished road
اقتباس:
المشاركة الأساسية كتبها {بنت-عــــز} مشاهدة المشاركة
كل مجتمع لابدددد يكون فيه ناس مرضى وعقولهم صغيره لاااااااااااكن مانقيس الكل عليهم

السبب الرئيسي لتغير المفاهيم والانحلال الاخلاقي لدى بعض البنات يرجع للفضائيات والانجراف وراء

ستار اكاديمي وطقته... وغياب الاب والام وانشغالهم بأمور الحياه وووالبعض منهم يشجعون بناتهم

على التحرر والانفتاح مدعين انه تطور ورقي..
كلامك فعلاً وااقعي ..
ألف شكر لتوااجد قلمك هنا ,,
شهد الرس غير متصل   الرد باقتباس
قديم(ـة) 20-06-2008, 10:12 AM   #10
عضو بارز
 
تاريخ التسجيل: Apr 2008
المشاركات: 502
قوة التقييم: 0
سيبويه is on a distinguished road
[quote=رساوي بالقاهرة;1809064]
لأننا شعب ( ورثنا ) الدين ولم نعتنقه !quote]
______________________________________________

كلام متميز جداًّ ...

فعلا نحن جعلنا أكثر الدين ومظاهر الشرع عادات فقط لا غير ...

وأقرب مثال على ذلك ( الدشوش الفضائية )...

ثار الناس فترة لما أخرج العلماء فتاوى بتحريمها...

ولما مر عليها فترة وصارت عادة عند كثير من الناس تساهلنا في الموضوع , والبعض أدخلها إلى بيته...
سيبويه غير متصل   الرد باقتباس
إضافة رد


يتصفح الموضوع حالياً: 1 (0 من الأعضاء و 1 من الزوار)
 
أدوات الموضوع
طريقة العرض

قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق
Trackbacks are متاح
Pingbacks are متاح
Refbacks are متاح


مواضيع مشابهة
الموضوع الكاتب المنتدى الردود آخر مشاركة
عضو جديددددددد هل من مرحب ولا اطلع ؟؟؟؟؟؟ روميو ؟ منتدى الأعضاء الجدد والتواصل 8 27-06-2004 03:42 PM
سيدتي تأكدي من الشغالة ؟؟؟؟؟؟ الازرق المنتدى الدعوي و الأسرة والمجتمع 4 09-11-2003 03:34 PM
ما سر هذه الإبتسامة ؟؟؟؟؟؟ اليقين المنتدى الدعوي و الأسرة والمجتمع 1 24-10-2003 10:27 AM
>>>>>>>>> و .. و.............وابعثها لـ 10 غيرك ؟؟؟؟؟؟ الحاتمي المنتدى العام والمواضيع المتنوعة 10 09-09-2003 02:06 AM
لمااااااااااذا يا نساء الكويت ؟؟؟؟؟؟ اليقين المنتدى الدعوي و الأسرة والمجتمع 4 19-04-2003 07:28 PM


SEO by vBSEO 3.6.0 ©2011, Crawlability, Inc.