عـودة للخلف   منتديات الرس اكس بي > منتديات الرس اكس بي > المواضيع المنقولة وأخبار الصحف والوطن
التسجيل الأسئلة الشائعة التقويم تعليم الأقسام كمقروءة


المواضيع المنقولة وأخبار الصحف والوطن المواضيع المنقولة من الانترنت وأخبار الصحف اليومية و الوطن.

إضافة رد
 
LinkBack أدوات الموضوع طريقة العرض
قديم(ـة) 23-07-2008, 03:26 PM   #1
عضو مشارك
 
تاريخ التسجيل: Jul 2008
المشاركات: 28
قوة التقييم: 0
مسوي أخلاق is on a distinguished road
مصيبة إن كنا أهل الدين ونرمي الناس فيما ليس هو الحق

طاب مساءكم جميعا
ولأول مرة أشارك بالمنتدى بموضوع هز بدني صراحة أحد القريبات للمرحومة روان ردت على بعض التعليقات في بعض المنتديات فيما من رموا روان بالظلم والافتراء
وإليكم الرد


بسم الله الرحمن الرحيم ..

ربّي ان ( روان) نزلت بك .. و انت خير منزول به .. و أصبحت فقيرة الى رحمتك .. و أنت غنيّ عن عذابها .. آتها برحمتك رضاك ..!!

بما انك أنكم بدأتم بالسير على طريق كتابتي .. فأعتذر عن ركاكة أسلوبي ..

لكني هالمره ما راح أعتذر ..

لأن الناس الي قضيت عمري كله أهتم لمشاعرهم .. و أحرص على اني ما أجرحهم ..

كلوا لحم أختي – في الله - .. و ما حشموا ترابها الي للحين ما نشف !!

ماتت روان فجر يوم الأحد الماضي .. ماتت و ما درت انها تركت وراها ناس مكسوره و حزينه على فراقها .. و ناس ( أو مع احترامي أشباه ناس ) يغتابونها و يشوهون سمعتها ..

ناس ما عرفوا حرمة الميّت .. ناس ذممهم وسيعه .. ناس للأسف ما يخافون الله ..

ناس ألسنتهم تلوك و تلوك .. و تتكلم بكلام ماله أساس من الصحه .. و عند نهاية المجلس ..

تقول ( الله يستر عليها .. اللهم لا شماته )

لا ستر الله عليهم في الدنيا و لا في الآخره ..

ماتت روان ..

ولمن تهمّه القشور .. و يبحث عن القصص .. و الجديد .. راح أكتب القصه ..

القصه الي احنا نعرفها .. مثل ما نعرف بنتنا روان !!

روان طلعت مع أخوها في السياره ..

و في أحد الطرق العامّه .. قضى الله على سيارتهم أن تصدم في عمود الاناره ..

و صارت الضربه القويه على جانب روان ..

و هي في نزعها الأخير ..

طلع أخوها من السياره .. عشان يكلم أهله ..

و لمّا رجع .. لقى مجتمعنا الراقي .. مجتمع حولها ليحكم من النظره الأولى .. يشمت .. و يتبلّى ..

و يألّف قصه جديده في راسه .. عشان يرجع البيت و يحكيها لأهله ..

كثر الكلام عنها ..

كثر الهرج و المرج ..

قالوا أنها كانت تسوق السياره لحالها و في سرعة جنونيه ..

و احنا أعرف في بنتنا منهم .. و نعرف أن روان أصلا ما تعرف تسوق السياره بالدرجه الي تمكنها من أنها تطلع في طريق عام .. و بسرعه جنونيه بعد !!

قالوا انها علمانيه .. و منفتحه ..!!

حكموا عليها .. و نسوا ان الله أعلم بالنيّات ..

نسوا ان الي أخذ روان بالهوقت .. قادر على أنه ياخذ بنتهم و يفضحها !

مؤسف الكلام الي سمعناه أيّام العزاء ..

ناس ما احترمت أهلها الي قلوبهم مكسوره على بنتهم ..

و وصلت فيهم الوقاحه أنهم يتكلمون عنها قدامهم !!

روان انظلمت كثير ..

و حسبي الله و نعم الوكيل على من ظلمها ..

طلع واحد بأحد القنوات الفضائيه ..

بقول انه يعرف روان ..

و أنها كانت منحاشه من بيت أهلها ( منحاشه = هربانه )

يا ويله ..

تبلّى عليها ..

الله يبلاه في نفسه و يقطع لسانه .. و يفضحه في الدنيا قبل الآخره ..

و وحده تقول اننا نقول هالكلام عشان نغطّي ع الفضيحه !!

أي فضيحه ؟!

من متى صرنا نعرف الناس أكثر من أهلهم ..

زادها الله جهل على جهلها و أخلفها جهنم بما قالت ..

نسوا حرمة الميّت ..

و نسوا أنهم شهداء الله في أرضه ...

ع الأقل ..

لو انت مقتنع أنها كانت على سوء ..

امسك لسانك ..

( و هل يكبّ الناس على وجوههم الا حصائد ألسنتهم )

بعيد عن كلام أهلها .. و بعيد عن الي صار ..

هذا كلامي أنا دانه ..

يعني لو وحده بالكويت ماتت بحادث .. طلع عنها هالكلام ؟!

لو بنتك انت يالي تكلمت .. بهالعطله سارفت و ساقت و ماتت ..

بتقول انها علمانيه ؟!

مجتمع راقي ..

و أحسده على هالرقيّ ..

ما تزيدون الا ........!!

و الله اني قاعده أحاول قد ما أقدر يكون كلامي راقي .. و ما أتلفظ بألفاظ تسيء لأي أحد ..

لكن ناس مثلهم يستاهلون الرقي و الاحترام ؟!

و الله دنيا رديّه .. و ناس أردى ..

بدل ما يعزّون أبوها ..

تكلّموا عنه ..

قالوا انه ديوث ..!!

و والله ان ( ماجد ) أحسن منك مليون مره يالي ما تتورّع عن أعراض الناس ..

حسبي الله و نعم الوكيل ..

هذا تعليق واحد بأحد المنتديات :



الله يرحمها

لكن كلام أبوها خرط فاضي

قال ايه قال ماتعرف القيادة!!!!!

لو الشرطة والاسعاف والناس لاقين معها أخوها كان قالوا !!!

والا تبي تقول ان كل من باشر الحادث ماعندهم سالفة بس انت اللي عندك السالفة

بنتك هي اللي تسوق وانت تدري بهذا الشيء ومادام انك مستحي من الناس

ليش تعلمها السواقة بدليل انك تقول انها تدور بالبيت والاشياء البسيطة

قال ايه قال ماتعرف تسوق؟؟ يافشيلك عند الله وخلقه !!!!

كلامك خراط ومهايط وتقرير الشرطة والمستشفى اوضح من عين الشمس

اللهم لاشماتة



يا سبحان الله ..

لا انت الي تعرف السالفه ..

و انت الي ما تخربط ..

و يا سخافة عقلك ..

الله يقطع رزقك و يقطع لسانك و يفضحك في الدنيا و الآخره ..

و يعلمك كيف تتكلم على أعراض الناس ..

عساك تشوفها في نفسك يارب ..

أنا ماني حقوده .. و ماني قاسيه ..

لكن هم القاسين ..!!

لو فكروا لحظه بس ان روان ممكن تكون بنتهم ..

و الله ما تكلموا ..

على فكره ..

في السياره ..

روان لقّنوها الشهاده ..

و تشهّدت ..

لكنها ما ماتت الا في المستشفى ..

طيب ليه هذا الكلام ما نتشر ؟!

و الا لأن فيه الخير ؟!

للأسف ..

ناس مريضه ..

تدوّر الكلام السيئ عشان تتناقله ..

و والله ما قهرني الا أهل الدين الي تكلموا فيها ..

و الله ان الدين منهم براء ..

هذا الي أخذوه من القرآن و من الدين ؟!

اساءة ظن .. و غيبه ..

اللهم اجعل دينهم حجة عليهم و افضحهم يارب ..

بعد هالكلام هذا ..

اذا انت ( حمار ) و ما زلت مقتنع بكلام الجرايد ..

فما أقول غير ..

ربي يعطيك العقل ..

ربي من تكلم عن روان بسوء ..

فارنا فيه قدرتك ..

اقطع رزقه و خلفه و ذكره ..

و احرقه في الدنيا و الآخره ..

أختم بالدعاء لروان ..

اللهم يا حنان يامنان يا واســـع الغفران أغفــر لها وارحمها وعافها واعف عنها واكرم نزلها ووسع مدخلها وأغسلها بالماء والثلج والبرد ونقها من الذنوب والخطايا كما ينقى الثوب الأبيض من الدنس.

اللهم أسألك بكل اسم سميت به نفسك ، إن كانت مقصرة في عباداتها فأعفو عنها برحمتك وتجاوز عنها وتحمل عنها يا أرحم الراحمين فانك يارحمن فى غنى عن هذا العبادات ، ولكنها فى امس الحاجه لرحمتك وعفوك لأنها لا تجد من يرحمها غيرك يا الله

اللهم : أبدلها دارا خيرا من دارها و أهلا خيرا من أهلها وزوجا خيرا من زوجها وولدا خيرا من ولدها وجارا خيرا من جارها ، وادخلها الجنة و أعذها من عذاب القبر وفتنته ومن عذاب النار
اللهم : عاملها بما أنت أهله ولا تعاملها بما هي أهله.
اللهم : اجزها عن الإحسان إحسانا وعن الإساءة عفوا وغفرانا.
اللهم : إن كانت محسنة فزد في حسناتها وان كانت مسيئة فتجاوز عنها يارب العالمين
اللهم : ادخلها الجنة من غير مناقشه حساب ولا سابقه عذاب
اللهم : انسها في وحدتها وانسها في وحشتها وانسها في غربتها .
اللهم : أنزلها منزلا مباركا وأنت خير المنزلين ..

لا تنسى أن من ذبّ عن عرض أخيه المسلم ذبّ الله عنه النار يوم القيامه ..

انشرها ..

لأنك حتى لو ماكنت تعرف روان ..

فــ فيه الملايين من من يتكلم عنها و يسيء لها ..

و لا تنسَ ان روان اختك المسلمه ..

شهدت أن لا اله الا الله و ان محمد رسول الله ..!
مسوي أخلاق غير متصل   الرد باقتباس

 
قديم(ـة) 25-07-2008, 05:31 PM   #2
عضو مميز
 
تاريخ التسجيل: Mar 2006
المشاركات: 156
قوة التقييم: 0
نلتقي لنرتقي is on a distinguished road
انا مدري وش الطبخة ..
لكن ياللي طرحت الموضوع هل قرأت المقابلة مع ابوها ؟
نلتقي لنرتقي غير متصل   الرد باقتباس
قديم(ـة) 26-07-2008, 04:00 AM   #3
عضو مبدع
 
تاريخ التسجيل: Mar 2008
المشاركات: 1,355
قوة التقييم: 0
لموورة is on a distinguished road
الله يرحمها ويرحم امواتنا واموات المسلمين اللهم امين
__________________
لموورة غير متصل   الرد باقتباس
إضافة رد


يتصفح الموضوع حالياً: 1 (0 من الأعضاء و 1 من الزوار)
 
أدوات الموضوع
طريقة العرض

قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق
Trackbacks are متاح
Pingbacks are متاح
Refbacks are متاح


مواضيع مشابهة
الموضوع الكاتب المنتدى الردود آخر مشاركة
خالد وبندر ومعنى الصداقه الحقيقية ( قصة رائعة لاتفوتكم ) زلزال الولـــه المنتدى الأدبي والشعر و الألغاز 31 13-09-2010 02:34 PM
وصايا مهمة لعامة الأمة,,,,محاضرة قيمة جداًً السحب الوابلة المنتدى الدعوي و الأسرة والمجتمع 8 06-08-2010 04:38 PM
حكم من سب الله - الدين - الرسول - الصحابة رضوان الله عليهم ام الغااااالين المنتدى الدعوي و الأسرة والمجتمع 5 12-07-2008 05:40 PM
فوائد ومسائل تتعلق بالبيعة لولي الأمر,,,للشيخ العلامة فقيه الزمان السحب الوابلة المواضيع المنقولة وأخبار الصحف والوطن 5 08-07-2008 01:24 PM
سليمان عليه السلام .. هل ملك القوة النووية ؟؟؟؟؟؟؟؟؟ راع الطموح المواضيع المنقولة وأخبار الصحف والوطن 0 01-07-2008 10:42 PM


الساعة الآن +3: 04:02 PM.


Powered by vBulletin® Version 3.8.7
Copyright ©2000 - 2017, vBulletin Solutions, Inc.
SEO by vBSEO 3.6.0 ©2011, Crawlability, Inc.
هذا المنتدى يستخدم منتجات بلص

1 2 3 4 5 6 7 8 9 10 11 12 13 14 15 16 17 18 19