عـودة للخلف   منتديات الرس اكس بي > منتديات الرس اكس بي > منتدى الافراح والمناسبات و التغطيات والتهاني
التسجيل الأسئلة الشائعة التقويم تعليم الأقسام كمقروءة


منتدى الافراح والمناسبات و التغطيات والتهاني تغطيات المناسبات المتنوعة سواء كانت مناسبات عامة أو خاصة مثل الزواجات وحفلات النجاح والتخرج.

موضوع مغلق
 
LinkBack أدوات الموضوع طريقة العرض
قديم(ـة) 11-09-2008, 08:39 PM   #1
عضو بارز
 
تاريخ التسجيل: Apr 2008
المشاركات: 521
قوة التقييم: 0
قصراوي نصراوي is on a distinguished road
مباريات دورة السبيعيه ..


اليوم الاول


السلام عليكم يالله حيهم ها الموضوع بدون صور للاسف لان المصور كان في مهم وطنيه دوليه

المهم قلنا مالنا الا نسوي تغطيه بدون صور وان شاء الله من اليوم الثاني بيكون المصور موجود والصور موجوده ..


اليوم الاول افتتاح كان فيه حفل ازين من حفل بكين<ايه هين خخخخخخخ..


وكانت المباراة الاولى بين فريقي:



الشيخ مدحت (الفزعه) X فريق العميد





وطبعا كان فيه تحدي بين الفريقين من قبل المباراة بيوم وكان فيه تصريحات قويه من قبل لاعبي

فريق الشيخ مدحت واقوى تصريح الصراحه كان من لاعب من فريق الشيخ مدحت بدون ذكر اسماء

خخخخخ قال قبل المباراة بيوم(كان اكبر مرشح للبطوله فريق العميد قبل ما يدخل فريقنا بالدوره )

مالكم بالطويله<وش عقبه خخخخخ.

بدت المباراة وكان حكم المباراة الحكم الشهير(خالد الزيدي).

وتشكيله الفريقين كانت :

فريق العميد مكون من :محمد لافي (حارس)وتركي العقلان ومحمد فهيد الحربي ومحمد شبيب

الحربي وماجد المزروع وطلال الكدري وفهد اللزام وعلي فالح وسليمان العميري.

فريق الشيخ مدحت مكون من :احمد الجهني(حارس) ومطلق الحربي وسليمان المويس وفادي

الصيخان ويزيد الصيخان و ثامر عالي و محمد مرزوق.

وكان افضل لاعب ماجد المزروع وخلو عنكم محمد فهيد عطوه عصير وقالو انت افضل لاعب ههههه

النتيجه كانت 8/1 للعميد وكانت المباراة اتسمت بالروح الرياضيه العاليه <يمديكم على اتسمت خخخ.



************************************************** ***************



اما المباراة الثانيه كانت مباراة بين فريقي


العالمي X الصاعقه




وكان فيه تخوف من الفريقين وتحفظ وبدون تصاريح بدت المباراة ..

حكم المباراة الحكم (تركي العقلان)<تراه غير الاعب تمويه هههه.

تشكيلة فريق العالمي :عبدالرحيم المطيري(حارس)وفواز داخل المطيري وعبدالله سعود المطيري

وسلطان مطلق المطيري ومحمد الشبرمي وبدر نافع المطيري وعلي المزروع احمد عوض المطيري

وسعود حريص المطيري.

تشكيلة فريق الصاعقه :محمد الدهامي(حارس)و علي الخليوي و مشعل القزلان وعبلان و خالد

العميل و يزيد البطاح .

انتهت نتيجه اللقاء بفوز فريق العالمي 12/6 .

وكان افضل لاعب بالمباراة سلطان مطلق .

وبكذا نكون خلصنا التغطيه المختصره للمباراة الاولى وسامحونا ع القصور..


# راح تكون تغطية جميع مباريات الدور الاول بـ هذا الموضوع

]

آخر من قام بالتعديل قصراوي نصراوي; بتاريخ 11-09-2008 الساعة 08:58 PM.
قصراوي نصراوي غير متصل  

 
قديم(ـة) 11-09-2008, 08:49 PM   #2
عضو بارز
 
تاريخ التسجيل: Apr 2008
المشاركات: 521
قوة التقييم: 0
قصراوي نصراوي is on a distinguished road


اليوم الثاني

السلام عليكم


هاليوم غير مباراة قويه والمصور جاء الحمد لله ع السلامه يا مصورنا لذلك التغطيه بتكون بالصور

استعدو..



المباراة الاولى كانت بين :


الطوارئ X التانغو






لاعبي فريق الطوارئ


اسماء لاعبي فريق الطوارئ:ابراهيم الشلاش(حارس)فارس الزيدي وبدر الشلاش ورائد الزيدي

وعماد الشلاش خالد الغفيلي عبدالملك الخربوش..






لاعبي فريق التانغو

اسماء لاعبي فريق التانغو:عبدالعزيز ابوعلي(حارس)وصالح النصر و هيثم الخليوي و

عبدالعزيز الجدعي و عبدالله الاطرم وطارق الجمعه وفارس الحربي..




حكم اللقاء تركي العقلان مع كابتن فريق التانغو صالح النصر وكبتن فريق الطورائ بدر الشلاش.

















لقطات منوعه للمباراة




الجمهور








خلصت الصور للمباراة الاولى وكانت نتيجه اللقاء فوز الطوارئ 9/5 ..

وافضل لاعب بالمباراة عبدالله الاطرم ..

طبعا انطرد من المباراة الاعب رائد الزيدي وكان اول طرد بالبطوله وهيثم الخليوي جته اصابه قويه

(ماتشوف شر يا هيثم ).


************************************************** ***************
اما المباراة الثانيه كانت بين فريقي :


القلعه X الزعيم




عاد ها المباراة تعتبر ديربي وكانت قد الطموح وممتعه..




صور لاعبي فريق القلعه

اسماء لاعبي الفريق:طارق الخزي(حارس) عماد الرميحي و سامي الضويان و تميم الغفيلي و

وسعد الدهلاوي و عبدالهادي الحربي و صالح الحربي و احمد العامر .




حكم اللقاء خالد الزيدي



صور لاعبي فريق الزعيم

اسماء لاعبي الفريق:معاذ الخزي(حارس)وعبدالعزيز الغفيلي ويوسف العميري و محمد الدهامي و

علي مطلق و محمد الجميلي وابراهيم الرميح.


نخليكم مع الصور




















الجمهور مستمتعين اكيد

المباراة انتهت بالتعادل8/8 ..



وبكذا نكون خلصنا تغطيتنا لليوم الثاني ولاتنسون تشكرون المصور ..
]
قصراوي نصراوي غير متصل  
قديم(ـة) 11-09-2008, 08:53 PM   #3
عضو بارز
 
تاريخ التسجيل: Apr 2008
المشاركات: 521
قوة التقييم: 0
قصراوي نصراوي is on a distinguished road
[]
اليوم الثالث



اليوم للاسف غادر البطوله فريقين ونقولهم الف شكر للشماركه الطيبه منهم..

نبداء بالمبارة الاولى حيث كانت مباراة نظيفه وحلوه واتسمت بالروح الرياضيه العاليه وانتهت بفوز

فريق صدى الملاعب 14/6 وبكذايتقاسم صدى الملاعب الصدارة مع فريق العميد .



دخل فريق الشيخ مدحت بتشكيله مكونه من :احمد الجهني(حارس)وسليمان المويس و مطلق

الحربي و حمود عبيد و علي الصيخان و عاصم الفريدي و فادي الصيخان.



تشكيلة فريق صدى الملاعب :صالح الغفيلي(حارس)باسم داخل الحربي و سلطان السيف وعلي

العبيشي و سليمان الدعيجي وماجد المطيري و عادل ابوطالب و وسلطان التميمي.

نجي للصور وبنحط عليه شوي تعليقات وخل يعذروننا راعين الصور ..



ذا قلنا له بنصورك على انك اطلق لاعب بالمباراة ولا راح تشوفون صورته بالملعب لانه مالعب خخخخ



بدون تعليق <<ياكثر ما تقوله بس اصبرو هع.



انتم حطو تعليق ع الصوره خخخ >مصورنا مدري وش يبي هو والصور ذي (وجه محتار).



ما قلت لكم انه عن فريق ما شاء الله عليه شوفو شلون معه الكوره وكل افراد فريق الخصم عجزو

يقطعونه اللي ما شاف الاعب ذا راحت عليه.



كسره ولا لا ؟



اتوقع ماكسره ولا ؟ ههههههههههههه



ركزو على اللي واقف يسار الصوره شرايكم بالوقفه !



تعبو وطلعو !



اللي رافع ايدك انبسط صورك مصورنا



شوفو وقفة الحكم وخلو عنكم الاعبين والله وقفه خخخخخخخ

************************************************** ***************
نجي لمباراة الديربي وهي وكانت قد الطموح الا ان الاعبين كانو متوترين زياده شوي ..

كان فريق الصاعقه هو الفريق الثاني المغادر من البطوله ونقول لهم ما قصرتو ويعطيكم الف عافيه..

طبعا فاز فريق الريان بنتيجه 8/4 وبكذا يتصد الريان المجموعه مع فريق العالمي بثلاث نقاط

وشهدت المباراة طرد الاعب مشعل القزلان..

قبل ما نزل صور لازم تعذرونا لا الفريق الثاني ما صورناه لانهم ما يبون يصورون!!

دخل فريق الصاعقه بتشكيله مكونه من :محمد الدهامي (حارس) علي الخليوي ومشعل القزلان و

بندر الحربي ويزيد البطاح و خالد العميل ..



فريق الريان دخل بتشكيله مكونه من :محمد العقيل (حارس)و ريان العيص و محمد الزيدي و مؤيد

الباهلي و عبدالرحمن الشبعان وعثمان الهوسه و محمد الضبعاني وخالد الخربوش و سامي

الصالحي و فهد الدغيم ومعاذ الصويان..



وين منبرش انت !خخخخخخ



انطلاقه بطل <ايه هين خخخخخخخ



الحكم ما اعرفه بس هو اللي حكم كل المبارتين خخخخخخ




صورة محزنه الصراحه ماتشوف شر ياكبتن وترجع بقرب وقت ان شاء الله.



سليمان من قدك صورت مع الشماغ (ابوشعر)



بفهم موقعين مع ندفيد(صورةقلب) انت وياه خخخخخخخخخخخخخ

وبكذا نكون خلصنا تقرير اليوم واعذرونا ع القصور والتاخير واحب اقول بالاخير هارد لك للي طلعو وما

قصرتو وان شاء الله تتوفقون بالمشاركات القادمه واللي فازو نقول لهم واصلو وقدامك المرحله

الاصعب والله يكون بالعون.
[/B] ]
قصراوي نصراوي غير متصل  
قديم(ـة) 11-09-2008, 08:57 PM   #4
عضو بارز
 
تاريخ التسجيل: Apr 2008
المشاركات: 521
قوة التقييم: 0
قصراوي نصراوي is on a distinguished road


اليوم الرابع

بسم الله الرحمن الرحيم

اليوم بصراحه يوم غير عن الايام السابقه,, كانت كل المبارتين قووويه ومتقاربه المستوى والنتيجه ..

المباراة الاولى اللي جمعت بين فريقي التانغو واليوفي انتهت بفوز اليوفي 8/4 وبكذا يصبح لليوفي

اول ثلاث نقاط بانتظار مباراته مع المتصدر الاخر فريق الطوارئ واما فريق التانغو فقد غادر البطوله..

نشوف تشكيلة الفريقين وصور اللقاء ..


تشكيلة فريق اليوفي(صورة قلب ليوفي ايطاليا)هههههه:محمد القويعي (حارس) نايف المطيري و نايف البطاح و ناصر المطيري و محمد الشامان و عبدالعزيز العميري و عاصم السحاري.


تشكيلة فريق التانغو كانت :عبدالعزيز ابوعلي (حارس)و صالح النصر و طارق الجمعه و فارس الحربي و عبدالعزي الجدعي و محمد الحربي و فيصل الحربي و خالد البركه.


جمهور فريق التانغو واليوفي كانو حاظرين خخخخخخخخخ.


تسديده قوووويه <مدري وش تبي هالصوره يالمصور ماله الا التعليق ذا هههههههههه.


كوره حائره بين لاعبي الفريقين ههههههه<بالله وش التصوير ذا غيرو المصور هههههه.


لمن الكوره ؟! هع


جمهور اليوفي والتانغو كانو حاظري <عكس الاسماء بس ولا تراهم نفس الجمهور قايلكم المصور مدري وش يبي طالبو معي نغير المصور هههههههههه.


اشوا تغيرو الجمهور المهم ذا جمهور الفريقين بعد خخخخخخخ.


التسديده على طريقت بيكهام وااااااااو .


كفك <الحارس جايب هدف .


روح رياضيه يشكر عليه الفريقين بعد واثناء المباراة صراحه ما قصرو .

انتهت المباراة الاولى فاصل ونعود بالمباراة الثانيه لا تذهبو بعيدا هههههههههه..

************************************************** **************
اما المباراة الثانيه نار ياحبيبي نار جمعت بين فريقي الزعيم والحاره وانتهت بفوز الحاره 10/6 في

مباراة قويه صفق لها الجمهور كثيرا من افضل المباريات الصراحه حتى الان وبكذا يكون فريق الحاره

متصدر المجموعه بثلاث نقاط مع فريق القلعه والزعيم غادر البطوله ..

تشكيلة الفريقين والصور ..

تشكيله فريق الحاره :رائد حسين (حارس)و عبدالله الضويان واحمد الدهلاوي و ناصر الدهلاوي و تركي القريش و عمر السلومي و محمد الضويان و علي الرميح و عبدالعزيز الضويان .


تشكيلة فريق الزعيم :معاذ الخزي (حارس)و عبدالعزيز الغفيلي و يوسف العميري و ابراهيم الرميح و محمد الجميلي و حمد الراشد و مازن الحميد و علي مطلق.


التشويت يشكي بالمباراة ما شاء الله .


لاتعليق <سبو المصور تكفون هههههههههه.


رقم 15 يكلم اللي معاه الكوره تتوقعون سمع كلامه ولا انقطعت الكوره ؟!


شوفو صورالمباراة الاولى وعطونا من اللي حظر المبارتين.


عمر البويه خشنه ولا ناعمه ؟!ههههههههههههه.


مبروك الفوز شباب واستراحت محاربين هع.

كان فيه تصريح لاداري فريق الحاره(عمر الرجاء) يقول :الفرح بس اليوم وبكرا ان شاء الله راح تبداء الاستعدادات لمباراة الصداره امام فريق القلعه.
طبعا حكم المباراتين الحكم (ناصر الزغيبي)واحب اشكر ابونواف على التحكيم وبيض الله وجهك يابو نواف تعبناك معنى اليوم <قايله تعال حكم مباراة ومسكه المبارتين هههههههههه.

افضل لاعب بالمباراة الاولى عاصم السحاري..

افضل لاعب بالمباراة الثانيه ناصر الدهلاوي..


المصور يستعرض مهارته ولولا الاصابه كان شفتو ابداعاته

وبكذا نكون خلصنا تغطيتنا للمباراتين واعذرونا ع التقصير والله الله بالمصور لايهمكم احد تبون نغيره بس انتم صوتو لتغيره وابشرو هههههههههههههههههه.
[/
قصراوي نصراوي غير متصل  
قديم(ـة) 11-09-2008, 09:02 PM   #5
عضو بارز
 
تاريخ التسجيل: Apr 2008
المشاركات: 521
قوة التقييم: 0
قصراوي نصراوي is on a distinguished road

يوم الخميس 11 - 9



اليوم الخامس



بسم الله الرحمن الرحيم

اليوم يوم الحسم فجميع الفرق تملك فرصة التاهل للدور الثاني ولا بد ان تنتهي المباريات بالفوز ..

يلتقي في المباراة الاولى الساعه 10:30 فريقي:

العميد X صدى الملاعب


وراح يدخل كل فريق للفوز لان الفريقين يملكون نفس الرصيد من النقاط (ثلاث نقاط)ولابد من فوز

فريق على الاخر حتى لو لجاء الفريقين للاشواط الاضافيه او ضربات الترجيح طبعا في حالة التعادل

في الاشواط الاصليه والاضافيه ..


صرح احسن لاعب مع فريق العميد طبعا بعد تركي العقلان وماجد المزروع ومحمد شبيب وماجد

المزروع وطلال الكدري ههههه هالاعب هو محمد فهيد قال:الفوز راح يكون مظمون لفريقنا وانا اليوم راح اسجل ثلاث اهداف او اكثر.

اما لاعبي فريق صدى الملاعب قالو راح يكون ردنا على محمد فهيد بالملعب .


يلتقى في مباراة الثانيه الساعه 12 فريقي:

العالميx الريان

نفس الكلام بالنسبه لهذه المباراة لابد من فوز فريق ع الاخر فكل فريق يملك ثلاث نقاط..

صرح لاعب فريق الريان واحد ابرز نجوم الفريق عثمان الهوسه (الشماغ) حيث قال الفوز راح يكون

من نصيبنا هذا

اليوم لاني اذا فزت بحصل عشاء وانا اهم شي اني اكون قد التحدي واجيب الفوز والعشاء.انتهى..

اما لاعب العالمي فوزا داخل قال:اليوم نطمح للفوز وراح نكون عند حسن ظن الجميع..

بالتوفيق للجميع ونتمنى تكون مباريات ممتعه وقويه..

الصور والنتائج بعد المباريات ان شاء الله..
[/quote]
قصراوي نصراوي غير متصل  
قديم(ـة) 11-09-2008, 09:20 PM   #6
مشرف منتدى التصاميم والصور
 
صورة mgroo7 الرمزية
 
تاريخ التسجيل: Aug 2006
البلد: my room :$
المشاركات: 4,214
قوة التقييم: 16
mgroo7 will become famous soon enough
Talking

.

.



يا لبـّـى قلبك يأبو رجــآء فديت هـ الطلة ِ
>>
~

.

تحياتي : mgroo7

.
__________________
Done



.
mgroo7 غير متصل  
قديم(ـة) 12-09-2008, 04:36 AM   #7
عضو بارز
 
تاريخ التسجيل: Apr 2008
المشاركات: 521
قوة التقييم: 0
قصراوي نصراوي is on a distinguished road
بسم الله الرحمن الرحيم

اليوم الخامس

اليوم صراحه كان يوم كروووي جميل قدمت جميع الفرق اليوم مباريات كبيره وقووويه..


في المباراة الاولى اللي جمعت فريقي العميد وصدى الملاعب المصور سحب علينا ولا جاء مدري

وين كان بس شكله عقب الموضع اللي امس قال بخليهم يعرفون قيمة المصور اللي تسبونه <طلع

منه وحطه بكم هههههههههه..

المهم دخل فريق العميد بتشكيله مكونه من :محسن الباهلي(حارس)و تركي العقلان و محمد

فهيد و محمد شبيب و ماجد المزروع و فهد اللزام و سلطان الدهامي و سليمان العميري.

ودخل فريق صدى الملاعب بتشكيله مكونه من:صالح الغفيلي (حارس)رباح الجميلي وباسم داخل

و سلطان السيف و سلطان النعمي وعادل ابوطالب و ماجد المطيري و علي العبيشي و متعب

المطيري و سليمان الدعيجي و سليمان البطاح.

فاز فريق العميد بالمباراة بنتيجه 7/3 وبكذا يكون العميد اول المتاهلين لدور الاربعه وينتظر المتاهل

من فريق الحاره والقلعه..



طبعا افضل لاعب بالمباراة ماجد المزروع رغم حصوله على كرت اصفر وراح يتوقف المباراة الجايه في

دور الاربعه <لايدري محمد فهيد معطينه بايسن قايلين له انت افضل لاعب ههههههه.


************************************************** ************
اما المباراة الثانيه جاء مصورنا اخيرا بعد مكالمات عديده على شان كذا بتكون تغطيتنا للمباراة

الثانيه مصوره ..




تشكيله فريق العالمي:عبدالرحيم المطيري(حارس)و عبدالله سعود المطيري وفواز داخل المطيري وسلطان مطلق ومحمد الشبرمي وبدرنافع وعلي المزروع واحمد المطيري و سعود المطيري..



دخل فريق الريان بتشكيله مكون من:محمد العقيل(حارس)ريان العيص و مؤيد الباهلي و سامي الصالحي و محمد الزيدي ومحمد الضبعاني وخالدالخربوش وعثمان الهوسه .







جمهور غفير حظر المباراة..



ماتشوف شر ياكابتن..







تسديدات متنوعه



آآآآآآآآآآآآآآآآآآع



كف ياحارس <جايب هدف الحارس

بالاخير انتهت المباراة بفوز العالمي بنتيجه 9/6 وتاهل العالمي لدور الاربعه بنتظار الفائز من فريقي

الطورائ واليوفي.
قصراوي نصراوي غير متصل  
قديم(ـة) 12-09-2008, 02:33 PM   #8
عضو بارز
 
تاريخ التسجيل: Apr 2008
المشاركات: 521
قوة التقييم: 0
قصراوي نصراوي is on a distinguished road
بسم الله الرحمن الرحيم


يوم اخر من الايام الحاسمه والقويه فجميع فرق اليوم لديها فرصة التاهل للدور الثاني حيث

يلتقي في المباراة الاولى الساعه(10:30) فريقي:



الطوارئ

vs



اليوفي

يدخل الفريقين المباراة للحصول ع الفوز والتاهل للدور الثاني حيث فريق العالمي بنتظار المتاهل

من الفريقين لمقابلته في دور الاربعه..

صرح الاعب الموقوف في مباراة اليوم رائد الزيدي قال:اليوم نطمح للفوز وان شاء الله الفوز راح يكون

من نصيب الفريق وعند سؤاله عن تاثر الفريق بغيابه قال فريق الطوارئ يملك البديل الجاهز

خخخخخخ وراح يكون البديل قد المسؤليه<رائد ايه هين تقول الكلام ذا هههههههههه.

اما لاعبي فريق اليوفي امتنعو عن التصريح لمراسلنا واشارو الى ان التصاريح راح تكون عقب الفوز.

************************************************** ***************
المباراة الثانيه راح تقام الساعه(12)بين فريقي:



القلعه

vs



الحاره

حيث يدخل فريق الحاره بفرصتي التعادل او الفوز للتاهل ومقابله العميد في الدور الثاني..

صرح لاعب فريق القلعه (عماد الرميحي):اليوم راح اكمل 99 يوم منذ الاصابه بالمفصل(وجه يغمز)

وان شاء الله اكون جاهز لخدمه الفريق وراح يكون الفوز من نصيب الفريق ان شاء الله.

وصرح ايضا اداري الفريق( امجد البطاح) وقال:الفوز بالمخبأ وراح اخلي عمر الرجاء يايعقل ولا يصير

خبل بزياده <<تصريح بالنص من امجد والله على ما اقول شهيد.

وصرح لاعب فريق الحاره (ناصر الدهلاوي)قال فيه:بغض النظر دخولنا بفرصتين نحن نطمح للفوز ولا

غير الفوز واشار انه راح يكون في انتظار مواجه اخيه سعد وراح يحتفل بالتاهل من امامه وقال انه اذا

لم يتاهل راح يصوم عن الاكل يومين هههههههههه.

وصرح اداري الفريق (عمر الرجاء) ردا على ادراي القلعه قال:امجد من عرفتك وانت تتكلم بالاعلام

وتهايط وبالحقيقه او بالملعب راح يكون فوز فريقنا وبنتيجه كبيره يجعلك تصمت.


بالتوفيق للجميع ولنا عوده باذن الله بعد المباراة

آخر من قام بالتعديل قصراوي نصراوي; بتاريخ 12-09-2008 الساعة 02:36 PM.
قصراوي نصراوي غير متصل  
قديم(ـة) 12-09-2008, 07:48 PM   #9
عضو ذهبي
 
صورة ][البرنس][ الرمزية
 
تاريخ التسجيل: Feb 2008
البلد: في دنيا غريبة :(
المشاركات: 3,288
قوة التقييم: 0
][البرنس][ will become famous soon enough][البرنس][ will become famous soon enough



8
8
موب مخلي الإنبراشات عنه ههههههههه


8
8
هذا الحكم المعروف سامي الصويان هههههه


8
8
موب عاقل يا أبو رجاء >> الله من النجاسه ككككك


8
8
طبعاً أبو رجاء أكثر واحد يطلع بالصور ( الشهره الزايده مشكله خخخ)


8
8
ما شاء الله المستشار منور السبيعيه ..

بس ليش ماسك الكوره تسني كابتن ههههه >> يبي ينجلد ..

* طبعاً أحسن شيء بالتقرير المصور >> عناد ككككك

مشكور على التغطية ..


][البرنس][ غير متصل  
قديم(ـة) 13-09-2008, 12:02 AM   #10
مشرف سوبر
 
صورة عاشق المجاهيم الرمزية
 
تاريخ التسجيل: Mar 2006
البلد: ... كنّا بالغبيه :( ...
المشاركات: 5,555
قوة التقييم: 21
عاشق المجاهيم is just really niceعاشق المجاهيم is just really niceعاشق المجاهيم is just really niceعاشق المجاهيم is just really niceعاشق المجاهيم is just really nice
شكراً لك على التغطية والمتابعة المتواصلة

والشكر موصول للمصور


اقتباس:
اسماء لاعبي الفريق:طارق الخزي(حارس) عماد الرميحي و سامي الضويان و تميم الغفيلي و

وسعد الدهلاوي و عبدالهادي الحربي و صالح الحربي و احمد العامر .
الباهلي وليس الحربي ،،،


التغطية حلوه لكن يعيبها وجود صور لعمر الرجاء ههههههههههههههههههههههه

الظاهر لو افتح اي موضوع بيطلع لي صوره كككككك ، حتى يهايط وتصريحات ككككك

حجم الصور صغير لو تكبرهن شوي احسن >> 640 * 480 على الأقل

لو الخط البرتقالي متعب اثناء القراءه

إذا كان مكان الموضوع ما جاز لك وبغيت ننقله للمنتدى الرياضي عطنا خبر

وحنا تحت الخدمه باللي تبونه ، وتم تثبيت الموضوع

شكراً لكم من الاعماق

آخر من قام بالتعديل عاشق المجاهيم; بتاريخ 13-09-2008 الساعة 12:10 AM.
عاشق المجاهيم غير متصل  
موضوع مغلق


يتصفح الموضوع حالياً: 1 (0 من الأعضاء و 1 من الزوار)
 
أدوات الموضوع
طريقة العرض

قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق
Trackbacks are متاح
Pingbacks are متاح
Refbacks are متاح


مواضيع مشابهة
الموضوع الكاتب المنتدى الردود آخر مشاركة
. 1:: اليوم الاول ::1 . .:abo-lama:. منتدى الأندية الموسمية 1343 هـ 10 09-07-2009 02:05 PM
صور اليوم السابع وقبل الاخير ....من مهرجان التسوق الاول بالرس مول 29 شبل الاكس بي منتدى الافراح والمناسبات و التغطيات والتهاني 14 15-01-2009 05:23 PM
الضيافة .. و بدوش مع احلى الهديا في اليوم التاسع عشر . الجزء الاول صادق الـوعد منتدى الافراح والمناسبات و التغطيات والتهاني 12 27-08-2008 03:54 AM
صور اليوم العشرون الجزء الاول شبل الاكس بي منتدى الافراح والمناسبات و التغطيات والتهاني 32 26-08-2008 11:32 PM


الساعة الآن +3: 05:06 AM.


Powered by vBulletin® Version 3.8.7
Copyright ©2000 - 2017, vBulletin Solutions, Inc.
SEO by vBSEO 3.6.0 ©2011, Crawlability, Inc.
هذا المنتدى يستخدم منتجات بلص

1 2 3 4 5 6 7 8 9 10 11 12 13 14 15 16 17 18 19