ღ ღ ღ فن الزعل .. للرجال فقط!!! ღ ღ ღ

[احلاهم واتحداهم]

القاعدة الأساسية انك تعرف متى تزعل وكيف تزعل وليش تزعل وكيف تعبر عن الزعل...

وأهم أهم أهم أهم شي ... انك تحدد متى ترضى يعني تحط هدف معين من الزعل .... اذا تحقق الهدف لازم ترجع مبسوط وأحسن ما تكون...واللي يصير من أغلب الأزواج والزوجات... انه ما يحدد في نيته الغرض من الزعل يعني يكون زعل مفتوح ونكد على طول لين الله يفرجها ...

طبعا هذا اللي يبغاه الشيطان ... وكل ما نويت ترضى أو تراضي الطرف الأخر الشيطان يذكرك بالمشكلة ويكبرها في راسك...يخليك تركز في المشكلة بدل ما تركز في الحل.. يعني بالنسبة للتعبير عن الزعل... ترى له طرق أبسط وأحسن من الصراخ والضرب ... أنا عمري ما رفعت صوتي عشان أوضح اني زعلان.. . وبتجيكم الطرق
00
أول الشروط انك تحدد كيف تزعل وطريقة الزعل على حسب المشكلة بالضبط .... لا يزيد ولا ينقص... يعني اذا الزوجة مثلا قصرت في حاجة بسيطة كانت كل يوم تسويهالك مع انها مومجبرة يعني شغلة فرعية مرررة ..مثل انها تقول صباح الخير يا حبيبي كل يوم مثلاا..... ويوم من الايام ما قالتها ... هذا أقل مستوى من الزعل..... وهو زعل الدلع أو الزعل الحميد وقيس عليه....
وفي هذي الحالة ... يكون الزعل انك كل ما تحس ان زوجتك تطالع فيك ناظر في الأرض وسوي انك سرحان...ولا تطالع في عينها ... واذا قالت لك وشفيك قول لها ولا حاجة... واذا عادت السؤال قول لها... انتي زعلانة مني؟...
طبعا حتتفاجأ وتقول ليش... انت قول انتي عارفة... واذا عادت السؤال ((مرة وحدة بس مو تطولوها)) قول لها انتي اليوم ما قلتي أو ما سويتي كذا وكذا .... على غير عادتك
وصدقني حتنط في احضانك وتعتذر... وبتفرح فرح ما تتصوره ... على اساس انك انتبهت لمثل هذي الأشياء البسيطة... عشان كذا اسمه الزعل الحميد.. ونصيحة خاصة للأزواج ..دقق على كل الأشياء الصغيرة قبل الكبيرة .... ونبه الزوجة اذا اتغيرت أول بأول... عشان لا تصحى بعد خمسة سنين زواج وتقول والله زوجتي تغيرت علي!

المستوى الثاني من الزعل... اذا مثلا الزوجة غلطت غلط عادي... يعني عادي مرة... زي أي غلط ماودي اضرب مثال لأن تعريف الغلط العادي يختلف من ثقافة إلى أخرى...
في هذي الحالة ....لا تعطيها ريق حلو طول اليوم بس كلمها عادي ... و شوف حاجة حلوة مرة كنت تسويها كل يوم لزوجتك في وقت معين في وضع معين...ولا تسويها ..وصدقوني المرأة قوية الملاحظة فوق ماتتصورون.... أنا مثلا... معود زوجتي أني كل يوم وقت الغدا أجلس على الطاولة معاها وامسك ايدها وأقبلها وأقول لها يعطيك العافية ... و طبعامع كل لقمتين أقول والله انك فنانة... أحسن غدا أكلته من أمس بعد الغدا ..... وبعد الأكل و قبل لا أغسل ايديني... اقبلها على راسها وأقول لها تسلميلي على الغدا ...... وأكيد كل زوج فيه حاجة يسويها كل يوم في مناسبة معينة في وضع معين ..... واذا ماكن عندك شي من هذا القبيل لازم تبدأ فيه... خصوصا الأزواج الجدد ..... المهم نرجع لموضوعنا لما يكون في زعل من النوع العادي لا تسوي هذي الأشياء اللي تسويها يوميا.... الزوجة حتعرف انك زعلان وتسأل عن السبب وكالعادة أول مرة قول لا مافيني شي... ولما تصر على السؤال ....تفاهمو على موضوع الزعل واذا اتصالحتو رجع المياه لمجاريهاوسوي اللي كنت تسويه في العادة..... وهذا النوع من الزعل تقدر تستخدمه تحته فئة المشاكل اللي الشخض الغلطان مشكوك فيه .... يعني ممكن تكون انت الغلطان ويمكن هي الغلطانةبس محدراضي يعترف.....
0

المستوى الثالث..... اذا مثلا غلطت عليك غلطة كبيرة مثلا انها نكرت معروفك... أو كسرت كلامك في حاجة ...أو اتكلمت عن أهلك... في هذي الحالة.... لا ترد عليها بالمثل..بالعكس لا تكلمها طول اليوم ولاتحط عينك في عينها.... واذا جاالليل... اعطيها ظهرك... وطبعا اذا كنت شخص معود زوجتك انها تنام على ذراعك.... وهذي نصيحتي الخاصة للأزواج الجدد... بتلقاها ما حتعرف تنام وانت ظهرك عليها.... وتتحرق عشان تصالحك...
هذا أقصى شي تقدر تسويه أي شي غير كذا هو تعدي للحدود... والاسلام هو خير معلم...
كما فى قوله تعالى : ( و اهجروهن في المضاجع ) سورة النساء : 34 وهذا للزوجات الناشزات... يعني مو أي زعل عادي.. والآية واضحة في المضاجع وليس عن المضاجع.... يعني الهجر يكون بإعطاء الظهر للزوجة... وما يكون بالبيات بره البيت أو في غرفة ثانية... والفاهم لنفسية المرأة يعرف انك اذا اعطيتها ظهرك بتعذبها أكثر مئة مرة عن انك تبات برة الغرفة... كما وضحت الآية... و اذكر لكم حديث معاوية القشيرى – رضي الله عنه – قال : قلت : يا رسول الله ، ما حق زوجة أحدنا عليه ؟ قال : أن تطعمها إذا طعمت و تكسوها إذا اكتسيت ، ولا تضرب الوجه ولا تقبح ولا تهجر إلا فى البيت ..... والهجر حدده العلماء بشهر.... اذا انقضى الشهر بدون حل ... يعني الطلاق أحسن...والله أعلم

أرجع وأذكر انك لازم تحط خط نهاية لزعلك... بوصولك لكلمة معينة .... أو اعتذار معين ولا تتمادى..الصراخ والضرب والبيات برة البيت ألغيها من قاموسك..لأنها تضر أكثر من ما تنفع.... واللي يتبع هذي الخطوات مضبوط .... ما حيدوم زعله أكثر من يوم بإذن الله...

كلمه أخيرة للأزواج اللي عندهم زوجات كلمة آسفة عندها زي شربة الموية ...تقولها بدون ما تحس بيها ..يعني ما عندها مانع انها تغلط من هنا لبكرة وتعتذر كل يوم.... هذا النوع من الزوجات يكون التعامل معاهم بنفس الطريقة بس بفرق بسيط انها لما تسألك ليش زعلان... لا تقول لها... خليها تتعب في التفكير في أخطاءها الى ما تعرف خطأها بنفسها..... قول لها نعم هذا خطئك... وش تعليقك؟...

وطبعا بتعتذر... وبتحس يوم بعد يوم بقيمة الاعتذار...

عجبنى وحبيت انقله لكم
تقبلووو تحياتى /احلاهم واتحداهم

[نسايم ليل]

يسلموووووووووووو

[الديمووو]

الله يعطيك العافية

صادقة بكل كلمة أختي

بعض الأحيان نزعل من أتفه الأسباب ...وإذا فكرت بينك وبين نفسك تحصل أساسا الزعل من شيء لا وجود له

لكن من الأفضل التفكير قبل الزعل بالأسباب ...فالشيطان حريص من لاشيء يصنه أشياء

بعض الأزواج ياخذون الزعل دلع ....يبي زوجته ترضيه .....لكن الزوجه بعض الأحيان تتجاهل الزوج فينقلب الدلع إلى حقيقة

والله يديم المحبة بين الأزواج ولا يجيب الزعل

أكرر شكري لك على الموضوع القيم ودمتِ بخير

.

[jood]

موضوع رائع وهادف
جزاك الله خيرا
والله يديم المحبه بين الازواج

[عاشقة النجوم]

فعلا كلاااااااام رائع يسلموووووووووووو

[Lion King]

.. الله يوفقكم جميعاً ..

[الشـــــهد]

يعطيك العافية موضوع جميل ورائع

[أميرة فقيرة]

موضوع رائع فشكرا لك

[ملوووووك]

يعطيك العافيه كلام جميل ...

[احلاهم واتحداهم]

يعطيكم ربى الف عـــافيــهــ
مروركم الاروع نورتو الصفحه

[شوكولاين]

يعطيك العافيه كلااااااااااام رائع

[عنيزااويه]

رووووعـــــــــــــــــــــــــــــــــه