العودة   منتديات الرس اكس بي > منتديات الرس اكس بي > الرياضة و السوالف و التواصل
التعليمـــات التقويم اجعل كافة الأقسام مقروءة

الملاحظات

الرياضة و السوالف و التواصل لكل ما يخص الرياضة، و لتبادل الأحاديث المتنوعة و الترفيه.

إضافة رد
 
أدوات الموضوع انواع عرض الموضوع
قديم 28-07-2008, 06:56 AM   #1
ftoo
عضو
 
تاريخ التسجيل: Jul 2008
المشاركات: 12
معدل تقييم المستوى: 0
ftoo is on a distinguished road
Talking تبي تضحك من جد (اقراء هذه النكته)

قبل لاتبدأ بقراءة النكته أحذرك

لو مت من الضحك ترى ماهو ذنبي
اوكي

.

.

كان فيه ولد طفران

(ما عنده ولا ريال)

راح لأبوه

وقاله : عطني 15 ريال,, ودي اشتري كوره

الأب : أقول إنقلع عني تراها واصله معي

الولد : تكفا يبه ,,بس 15 ريال ولا أقول لك خلها عشرة ريال

الأب : ما عندي فلوس ... إذا تبي فلوس رح بع الديك حقك المريض اللي بالحوش ..

الولد : بس هذا مريض وما أحد بيشريه

الأب : ما علي منك... دبر نفسك


الولد استسلم للأمر الواقع، واخذ الديك

أول واحد قابله في وجهه

أكيد أبوه....

قاله الولد : تشتري الديك؟

الأب : أقول بتنقلع عني ولا ؟

الولد : خلاص خلاص لا تنفخ


طلع الولد من البيت ومعه الديك
في محاولة يائسة إن الديك ينباع
عرض الديك على أهل الحارة كلهم
ولا واحد فيهم قبل إنه يشتري الديك

قال الولد : ممممممممم, والله مالي إلا فلانة,,
عقلها خفيف وأكيد بقدر ألعب عليها بسهوله

فلانة هذي

كانت وحدة متزوجة بس للأسف كانت رايحة فيها

وتلعب بذيلها من ورى زوجها
راح لها الولد عشان يبيع عليها الديك

الولد : تشترين الديك تكفين؟

الحرمة : هلا والله بحبيبي ..
تعال قرب مني عشان أبوسك بوسه خفيفة

الولد : أقول ما ني فاضي لك..
خذي مني الديك وخليني أروح

الحرمة : تروح وين يا عمري!!
أنا ما صدقت إني شفت رجال عندي في البيت ...

الولد : ومنهو اللي قال لك إن أنا رجال؟
خذي مني الديك وخليني أنقلع

شوي


إلا الباب يدق

خافت الحرمة


وقالت للولد : تعال إنثبر (ادخل) هنا في الدولاب
لا يطلع زوجي ثم نروح فيها.

حطت الولد في الدولاب وراحت فتحت الباب

إلا وطلع لها صديقها اللي تخون زوجها معه ..

الحرمة : هلا والله بعمري وحياتي

الرجال : يا هلا فيك عمري...

ما أمدا الرجال يكمل كلمته

إلا والباب يطق

الحرمة : يا ويلي ويلاه....
هذا شكله زوجي......

تعال وادخل في الدولاب دخل خوينا في الدولاب

وفجأة

في عز الظلام سمع صوت يكلمه داخل الدولاب


ويقوله : تشتري الديك؟

الرجال :

اصصصصصصصص.......

رخ صوتك الله يرحم والديك

لا تفضحنا

الولد : أقول تشتري الديك؟

الرجال : يا خوي خلاص باشتري الديك بس قصر على حسك تكفا...

الولد : طيب

الرجال : بس بكم تبيعه؟

الولد : بــ 100 ريال

الرجال : ايش!!!!!!!!!!!! هالديك المنتوف المريض بــ 100ريال

الولد : وش دراك أنه منتف و مريض ؟

المهم تبي تشتري ولا ارفع صوتي؟

الرجال :

لا

لا

خلاص.....

اباشتري وأمري لله



جلسوا 5 دقائق



الولد : تبيع الديك؟

الرجال : توك (قبل قليل) بايعه علي يا بن الحلال!!

الولد : تبيعه علي ولا ارفع صوتي؟

الرجال :

لا

لا

خلاص.... ببيعه وأمري لله....
بكم تشتريه؟

الولد : بريال

الرجال : أيش!! بريال!!!!
أنا مشتريه منك بـــ 100 ريال وأنت تشتريه مني بريال!!!!!

الولد : تبيعه علي ولا ارفع صوتي؟

الرجال :

لا

لا

خلاص....

ببيعه وأمري لله


جلسوا 5 دقائق


الولد : تشتري الديك؟

الرجال : ياخوي توني (قبل قليل) مشتريه منك!

الولد : تبي تشتري ولا ارفع صوتي؟

الرجال :

لا

لا

خلاص....

أباشتري وأمري لله.....

بكم تبيعه؟

الولد : بــ200 ريال

الرجال : الله يمحط بك إنشاء لله......
توني مشتريه منك بــ 100 ريال!

الولد : تبي تشتري ولا ارفع صوتي؟

الرجال:

لا

لا

خلاص....

أباشتري وأمري لله


جلسوا 5 دقائق


الولد : تبيع الديك؟

الرجال : إنَّا لله وإنا إليه راجعون.....
بكم تبي تشتريه؟

الولد : بريال

الرجال : وش تبيني أقول!!
تبيني أبكي ولا أشقق هدومي....

يالله خذ الديك وببلاش



بعد أن اخذ الولد الديك

شوي إلا الحرمة فاتحة عليهم الدولاب

وقالت لهم : يالله بسرعه إنحاشو دام إن زوجي في الحمام..
بس واحد ورى الثاني وبشويش عشان لا يحس فيكم زوجي


طلع الرجال وانحاش (هرب/طلع)

ولحقه الولد بعده ب5 دقائق

المهم...

قام الولد يتمشى في الشارع وهو مستأنس إن صار معه فلوس ..

بعدين راح للبيت يوم دخل البيت شاف أبوه قدامه ..

راح قال لأبوه: تشتري الديك؟

الأب ناظر فيه والشرار طالع من عيونه

وقاله:
ما يكفيك يا بن (؟؟؟) الــ 300ريال
اللي لطشتها مني في الدولاب
ftoo غير متواجد حالياً   رد مع اقتباس
قديم 28-07-2008, 07:27 AM   #2
حمامة شوق
مشرفة سابقة
 
الصورة الرمزية حمامة شوق
 
تاريخ التسجيل: Jul 2008
الدولة: في ج’ـوف الصدر الح’ـنون،،}~
المشاركات: 3,514
معدل تقييم المستوى: 0
حمامة شوق will become famous soon enoughحمامة شوق will become famous soon enough
افتراضي

ههههههههههههههههههههههـ

بس ماتلاحظين انهااا طويـــــــــله>>بس النهاية رهيـــــــــبه<<افكر اسوي تجاره في الدواليب

ولا وش رايك؟؟؟؟؟؟؟؟
__________________
حمامة شوق غير متواجد حالياً   رد مع اقتباس
قديم 28-07-2008, 07:32 AM   #3
الــ برهووومـ ـ ـرس
عضو ذهبي
 
تاريخ التسجيل: Jul 2008
المشاركات: 2,795
معدل تقييم المستوى: 0
الــ برهووومـ ـ ـرس is on a distinguished road
افتراضي

هههههههههههههههههههههههه حلووووووووووهـ

تراي انا مت

تقبلي مروري
الــ برهووومـ ـ ـرس غير متواجد حالياً   رد مع اقتباس
قديم 28-07-2008, 01:44 PM   #4
@.ولد.الرس.@
عضو خبير
 
الصورة الرمزية @.ولد.الرس.@
 
تاريخ التسجيل: Mar 2008
الدولة: ..فــي عــالمـ مزيــفـ ..
المشاركات: 4,050
معدل تقييم المستوى: 0
@.ولد.الرس.@ is on a distinguished road
افتراضي

هههههههههههههههههههههههههههههه ,,,

صار ابووه هو الي يغازل المره هههههههههههه ,,

يسلموو على الموضووع الرائع ’’’’

عوآآآآآآآفيــ)

رســـــآآآآآآآويـ)
@.ولد.الرس.@ غير متواجد حالياً   رد مع اقتباس
قديم 28-07-2008, 02:43 PM   #5
moath70
عضو مميز
 
الصورة الرمزية moath70
 
تاريخ التسجيل: Aug 2007
الدولة: الرس
المشاركات: 249
معدل تقييم المستوى: 0
moath70 is on a distinguished road
افتراضي

هههههههههههههههههه
يسلموووو
moath70 غير متواجد حالياً   رد مع اقتباس
قديم 28-07-2008, 08:25 PM   #6
ابو صالح الرس
عضو اسطوري
 
الصورة الرمزية ابو صالح الرس
 
تاريخ التسجيل: Aug 2007
الدولة: في قلب كل شخص احبني في الله فإذا رحلة عنكم فذكروني بكل خير وادعو لي بالرحمة
المشاركات: 29,189
معدل تقييم المستوى: 43
ابو صالح الرس has a spectacular aura aboutابو صالح الرس has a spectacular aura about
Talking

هههههههههههههههههههههههههههههههههه


يعطيك العافيه
ابو صالح الرس غير متواجد حالياً   رد مع اقتباس
قديم 28-07-2008, 08:50 PM   #7
شموسة
عضو متواجد
 
تاريخ التسجيل: Jul 2008
المشاركات: 59
معدل تقييم المستوى: 0
شموسة is on a distinguished road
افتراضي

ولله رهيييييييييييييييييييييييييييييييييييييييييييييييي يييييبه مشكور
__________________
تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً
شموسة غير متواجد حالياً   رد مع اقتباس
قديم 28-07-2008, 09:47 PM   #8
..احلى بنوتة..
عضو متألق
 
تاريخ التسجيل: Sep 2007
الدولة: ليس المهم أين أكون ..؟؟ المهم من أكون ..!!
المشاركات: 706
معدل تقييم المستوى: 0
..احلى بنوتة.. is on a distinguished road
افتراضي

هههههههههههههههههههههههههههههههههههههههههههههه
يسلمووووووووووو ..
تقبلي مروري ..
__________________
تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً
..احلى بنوتة.. غير متواجد حالياً   رد مع اقتباس
قديم 28-07-2008, 10:20 PM   #9
سلمونه
عضو متواجد
 
تاريخ التسجيل: Feb 2008
المشاركات: 64
معدل تقييم المستوى: 0
سلمونه is on a distinguished road
افتراضي

هعهعهعهعهعهعهعهعهعهعه
حلووووووووووووووووووووه والله قويه
سلمونه غير متواجد حالياً   رد مع اقتباس
قديم 28-07-2008, 11:05 PM   #10
صقرعنيزة
عضو ذهبي
 
الصورة الرمزية صقرعنيزة
 
تاريخ التسجيل: Feb 2006
الدولة: ~~ على بحر ازرق ممزوج بصفار الشمس ~~
المشاركات: 3,051
معدل تقييم المستوى: 0
صقرعنيزة will become famous soon enough
افتراضي

اقتباس:
وفجأة

في عز الظلام سمع صوت يكلمه داخل الدولاب


ويقوله : تشتري الديك؟
هذي لحاله تفقعت ضحك
بس حلوووووووووووووووووووووووة


ال اقول تشرين نكته والا ترى ارفع شكوى ؟؟؟؟؟؟؟؟؟؟؟
__________________
؟
صقرعنيزة غير متواجد حالياً   رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
اقراء السلام قصيدة لم تكتمل تاريخ الرس و الأدب و الشعر 4 25-08-2008 05:36 AM


الساعة الآن 07:02 PM


Powered by vBulletin® Copyright ©2000 - 2019, Jelsoft Enterprises Ltd. TranZ By Almuhajir