LinkBack أدوات الموضوع انواع عرض الموضوع
قديم 23-08-2008, 02:04 AM   رقم المشاركة : 1
معلومات العضو
 
الصورة الرمزية إبراهيم العبد الرحمن
 
 

إحصائية العضو







افتراضي أشهر الكلمات السعوديه المضحكة!!!!

[center]

أشهر الكلمات السعوديه المضحكة!!!!

--------------------------------------------------------------------------------

بسم الله الرحمن الرحيم

السلام عليكم ورحمة الله وبركاته


أشهر الكلماتـ السعوديهـ المضحكهـ


الدلخ : وهذاا إنسان غبي جداااا.ويرفع الضغط ....وينرفز ....واكثر من يعااني منه المدرسين ....واهله.

المنسم : ذلك راجع إلى تهريب الهواء من رأسه و السبب في ذلك هو أن في رأسه فتق لذلك تلقاه دايم يغطس رأسه في سطل موية عشان يعرف من وين التنسيم .

المهوي : هو مرحلة متأخرة من التنسيم و المهوي وصل لمرحلة متأخرة جدا بحيث يفقد أهله الرجاء منه ...

الشخر المخر أو أبو مشخر ! : من نفس فصيلة المنسم ! السلنتح : قليل الأدب

جحلط ( بتشديد اللام ) : وهم مرحلة متقدمة للسلنتح

مزّلب : يعني بايعها بتراب !

مسفّح : يعني طاير في العجّة وهو ما عنده ما عندي جدتي , يعني بالعربي الفصيح من جنب العارضة

الصتيمة : وهو الشخص اللي ماعنده ماعند جدة جدتي ...!!...ويصدق أي شيء يقال له
المسبة أو المسبوة : هو الشخص اللي يكون مروع في صغره لدرجة أنه يصبح شبه فاقد للعقل ...

المفهي : هذا الله يخلف مهما تقول له أو تصارخ عليه تلقاه فاتح فمه و بس و إذا كلف عمره و تفاعل معك رد عليك و قالك : هه ...

الحقنة : هو الشخص الغثيث اللي ما يفكك لين تعطيه اللي يبيه منك و مهما تسوي له عشان تصرفه عن الموضوع حقه ينشب في حلقك لين يأخذ منك اللي يبيه , وهذا يفسر قول العرب : أغث من حقنة !!....

العلة : هذا اللي ما تأخذ أنت منه أي شيء و لا عنده استعداد انه يسمع منك مهما حاولت وهو كالمرض يعلك لين تنفقع مرارتك منه......

العربجي : يظن معظم الناس أن العربجي هو الشخص الشديد حق المشاكل و اللي ما يمشي إلا وهو مشخص ببنت البكار ( أسم لطريقة لبس الشماغ عند العرابجة ) و حاط مفاتيحه في سلسلة و لا بس نعال سجاديه و يسحبها تسحيب لين جاء يمشي و دايم فاتح صدره و رازه على فوق و كانك ولد أبوك قله شيء بس . لكن في الآونه الأخيرة ظهرت إشاعات تقول بأن العربجي هو اللي يسوق الحمار(الله يعزكم) لكن صرح مصدر موثوق من عائلة العرابجة بأن هذه إشاعة مغرضة أطلقها عليهم أحد الخكاري...

الكحلي : يطلق مسمى الكحلي على ذوي البشرة السمراء و لأن ذوي البشرة البيضاء مساكين ما عندهم لقب احتجوا عند الأمم المتحدة مطالبين باللون الفضي ....

المرجوج : هذا ما عمره صلح شيء صح في حياته ما يمديك تفتح فمك إلا و طار في العجة بدون ما يفهم وش السالفة. و الارتجاج الحاصل له يختلف تماما عن مشكلة المسبة أو المسبوة حيث يكون الارتجاج هنا نتيجة صدمة و ليس نتيجة روعة .

المطفوق : من فصيلة المرجوج ... إلا أن مايميزه هو انه اذا مر من عند كاس أو جيك أو ابريق أو أي شيء فيه سائل لازم يكبه ( أي يسكبه ) برجله وهو مايدري ،، ولا تخليه يمر بجنبك وانت معك صينية فيها بيالات لأنه لازم يطخها بيده أو بكتفه ..!! أيضا لاتخليه يصب قهوة لضيوف لأنه لازم يكب القهوة على ثوب واحد منهم..!!!!!..... السربوت : هذا اللي ما يخلي مكان ما يروح و قد كان الأولين يطلقون لقب السربوت على من يشرب الدخان لكن الحين الله يخلف الناس تدخن بيديها و رجليها و لحد يقول لهم شيء.

السمرمدي : وهو من نفس فصيلة السربوت.

الداشر : هذا قليل الأدب و لا يحب يماشي إلا السرابيت . و إذا قيل فلان دشر فلان أي خرب أخلاقه لكن في الأردن الشقيق كلمه دشره تعني أتركه..

الملكع : أما هذا فيعرف حتى السكن(اي الجن ) و مقطع السمكة و ذيلها و مهما تحاول تلف و تدور معه تراه فاهم و عارف وش تبي بالضبط فلا تتعب نفسك .

زعّيط : مسوي نفسه يفهم في كل شيء وهو من جنب العارضة.

المصرقع : هو كل شخص ما يهمه شيء و اللي يطري على باله بيسويه لأنه ماخذ الدعوة سعة صدر و هبال ...

المفلت : هو كل شخص ما تقدر أنك تأمنه على شيء لأنه مهوب تكانة و يتميز بكل أنواع الإهمال و التطنيش.... الخكري : ببساطة الخكري = نعومة + دلع + ليونة والله لايبلانا...

اللزقه: هذا الشخص اللي علطول معك وقدامك ووراك وكل شي وتطلع مع الباب تلقاه تركب في السياره تلقاه يطق القزازه وهكذا ..



وتقبلوا فائق احترامي... ودمتم بود
رد مع اقتباس
قديم 23-08-2008, 02:07 AM   رقم المشاركة : 2
معلومات العضو
شوكولاين
عضو بارز
 

إحصائية العضو








Talking هههههههههههه

السمرمدي : وهو من نفس فصيلة السربوت.
الكلمه هذا مت من الضحك عليهااا
يعطيك العاااااااااااااافيه اخوووووووووووووي



















التوقيع

تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً

رد مع اقتباس
قديم 23-08-2008, 04:13 AM   رقم المشاركة : 3
معلومات العضو
 
الصورة الرمزية *الـــعـالمـــيه*
 
 

إحصائية العضو








افتراضي

مشكوووووووور اخوي

بس كثير منها ماعرفها!!



















التوقيع

لَآ إلَهَ الآ اللّهْ . . عددَ مَآكَآنْ . . وَعَددَ مآيكُونْ . . وَعَددَ الحَركآتِ والسّكُونْ


رد مع اقتباس
قديم 23-08-2008, 04:40 AM   رقم المشاركة : 4
معلومات العضو
M00N
عضو نشط
 

إحصائية العضو







افتراضي


اما المفهي شي يرفع ضغط اللي حوله

وهو مو حاس



















التوقيع

سبحان الله وبحمده .. سبحان الله العظيم
رد مع اقتباس
قديم 23-08-2008, 05:23 AM   رقم المشاركة : 5
معلومات العضو
حربي
عضو
 

إحصائية العضو







افتراضي

مشكــوووووووور اخــــوووووووووووي
امااغرب الكلمات
اللي اول مرة اسمعها
الصتيمة ,الحقنة

رد مع اقتباس
قديم 23-08-2008, 09:46 AM   رقم المشاركة : 6
معلومات العضو
ابو صالح الرس
عضو اسطوري
 
الصورة الرمزية ابو صالح الرس
 
 

إحصائية العضو








افتراضي

السمرمدي : وهو من نفس فصيلة السربوت.

ما بقى الا يطلع من البرمائيات
رد مع اقتباس
قديم 24-08-2008, 06:23 AM   رقم المشاركة : 7
معلومات العضو
 
الصورة الرمزية إبراهيم العبد الرحمن
 
 

إحصائية العضو







افتراضي

أنا أشكر جميع الأخوه والأخوات الذين ردو على الموضوع

رد مع اقتباس
قديم 24-08-2008, 06:56 AM   رقم المشاركة : 8
معلومات العضو
 

إحصائية العضو








افتراضي

هذي كلمات اولاد مايعرفها غيرهم
مشكور اخوي على الموضوع الغريب



















التوقيع

تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً

رد مع اقتباس


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع



الساعة الآن 02:15 PM





SEO by vBSEO 3.6.0 PL2 ©2011, Crawlability, Inc.

1 2 3 4 5 6 7 8