عـودة للخلف   منتديات الرس اكس بي > منتديات الرس اكس بي > المنتدى العام والمواضيع المتنوعة
التسجيل الأسئلة الشائعة التقويم تعليم الأقسام كمقروءة


المنتدى العام والمواضيع المتنوعة الموضوعات العامة والمناقشات والحوارات الهادفة، والتي لا علاقة لها بأقسام المنتدى الأخرى.

موضوع مغلق
 
LinkBack أدوات الموضوع طريقة العرض
قديم(ـة) 12-02-2004, 05:53 AM   #1
Banned
 
تاريخ التسجيل: Nov 2003
البلد: في قـــ العالمي ـــلب
المشاركات: 141
قوة التقييم: 0
عاشق العالمي is on a distinguished road
شبابيــــــــات....(فقط الشباب اياني واياكم أشوف بنت)!!!!

هذي أوصاف ( معظم شباب اليوم) واذا فاتني أوصاف ما قلتها ذكروني

_ نوعية من الشباب تشوفهم في البيت غير وعند الناس غير
أبسط مثال
يافلان قم ود اختك المستشفى تراها تعبانه يقول هاه وش فيها مافيها الاا العافية بس اذا واحد من اخوياه تعبان يقوم يطير طيران علشان يوديه المستشفى لاا ويرافق معه


والاا يافلان نبي خبز واللي يعافيك جب لنا يقول ماعلي منكم عمركم مااكلتوا سون ريجيم وعند اخوياه يطبخ لهم لاا ويغسل المواعين بعد


_ الملابس:
دولاب الملابس يشتكي من كثرها وما تشوفه الا بقميص واحد واتحداك يغيره ينام فيه ويقوم فيه ويصلي فيه ولايخلي أحد يغسله ، واذا جاء يطلع للسوق شوفوووه ساعه عند المرايه يعدل شماغه


_ العجازين
وياكثرهم كثراه زي الرز ودي أشوف شاب يشيل عن اخته أو زوجته أو حتى أمه بعض الأغراض بالسوق الاا تلاقيه مطير عيونه بالبنات والضعيفه وراه تسحب أكياسها الوحدة تشوف المصريه واللبنانيه تحسدها على الذوق اللي عند رجالهم ما يخلونهم يشيلون شي


_ اذا تبون تعرفون الشاب فوضوي والاا مرتب
هذي بسيطه شوفوا سيارته
تجيك السيارة وصخه كلها غبار من يوم شراها ماغسلها لاا ويقول هذي غبار الوكالة أمحق وكاله لاوكاله ولازفت الاا عاجز يغسلها لاا واذا شفتها من الداخل ماتدري وين تحط رجلك من هذي فروة تحت رجلك واسلاك وقراطيس وفصفص ومناديل وثلاجات الشاهي لها سنه بالسيارة وبلاوي كل وصاخة الدنيا داخل السيارة والاا ريحة الدخان اللي تدوخ الراس
لكن الشاب المرتب وهم قلة للأسف سيارته تبرق من النظافه تدخلها كأنك تدخل محل للعطور كلها نظافة وترتيب


_ راعي الحق والواجب
مايخالف الحق والواجب لكن بحدود المعقول واحد يجيب لزوجته كل يوم ذبيحه ويالله اطبخي كل يوم طبخ ونفخ يعني الواحدة ودها تطلع مع زوجها وعيالها يتمشون وينبسطون وحتى اذا مااطلعوا يجلسون مع بعض يتناقشون ويتفاهمون مو كل يوم عزيمه
والاا الإستراحات رايح استراحة جاي من استراحه وبس هذي شغلتهم وياويلها اذا احتاجت شي ودقت على جواله تقطع عليه لعب الورق هذي مصيبه


_ الدلع
بنت تدلع معقوله تنبلع بس ولد يتدلع ووووووووووه قهر
تشوف راسه ماتدري هو راس بنت والاا ولد تسريحات ماأدري من وين يجيبونها اللي فالق راسه من النص تقل ثور واللي مسويلي تسريحة بطل التيتانيك وهو يحوم الكبد يطلع شكله تقل هندي مايدرون ان الشماغ والغترة أستر لهم والله ان وسامتهم وحلاوتهم بها الشماغ اللي يستر على بلاويهم


_ الشباب النصابيين
هذولا عد واغلط ياكثرهم يجيك الواحد يقول
يووه سيارتي ( الفراري ) اللي طالبها من برى تأخرت والله ماجت الى الحين اخاف ان عمارات نييورك طاحت عليها ..وهو زين ان معه ددسن
ما شفتوا جوالي هذا جايبه من دبي والله ....وهو شاريه من الحراج
ماتدرون اختاروني لاعب باالمنتخب بس اعتذرت لهم لأني مصاب والدكتور الزهراني يقول لاتلعب لمدة ستة أشهر .. والمشكله تلاقيه مايعرف ولا يشوت الكورة
لا ويزيد النصب اذا كان الطرف الآخر بنت


_ المعصب
وهذا مسوي فيها شخصيه يدخل ينفخ ويطلع ينفخ يدور المشاكل دوره يحسب ان باسلوبه هذا يخوف الناس مايدري ان النوعيه هذي يكون بداخله انسان ضعيف


_ الدلخ
هذا كل من هب ودب يضحك عليه


_ الاا في شي دايم يصير
يجيك الشاب وهذي دايما تصير باالمدارس والأسواق اذا شاف البنت تلفت وتدور اخوها أو ابوها وطاحت عينها بعينه كذا صدفه خلااااااااااااص حبتني
لا والاا اذا حكمت الظروف واضطرت تسأل أحد منهم سؤال دوره عاد يبدا وجهه يتقلب كل الألوان ويتخلبط وحالته حاله على باله ان البنت ( وقعت بدباديبه ) على قولة المصاريا
والله بلشه مايدرون انهم بها الأسلوب يخوفونا منهم


_ المغرور
ماأدري بعضهم شايف نفسه على ايش شين وقوة عين
وأغلب اللي كذا يحس باالنقص ومن زود احساسه بالنقص يحاول يرفع نفسه عن الناس وما يدري ان من تواضع لله رفعه


_ الضعيف
الضعيف ....... الضعيف والاا اقول مافيه ولا واحد منهم ضعيف كلهم ملاعين


_ اللي يتمسكن لين يتمكن
فإذا مو كل الشباب فهو أغلبهم وخاصة اذا كانت الضحيه بنت وماراح أقول ان الوصول الى هذه الصفحة غير مسموح بها لأن حتى لو حجبناها فانتم ماتقصرون راح تفتحونها بطريقة أو بأخرى لأن شعاركم كل ممنوع مرغوب


_ راعي التفحيط
هذا اذا فتحنا راسه تلاقي مخه تقل جريش من كثر ما يفتر بها الشوارع لا يفهم ولا يدري وين ربي حاطه ماعنده ما عند جدتي


_ راعي الكنوت
تلاقيه 24 ساعه صاحي ماينام عيونه طايحه على الجهاز وغالبا اللي يستخدمونه هم الشباب اللي ما يعرفون يسكتون سوالفهم كثيرة على قلة سنع


_ راعي الطرب
وهذا ما يجلس بدون مسجل في غرفته الاستريو يشتغل على أعلى صوت قمه في الازعاج واذا طلع بسيارته الله يعين المسجل لاا ومركب سماعات اضافيه علشان يطلع الصوت صح اذا وقف عند الاشارة شوف ملامح وجهه متشقق من الفرحة كأنه مسوي انجاز


_ راعي الأرقام
هذولا ساكنين باالسوق ماادري ماعندهم بيوت تضفهم 24 ساعة بالسوق وطابعين ارقامهم ماليين كرتون ويالله توزيع حتى بعضهم يذب الرقم على شغالاات وهم مايدرون تروح توري كفيلها الرقم شوف شوف بابا هذا هديه


_ راعي الوانيت
وهذا .اوووووووه معليش غلطنا شبك الخط آآآآآآسفيين


_ أبو راس يابس
هذا ماتقدر عليه يموت باالعناد تجيه بالين يشوف نفسه تجيه بالعين الحمراء كسر راسك وهذا ينفع معه المثل ( ابعد عن الشر وغني له )


_ الحساس
وهذا واحد بالمليون تحتاج ميكروسكوب علشان تدور عليه بس اذا لقيته لا تفرط فيه لانه يشترى بالملايين

اتشرف بردود الجميع شباب وشابات ولاتزعلون علينا....وكل عام وانتم بخير...


aaag_400@hotmil.com
عاشق العالمي غير متصل  

 
قديم(ـة) 12-02-2004, 06:30 AM   #2
عضو متواجد
 
تاريخ التسجيل: Feb 2004
البلد: الــــــــــــــرس
المشاركات: 60
قوة التقييم: 0
سحـ العيون ـر is on a distinguished road
ههههههههههههههههه حلوووووووووووووووه
<<=== تسمع الكلام رغم انها بنت دخلت
انوووووووووووواع البلاغه
والله انك قلت كل اللي بخاطري
وعيال السعوديه كلهم من النوع
العجازين
وياكثرهم كثراه زي الرز ودي أشوف شاب يشيل عن اخته أو زوجته أو حتى أمه بعض الأغراض بالسوق الاا تلاقيه مطير عيونه بالبنات والضعيفه وراه تسحب أكياسها الوحدة تشوف المصريه واللبنانيه تحسدها على الذوق اللي عند رجالهم ما يخلونهم يشيلون شي

تحياتي
لك
__________________
تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً
سحـ العيون ـر غير متصل  
قديم(ـة) 12-02-2004, 06:53 AM   #3
Banned
 
تاريخ التسجيل: Nov 2003
البلد: في قـــ العالمي ـــلب
المشاركات: 141
قوة التقييم: 0
عاشق العالمي is on a distinguished road
ادري مشاء الله عليكم تسمعون البنات ,, ولو اني ماكتبت ممنوع دخول البنات كان مادخلتي بس اعناد فيني دخلتي ،، ماتتوصون يا البنوتات

بس مبسوطه على شان التريقه على الشباب
تفرحون في اي شي يتريق على الشباب
بس على فكره

رايح انزل موضوع تريقه عن البنوتات

تحياتي لك سحر العيوووون
بحوووووووووري

تراني امزح في ردي لك مشكور اختي الغاليه
عاشق العالمي غير متصل  
قديم(ـة) 12-02-2004, 08:01 AM   #4
عضو مميز
 
تاريخ التسجيل: Nov 2003
البلد: بين القشيعين
المشاركات: 155
قوة التقييم: 0
المنسدح بالعشة is on a distinguished road
هاهاهاهاهاهاهاهاهاهاهاهاها

تصدق ولا احلف لك











الصرااااااااااحه الله يعطيك العافيه على الموضوووووووووع
وفعلآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآآآآآآآآآآآآآآآآآآآآآ

هذا حال بعض الشباااااااااااااب مناااااااااااااااااااااا الله يصلح حااااااااااااااااالهم

لكن الغالبية فيهم خير ان شاء الله
__________________
تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً
المنسدح بالعشة غير متصل  
قديم(ـة) 12-02-2004, 08:18 AM   #5
Banned
 
تاريخ التسجيل: Nov 2003
البلد: في قـــ العالمي ـــلب
المشاركات: 141
قوة التقييم: 0
عاشق العالمي is on a distinguished road
اهم شي انك مبسووووووط المنسدح
وهذا لي ابيه وتحياتي لك
بحوووووري
عاشق العالمي غير متصل  
موضوع مغلق


يتصفح الموضوع حالياً: 1 (0 من الأعضاء و 1 من الزوار)
 
أدوات الموضوع
طريقة العرض

قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق
Trackbacks are متاح
Pingbacks are متاح
Refbacks are متاح



الساعة الآن +3: 04:00 PM.


Powered by vBulletin® Version 3.8.7
Copyright ©2000 - 2017, vBulletin Solutions, Inc.
SEO by vBSEO 3.6.0 ©2011, Crawlability, Inc.
هذا المنتدى يستخدم منتجات بلص

1 2 3 4 5 6 7 8 9 10 11 12 13 14 15 16 17 18 19