عـودة للخلف   منتديات الرس اكس بي > منتديات الرس اكس بي > المنتدى العام والمواضيع المتنوعة
التسجيل الأسئلة الشائعة التقويم تعليم الأقسام كمقروءة


المنتدى العام والمواضيع المتنوعة الموضوعات العامة والمناقشات والحوارات الهادفة، والتي لا علاقة لها بأقسام المنتدى الأخرى.

إضافة رد
 
LinkBack أدوات الموضوع طريقة العرض
قديم(ـة) 24-07-2008, 02:13 PM   #1
عضو بارز
 
صورة أسرااار الرمزية
 
تاريخ التسجيل: Feb 2008
المشاركات: 305
قوة التقييم: 0
أسرااار is on a distinguished road
بــــــــــــدون عنـــــــــــــــــوان

(1)
ياشين قل الصديق ومسة الحاجة
وفقدانك الحاجة اللي كنت ذاخرها
وجفوة أعز الناس لاصرت محتاجة
تثر على النفس وتكدر مشاعرها
واللي يزود عذاب القلب وأزعاجه
مقابل الناس لاشانت خواطرها

~*~
~*~
~*~
(2)
الضيقه لاصرت عايش والبخت مايل
إن جيت تضحك تقاطع بسمتك : دمعه
تموت أحسن ؟!.......وإلاّ ماني بقايل
أستغفرالله على الضيقات مجتمعه

~*~
~*~
~*~


(3)
لالايهمك صاحبن خان خله
بكره يجيه من الشبه عد تعداد
وجعل الذي همل دموعك يعله
يفقد نظر عينه في صبح الاعياد
وإلا يذوق الموت بالريق بلّه
وده يموت وموتته بيد جلاد

~*~
~*~
~*~

(4)
لاتوجعك دمعة عيوناً.... بكنا
لو يسقي الوادي من الدمع كذاب
هذا الوطن ياقلب ماهو.. ..وطنا
وش الفايده مادام عشنا به أغراب
ليت الليالي لدروبه..... حدنا
مادام قلبه عدنا ضمن الاحباب

~*~
~*~
~*~

(5)

حسبي على حظ غدرني نتاجه
مجرم ومعروف الغدر فيه معروف
حظي واعرفه مستحيل علاجه
من خوف ياخذني إلى قمة الخوف
عطشان دايم وارتوي من هماجه
وإن غاب ضيمه عوّد الضيم ملهوف
كذا كذا يعني عواجه عواجه
إلين أعدمني وأنا واقف أشوف .

~*~
~*~
~*~
(6)

أرجي السنين المقبله تنصف الحال
عقب السنين اللي مضت لي حزينه
مشيت كل دروب الايام رحال
طال الشقا والحزن طالت سنينه
وكل من نشد ويقول وش هي الاحوال
أجامله بالرد واقول زينه

~*~
~*~
~*~
(7)
بحجز على لندن تذاكر وترحيل
وآخذ بدل هالقلب قلب صناعي
قلب صناعي مابه أحساس ويميل
وظيفته لدم يعطي أندفاعي
والقلب الاول ارسله لك بمنديل
واقول خذ هذا السبب في ضياعي

~*~
~*~
~*~
(8)
خزنت لك بالقلب عشرة ملايين
ماهو رصيد فلوس لكن موده
زكاة حبك هي غناة المساكين
من الساحل الشرقي الى حدجده
بمشي معك والله على العسر واللين
الموت والمقسوم ماحدٍ يرده

~*~
~*~
~*~

(9)
ياكثر ماندخل متاهات واحراج
من قل مانملك فقدنا الرفاقه
ياشينها لاصرت طيب ومحتاج
وخانوا بك اللي يدعون الصداقه

~*~
~*~
~*~
(10)
ضاق النهار وضيق الوقت جوه
وضاقت مفاهيم السعادة والافراح
وكل يصارع بالتفاصيل ضوه
وخيط القهر كنه مع الضيم وضاح

~*~
~*~
~*~
(11)
العمر يمضي والزمن في تنامي
ماننتبه تمضي دقايق وساعات
دهرن مهول وصار مثل الحرامي
يسرق علينا الوقت باسلوب وسكات


~*~
~*~
~*~
(12)

الناس في بسمة المجروح منخدعة
كم بسمة من وراها النار بأنفاسي
بعض المواجع لها ماتنفع الفزعه
وبعض المواجع وجعها من وجع ناسي
عودت نفسي على الصدمات والفجعه
ولو دست جمر الزمن ماينحني راسي

~*~
~*~
~*~
(13)
من طفولتنا وحنا مبهمين
مايعرف الكون حنا وش نبي
من طفولتنا وحنا محبطين
ماوصلنا الشمس ركض ولاحبي
من طفولتنا وحنا صورتين
بعضنا موهوم والاخر غبي

~*~
~*~
~*~
(14)
مايجتمع شمل العزا والتهاني
ولايلتقي صبح مع أول الليل
مثل الامل والياس مثل الاماني
مثل الجفاف اللي يبي رشفة السيل
ودنياك لو تضحك بوجهك ثواني
عقب السعادة تهدي الحزن والويل

~*~
~*~
~*~
(15)
اللي ستر عيبه عن الناس بهدوم
وش يستره لاصار عيبه كلامه

~*~
~*~
~*~
(16)
الخوف يجتاحني وجه الطريق أسمر
راح أكثر العمر وياخوفي على الباقي

~*~
~*~
~*~
(17)
ان غاب صوتك بعيد ألقاه في بالي
ياخذني الهمس لأحلامي واهلي به
القى معاك السعاده وانت غربالي
واشوف منك العذاب وداخلك طيبه
صراع مابين القلب وامالي
من ياخذ الروح قبل الموت يقفي به

~*~
~*~
~*~

(18)
خطاي أني سألت وجيت أدور للغياب أسباب
خطاي أني تعلمت الوفا والناس كذابه
حسايف يازمن ماعاد باقي في الزمان أصحاب
على حسب المصالح كل يحسب أحسابه
أسرااار غير متصل   الرد باقتباس

 
قديم(ـة) 24-07-2008, 02:18 PM   #2
عضو ذهبي
 
صورة حبحره الرمزية
 
تاريخ التسجيل: Feb 2008
المشاركات: 3,715
قوة التقييم: 0
حبحره is on a distinguished road
~*~
~*~
~*~
(8)
خزنت لك بالقلب عشرة ملايين
ماهو رصيد فلوس لكن موده
زكاة حبك هي غناة المساكين
من الساحل الشرقي الى حدجده
بمشي معك والله على العسر واللين
الموت والمقسوم ماحدٍ يرده

~*~
~*~
~*~

يسلموووووووووووو

كلام جميل ورائع

تحياتي
__________________
.........................
ياكثر مايطري على البال توقيع ....ولاشفت لي توقيع يرضي غروري !!!!
إن ماحصل توقيع فوق التواقيع .....وإلا عن التوقيع يكفي حضوري
حبحره غير متصل   الرد باقتباس
قديم(ـة) 24-07-2008, 04:38 PM   #3
عضو بارز
 
تاريخ التسجيل: Jul 2008
البلد: نجـ تسكنني ــــــد
المشاركات: 387
قوة التقييم: 0
شوكولاين is on a distinguished road
وااااااااااااااااااو
كلااااااااااااااااااااااااااام رااااااااااااااااااااااائع
وتقبلي مروووووووووووووووري
__________________
تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً
شوكولاين غير متصل   الرد باقتباس
قديم(ـة) 24-07-2008, 04:47 PM   #4
عضو بارز
 
تاريخ التسجيل: Oct 2007
المشاركات: 395
قوة التقييم: 0
ديرتي غيرتي is on a distinguished road
خطاي اني تعلمت الوفا والناس كذابه..... كلام ولا با الاحلام ....تقبلي تحياتي
ديرتي غيرتي غير متصل   الرد باقتباس
قديم(ـة) 24-07-2008, 04:47 PM   #5
عضو متواجد
 
تاريخ التسجيل: Oct 2005
البلد: KSA
المشاركات: 35
قوة التقييم: 0
غيداء التميمي is on a distinguished road
الله يوسع صدركـ بالإيمان ويفرج همكـ

كلام رقيق يلامس القلب

دمتي مبدعه

احترامي وتقديري
__________________
بنات تميم ماتسطرنا الأبيات
شيوخ والشيخه علينا شويه
غيداء التميمي غير متصل   الرد باقتباس
قديم(ـة) 24-07-2008, 04:48 PM   #6
مشرف المنتدى العام
عضو مجلس الإدارة
 
صورة سيف الرعد الرمزية
 
تاريخ التسجيل: Nov 2003
البلد: رساوي حفراوي نجداوي شمالي
المشاركات: 14,742
قوة التقييم: 31
سيف الرعد has a spectacular aura aboutسيف الرعد has a spectacular aura aboutسيف الرعد has a spectacular aura about
اللي ستر عيبه عن الناس بهدوم
وش يستره لاصار عيبه كلامه



فعلا من يستره لا صار عيبة كلامه
ثمانية عشر مقطوعة خطت على رقاق من ذهب
تستحق القرائه


تحيتي
__________________


(خليفة الخليفة)
تسرني متابعتك تويتر وسناب شات وانستقرام
khalifam2@
سيف الرعد غير متصل   الرد باقتباس
قديم(ـة) 24-07-2008, 05:35 PM   #7
عضو نشط
 
تاريخ التسجيل: Nov 2004
المشاركات: 97
قوة التقييم: 0
عين السيح is on a distinguished road
وجعل الذي همل دموعك يعله
يفقد نظر عينه في صبح الاعياد


يا سااااااااااتر

شكرا لك
عين السيح غير متصل   الرد باقتباس
قديم(ـة) 24-07-2008, 07:42 PM   #8
عضو بارز
 
صورة ممدوح الرمزية
 
تاريخ التسجيل: Feb 2008
المشاركات: 571
قوة التقييم: 0
ممدوح is on a distinguished road
نص جميل ورائع
توقفت عنده اختي الكريمه اسرار
لم اجد من العبارات مايليق بعظمة ماكتبت
اسمحيلي ان انسحب بهدوء
واقول لك
مما لاشك فيه اانك كاتبة مبدعه
وتستحقين الثناء
اختي سلمت يداك
دمت بود
ممدوح
ممدوح غير متصل   الرد باقتباس
إضافة رد


يتصفح الموضوع حالياً: 1 (0 من الأعضاء و 1 من الزوار)
 
أدوات الموضوع
طريقة العرض

قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق
Trackbacks are متاح
Pingbacks are متاح
Refbacks are متاح



الساعة الآن +3: 10:23 PM.


Powered by vBulletin® Version 3.8.7
Copyright ©2000 - 2018, vBulletin Solutions, Inc.
SEO by vBSEO 3.6.0 ©2011, Crawlability, Inc.
هذا المنتدى يستخدم منتجات بلص

1 2 3 4 5 6 7 8 9 10 11 12 13 14 15 16 17 18 19