ابراهيم العطني ورائعة يابدر ..... جديد

[راجح]

دن القلم يابدر من يوم دنَ
. . . . . . . . . . . . . . . . . . . .في وسط جوفي من غثى الوقت غربال
واكتب بيوت الشعر فيها تغنىَ
. . . . . . . . . .يسلى بها الخاطر ويستاسع البال
وش حيلة اللي كل ماالليل جنَ
. . . . . . . . . .قامت همومه يابدر تقبل اقبال
الاطف الهاجس بهيل وبنَ
. . . . . . . . . .واقضي على ليلي بكثر التعلال
يالله يالمعبود لاتمتحنا
. . . . . . . . . .ياعالم الخافي ولو كان مثقال
الي حداني يابدر يوم اونَا
. . . . . . . . . .كثر الخطا يابوك من بعض الازوال
ناس نصد ولا يصدون عنَا
. . . . . . . . . .يقفوننا بالهرج والهرج قتال
هم يحسبون سكوتنا عجز منا
. . . . . . . . . .والصمت حكمة يابدر مثل ماقال
نفوسنا باطباعهم ماتهنَا
. . . . . . . . . .تأبى علينا نفوسنا طبع الانذال
حنا نعيب الوقت والعيب حنَا
. . . . . . . . . .والوقت نفس الوقت صابر ولازال
من يبذر المعروف هجسٍ وضنَا
. . . . . . . . . .يصبر على ماجاه في كل الاحوال




ابراهيم بن علي العطني
ابو بدر

[العسيب]

ناس نصد ولا يصدون عنَا
. . . . . . . . . .يقفوننا بالهرج والهرج قتال
اهبم لا عقلهم الله
مشكوووووور راجح وصح لسان الشاعر

[شامان]

المشاركة الأصلية بواسطة راجح

دن القلم يابدر من يوم دنَ
. . . . . . . . . . . . . . . . . . . .في وسط جوفي من غثى الوقت غربال
واكتب بيوت الشعر فيها تغنىَ
. . . . . . . . . .يسلى بها الخاطر ويستاسع البال
وش حيلة اللي كل ماالليل جنَ
. . . . . . . . . .قامت همومه يابدر تقبل اقبال
الاطف الهاجس بهيل وبنَ
. . . . . . . . . .واقضي على ليلي بكثر التعلال
يالله يالمعبود لاتمتحنا
. . . . . . . . . .ياعالم الخافي ولو كان مثقال
الي حداني يابدر يوم اونَا
. . . . . . . . . .كثر الخطا يابوك من بعض الازوال
ناس نصد ولا يصدون عنَا
. . . . . . . . . .يقفوننا بالهرج والهرج قتال
هم يحسبون سكوتنا عجز منا
. . . . . . . . . .والصمت حكمة يابدر مثل ماقال
نفوسنا باطباعهم ماتهنَا
. . . . . . . . . .تأبى علينا نفوسنا طبع الانذال
حنا نعيب الوقت والعيب حنَا
. . . . . . . . . .والوقت نفس الوقت صابر ولازال
من يبذر المعروف هجسٍ وضنَا
. . . . . . . . . .يصبر على ماجاه في كل الاحوال




ابراهيم بن علي العطني
ابو بدر

هلا وغلا فيك

صح لسانك وتسلم يالغالي وسع بالك

ولابد من المنغصات ، الله يكون في عونك

اشكرك راجح على القصيدة

ولكن الأسم مشترك بيني وبين إبن العم ، احييكم جميعا

وفقكم الله

[الطموح]

رائعة رائعة
اعتصر الهم والألم قلب أبي بدر ففاض بهذه الرائعة
وكم نكون سيئين حين نستمتع بألم الآخرين .. لكن الشاعر يرتاح ينشر مشاعره
وأبو بدر شاعر مبدع بنشر مشاعره وخوالجه .

كم أنت مبدع يا أبا بدر .. لك مني التحية .

[ابن العزيز]

الله الله

صح لسانك يابو بدر

ولاهنت ياراجح

.

[الشاهد]

شكرا لك اخ راجح على القصيدة الرائعة
وارجو ان يسمح لي استاذي الشاعر ابراهيم بان أرد
بهذه الأبيات

الى جان كلمه من سفيه تغاضيت
واسكت كني ماسمعته ولا اشوف§
طقيقة تقلق بكثر التصاويت
الصوت يسمع والجسم غير معروف§
وان كرر الغلطه على طول صديت
ماني اموصى بالخلايق ومكلوف§

[الشرطيه]

صح لسان أبو بدر والله أبيات رائعه ووصف بليغ ومذهل

والله يعين على هرج الناس وش يغثنا غيره

شكراً لك الراجح على إمتاعنا بهذه القصيده

[قطرات الندى]

يعطيك اللهالف الف عافيه اخوي على الموضوع

[ام الامل]

اصبر على الهرج وانت متألم ***الصمت حكمة ولو كثروا عليك القال

ما شاء الله

لو ماقريت رد شامان كان قلت هو اللي قايل القصيدة

وراثة يالعطني ؟؟؟؟؟؟؟؟؟؟؟؟؟؟؟

[راعي طويله]

ناس نصد ولا يصدون عنَا
. . . . . . . . . .يقفوننا بالهرج والهرج قتال
هم يحسبون سكوتنا عجز منا
. . . . . . . . . .والصمت حكمة يابدر مثل ماقال

فعلا ً كما قال هذا الرائع

يعتقد البعض أن السكوت في بعض الأحيان ضعف , وهو في حقيقته قوة لأنه تمالك نفسه ولم يغضب

ولأنه كان أكبر من الرد على من لا يفهم ولا يعي ويدرك

صح لسان الشاعر المبدع دائما ً

والف شكر لك اخي راجح على اتحافنا بهذه الرئعة

تقبل تحيتي وتقديري ومروري

[غربة]

صح لسان أبو بدر والله أبيات رائعه ووصف بليغ ومذهل

[حـنـ الشوق ــين]

يعطيك العافية وقصيدة رائعة