عـودة للخلف   منتديات الرس اكس بي > منتديات الرس اكس بي > المنتدى العام والمواضيع المتنوعة
التسجيل الأسئلة الشائعة التقويم تعليم الأقسام كمقروءة


المنتدى العام والمواضيع المتنوعة الموضوعات العامة والمناقشات والحوارات الهادفة، والتي لا علاقة لها بأقسام المنتدى الأخرى.

إضافة رد
 
LinkBack أدوات الموضوع طريقة العرض
قديم(ـة) 12-09-2008, 08:46 AM   #1
عضو متألق
 
تاريخ التسجيل: May 2008
المشاركات: 997
قوة التقييم: 0
كون زون is on a distinguished road
Talking رسائل جوال أرسلت بالغلط........ م ل ط و ش

.........
يـــاصبـاح الفل
كيفكــم..؟
اممم على توول بدخل ب الموضوع لاان الموضوع باين من عنوانهـ وهو ,, ((هل مره قد ارسلتي رساله لشخص وراحت لشخص ثاني بالخطــا))..؟

انا صراحه ماقد صارت لي بس بغيــت تفاعلكم اذا كان صايرلكم ذا الموقف

وجــايبتلكم بعض المواقف الي قد صارت للناس .. واااااي عسانا مانصير بمواقفهم


رسائل جوال أرسلت بالغلط
(1)

بنات كانوا في الجامعه شله وكانت وحده منهم عازمتهم وجت وحده من البنات كتبت
لصاحبة العزيمه (اذا انتي عازمه نجلاء انا ماراح اجي ودبري لي اي عذر قوليه للبنات بصراحه انا استثقل دمها واذا ناديتيني مره ثانيه لاتنادينها واوعدك بجي اوكي) وارسلت الرساله لنجلاء :{ !! .....

(2)


مره كنت برسل مسج حق رفيقتي بقول لها تحسب لي طارئ بالدوام لان مالي خلق اداوم المهم انا حافظة رقم رفيقتي بس كتبته غلط وشوي يدق علي الرقم واستغربت ان طلع رقمها بدون اسمها ورديت على التلفون طلع لي واحد قال( عن الخبال قومي لبسي وداومي )طبعا انا انصدمت وسكرت الخط على طول من الخوف داومت

(3)


وحده كانوا اهلها عازمينها وزوجها طالع استراحة مع اخوياه وما حضرالعزيمه هي بترقع له عند ابوها قالت انه معزوم على العشاء عند عمه وكتبت رسالة لزوجها ترى اهلي سألوا عنك دبرت لك عذر قلت لهم ان عمك عنده عزيمه ... وارسلت الرساله لابوها ...


(4)

مره انا كنت والده في المستشفى ووحده من صديقاتي الله يصلحها جالسه من العصر عندي يوم جت الساعه 11 مليت مره وهي ماعندها نيه جالسه تسولف مع امي وخواتي دق علي زوجي قال ابمركم شوي وهاذي ماعندها نيه تروح واقوم اكتب رساله لوحده من خواتي اقول لها



(( ترى فلان بيجي وهالنشبه مستانسه على الجلسه مليت منها الله يصلحها شكلها ودها تتسحر عندنا لاتسولفون معها عشان ماتستانس وتمل وتطلع الله ينشبها))وارسلتها لصديقتي :{ .....


(5)


أرسلت لجارتي وقلت لها تجيني بعد المغرب تتقهوى عندي وأنا متعوده أرسل لها وخلاص تجي يعني مهوب لازم ترد علي ..وانا اللي عقب ماصليت المغرب أتجهز وأجهز قهوتي واجلس أحتري زوجي يطلع لأنه في ذا الوقت يطلع ..


والا هو جااي وجالس يالله وين القهوه ؟: أنا : أي قهوه ؟ هو : تستهبلين يا أم المفاجات الحلوه ؟ وبعدين استوعبت اني أرسلتها له بالغلط وسكت وما قلت شي ,,:

(6)


قبل رمضان بيوم جتني رسالة من صديقتي مضمون الرساله كالأتي ( رمضان بكره والشياطين تنحبس في رمضان ... والله راح نشتاق لك ) عجبتني الرسالة قلت راح ارسلها لزوجي .. وارسلتها .. ولما جاني تقرير الرسالة وجدت اسم عمي ( ابو زوجي ) .......... والله فشلة:

(7)


كنت عند اهلي وقالوا لي خلي زوجك يجي يتغدى عندنا .. رحت ارسلت له رسالة ( اهلي عازمينك على الغدا ) وراحت الرسالة.. وبعد شويه يرسل اخو زوجي رسالة مضمونها ( بأي مناسبة ؟) فشلة ...:

(


مره تخاصمت انا وزوجي وكتبت رساله لاخوي اسب زوجي سب واعلمه اني بتثقل عليه ولاراح اعطيه وجه ..


تتتتخيلوا ...... الرساله راحت لزوجي وزعل وارسل تهديد


وانا انطميت وسكت والله موقف لن انساه

(9)


مره اختي مسافره برا وهي مديرة مدرسه .....


المهم جا وقت عودة المدرسات وهي كانت معطيتنا جوالها ....... فارسلت على جوالها رساله تقول لاختي الثانيه )يا فلانه ارسلي للمدرسات رسايل وقولي لهم يداومون احسن لهم ....مو اذا غاب القط العب يا فار)قامت اختي من السنع ارسلت نفس الرساله لجميع المدرساااات ....يعني نفس النص ما غيرته وتعالوا شوفو الضحك والفشيله
(10)


انا مره اتصلت على وحده ماردت بعد شوي جاني منها مسج كاتبه


((يافلانه ترا فلانة (إللي هي أنا) ازعجتني بالاتصالات ومارديت عليها))


والمشكله اني مادقيت الا مره وحده ..


عاد تحسبوني سكت ارسلت لها مسج قلت:


(( ربي باغي يفضحك ))

(11)


جتني رساله من رقم ما أعرفه بس تقول :


((مبروك ماجبتي وعساك طيبه وترانا فرحنالك ودعينا لك ولبنتك وعسى الله يخليها لك وترانا نبي نجيك بكرا))


على طول رديت قلت :


((تراااااااك غلطانه وعلمو الحرمه انكم تبي تزورونها ترى الرساله هذي ماوصلتها))


(12)

انا مره واحد ارسل لي رسالة بالغلط :

(فلان انت صاحي ولا نايم)ارسلت له : تراك غلطان رد :


( بلا استهبال جب معك فطور)


(13)

مره في العيد اخوي ما جاء هو وأهله لنا كان عنده شغل ماقدرالمهم اختكم في الله فيني رومانسيه زايده اقعد اكتب رساله كلها شوق وحب لأخوي .. وان العيد ماله طعم بدونك واشتقنا لك والمشكله ماكتبت اسمه لا .. كاتبه ابو عبدالعزيز ليتني كتبت اسمه ..واجي ارسل الرساله ورقم اخوي مميز يعني مايبيله حفظ واكتب الرقم وارسل .. يوم رحت للرسائل المرسله والقى رقم ماطلع اسم اخوي ..
يافشيلتاااااااه قلت الحين بيتصل علي ويغثني يارب مايكون واحد لعاب بس شوي واتصل نفس الرقم <<< جاك الموت ياتارك الصلاة ارد ماارد ارد ماارد .. ردي يابنت الناس واعتذري وخليك جاده ورسميه وقولي والله غلطانهيوم رديت طلعت حرمه ..السلام عليكمعليكم السلامأنتِ مرسله رساله لي ؟؟قلت لها غلطانه و اشوا انك حرمه والله اني كنت خايفه انك رجال الحمدلله طلعتي حرمه,,تتوقعون وش قالت ؟ قالت : انا كنت اتمنى انك تطلعين رجال بس للأسف طلعتي حرمه!!قلت لها ليش؟قالت انا رقمي رديف لرقم زوجي .. وزوجي اسمه ابو عبدالعزيز قلت يمكنك واحد من اصحابهمرسل له رساله وغلطان ,, لكن طلعتي حرمه والله لا يوريكم والله سوت لي تحقيق ولا المخابرات
انتِ مين ؟ انتِ تعرفينا وتسوين فيني مقلب صح؟؟قلت لها والله مااعرفك..غلطانه والله غلطانهقالت قولي الصراحه تعرفين زوجي ؟؟والله اني قعدت احلف واقسم ساعتين ماصدقتنياووووف اعوذ بالله شكلها مرررررره شكاكه حلفت لها مليون يمين اني مااعرف زوجها,,في الاخير عطيتها رقم اخوي قلت لها شوفي هذا رقم اخوي ابو عبدالعزيز اللي كنت ابرسل له نفس رقمك يا اختي لكن الاختلاف اخر رقمين بس انا عكستهم صدقيني,, اتصلي عليه واسأليهياالله بعد طلوع الروح اقتنعت وسكرت ,, لا .. ويوم اقتنعت تقعد تسولف معاي ,, تقول ارسلي رسايل حلوه ان كان عندك ,,<< في المشمش هذا اللي ناقص بعد ,,


(14)

امي ياحليل امي وخف دمها .. كنا عند اخوي وكان شديد علينا في الخروج لازم نستأذن منه .. المهم انه مو كل المساييير يوافق عليها

وكنا معزومين عند ناس ما يبينا نروح لهم .. عاد امي قامت تبي تدق على اخوي الثاني وتقوله بنقول لخوك انا عندك ونروح للي عازمينا قامت ودقت على اخوي الشديد تظن انه الثاني وقالت له اسمع حنا بنروح لفلانه عازمتنا ، اذا سألك اخوك قل انا عندك ..

ما درت انه هو الشديد ..

ضحك وقال ان شاء الله يمه دقت عليه مرة ثانية قالت : شف حنا بنروح لخوك فلان حتى دق عليه واسأله ..ضحك .. وقال إلعبي غيرها يا ام فلان انا اللي كلمتيه تو ..

قامت تضحك وقالت : اصلا امزح ماني رايحة لاحد <<<< ترقع


ههههههههههههههههههههه

والله فشله
الحمدلله
ماقد صارلي
الله الله بالردوود

ملطووووووووووش

كون زون
كون زون غير متصل   الرد باقتباس

 
قديم(ـة) 12-09-2008, 10:12 AM   #2
Banned
 
تاريخ التسجيل: Jul 2008
المشاركات: 529
قوة التقييم: 0
عليا is on a distinguished road
مره وحده من الزميلات تقص لي وتقول كنت ابرسل لوحده رسالة وبسرعه تك تك تك وتم ارسال الرساله الساعه وحده بالليل لمين؟؟؟؟للمشرفه حقته لانه وبكل بساطه اول اسم بقائمة الاسماء
مو هنا المشكله....المشكله ان الرساله ( امبيييييييه)

آخر من قام بالتعديل عليا; بتاريخ 12-09-2008 الساعة 10:15 AM.
عليا غير متصل   الرد باقتباس
قديم(ـة) 12-09-2008, 10:38 AM   #3
عضو بارز
 
صورة الطخطبوط الرمزية
 
تاريخ التسجيل: Jul 2007
البلد: .. مدري !!
المشاركات: 545
قوة التقييم: 0
الطخطبوط is on a distinguished road
هههههههههههه رائع ... بس بصراحه ما حصل لي مواقف من هالنوع ...

الثانية حقت الدوام وقهوة بعد المغرب ... هذووولي مواااقف شي هههههههه

جزاك الله خير
الطخطبوط غير متصل   الرد باقتباس
قديم(ـة) 12-09-2008, 12:55 PM   #4
عضو متألق
 
تاريخ التسجيل: May 2008
المشاركات: 997
قوة التقييم: 0
كون زون is on a distinguished road
عليا
الطخطبوط

اشكركم على مروركم
كون زون غير متصل   الرد باقتباس
قديم(ـة) 12-09-2008, 01:03 PM   #5
عضو مبدع
 
تاريخ التسجيل: Jul 2008
البلد: الـــــــــريـــــاض والــقصيــــــــــــم
المشاركات: 1,785
قوة التقييم: 0
فهودي999 is on a distinguished road
والــلـــه ســـــــــوالـــف عــجـــز مع احتــرامي لكـــاتــب المــوضـــوع هههه
__________________
فهودي999 غير متصل   الرد باقتباس
قديم(ـة) 13-09-2008, 02:16 AM   #6
عضو متألق
 
تاريخ التسجيل: May 2008
المشاركات: 997
قوة التقييم: 0
كون زون is on a distinguished road
وجة نضر

مشكور فهودي999 على المرور
كون زون غير متصل   الرد باقتباس
قديم(ـة) 13-09-2008, 02:22 AM   #7
عضو مبدع
 
تاريخ التسجيل: Aug 2008
المشاركات: 1,804
قوة التقييم: 0
مملوح الوصايف is on a distinguished road
هههههههههههه الله من الحوسه
__________________
تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً
مملوح الوصايف غير متصل   الرد باقتباس
قديم(ـة) 13-09-2008, 02:58 AM   #8
عضو مميز
 
تاريخ التسجيل: Aug 2008
المشاركات: 253
قوة التقييم: 0
ابـو عزام is on a distinguished road
ههههههههههههه الله ياخذ بليسك هع هع هع هع هع هع هع هع هع
ابـو عزام غير متصل   الرد باقتباس
قديم(ـة) 13-09-2008, 03:02 AM   #9
عضو متواجد
 
تاريخ التسجيل: Sep 2008
المشاركات: 43
قوة التقييم: 0
امر سكر واحلى شري is on a distinguished road
ليه مازودتيها شوي وحطيتيها بكتيب بنفس العنوان والله تكسبين
امر سكر واحلى شري غير متصل   الرد باقتباس
قديم(ـة) 13-09-2008, 03:03 AM   #10
عضو خبير
 
صورة نـــــــــغ ــــــــــــم...! الرمزية
 
تاريخ التسجيل: Apr 2008
البلد: في زوايا الصمت...!!
المشاركات: 5,332
قوة التقييم: 0
نـــــــــغ ــــــــــــم...! is on a distinguished road
ياي ايه والله كد حصلت0000 ابرسل لصديقتي00 وللاسف تروح الرساله لصديقتي الثانيه ماله علاقه بالموضوع ابد000 بس والله موقف محرررج000 انا بتذكر 00 واقولكم00
ولي باااااك انشالله00 مشكوووره00
نـــــــــغ ــــــــــــم...! غير متصل   الرد باقتباس
إضافة رد


يتصفح الموضوع حالياً: 1 (0 من الأعضاء و 1 من الزوار)
 
أدوات الموضوع
طريقة العرض

قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق
Trackbacks are متاح
Pingbacks are متاح
Refbacks are متاح


مواضيع مشابهة
الموضوع الكاتب المنتدى الردود آخر مشاركة
ارقام وايميــلات المشــايخ ضوء القمر المنتدى الدعوي و الأسرة والمجتمع 16 01-09-2008 01:13 PM
لماذا خلقت حواء من ادم وهو نائم؟؟؟ queen2008 المنتدى العام والمواضيع المتنوعة 1 31-07-2008 03:29 AM
لماذا خلق الله حواء من ضلع آدم وهو نائم؟؟؟ منكم وإليكم المواضيع المنقولة وأخبار الصحف والوطن 8 26-07-2008 01:19 PM
رسائل جوال بين شاعر وشاعره سفاري المنتدى الأدبي والشعر و الألغاز 0 13-07-2008 05:58 PM


الساعة الآن +3: 10:53 AM.


Powered by vBulletin® Version 3.8.7
Copyright ©2000 - 2018, vBulletin Solutions, Inc.
SEO by vBSEO 3.6.0 ©2011, Crawlability, Inc.
هذا المنتدى يستخدم منتجات بلص

1 2 3 4 5 6 7 8 9 10 11 12 13 14 15 16 17 18 19