عـودة للخلف   منتديات الرس اكس بي > منتديات الرس اكس بي > المنتدى العام والمواضيع المتنوعة
التسجيل الأسئلة الشائعة التقويم تعليم الأقسام كمقروءة


المنتدى العام والمواضيع المتنوعة الموضوعات العامة والمناقشات والحوارات الهادفة، والتي لا علاقة لها بأقسام المنتدى الأخرى.

موضوع مغلق
 
LinkBack أدوات الموضوع طريقة العرض
قديم(ـة) 24-01-2004, 01:32 PM   #1
عضو مميز
 
تاريخ التسجيل: Feb 2002
المشاركات: 106
قوة التقييم: 0
هلالي الرس is on a distinguished road
مطعم الطاهي بالرس يوجه ضربة قاضية لـ .... ؟؟؟

في ليلة الخميس الماضي وفي تمام الساعة الحادية عشر تقريباً مساء حدثت مأسآة لأختي التي تبلغ من العمر ثمانية عشر عاماً .. حيث أتصلت علي بالجوال وطلبت مني عشاء ( على غير العادة ) لأن أهلي معزومين براء وأختي ما كانت معهم المهم ..

اتصلت على رقم مطعم الطاهي بالرس اللي هو 3338000 وطلبت منهم مشكل مشوي ( صحن ) بـ 15 ريال .. ؟؟
أخذته بنفسي من المطعم ووديته لأختي .. ؟؟
بعدها رحت جبت الوالدة وبقية الأسرة من عزيمتهم .. ؟؟
جيت للبيت نزلت الربع .. قلتلهم تبون شي أنا ماشي للإستراحة ..؟؟

المهم رحت للشباب بالإستراحة لقيت شبة الضؤ والوناسه والحليب ؟؟؟

أبو سليمان ( اسم واحد من الشباب ) صبللي فنجال حليب ... ؟؟

تسلم بعرسك إن شاء الله .. (( قلتله أنا )) .. ؟؟

ما أمداني أحط الفنجال في فمي إلا دقة جوال (( البيت )) الخاصة ..

قلت (( إنا لله .. أمداني أطلع من عندهم ... !! )) المهم رديت وصارت

بداية ليلة ( يالها من ليلة ) الوالدة ... الحق على أختك مدري وش

فيها صابها البلاء وقاعدة تلوا .. ؟؟؟!!! خير إن شاء الله وش فيها .. !!

توني جاي من عندها متعشية ما فيها الإ العافية .. ؟؟

الوالدة .. أخلص تتجي والإ صحيت أبوك يوديها للمستشفى .. ؟؟

أفا ياذا العلم أنت جادة .. ؟؟ يالله جايك الحين .. ,الحليب الله يخلف ..

المهم للبيت أمشي مليون لأن الإتصال جاني أكثر من مرة وأنا بالسيارة .. ؟؟؟

يوم دخلت ولاها .. (( سبحان مغير الأحوال )) مهيب أختي اللي أنا

خابر .. ؟؟ يادفع البلاء ..

بسرعة لبسوها عبايتها وللمستشفى .. ؟؟

أي مستشفى أروح والله إن حق الرس زبالة أبروح للزايد .. ؟؟؟

يوم دخلنا للمستشفى وأختي بالطريق ما خلتني أتنفس تتوجع بشدة

وبس تصارخ .. ؟؟؟

المهم .. دخلنا على الإسعاف في المستشفى . ...؟؟ وقال الدكتور

حالتها خطرة .. فيها تسمم شديد .. ؟؟؟؟؟ والله يستر .. ؟؟

ارتفاع (( رهييب )) في درجة الحرارة ووجه شاحب واحمرار بالعيون

وتقيؤ وحالتها حالة .. ؟؟

رقدوها المستشفى ذيك الليلة وصارت تحت عنايتهم بعد الله ... ؟؟

المهم طلعتها بعد الفجر ومعها كومة أدوية قصت 215 ريال .. ؟؟

والمستشفى أخذ 450 ريال بعد التخفيضات والصيحات .. ؟؟

مجموع الخسارة كلها 665 بالإضافة لقيمة العشاء 17 ريال ؟؟؟

الدكتور يقوللي أنا والوالدة إن أختك تعرضت لتسمم خطر من أخطر أنواع

التسمم حيث أن البكتريا مرتفعة و..وووو .. ( خرط مصاريا ) ولو ماجبتوها

كان صارها شئ ثاني ..

قلت لأختي بعد ماتعافت وصحت والحمد لله .. خير إن شاء الله .. ؟؟

أنت آكلة شئ مع العشاء ( لأني متوقع إن عشاء الطاهي نظيف )

قالت أبداً من الغداء ماطب أفمي شئ أبد .. ؟؟ وأكلت العشاء طبيعي

وبعد خمس دقايق تقريباً جرالي الشر .. ؟؟ (( والحمد لله على كل

حال ))

أنا ماودي إني كتبت هالقصة بالمنتدى لكن وش أسوي .. ؟؟

خسرنا 700 ريال تقريباً وراحت علي ليلة كاملة وراح علي الحليب ..؟؟

والحين وش رايكم وش أسوي أكلم راعي المطعم وآخذ له فواتير

المستشفى وإلا أقول الله يخلف ؟؟؟

تحياتي للجميع

@ الله يكفينا شر المطاعم العام الماضي عزمت عيال وقلت وش

أجيبلهم ... يالله اتصلت على مطعم أبوبندر وطلبت منه الصحن الطائر ..

ذيك الليلة عددنا ثمانية .. خمسة منا ناموا بدورة المياه ..؟؟ ( الله يعزكم )

من يحمينا من لعب العمال وقذارتهم .. ؟؟؟

واحد من العيال ويحلفلي يميناً بالله إنه أشترى شورمة من مطعم على طريق الملك عبد العزيز ويوم أكل نصفها تدرون وش لقى .. ؟؟؟

صارور ..

قسماً بالله العظيم هذا اللي صارله .. ؟؟ رفيقي وش يسوي راح واستفرغ اللي أكله ( الله يعزكم ) وأكل تبن وأسكت .. ؟؟

آسف على الإطالة ،،
__________________
تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً

آخر من قام بالتعديل هلالي الرس; بتاريخ 24-01-2004 الساعة 01:34 PM.
هلالي الرس غير متصل  

 
قديم(ـة) 24-01-2004, 02:11 PM   #2
مشرف المنتدى العام
عضو مجلس الإدارة
 
صورة سيف الرعد الرمزية
 
تاريخ التسجيل: Nov 2003
البلد: رساوي حفراوي نجداوي شمالي
المشاركات: 14,742
قوة التقييم: 31
سيف الرعد has a spectacular aura aboutسيف الرعد has a spectacular aura aboutسيف الرعد has a spectacular aura about
هلا لي الرس
تحياتي اخوي
اولا الحمد لله على سلامت اختكم000 وما تشوف شر انشاء الله
ثانيا والله ان المطاعم كلها وسخ في وسخ عماله تنشاء في مزابل في بلدانهم
يجون عندنا ويلبسونهم افرول وكله صوره وختم تعلق على الجدار
وتبدى البربسه الدجاج ينقع في بانيو 000ضافينه من المحرقه
الدجاج يتبل ويترك تحت الشوايه الىالليل
الرز فظلة الزباين تجمع وتباع لزبون ثاني
ورق العنب العرق يتقاطر من جبهة ابو هنود خخخخ يكفي عن الملح الله ام لك الحمد
باقي الدجاج اللي بالشوايه اذا ما انباع بكره حميه وبيعه زبون ما في مشكل كله اكل
والخافي اعظم
تقبل تحياتي اخوك 000 الشاااااااااد
__________________


(خليفة الخليفة)
تسرني متابعتك تويتر وسناب شات وانستقرام
khalifam2@
سيف الرعد غير متصل  
قديم(ـة) 24-01-2004, 02:21 PM   #3
عضو مبدع
 
تاريخ التسجيل: Sep 2003
البلد: أنا فهد وأنت فهد وكل سعودي إسمه فهد هذا عهد
المشاركات: 1,182
قوة التقييم: 0
شموووخ is on a distinguished road
الحمد لله على سلامة اختك

وياكثر التسمم من المطاعم تحصل

لاتعود له المره الثانيه

تحياتي

اختك

شموووخ
__________________
تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً
شموووخ غير متصل  
قديم(ـة) 25-01-2004, 01:05 AM   #4
مشرف المنتدى الدعوي
عضو مجلس الإدارة
 
تاريخ التسجيل: Nov 2002
البلد: الرس
المشاركات: 11,074
قوة التقييم: 27
سابح ضد تيار will become famous soon enough
نعم

ومع ذلك سيبقى الوضع على ماهو عليه لأنه على كثر المطاعم الا أنك لاتجد عشاء بعد الساعة العاشرة مساء يعني مافيه بيت يطبخ عشاء والجميع متفقين على أن أكل المطاعم ليس نظيف ولايمكن مقارنتها بكبسة الرز بالكاتم أو شوي أو طبخ البيت لكن سنظل شعب مرفه الى مالانهاية
__________________
تاريخ 1437/12/17. هو تقاعدي المبكر. حيث قضيت عشرين سنة بالتعليم عشر سنوات مدير. وعشر. سنوات معلم فالحمد. الله الذي يسر. أمري وأكرمني
سابح ضد تيار غير متصل  
قديم(ـة) 25-01-2004, 02:16 AM   #5
عضو أثري
 
تاريخ التسجيل: May 2002
البلد: غير معروف
المشاركات: 12,708
قوة التقييم: 30
هزيم الرعد is a jewel in the roughهزيم الرعد is a jewel in the roughهزيم الرعد is a jewel in the rough
اسمع وانا اخوك

هالحالة مريت به انا

اقصد التسمم
الصراحة شي متعب ومرهق

بس ما كان بسبب مطعم ولكن بسبب مشوي ......................

من حيث المطعم .......................... لا تهمك سمعتهم .................. ولا غيره

يعني حنا الله كافينا شرورهم والا برابيسهم واجده

انا مع اخوي الاسر المتعففة .............. ما فيه اجمل ولا انضف من اكل البيت ...... حتى ولو كان صامولية + جبن سائل

قبل تقريبا 3 اسابيع اشتريت دجاجة مبردة من تموينات الريان

يوم وصلت البيت واثره مدوده ............ اتصلت على صاحب التموينات واخبرته عن الوضع

بعد فترة عرفت ان السبب كان من الثلاجة طافيه وهم ما دروا

ومن حيث وضعك المفروض تبلغ البلدية اولا علشان يتخذون الإجراء المناسب

ياخي ارواح الناس مهيب لعب بايدي ناس اهم ما عليهم المكسب المادي بحيث يحتفظون ببقية الأكل لليوم التالي

شي يقهر

في الأخير

ما فيه انظف من اكل البيت

وشكرا لك
__________________
هزيم الرعد غير متصل  
قديم(ـة) 25-01-2004, 10:55 AM   #6
عضو مميز
 
تاريخ التسجيل: Feb 2002
المشاركات: 106
قوة التقييم: 0
هلالي الرس is on a distinguished road
لكن تتوقعون لو أكلم راعي المطعم يعوضني عن الخسارة اللي كانت تتروح فيها أختي
__________________
تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً
هلالي الرس غير متصل  
قديم(ـة) 25-01-2004, 12:22 PM   #7
مشرف المنتدى العام
عضو مجلس الإدارة
 
صورة سيف الرعد الرمزية
 
تاريخ التسجيل: Nov 2003
البلد: رساوي حفراوي نجداوي شمالي
المشاركات: 14,742
قوة التقييم: 31
سيف الرعد has a spectacular aura aboutسيف الرعد has a spectacular aura aboutسيف الرعد has a spectacular aura about
مااااااااااااااافيه احد يعوض الاخت
لكن عندي لك راي جوزه ولد الحلال اللي يستاهله وخله اذا تسممت يبلش به
احم احم احم
تحيااااااااااااااااااتي الشااااااااد
__________________


(خليفة الخليفة)
تسرني متابعتك تويتر وسناب شات وانستقرام
khalifam2@
سيف الرعد غير متصل  
قديم(ـة) 25-01-2004, 12:55 PM   #8
مؤسس الرس اكس بي
عضو مجلس الإدارة
 
تاريخ التسجيل: Feb 2000
البلد: الرس
المشاركات: 259,533
قوة التقييم: 277
عبد العزيز الدبيان will become famous soon enough
رفع شكوى وهذا اقل شيء إذا ما كان عنده واسطة وصارت شكواك مصيره الزباله.
__________________

بعض الأحيان
لنعرف الصواب يجب أن نرى العلة
عبد العزيز الدبيان غير متصل  
قديم(ـة) 26-01-2004, 12:54 PM   #9
عضو مبدع
 
تاريخ التسجيل: Feb 2003
البلد: الرس
المشاركات: 2,297
قوة التقييم: 17
ســـلــمــان is on a distinguished road
اخي هلاالي بالرس

المشكله تكمن انك لم ترفع شكوي في تلك اللحضه

يعني الله يخلف علي دراهمك

الشيء الثاني وش يثبت انك مشتري منه الاكل

الا اذا كان عندك فاااتوووره من المطعم بالطلب وتقدم الشكوي

وترفق تقريير المستشفي مع الفواتيير

ولو كان ودييت اختك لمستشفي الرس كان حضضرت الشرطه

وش السالفه وتابع قضيتك عندهم

مالك الا حل واحد باسترجااع نقوودك وتغرييم المطعم

واغلاقه لاكثر من اسبووع

ولعلها انك فوووت هذه الفرصه

وماتشوووف شر

مع التحيه ...,..



سلمان
__________________
تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً
ســـلــمــان غير متصل  
قديم(ـة) 26-01-2004, 02:21 PM   #10
عضو متألق
 
تاريخ التسجيل: Sep 2003
البلد: الخبــــر
المشاركات: 971
قوة التقييم: 0
المنســـــــــي is on a distinguished road
الحمد لله على السلامه.

المطاعم اسئلني عنها اربع سنوات من مطعم الى مطعم بس وش تبينا نسوي مجبورين
عليهم .

تحياتي...
__________________
تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً
المنســـــــــي غير متصل  
موضوع مغلق


يتصفح الموضوع حالياً: 1 (0 من الأعضاء و 1 من الزوار)
 
أدوات الموضوع
طريقة العرض

قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق
Trackbacks are متاح
Pingbacks are متاح
Refbacks are متاح



الساعة الآن +3: 12:06 AM.


Powered by vBulletin® Version 3.8.7
Copyright ©2000 - 2017, vBulletin Solutions, Inc.
SEO by vBSEO 3.6.0 ©2011, Crawlability, Inc.
هذا المنتدى يستخدم منتجات بلص

1 2 3 4 5 6 7 8 9 10 11 12 13 14 15 16 17 18 19