تحذير لبنات الرس!!

[دونااااا]

يبنات احذركم من بعض المشاغل سولنا سالفه كان عندنا زواج وطلبنا منهم يجون للقاعه ووافقوا وعطيناهم عدد انننا 6بنات وجو وصلحو ثلاث مناوبعدين دقو المشغل عليهم وقالو عندنا زباين كثير تخيلوا راحو وجحدونا يتحججون ان الثلاث الباقين ماجو الا متاخرين والله اتبهذلو راحو يدورون احد يصلحهم في هذي الازمه مع انهم قايلين لناان المشغل بيسكر علشانكم !!وش رايكم بهذا التصرف

[Mr.xp]

هههههههههههه ليش هم متعطلين عشان يصلحونهم

طيب يروحون مشغل ثاني انتهت السالفه
شكلكم معطينها الفلوس قبل؟؟

او كل وحده تصلح سيارته هههههه قصدي خويته

<<اصلن انت وش دخلك بسوالف البنات

[ماسه رساويه]

يووووه تقهر هالحركه قسم بالله مثل مره اتفقنا مع مشغل يجينا بالبيت وندق عليهم العصر حاجزين قبل بس بنشووف وش صار قالت ماحجزتم تعالو عندنا بالمشغل قهررر هذا وحنا بالرس يعني مو بعيد بس الحمدلله عدت على خير

[عيون رساوية]

اكيد انتم معطينهم الفلوس قبل او يوم جو كل وحده حسابها لحال لكن المفروض عند الاتفاق تعطونهم عربون وهو جزء بسيط من المبلغ واذا جو وخلصوا شغلهم يدفع لهم الباقي ساعتها راح يرضون بالامر الواقع

[ارض الجليد]

انا ما عاد اثق ابدا في مشاغل الرس لان اكتوت اختي منها متفقه معاهم و اقولها يا بنت الحلال وش له مشغل انتي زيني روحك و إفتكي ,,
قالت ابد هاذي الكل يمدحها و وينها عند بنات الرس و تروح هي و اختي الثانية قالت اولا ما اقدر اصلحكم لانكم جيتوا متأخرين قالت لها اختي انتو قلتوا تعالوا بأي وقت و حنا الحين الساعة 4 العصر تونا قالت ما لي شغل ابروح ازين عروسة و مشيناها قلنا مو لازم هاذي نبي ثانية قالت التسريحة 200 و المكياج 200 و اختي متفقه معاهم بغير هذا السعر قايلين لها 150 التسريحة و 150 المكياج قالت انا ما لي دخل اللي قالت لك مو خبرة و توها جاية حرمت عقبها ادخل مشاغل ,,, لانها نصب بنصب ,,, و لو ما دفعنا العربون كان طلعنا بس خسارة دافعين دم قلوبنا ,,,

[دلع الورد]

حنا مره دافعين عربون وقالت اذا جيتو على طول نزينكم ،، ورحنا من الظهر ولقينا بنات ينتظرون وثنتين يصلحون مكياج ،، قلنا خلصي اللي بيدك وابدي بنا ،، قالت لا هم جو قبلكم طيب حنا دافعين عربون قالت ليه ماجيتو بدري ،،قلت متى نجي الفجر وحنا والله رايحين الظهر حوالي 12 .. وعارفه ماراح نطلع لاننا دافعين عربون وماراح نخلي فلوسنا والله ماهمهم تدفعين عربون ولا ماتدفعين ................

[عزتي بديني]

اف والله الورطه

الله يحااسبهم

[نسايم ليل]

الله يعينكم يا بنات الرس على المشاغل الى عندكم
الحمدلله في جدة زي الهم على القلب في كل مكان
مرة كان عندنا مناسبه بالرس وحبيت اخذ معي وحدة من جدة وافقت على ان التكاليف كامله على وقلت تخلصنا واذا حبت تسوي ناس هناك
بكيفها اهم شي تخلصنا وقبل الموعد بيومين خافت تسافر معي تقول هناك معاملتهم صعبه بالقصيم
وغيرت رايها واضطريت اروح لمشغل هناك وجيتهم الظهر والي معي كلهم راحو وانا انتظرت الين الساعه عشر
وحلفت معد اروح هناك اي مشغل
معليش طولت عليكم بس من قهري من المشاغل الي بالرس

[الحننونه]

والله لو انا بمكانك اني مااخليهم يطلعون من البيت والي يصير يصير

[جمجوم]

للاسف عندنا ما فيه حقوق لحماية المستهلك الله هالمشاغل العبو علينا واقهرونا

[5ميس5]

الله يهديهم ويصلحهم

واااااجده النكبات

[ندى الورد]

الله يعطيك العافيه