LinkBack أدوات الموضوع انواع عرض الموضوع
قديم 26-06-2008, 10:49 AM   رقم المشاركة : 1
معلومات العضو
 
الصورة الرمزية رساوي بالقاهرة
 
 

إحصائية العضو








افتراضي الهيئة والمراهقين وشعبان عبد الرحيم !!

بسم الله الرحمن الرحيم

صباح الفل .. ع الكل ..

بصراحه كان فيه موضوع ( يحوم ) براسي من زمان ..

واليوم وأنا أقلب النت قريت كم موضوع بخصوصه ..

فضربت براسي ما أحط راسي إلا أنا منزله في المنتدى ..

( الأخلاق ) ..

( الشرف ) ..

( الثقة ) ..

( الأمانة ) ..

مصطلحات ( أعتقد ) أننا بدأنا ننسلخ منها رويدا رويدا ..

من متى وإحنا نكتب مواضيع في النت على شاكلة :

* شكرا لرجال المرور على الحفاظ على أبنائنا من أصحاب السوء !
* رجال الهيئة هم من يحافظون على شرفنا وشرف أهلنا !!!!
* رجال الأمن يتحرشون بصغار السن !

وغيرها من آلاف المواضيع اللي تنبئ بإنسلاخ أخلاقي رهيب !

قبل كل شيء .. وعشان ما يدخل أحط مطفي النور !!

أنا رجال لاني مطوع ولا إرهابي ولانيب علماني ولا ليبرالي ..

يعني ماني من اللي يقول الحريم يسوقن
ولاني من اللي يقول اترك دنياك وانشغل بذكر الله وبس

بالعربي أنا إنسان مسلم ! .. الذنوب تاكلني مثل غيري .. من الناس ..

ما أبي السعوديه تصير مثل البحرين .. وتلاقيني أروح البحرين !

أكره اللي يدخنون .. والزقاره ما تنزل من يدي !

أدعي على المطربين بالهداية .. وأسمع لفيروز وأم كلثوم وعبادي ورابح ونانسي وحتى ( شعبان عبد الرحيم )

( ما علينا ) على قولة عميد كليتنا

ليش هالجيل طلع ( شاطح ) وصرنا نخاف على عيالنا من دبة النمله ( ما تزوجت لسا ولا جاني عيال بس لزوم الجملة )

حتى العيال قمنا نخاف عليهم !!

زمان كان الولد وعمره 12 يسافر من الرس للرياض ويرجع ما عنده مشكله !

والحين لو يروح لواحد من أصحابه قومنا الدين ولا جلست لين يرجع !

مقاطع البلوتوث الجنسيه + الفيديو الكليب الهابط + المخدرات .. إلخ

أشياء كثيره انتشرت .. بس أقسم بالله مو هيا السبب الرئيسي !

يا أخي في أوروبا مثلا .. هالأشياء منتشره .. وفيه شباب مثل شبابنا .. ( مكبوت ) ..

لا تحسبون الموضوع هناك ( فيلم إباحي ) وخلاص ..

فيه ناس تشتغل 24 ساعه ما تفكر في هالأشياء ..

وفيه ناس تفكر ( ومو لاقيه ) >>> مثل حال كثير من ربعنا

لا تلقون اللوم على التكنولوجيا وتنسون أنفسكم !!

زمان كان الطفل ( الولد ) من يوم يقوم عوده وهو بمجالس رجال ويعرف سلومهم ..

اليوم الولد يمر اسبوع ما شاف أبوه !!!!!

والله مهزله ..

إذا أنت ما جلست معه وتعلم منك .. من يتعلم منه !؟

إذاً بيعوض النقص النفسي بأنه يتعرف على ( زقرت ) يعلمونه المرجله .. ويا أسفي من هيك مرجله !!!

حشيش وحبوب وأفلام إباحية وشذوذ جنسي في بعض الأحيان ( إلا من رحم ربي ) !!

عاد تصدقون فيه موضوع ملاحظه من زمان ..

تصدقون شريحه كبيره من الشباب في الرس .. أهلهم ما كانوا يعرفون شللهم !!

وين رايح ؟

مع الشباب !

وين طالع ؟

أدور !

إلى متى ؟

أبجي بالليل !

لا تأخر لا أعلم أبوك ؟

طيب !


وبعد نص الليل أبو الشباب يرجع ..


أمه تفتح الباب ( الضعيفه ما نامت )

ويقولها كلمتين معسولات .. تسكت ولا تعلم أبوه .. !


والنتيجه ( الندم حين وقوع الفأس ع الرأس ) !


يا رجل يا اللي ربي رزقك ولد .. يا أخي خاوه .. تعرف على أخوياه وأعرف وش هم من لحية !

أطلع معاهم .. اعزمهم في بيتك وشوف وش عقلياتهم .. شف وش طبعهم وش نظامهم !

باكر يصير له بلا ولا جلا ولا يختفي تروح للشرطه تقول ما أعرف أخوياه !؟؟!

والله لو أني ضابط لأسجنك أنت .!..!.!.!.


حاول تقرب من ولدك عشان ما تخاف عليه ..

ألعب معه بلاي ستيشن .. حتى لو ( صقعك ) 10-0 المهم أنه يحس بالأمان وأن له عزوه وظهر !

ألعب معه بلوت وحتى مع أخوياه .. حتى لو أنهم ما يلعبون كملهم ( كم تضمن ) !


عموما .. وعشان ما يتشعب الموضوع لأني أشوف الوضع قلب ( سرا يردف سرا ) ..

فـ(سراي الثاني) قبل لا أنسى أفرشه هم رجال الأمن ..

أوكي .. يجب أن تعرف أن في كل مؤسسة سواء بالسعودية ولا مصر ولا حتى إسرائيل ( فيها فساد ) ..

لأنه لا يوجد مجتمع منزه إلا في جنة رب العالمين !

تحرش رجال الأمن بالمراهقين .. !

المتسبب الأول والأخير في الموضوع ( ولي الأمر ) ..

كيف تطلع ( بزر ) عمره 14 - 18 يسوق وما معه لا رخصة ولا تصريح ؟

ما تدري إنك كذا ترميه في بحر خطير !

إما إنه يصدم لا سمح الله - ووقتها ما راح تسامح نفسك - !

أو أنه يكون صيد ثمين لبعض ( الشهوانيين ) !!

وحتى لو كانت هناك عائلات مضطرة تجنبا لاستقدام سائق ..

هل ربيتوا ولدكم إنه يطلع ( رجل ) وما يرضى على نفسه الدون والعار ؟؟؟

وهل ربيتوه إنه يكون مراية لكم ؟ ينقل لكم اللي يصير له ؟؟؟

شخصيا .. أشك بأن الكثير لا يفكر في هذه الأمور !

المهم .. هناك شيء يعود لتربية رجل الأمن وشخصيته !

من خاوى ذيابه ما خاف من ذيب - ومن يزرع ( الشوك ) ما يجمع زهور
(إرتجالي ما أدري شلون طلع لا وزن ولا هم يحزنون )

المهم .. عشان ما نطول بالموضوع لأني بديت ( أضيع )

علموا عيالكم على المرجله .. راقبوهم .. حثوهم على الصلاة ( اللي أشوف نسبة كبيره جدااا تاركينها للمناسبات )

دردشوا معاهم .. خوذوا علومهم .. والله يستر عليهم ..

على قولة ( ياسر التويجري ) ..

أبترك الموضوع وبدخل بموضوع حيث أن صوتي عند الأجواد مسموع ..

( الهيئة ) ..

عشان ما يجيني ( حكم تكفيري ) أقر وأعترف أنا الموقع أدناه بأني معاهم قلبا وقالبا ما عدا ( فئة ..... ) منهم ..

لأنهم بصراحة ( رجاااله ) .. وينحطون ع الجرح يبرى - مثل ما قلت عندي تحفظ على فئة منهم لا يستهان بها - ..

بس مو معناه .. إني أطلع بالنت .. وأقول بـ( ثقه ) : الهيئة اللي حافظت أعراض الناس !!!


يا هوووووووووه ( عيب ) والله عيب ..


حنا ناسا لنا بأجدادنا وأجداد أجدادنا وأجداد أجدادهم و كل من لهم ( دستور تقليدي ) ..


الشرف لا يمس !


وما يحق لأحد أنه ( يشتم ) أعراضنا بقولة : الهيئة يحمون أعراض الناس !

قبايلنا يشهد لها القاصي والداني ومن قبل حتى نعمة الإسلام في الجزيرة ..

الهيئة لها وقفات جليلة في إحباط الكثير .. من بيوت الدعارة والقبض على مروجي الخمر ..

وكذلك لها دور في الحد من انتشار الزنا واللواط .. بس ما نقول من دونها كان شاعت الفحشاء !!

عموما .. بالنسبة للبنات .. يا ليت كل واحد يقرأ كلامي الجاي .. ويفكر فيه .. بضمير ..

الآن لو البنت .. عوملت في البيت بأنها كائن .. صامت .. ينتظر ( كارت أحمر ) من البيت بواسطة زوج ..

وش تنتظرون منها ؟

تنتظرون منها تطلع عاقلة .. ولا قوية ولا عندها رأي .. أبداً !!

أنتم بقتلكم لمشاعر البنت ورأيها وآراءها تكتمونها ..

لتنفجر في حضن ( ذئب بشري ) ..

أو على الأقل تصاب بحالة نفسية يفسرها الأهل بأنها بوادر نشوب أزمة أخلاقيه !

وصدقني كل من ابتلي بمرض الشك في أهله ..

تجده يعامل اخته ولا بنته بالبيت مثل الخدامه ..

جيبي الشاهي .. بلا دراسه بلا هم .. منتب طالعه من البيت مع أمك !!

طيب ليش ؟

يا أخي البنت كائن بريء !

لها أحاسيس ومشاعر ( قد البحر ) ...

تكلم مع أختك .. سولف معاها في كل شيء الدراسه , طموحاتها , آراءها السياسية والأدبية .. كل شيء ..

حسسها أنها كائن حي .. له حقوقه ..

قلها وحشتيني يا دبه !

قلها اليوم ما شاء الله لبسك حلو !

قلها يا سعد ولد الحلال اللي بيخطبك !

قلها قبل ما تلقى هي بنفسها اللي تسمع منه هالكلام !!!

البنت بإختصار .. ( بئر عواطف ) .. لو لقت من يحتضنها حنانا من أهلها لن تلتفت لغيرهم .. حتى تنستر ببيت زوجها !


أشوف نفسي طولت وضيعت .. أعذروني ( سهران ) .. و مسكت معاي أكتب هالموضوع ..

الأول لي ( إن لم تخني الذاكرة ) في المنتدى العام !

وعلى قولتنا في مصر .. ربنا يستر طريقكو ..

مشتاق يا الرس .. بالحيل بالحيل :)

رد مع اقتباس
قديم 26-06-2008, 11:09 AM   رقم المشاركة : 2
معلومات العضو
الحوطة99
عضو مميز
 

إحصائية العضو







افتراضي

قليل دخولي بالمنتدى العام لكن أعجبني الموضوع بصراحة كتبت فأبدعت

واسأل اللي حواليك بماإنك قريب زيزو(محمدزيدان وقع للإتحادوإلا لا)<<<<<< كلن على همه سرا

يعطيك العافية على الموضوع وترجع سالمآ لديرتك



















التوقيع

[FLASH="http://www.vi2tu.net/uploads/_________________________18.swf"]width=600 height=200 t=0[/FLASH]

رد مع اقتباس
قديم 26-06-2008, 11:20 AM   رقم المشاركة : 3
معلومات العضو
ارض الجليد
نهر العطاء العذب
 

إحصائية العضو








افتراضي

ما شاء الله اول مرة الاقي موضوع متكامل من كل الجوانب ,,,
اقرأ و اقول الله لا يضره ,, جابها على الجرح ,, ما شاء صح و واقع ,,, و البعض منا يعاني او تعاني ,,
و المشكلة ما نقدر نتكلم عن بعض المواضيع لان البعض الله يهديهم ما عندهم الا تكفير ,,,, و يتكلم عن الاعراض ,,,

,,,



















التوقيع

اللهم استرنا فوق الأرض وتحت الأرض ويوم العرض

رد مع اقتباس
قديم 26-06-2008, 11:27 AM   رقم المشاركة : 4
معلومات العضو
سحاب الشمال
عضو ذهبي
 
الصورة الرمزية سحاب الشمال
 
 

إحصائية العضو







افتراضي

لينظر كل منا الآن ... كيف رسم نفسه في قلوب من حوله ؟ في قلب والدية ؟؟ في قلب زوجته ؟؟ في قلب أبنائه ؟؟ في قلب تلاميذه ؟؟ في قلب العاملين لديه ؟؟ يمكننا أن نحافظ على جمال صورنا في قلوب الجميع!!!!!!!!!!!!!!!!!



















التوقيع

‎‎

‎ يارب علمني كيف اسعد اكبر عدد من الناس علمني كيف ابعث الامل في قلب كل يائس وارسم الضحكات علي شفتي كل حزين وامسح الدموع من كل العيون الباكيه ..واكون قرة عين الجاهلين وازرع محبة الناس لى والكون كلة واجعلنى نورا دئما فى وجهة الظالمين ولا تتركنى حزين مسجون فى همومى وابعثى فى روح المحبة للمحبين والمخلصين على صراطك المستقيم..اللهم امين ..


رد مع اقتباس
قديم 26-06-2008, 01:11 PM   رقم المشاركة : 5
معلومات العضو
سيل الوسم
عضو بارز
 

إحصائية العضو







افتراضي

في موضوعك كأنك تقرأ اللي في خاطري
دايما أفكر واقول وشلون يبي يصير الجيل الجديد ؟؟؟
التربية الآن أقولها وبكل أسف وأتحدى واحد يقول غلطان ( زففففففففففففففففففففففففففت زفت زفت )
هم الأب والأم وش يبون عيالي ؟ علشان أجيبه ؟ دلع فساد غفلة
لذلك مهما عمل الولد أو البنت الآن فوالله لا ألومه لأن السبب أمه وأبوه وليس هو
وللمعلومية : من نتائج مخالفة ما ورد بهالموضوع ( حالات الطلاق في السعودية بمعدل 66 حالة يوميا )

رد مع اقتباس
قديم 26-06-2008, 02:27 PM   رقم المشاركة : 6
معلومات العضو
شيخ تميم
عضو بارز
 

إحصائية العضو







افتراضي

الله اكبر عليك كلام زي البمب اخ رساؤي ليش جالس بالقاهره وراء ماتجي عندنا بالرس والشقه على حسابي



















التوقيع



ربي اغفر لي ولوالدي
رد مع اقتباس
قديم 26-06-2008, 02:40 PM   رقم المشاركة : 7
معلومات العضو
hamoody331
عضو مبدع
 

إحصائية العضو







افتراضي

الله يعطيك العافيه ياخوي

كلام جميل وواقعي

صراحة كل كلمة قلتها انا اتفق معك فيها

والله يرجعك لنا بالسلامة

تحياتي لك

رد مع اقتباس
قديم 26-06-2008, 02:53 PM   رقم المشاركة : 8
معلومات العضو
الشاطر
عضو مبدع
 

إحصائية العضو








افتراضي

قليل أجد مثل هالمواضيع.. اللي تحس إنها طالعة من قلب.. عشان كذا تدخل القلب.. بيض الله وجهك وجبتها ع الجرح.. بس أقول خللك بالقاهرة أحسن لك..

رد مع اقتباس
قديم 26-06-2008, 03:57 PM   رقم المشاركة : 9
معلومات العضو
ام الغااااالين
مشرفة منتدى الأسرة و المنتدى النسائي
 
الصورة الرمزية ام الغااااالين
 
 

إحصائية العضو








افتراضي

يا رجل يا اللي ربي رزقك ولد .. يا أخي خاوه .. تعرف على أخوياه وأعرف وش هم من لحية !

أطلع معاهم .. اعزمهم في بيتك وشوف وش عقلياتهم .. شف وش طبعهم وش نظامهم !

باكر يصير له بلا ولا جلا ولا يختفي تروح للشرطه تقول ما أعرف أخوياه !؟؟!

والله لو أني ضابط لأسجنك أنت .!..!.!.!.

لااااااااااااااااافض فوك ويسلم بطنن جابك عزالله انك ماقصرت كفيييت ووفيييت



















التوقيع

يارب لك الحمد كما ينبغي لجلال وجهك وعظيم سلطانك

رد مع اقتباس
قديم 26-06-2008, 04:22 PM   رقم المشاركة : 10
معلومات العضو
HOLSTEN
وللنفس بهجه
 
الصورة الرمزية HOLSTEN
 
 

إحصائية العضو








Thumbs up


المشاركة الأصلية كتبت بواسطة سحاب الشمال

لينظر كل منا الآن ... كيف رسم نفسه في قلوب من حوله ؟ في قلب والدية ؟؟ في قلب زوجته ؟؟ في قلب أبنائه ؟؟ في قلب تلاميذه ؟؟ في قلب العاملين لديه ؟؟ يمكننا أن نحافظ على جمال صورنا في قلوب الجميع!!!!!!!!!!!!!!!!!

ما شاء الله موضوع رائع وأعجبني الرد هذا كثيراً


















التوقيع

رد مع اقتباس


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع



الساعة الآن 02:38 PM





SEO by vBSEO 3.6.0 PL2 ©2011, Crawlability, Inc.

1 2 3 4 5 6 7 8