كفيتي ووفيتي

[زلزال الولـــه]

كفيتي ووفيتي


خلي البكا عنك جف الدمـع بأهدابـك

ماعـــــاد ينفـع رجـاك ولـو ترجيتـي

قـــبل تــشوفين دمعـك ويـش سوابـك

شــــــوفي وش الي مع الأيـام سويتـي

رحــــتي لوقتك وخـانك وقتـك وجابـك

لاتـــــقولي إنك عشـان الحـب رديتـي

عودت قلبي علـى فرقـاك وغيابـك

كـل ماسألنـي قلـت إنـك توفيتـي
ا
لي قبل كـان يكتـب بـك ويقرابـك

في عـز ماكـان محتاجـك تخليتـي

هواك كذبه عمر عاشوا بها احبابـك

كذابه ان قلتـي انـك يـوم حبيتـي

كل الدروب الوداع ان مـرت فبابـك

وكل الأمانـي ضايـع اليـا تمنيتـي

وجهك ذبل جف غصنك طارت اسرابك

مثل الشقا يوم مـر القلـب مريتـي

لو صدق كانت دموعي تحرق اعصابك

ماكان خنتي وفـا قلبـي وتضحيتـي

زرعت حلم الزمان ومـات فترابـك

واغراك صمتي عن البعـد وتماديتـي

يكفيني الي خسرت وضـاع بأسبابـك

شكرآ على الحزن كفيتـي ووفيتـي

أنا انتهت بك سنينـي مقـدر ابدابـك

ودعت الأوجاع من رديـت عافيتـي

وانتي تركتك على أخر سطر بكتابـك

ذكرى رحلتي عن البـال وتلاشيتـي

لو سامحتك السنين ودمعـة عتابـك

ماسامحك حلمي الي فيـه ضحيتـي

ولو كنتي العمر ماعاشـك وغنابـك

قلـب تركتيـه للفرقـا وصديـتـي

ردي علي الحزن انتي حزنك اولابـك

جيتي حزينه روحـي مثـل ماجيتـي

يتضح بان الشاعر نزف هذه القصيدة من معاناة

حفظا للحقوق هذه الابيات للشاعر/محمد الوسمي


ودمتم سالمين

[شامان]

صح لسانك ولسان الشاعر

قصيدة جميله

أهلا بك أخي الفاضل

أحييك