عـودة للخلف   منتديات الرس اكس بي > منتديات الرس اكس بي > المنتدى العام والمواضيع المتنوعة
التسجيل الأسئلة الشائعة التقويم تعليم الأقسام كمقروءة


المنتدى العام والمواضيع المتنوعة الموضوعات العامة والمناقشات والحوارات الهادفة، والتي لا علاقة لها بأقسام المنتدى الأخرى.

إضافة رد
 
LinkBack أدوات الموضوع طريقة العرض
قديم(ـة) 10-09-2008, 06:45 AM   #1
عضو بارز
 
صورة مـــــؤيـــــد الرمزية
 
تاريخ التسجيل: Jan 2006
البلد: الرس
المشاركات: 319
قوة التقييم: 0
مـــــؤيـــــد is on a distinguished road
Angry على هالصباح مع الصيام .. الكهرب طافي .. ويقولون لين 9

::


السلام عليكم


صبح الله بالخير كل من شافن هالحزة مع اني ما اظن احد رايق لي هالحزة ،، بس ماعليه

العلم الكرهب مدري الكهرب طفى من الساعه 5.45 عن عدة احياء من الرس .. انا طلعت اشوف يمكن بس بيتنا.. شفت لمبات الشارع شغاله .. مع انه مفروض تكون قد طفت .. قلت شكل بس بيتنا يارب اني مسدد فاتورة الكهرب والاتصالات وحتى فاتورة الماء مسدده بس ليه طافي .. واروح اتسمع مكيفات الجيران لقيت كل المكيفات خامده ..!! قلت ( هشششوااا ) دام مهوب بس بيتنا .. موت مع الناس رحمة .. بس وراه لمبات الشارع تشتغل ؟

ماعلينا ..

قلت تلقى الحين رقم طوارئ الكهرب مدهر كل العالم تتصل عليهم ومايلحقون يرضون العالم اللي ممداهم ينسون طفية الكهرب من الظهر للعشاء .. واكيد بيرجع خلال دقايق

والدقايق صارت 10
و15
و20
و25
و30

قلت والله بعد ماراح نص ساعه ابتصل اشوف وش سالفتهم ..!!

واتصل على رقمهم الجميل اللطيف 933 .. ويجي الرد الآلي .. واختار رقم 1 للبلاغات عن انقطاع التيار او الاعطال


واجلس يجي لي فوق دقيقه وزود لين رد علي واحد ..
قال: آآلووو سم يبه ..

قلت :السلام عليكم

قال: وعليكم السلام

قلت : يا أخوي الكهرب طافي علينا من اكثر من نص ساعة .. وش السالفة؟

قال : وين انت بوه ؟

قلت : الرس بحي الشفاء << على بالي بحدد موقع المشكلة

قال : لين تسع

قلت : وشو اللي لين تسع؟

قال : ماراح يشتغل الا تسع .

قلت : وراه ياخي الدعوى تعذيب مع هالصيام ؟

قال: عاد هذي الصيانة .. من الساعة 5 لين الساعه 9 على حي الشفاء والملك خالد ووو (عدد لي كم حي اظن 4 او 5 احياء)

قلت : وبس؟ من 5 لين 9 ؟

قال : ايه صيانه

قلت : الله يعين بس عليكم ( بغيت ادعي عليه بس خفت يزود الفصل لين 12 .. او وحده الظهر ) قلت بيني وبين نفسي الله لايجازي اللي سبب مشاكل الكهرب بالدوله خير ابد ابد ابد ..

وسكرت الخط منه ..

جلست اتذكر وش اسوي الحين ،، ماراح انام ولا فيه شي يسلي .. قلت بدخل من الكونكت واتصفح النت لين يرجع الكهرب .. واحاول اتصل وتشبك ثواني وتفصل مره مرتين ثلاث .. مااش ماحولك اتصال قلت اتصل على الاتصالات بعد؟ واجلس اشرح لهم المشكلة مع انها قد صارت لي بس مانفعني اتصالي عليهم شي الا بعد اسبوع ..!!

قلت مابدهاش .. واركب شريحة جوالي العادية وادخل منه للنت ..


عاد مختصر الموضوع


لين متى المواطن مهمش حقه بكل الأمور .. من شركة الكهرب للإتصالات .. للطيران .. للخدمات .. للمياه .. للتجار .. الخخخخخ حتى بالراتب هاكين علينا معينيننا على مستويات اقل والجامعين بالوظايف على مراتب اقل ..!!!


شركة الكهرب تطفي الكهرب لساعات للصيانه دون اعلان هالصيانه للمشتركين ،، مع ان فيهم مرضى وكبار سن وناس تحتاج الكهرب بشكل ضروري..

الاتصالات .. تقدم خدمات اقل من المستوى وتطالبك بالسداد قبل أي اعتراض على القيمة ،، ولا يوجد اعتراض على الخدمات او تعويضات .

الطيران .. تجي تتأخر رحلتك ساعات وانت وراك اشغال او وراك طيران خارجي .. و اذا بغيت النقاش ماتلاقي الا الزمرة والمنافخ كنهم مسفرينك من مخابيهم ..

المياه .. لين متى سوننا صفر ..!!!


التجار .. يرفع السعر ولا عليه منك .. تجي تشتري من عندي والا مو لازم تشتري ..!! وكله بسبب الإحتكار او الواسطات ..



ياويلي بس .. متى يحصل المواطن على الإحترام ..


مجرد فضفضة واحد صايم وميت حر وفيه نوم ومأذن الفجر وهو ماشرب ماء ..



،،


وحياكم



::
__________________
::

أسأل الله الكريم رب العرش العظيم ان يشافي والدي ويعافيه .. وأن يرحم والدتي ويدخلها جنات النعيم ..

::
مـــــؤيـــــد غير متصل   الرد باقتباس

 
قديم(ـة) 10-09-2008, 06:58 AM   #2
مشرف سوبر
 
صورة عاشق المجاهيم الرمزية
 
تاريخ التسجيل: Mar 2006
البلد: ... كنّا بالغبيه :( ...
المشاركات: 5,555
قوة التقييم: 21
عاشق المجاهيم is just really niceعاشق المجاهيم is just really niceعاشق المجاهيم is just really niceعاشق المجاهيم is just really niceعاشق المجاهيم is just really nice
يارجال ... مانقول إلا الله يكون بالعون

الدعوى مدبره ولا حولك أحد

ما وراء ماتذمر الناس من الانقطاع خصوصاً بالرس اكس بي هنا


قبل امس طفى الكهرب عندنا بحي المحفل بعز الظهر 2ونص .... لمدة نص ساعة تقريباً

وقبل شهرين بحي الملك خالد طغى 20 ساعة ....


ولا لهم حسيب ولا رقيب !!
عاشق المجاهيم غير متصل   الرد باقتباس
قديم(ـة) 10-09-2008, 06:59 AM   #3
عضو بارز
 
صورة مـــــؤيـــــد الرمزية
 
تاريخ التسجيل: Jan 2006
البلد: الرس
المشاركات: 319
قوة التقييم: 0
مـــــؤيـــــد is on a distinguished road
::


6.56

اشتغل الكهرب .. غريبة اشتغل قبل الموعد المحدد لإنتهاء الصيانة ..


اغديه بس مايطفى مره ثانية وانا خامد خخخخخ


::
__________________
::

أسأل الله الكريم رب العرش العظيم ان يشافي والدي ويعافيه .. وأن يرحم والدتي ويدخلها جنات النعيم ..

::
مـــــؤيـــــد غير متصل   الرد باقتباس
قديم(ـة) 10-09-2008, 06:59 AM   #4
مشرف منتدى الصور والتصاميم
 
تاريخ التسجيل: Dec 2001
البلد: _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _
المشاركات: 2,225
قوة التقييم: 18
أبو عليان will become famous soon enough
°°°°°°

حتى حنا نفس النظام .. يمددون الكهرب أرضي حالياً .. يعني إن شاء الله مافيه إنقطاعات مثل قبل ..

---

الصراحة نقطة إيجابية إنهم إذا كانوا مضطرين يفصلون الكهرب إنهم يفصلونه في هذا الوقت لأنه الأنسب .. فهو " نهار " وأيضاً " الجو بارد نسبياً مقارنة بالأوقات الأخرى التي تتوفر فيها الصفة الاولى ..




بالتوفيق للجميع ...

°°°°°°
__________________
...
أبو عليان غير متصل   الرد باقتباس
قديم(ـة) 10-09-2008, 07:00 AM   #5
عضو فذ
 
تاريخ التسجيل: Jan 2007
المشاركات: 7,183
قوة التقييم: 18
..تعبــــ اجامل ــــت.. is on a distinguished road
اقتباس:
قال: عاد هذي الصيانة .. من الساعة 5 لين الساعه 9 على حي الشفاء والملك خالد ووو (عدد لي كم حي اظن 4 او 5 احياء
بس غريبة انا بحي الملك خالد ولاطفى الكهرب....


الله يعنيك اخوي.
__________________
..تعبــــ اجامل ــــت.. غير متصل   الرد باقتباس
قديم(ـة) 10-09-2008, 07:01 AM   #6
عضو بارز
 
صورة مـــــؤيـــــد الرمزية
 
تاريخ التسجيل: Jan 2006
البلد: الرس
المشاركات: 319
قوة التقييم: 0
مـــــؤيـــــد is on a distinguished road
::


عاشق المجاهيم .. ارحب ..


امس طفى علينا بالشفاء من الساعه حدود 1.05 لين بعد الساعه 2 .. والحين هذي الطفيه اكثر من ساعه ،،

شكلهم رجعوا على نفس الطريقة القديمة لتشغيل الأحياء كل حي يطفون عنه كم ساعة باليوم عشان يخفف الأحمال على المولدات خخخخ



يازين البراد ..


يالله يارب لاتقطعه من نعمةٍ علينا



::
__________________
::

أسأل الله الكريم رب العرش العظيم ان يشافي والدي ويعافيه .. وأن يرحم والدتي ويدخلها جنات النعيم ..

::
مـــــؤيـــــد غير متصل   الرد باقتباس
قديم(ـة) 10-09-2008, 07:05 AM   #7
عضو فذ
 
صورة ๑вάиđàя๑ الرمزية
 
تاريخ التسجيل: Dec 2006
البلد: SAUDI ARABIA
المشاركات: 5,711
قوة التقييم: 0
๑вάиđàя๑ is on a distinguished road

..


اقتباس:
المشاركة الأساسية كتبها أبو عليان مشاهدة المشاركة
°°°°°°


حتى حنا نفس النظام .. يمددون الكهرب أرضي حالياً .. يعني إن شاء الله مافيه إنقطاعات مثل قبل ..

---

الصراحة نقطة إيجابية إنهم إذا كانوا مضطرين يفصلون الكهرب إنهم يفصلونه في هذا الوقت لأنه الأنسب .. فهو " نهار " وأيضاً " الجو بارد نسبياً مقارنة بالأوقات الأخرى التي تتوفر فيها الصفة الاولى ..




بالتوفيق للجميع ...


°°°°°°


..
__________________
Most people walk in and out of your life, but only FRIENDS leave footprints in your heart
๑вάиđàя๑ غير متصل   الرد باقتباس
قديم(ـة) 10-09-2008, 07:07 AM   #8
عضو بارز
 
صورة مـــــؤيـــــد الرمزية
 
تاريخ التسجيل: Jan 2006
البلد: الرس
المشاركات: 319
قوة التقييم: 0
مـــــؤيـــــد is on a distinguished road
::


هلا أبو عليان .. يالله حيوه ..

من ناحية انهم يمددون ارضي فهو زين واكوس شي بالعالم ..

وان شاءالله تنتهي مع هالتمديدات كل الانقطاعات والمشاكل ،، ( مع ان الانتهاء من التمديد الأرضي بالرس كلها ماراح يخلص قبل 10 سنوات حسب كلام احد اقاربي بالشركة)


،،


تعبت اجامل ،، ياحظكم ،، بس يمكن الصيانه على حي حي ،، يعني الحين خلصوا من حينا بيجونكم عقب شوي ،، لانه يقول من 5 لين 9 على الأحياء اللي ذكرها لي،، وحنا طفى علينا ساعه وشوي ،،

اتوقع كل حي بيطفي شوي ،، وانا ما ادري عنهم ..




::
__________________
::

أسأل الله الكريم رب العرش العظيم ان يشافي والدي ويعافيه .. وأن يرحم والدتي ويدخلها جنات النعيم ..

::
مـــــؤيـــــد غير متصل   الرد باقتباس
قديم(ـة) 10-09-2008, 07:12 AM   #9
مشرف منتدى التغطيات والافراح والمناسبات
 
صورة نيتروجين الرمزية
 
تاريخ التسجيل: Nov 2007
المشاركات: 3,453
قوة التقييم: 15
نيتروجين has a spectacular aura aboutنيتروجين has a spectacular aura about
والله موضوع بالصميم ، ليت شركة الكرهب على قولتك يقرونه >> اعلمك بيسوون شي


والله تحس ان المواطن يدفع بدون مقابل ولا تعويضات لسوء الخدمة ..


اللهـ يعين بـس . .


يالله تصبحون على خير >> أغديه ما يطفأ إن شاء الله ثمن نبلش :(



مشكور مؤيـد ع الموضوع . .
نيتروجين غير متصل   الرد باقتباس
قديم(ـة) 10-09-2008, 07:23 AM   #10
عضو بارز
 
صورة شبابي الرمزية
 
تاريخ التسجيل: Aug 2008
المشاركات: 540
قوة التقييم: 0
شبابي is on a distinguished road
الحمدلله عندنا مولع<<<<< انقهرهههههههههههههههههههههههههه
شبابي غير متصل   الرد باقتباس
إضافة رد


يتصفح الموضوع حالياً: 1 (0 من الأعضاء و 1 من الزوار)
 
أدوات الموضوع
طريقة العرض

قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق
Trackbacks are متاح
Pingbacks are متاح
Refbacks are متاح


مواضيع مشابهة
الموضوع الكاتب المنتدى الردود آخر مشاركة
48 سؤالاً في الصيام ..... لفضيلة الشيخ محمد بن صالح العثيمين ام الغااااالين المنتدى الدعوي و الأسرة والمجتمع 6 13-08-2011 11:56 AM
ضيف جديد هل من مـرحب الطبيبة منتدى الأعضاء الجدد والتواصل 29 18-09-2008 11:46 AM
فواااااااااااااائد الصيام ضوء القمر المنتدى الدعوي و الأسرة والمجتمع 6 31-08-2008 11:22 AM
......(الصوم عملية بدون جراحة ).......................... شمسيات المنتدى العام والمواضيع المتنوعة 2 22-08-2008 05:19 PM
الكهرب طافي!! فتى المطية المنتدى العام والمواضيع المتنوعة 9 06-08-2008 01:09 PM


الساعة الآن +3: 06:25 AM.


Powered by vBulletin® Version 3.8.7
Copyright ©2000 - 2017, vBulletin Solutions, Inc.
SEO by vBSEO 3.6.0 ©2011, Crawlability, Inc.
هذا المنتدى يستخدم منتجات بلص

1 2 3 4 5 6 7 8 9 10 11 12 13 14 15 16 17 18 19