عـودة للخلف   منتديات الرس اكس بي > منتديات الرس اكس بي > المنتدى العام والمواضيع المتنوعة
التسجيل الأسئلة الشائعة التقويم تعليم الأقسام كمقروءة


المنتدى العام والمواضيع المتنوعة الموضوعات العامة والمناقشات والحوارات الهادفة، والتي لا علاقة لها بأقسام المنتدى الأخرى.

إضافة رد
 
LinkBack أدوات الموضوع طريقة العرض
قديم(ـة) 04-09-2008, 02:26 AM   #1
عضو مميز
 
صورة همسة شووووق~ الرمزية
 
تاريخ التسجيل: Feb 2007
البلد: آآهـ ماأرقّّالرسّّ تآلي الليل
المشاركات: 261
قوة التقييم: 0
همسة شووووق~ is on a distinguished road
Angry اعذروني يالخليجيات وخاصة يالسعوديات‏

السلام عليكم ورحمة الله وبركاته..

فيه موضوع مهم صراحه.. وودي من زمان اني اتكلم فيه..


لكم الموضوع..
.
.
.
.
.
كان يا ما كان


قبل 10 سنوات او حولها


كنا لما نمشي في ديرتنا ونشوف اجنبيه فاتشه


تطير عيوننا .. نقول وش هذي .. يا ساتر ..


كان يا ما كان


قبل ثلاثة ايام


افتح ايميلي واشوف رساله من قروب مشهور... صور لبنات ويتفاخرون انهم خليجيات


الخليجي فخر بس للأسف ما يستاهلون يرفعون هذا المسمى على الصور الي كانوا طالعين فيها


مثال ..


صورتين


لـ 6او 7 بنات..صافين..عالجدار وملقينا ظهورهم..ومرفعين يدينهم (كأنهم معاقبات)..
ومنزلين البنطلون..ونص ؟؟؟ طالعه..


قله الحيا هذي مهيب مقبوله


10 سنوات فتره موب قليله ..


كيف وصلنا لهذي الدرجه من فراغ الاخلاق . ؟؟


قبل كم سنه.. للأسف غلطنا ورحنا لدوله عربيه وبدون ذكر اسماء ..


مع الحرص الشديد الحمد لله للابتعاد عن اماكن الفساد .. لأن يوجد فيها فساد اكثر من الدول الغير عربيه صراحه وماكنا متوقعين ابد هالشي منها


ويلومننا ليه نكره الدول العربيه


رحنا لمطعم سقيم..طلع فيه واحد عالستيج.. ومسك المايك وقال
((احلى تحيه لشعب السعوديه))


وتصفيييييييييق..


لحقونا بعد شوي الشعب الاماراتي والكويتي..


بس السعوديه عادها يمكن 6 مرات..


جلست افكر.. ليه يعني حنا اكثر؟؟


فكرو فيها شوي.. لين يخلص الموضوع بعدين جاوبو..
......


ارجع الحين لصلب الموضوع..


ليش صرنا نشوف صور كثيره.. وعناوين الصور
((سعوديات..سعوديات..سعوديات))


لو نتفرج عالصور.. نلقى رجول.. نلقى جزم


نلقى اساور خضرا<<يعني ترا حنا سعوديات..


والفيس بوك عاد..والهاي فايف.. انواع الصور اللي مدري وش اقول عنها


شفايف.. عيون..


ونادر ما تلقى وحده حاطه وجهها..


على فكره.. اللي تحط صوره وجهها,, محترمه اكثر من اللي ترزز اشياء ثانيه


يعني عشانكم تتغطون..تروحون تصورون ذا الصور..


تمنيت اني اطيح على بروفايل احد..والقاهـ حاط اسم كتاب حلو نقراهـ..خاطرهـ حلوهـ من كتابته.. موقف مضحك مر فيه..موقف مؤثر..


او اذا كانت او كان يعشق التصوير ليه يصور هالاشياء السخيفه..؟؟ اللي ما تدل الا على سخافه تفكيرهـ ؟؟


ااذا يحب التصوير ليه ما يحترف ويصور صور فوتغرافيه احترافيه وراح يبدع فيها !


ليه كل اللي اشوفه بربسه حكي واحيانا قله حيا لا صراحه موب احيانا غالبا..


وش هالفضاوهـ في العقل لدرجه انكم تصورون يدينكم رجلينكم.. ((شنطكم الماركه))..


يمكن الفضاوهـ اقدر اتقبلها او ابلعها لأن احيانا نسويها حنا انفسنا من كثر الفراغ اللي حنا فيه او يمكن شكل الصورهـ حلو..


بس ان الوحده تجي تصور مفاتنها هي وخوياتها وكاشخه بالجي سترينق


والمنتديات والقروبات السعوديه تتسابق لنشرها ..


الدال عالخير كفاعله.. والشر بعد..


بعدين انتي ياللي مصورهـ انتي وخوياتك..


يعني انتي همك الوحيد ما يشوفون وجهك عشان محد يعرفك..


بس مفاتنك وشفايفك.. وغيرها عادي يشوفونه


لأن المهم عندك الناس موب الله؟؟


طيب صورتك قدام نفسك طيب ؟؟ ما تهتز انك سويتي شي حقير ووضيع مثل هالشي؟؟


اصلاً كيف صورتو صورهـ زي كذ يعني ما استحيتو من بعض يا بنات؟؟


عيب يعني يعني عشانكم بنات مع بعض عادي تورون بعض يعني؟؟


ولا اقولكم انا نسيت انكم ناشرين الصور للعيال فما يهمكم البنات..


يعني صدق شي يضيق الصد بنات سعوديات مسلمات في مجتمع مثل مجتمعنا يسوون زي كذا..


ودي اعرف امك وابوك وش بينظرون لك بعد ذا الصور؟؟


يعني حرام اهلكم ربوكم احسن تربيه..


بس انتم للأسف ما ربيتو انفسكم..


فيه شي اسمه تربيه النفس بس انتم تتبعون اهوائكم او خليني اقول مخكم الفاضي


ولا قروب ثاني سعودي برضو والصور اللي ناشرينها


ذوليك عاد متبرقعات وبعابياتهم متكحلات ومسوين حركات غبيه ومصورين..


طيب ؟ وبعدين ؟؟ ابي افهم وش الهدف ؟؟ مره وناسه ؟؟ مره يضحك ؟؟ مرررهـ كوووول انتم صراحه


طبعن ترا الكلام موب موجه للبنات فقط ! لأن يوجد عندنا وبكثره رجال عقول فاضيه ايضاً


اللي همهم نوم واكل.. وفلوس ياخذها من ابوه ولا امه


تطورو شوي ارتقو شوي اطلعو بصورهـ احلى من كذا..


انتم عارفين ان النت اكبر وسيله انتشار..


قبل فتره في ام بي سي فور تدرون ان في برنامج من برامجها عارض بروفايلات لبنات سعوديات.. باسماءهم طبعاً موب اسماء حقيقه..


بس شوفو الصور انتم شفايف وخرابيط ومدري وشو علقو على هالشي باننا متكمكمين بعبايتنا عشان كذا نروح عن انفسنا بذا الطريقه..


انشرو شي حلو حاولو تطلعون بشخصياتكم الحقيقيه موب تصيرون مثل الامعه اللي يسوي شي عشان يقلد الفنان الفلاني ولا البنت الفلانيه..


ليه بس تنشرون الشي الشين؟


انواع المقاطع الشينه تنتشر انواع الصور الشينه..


ليه؟ وش استفدت ؟؟ غير الذنب والاثم انك خليت احد يشوفها وانك نشرت شي مو كويس عن المسلمين


اقولكم شي؟


شفتو كتاب (بنات الرياض) قريته صراحه كل اللي فيه واقع اشياء فعلا تصير عندنا طبعاً لفئه معينه من الناس.. مع اني من المحاربين للكتاب


بس تدرون ان الكتب تترجم لاكثر من 22 لغه؟؟


تدرون انهم برا يدرسون الكتاب فيه دوله من الدول


يدرسونه ..! تخيلو ..!


يعني الحين اللي برا يدرسون الكتاب كنص سعودي ادبي يمثل حياة السعوديين كله سلبيات في سلبيات مثلا احنا الحين ندرس روبنسون كروزو في الجامعه على اساس انه نص انجليزي يمثل الحياه الدينيه والسياسيه الاجتماعيه في هذيك الفتره..


هم يدرسون (بنات الرياض) لتمثيل المجتمع السعودي


شلون الواحد يصلح مجتمعه ؟؟ بأنه يكمكم على اغلاطه ولا يحكيها عشان ما ينفضح قدام الاجانب والناس


بس عادي يدشرون ويخربون وكل شي بس ما ينتشر عنهم شي


غلط كل دوله بالعالم فيها الصالح والطالح..


البيت الواحد فيه الصالح والطالح..


ما تحبون احد يحكي فيكم ابد بالرغم من كل الاغلاط بحياتكم..


قبل فتره سمعت انهم رحلو هشوم الرياض.. الى ديرته الحقيقه
(سوريا)


وانه لا يمت للشعب السعودي بصله


كأن ما عندنا سعوديين من هالجنس وربي اشوفهم وبكثرهـ في التحليه وفي غيرها والي مو متآكد من صحه كلامي يروح لمقاهي الي بالثمامه بالرياض الدروازه وغيرها ويشوف الاشكال الي فيها !


ليه ما تصلحون ايميلات تعود لكم بالفايده ..!


وتحسن سمعتكم وتظهر الجانب الحلو في كل سعودي وسعوديه؟


بقولكم مثال لوحده اعرفها شخصيا قبل ما ينتهي رمضان ارسلت مسج لكل اللي تعرفهم وقالت انهم بيجمعون فلوس هي وبنات خالاتها وبيروحون يشترون العاب وحلويات ويرسلونها لجمعيه الايتام وفعلا جمعو ووصل المبلغ لين 22الف كله من بنات عشرينيات في العمر كلهم تحمسو لهالشي كلهم اشتغلو وشرو العاب وحلويات شرو ميك اب وشرو اشياء ثانويه الجمعيات ما توفرها للمحتاجين والايتام.. يعني البنات فكرو بتفكير مرررررهـ حلو
فكرو بالاشياء اللي يحتاجونها الفقرا ويفرحون فيها بس ما توفرها لهم الجمعيات لانها مهيب ضروريه مثل الاكل والبيت والملابس يعني هالمثال صراحه اوقف واصفق له بحرارهـ هذولي هم السعوديات اللي نعرفهم


شله شباب اعرفهم هم نجديين طالعين لجدهـ في رحله بحريه وصادو كميه لا بأس بها من السمك..


تدرون لو بيبيعون هالسمك كم يبيجب لهم ؟ تقريبا 4 الاف..


بس هم كانت نواياهم اهم من الفلوس..


اخذو هالسمك وودوه لمنطقه فيها ناس فقرا وتصدقو..


برضو حمله تبرعات الراجحي..


ترا اكثر من تبرع فيها شباب..


((المواقف مذكوره عشان ابين انو فيه ناس كويسه يعني ابين الجانب الايجابيه))


يعني فيه ناس تشتغل.. فيه ناس عندها اهداف..


موب بس بالنت.. حتى برا النت,,


سواء بنات او شباب..


نبغى جيلنا السعودي الجديد ينتشر عنه كل شي حلو..


انا ما اقول انكم ما تنبسطون ما تسوون هبال بس برضو بحدود..!


موب عشانكم ورا الشاشات يعني عادي؟؟


(هياط ورا الشاشه = مرض)


الصور اللي من النوعيه اللي ذكرتها في البدايه بطلو تنزلونها النت بطلو تحطونها بالبروفايل حقكم.. ترا صدق يعني هالشي ما يبين الا فضاوه عقولكم لأن هالبروفايل يبين شخصيتك..


اي احد يشوف هالصو ولا يجيه ايميل من هالنوعيه يبطل ينشرها لأنها يساعد على انتشار هالظاهرهـ لأن التقليد عندنا اعمى


وابي اتطرق لموضوع بيخش فجأهـ بس لازم اعلق عليه(( فضيحه بنت .. الخ)) هالنوعيه من الصور والفيدوهات ترا عليكم اثم لو نشرتوها..


اولاً نشرت شي حرام ثاني شي ما سترت على بنت او ولد الناس..


ما تخاف ربي يفضحك بشي بعد سنه او 2 او 100


قال الرسول صلى الله عليه وسلم
(من ستر على مؤمن بالدنيا,,ستر الله عليه بالاخره)


اتمنى ان موضوعي هذا ينتشر بنفس الطريقه اللي انتشرت فيها هالصور..


يهمني الموضوع ينتشر في المنتديات السعوديه اكثر من المنتديات العربيه..


لأننا نحاول نناقش قضيه سعوديه داخليه ومافيه مجتمع ما يخلو من الاخطاء..


ابغى اذا احد قال((احلى تحيه لشعب السعوديه)) وعادها 6 او 10 مرات..


اعرف ليه قالها.. واقول معه حق..
.
.
.
.


تناقض المجتمع وتناقض الافكار ينتقل بصوره عجيبه


بنهايه موضوعي احببت ان اقول اني لاعمم في كلامي على جميع السعوديين او الخليجين وايضا لا ننسى انه يوجد بنات محترمات ومثقفات ومتعلمات وقبل هذا كله محتشمات


كل مكان في الصالح وفيه الطالح


وانا اغلب موضوعي خصصت في المجتمع السعودي لانه مجتمعني ويهمني ان اناقش قضاياهـ اهم من المجتمعات الثانيه وان يصل الموضوع لاكبر عدد ممكن.....



عجبني الموضوع ونقلته لكم ... واتمنى مايوقف نقله..








__________________
تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً
همسة شووووق~ غير متصل   الرد باقتباس

 
قديم(ـة) 04-09-2008, 02:34 AM   #2
عضو مبدع
 
تاريخ التسجيل: Sep 2007
المشاركات: 1,535
قوة التقييم: 0
رساوي صميم is on a distinguished road
وبعد عشر سنين اذا بتلنا على هالحال تبي تشوفين مثل اللي نص؟؟؟ طالعه تبي تشوفينه كله طالعه و بالشارع يتمشون

الله يستر علينا بس
__________________
تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً
رساوي صميم غير متصل   الرد باقتباس
قديم(ـة) 04-09-2008, 03:11 AM   #3
عضو مبدع
 
صورة نادر حرار الرمزية
 
تاريخ التسجيل: Jul 2008
البلد: ( في الآفـــاق ...وفي الأعمــاق )
المشاركات: 1,201
قوة التقييم: 0
نادر حرار is on a distinguished road
شكــراً على النقــل أختي الكريمه
نحن في السعودية نعيش في قــارة مترامية الأطراف ,,,والتعميــم بالخير خطأ ,,,, والتعميم بالشر خطأ
كما أشرتي إلى ذلك في موضوعك ...


ولكن
ــــــــــــــــــــــ سنظل نحن السعوديون نصــدم بهذه الأحداث ونندهـش ,,,وسنظل نصدم لفترة طــويلة من الزمن ,,لأننــا نعتبــر حتى الآن في مرحلة إنتقالية من عصر إلى عصــر

- من عصر المزارع - والقرى إلى عصر المدن والعماارات
- من عصر القناة الأولى والثانية إلى عصــر الأقمار الصناعية اللتي بعدد النجوم !!
- ومن عصر الرسائل والتليفون الثابت - إلى عصر الجوال والإيميل و...و...
- ومن عصر السهرة بالحوش أو بالسطح إلى عصــر السهر على شاشات الإنترنت والتلفزيونات .. ,,,
- إنتقلنا من عصــــــــــر النظافة إلى عصــــــــــر النجاسة في الفضاء والأرض ,,,, فمن الطبيعي
أن نظل مستغربين من ما يحدث كل يوم من مشاكل أخلاقية في بلادنا ,,,,,,,


ــــــــــ المهم أننا يجب أن ننظر إلى المخطئ نظرة رحمة ورأفة ونأخــذ بيده إلى الصواب
ويجب علينا أن نترك نظرة الكــرة والإقــصاء للمخطئين لكي نستطيع إجتذابهــم للطريق الصحيح ,,,ويجب أن نتعامل معهم تعاملاً راقياً ,,,,وصفحات الرسول صلى الله عليه وسلم ,,ممتلـــئة بمثل هـذه النماذج الصحيحة للدعوة بالحكمة والموعظة الحســــنه
وكلنا أولـئك المخطئــون نسأل الله أن يرحمنا برحمته




,,,
تحياتي
,,,,

,,
__________________

نـادر حـرار ٍ مـايـصـيـد إلا سـمـيـن وثـمـيـن
.................... لاهـــّـد ..مـا تـفـرد صـقـور الـجـو جـنـحـانـها

آخر من قام بالتعديل نادر حرار; بتاريخ 04-09-2008 الساعة 03:25 AM.
نادر حرار غير متصل   الرد باقتباس
قديم(ـة) 04-09-2008, 03:12 AM   #4
عضو مميز
 
تاريخ التسجيل: Dec 2007
البلد: في قلــ زوجي ــب
المشاركات: 196
قوة التقييم: 0
ابتسامة طفلة is on a distinguished road
ياربيييييه يازيننا بديرتنا رحت لجده وشفت العجب والعجاب
والله يستر على بناتنا وبنات المسلمين
__________________
تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً
ابتسامة طفلة غير متصل   الرد باقتباس
قديم(ـة) 04-09-2008, 03:17 AM   #5
عضو مبدع
 
تاريخ التسجيل: Aug 2008
المشاركات: 1,804
قوة التقييم: 0
مملوح الوصايف is on a distinguished road
الله يستر علي احوال المسلمين يبي يجي الزمن اللي قال فيه الرسول اللهم صلي وسلم عليه الماسك علي دينه كل ماسك علي جمره
__________________
تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً
مملوح الوصايف غير متصل   الرد باقتباس
قديم(ـة) 04-09-2008, 03:20 AM   #6
عضو مميز
 
صورة همسة شووووق~ الرمزية
 
تاريخ التسجيل: Feb 2007
البلد: آآهـ ماأرقّّالرسّّ تآلي الليل
المشاركات: 261
قوة التقييم: 0
همسة شووووق~ is on a distinguished road
شاكره لكم ردوودكم ومرووركم ..

نآدر ملاحظه : انا مو ولد ..
__________________
تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً
همسة شووووق~ غير متصل   الرد باقتباس
قديم(ـة) 04-09-2008, 03:24 AM   #7
عضو بارز
 
تاريخ التسجيل: Aug 2008
البلد: الرس رسكـ
المشاركات: 316
قوة التقييم: 0
ابوعلاوي is on a distinguished road
بالشارع يتمشون
__________________
تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً
ابوعلاوي غير متصل   الرد باقتباس
قديم(ـة) 04-09-2008, 03:25 AM   #8
عضو مبدع
 
صورة نادر حرار الرمزية
 
تاريخ التسجيل: Jul 2008
البلد: ( في الآفـــاق ...وفي الأعمــاق )
المشاركات: 1,201
قوة التقييم: 0
نادر حرار is on a distinguished road
تم التعديل من صيغة المذكر إلى المؤنث مع الإعتذار ,,,
تحياتي
__________________

نـادر حـرار ٍ مـايـصـيـد إلا سـمـيـن وثـمـيـن
.................... لاهـــّـد ..مـا تـفـرد صـقـور الـجـو جـنـحـانـها
نادر حرار غير متصل   الرد باقتباس
قديم(ـة) 04-09-2008, 03:39 AM   #9
عضو مميز
 
صورة همسة شووووق~ الرمزية
 
تاريخ التسجيل: Feb 2007
البلد: آآهـ ماأرقّّالرسّّ تآلي الليل
المشاركات: 261
قوة التقييم: 0
همسة شووووق~ is on a distinguished road
اقتباس:
المشاركة الأساسية كتبها ابوعلاوي مشاهدة المشاركة
بالشارع يتمشون

للأسف ردك مومفهووم اخوي
__________________
تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً
همسة شووووق~ غير متصل   الرد باقتباس
قديم(ـة) 04-09-2008, 05:45 AM   #10
عضو متواجد
 
تاريخ التسجيل: Aug 2008
المشاركات: 66
قوة التقييم: 0
ملكه الاحساس is on a distinguished road
اولا قلييييييييييييييل نلقى الشي هذا واللي فيها شرف ودين مستحيل تسوي كذا هذا يرجع لتربيه الوحده اذا هي ترضى انو اي احد يشوف لو جزء بسيط من جسمه هي الخسرانه ومحاسبه عليه بكرى بس جد شي يقهر كل يناظر فيه اللي يسوى واللي مايسوى
ماقول الا الله يستر علي وعلى جميع بنات المسلمين
__________________
تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً
ملكه الاحساس غير متصل   الرد باقتباس
إضافة رد


يتصفح الموضوع حالياً: 1 (0 من الأعضاء و 1 من الزوار)
 
أدوات الموضوع
طريقة العرض

قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق
Trackbacks are متاح
Pingbacks are متاح
Refbacks are متاح


مواضيع مشابهة
الموضوع الكاتب المنتدى الردود آخر مشاركة
اللقب القرآني للإناث في ملك سليمان عليه السلام قبل نزول القران وخاصة سورة النساء ابوبراهيم 19 المنتدى العام والمواضيع المتنوعة 0 07-07-2008 05:58 PM
اللقب القرآني للإناث في ملك سليمان عليه السلام قبل نزول القران وخاصة سورة النساء ابوبراهيم 19 المواضيع المنقولة وأخبار الصحف والوطن 0 05-07-2008 10:51 PM


الساعة الآن +3: 08:00 AM.


Powered by vBulletin® Version 3.8.7
Copyright ©2000 - 2017, vBulletin Solutions, Inc.
SEO by vBSEO 3.6.0 ©2011, Crawlability, Inc.
هذا المنتدى يستخدم منتجات بلص

1 2 3 4 5 6 7 8 9 10 11 12 13 14 15 16 17 18 19