عـودة للخلف   منتديات الرس اكس بي > منتديات الرس اكس بي > المواضيع المنقولة وأخبار الصحف والوطن
التسجيل الأسئلة الشائعة التقويم تعليم الأقسام كمقروءة


المواضيع المنقولة وأخبار الصحف والوطن المواضيع المنقولة من الانترنت وأخبار الصحف اليومية و الوطن.

إضافة رد
 
LinkBack أدوات الموضوع طريقة العرض
قديم(ـة) 08-10-2008, 09:09 AM   #1
عضو مميز
 
تاريخ التسجيل: Jan 2008
المشاركات: 145
قوة التقييم: 0
سيدهم is on a distinguished road
Talking الي يبي يعــرف برجــــه بالهجري ... يجي هنااااا !!!


اعرف برجك بالهجري


برج الكيرم من 15 محرم إلى 15 صفر
انت سوف تكون من أسباب ضياع مستقبل ابوجيرانكم الوظيفي..بسبب كثرة تسلقك
للنخل..ولن تترك هذه العادة الا بعد ان تصلفط على خشتك عدة مرات متلاحقة..مما

قد تسبب حدوث انفصام في شخصية برطمك..فا يبدأ برطمك بالأحساس انه خشم وليس
برطم..حينها سوف تتوهق توهيقتن كبيرة...وافلقني ياشيخ ان كانك مملوح..

برج البيالة من 15 صفر إلى 15 ربيع أول

تدخل بقالة مايبيعون كراث..وانت طالع تزلق بقرطاسة بسكوت ريكو..ويمر هايلكس
محمل ثلاث هنود ويطشم عليك ماء من اللي بالأرض..عاد تخاف ان خشتك تغيرت
ملامحه
..وتصاب بحالة من الدلاخه تستمر ثمانطعش دقيقه..وتزيد حالتك الأستدلاخية شيئا

فشيئا..وتروح تاكل فصفص سوبر مصري ..ويجيك مغص باصبع رجلك
الوسطي..وبعد مدة
تلاحظ ان كل الي اكلته سابق الذكر..قاضية مدته..باختصار..انت حظك رايح فيها.

برج القوطي من 15 ربيع أول إلى 15 ربيع ثاني
تفحيطك بالسيكل منذو صغرك..قد تسبب في ان يكون هناك سوء تفاهم بين عيونك..مما
اضطر ان يقوم ابوك بتصفيقك كل يوم على باله يبي يعدل عيونك...وسوف تبتسم لك
وحده عند بقالة وهي المرة الأولى والأخيرة..وتبي تضيع علومك...وتقوم انت وتبدا
تسحب جلنطات بالددسن..وتصدم عمود لمبه مكتوب عليه ذكريات ام سعد..ويجي
ابوسعد ويتمردغ ببطنك لين تقتنع بالمثل اللي يقول كن دلخا تعش حياتك هنيئا..


برج الطرمبه من 15 ربيع ثاني إلى 15 جماد أول
ادمانك للعب السوني ( بلاي ستيشن )..سوف يعرضك للأنفلاق بقوطي حمضيات من اخوك
الصغير..وزعقه من امك ( يعني تهزيئه بصوت مرتفع )..وراح تتولد في طيات خشتك
ردة فعل تجاه القواطي..مماسوف يجعلك عرضة لسخرية جميع الحلاقين..ولكن ومع كل
هذا...انت جميل الوجه..وسوف تكون احد اسباب تحويل طالبات حارتكم اللي داخلات
قسم طب..يدخلن قسم آثار..

برج الملعقة من 15 جماد اول إلى 15 جماد ثاني
تأثرك السريع بمايحدث حولك..قد يتسبب في تغيير اسمك من سمير الى الهام
شاهين..لأنه راح يصادف انك تدخل على ناس يناظرون تمثلية مصرية بطولة تحية
كاريوكا..ومادري وش دخل الهام شاهين...انت طويل وخبل..والمثل اللي يقول..شف
وجه العنز واحلب ببسي..قايلينه في..
كثيرا ماتفقع وجهك من اللموزينات..حيث انك تفضل ركوب باص خط البلده..

برج البردقانة من 15 جماد ثاني إلى 15 رجب

نطقك للحروف..رايح فيها..وقد يتسبب في ان يمسكك اربع عرابجه..ويلبسونك سترتش
ضيق مره..ويعصرونك لين تقعد تصيح..وتجيك جلطة دماغية بخشمك ..ويطيح شعر
سيقانك..وتنفصل ركبتك عن يدك..وتصيبك حالة من الجزع والهلع..بسبب كثرة تنسيم
الكورة من النخل اللي بحوشكم....حظك تبي تلقاه تحت زولية مقلط رجال بشقة
باكستانية ساكنين بغينيا الجديده جنوب لندن..مقابل تموينات ابوسعد..

برج الشطه من 15 رجب إلى 15 شعبان

انت اذكى انسان بالعالم...في نظر نفسك..ينلعب عليك بسرعه..يعني مخفة..لو
يقولون لك انقز من الفيصلية قلت لا ابنقز من عمارة المملكة اطول شوي..تتمتع بشخصية
قوية عند زملاؤك اللي من نفس فصيلتك الأستدلاخية..كثيرا مايحالفك الحظ في
الأشارات فغالبا اذا وصلت الأشارة تصير خضراء..احسن مافيك انك تدربي راسك ولا
تدري وش الدنيا..فأنت تعمل بالمثل القائل..اضحك للدنيا ولو تفلت بوجهك عادي..

برج الزراديه من 15 شعبان إلى 15 رمضان
اشخاص هذا البرج مادري وش يبون من الدنيا..اللي مولود في هذا البرج..من رايي
السديد انه يروح لأقرب طريق سريع ينسدح فيه على امل يدعسه قلابي انشالله..ومع
ذلك حظهم يكسر الحصى..

برج صعفق من 15 رمضان إلى 15 شوال
انت حظك متدودل من عمود لمبه ملبق جنبه سيكل هندي مربوط بسلسله وإذا أنسرق
هالسيكل يحسبونك انت اللي سارقه..ويدفعونك غرامة وتنسجن مع واحد غني..وتسلفه
عشرين ريال لأنه مامعه صرف..واذا طلعتوا من السجن يبي يردها لك عشرين الف..وتبي
تنبسط..وبالأخير يمسكك ابوك ويمحطك بالزبيرية عشانك اخذت ربـــــا....باختصار
حظك تلقاه تحت قوطي ميرندا فراولة الشكل القديم شاربه سوداني مدرس املاء...

برج الديرمه من15 شوال إلى 15 ذو القعدة
يطلق عليك لقب البطران..لما تتمتع به من فزعة لجميع اخوياك الطفارى..وتباشر
عليهم..وهذا قد يؤدي الى مردود عكسي حسب النظرية الفيزيائيه تروش ولو بتراب
فتراب خير من ولاشي...انت ماناقص الا تهتم بنظافتك الشخصية....واذا بغيت تتنكر
ولا يعرفك احد انصحك تتروش عشان تتغير ملامح وجهك...انتبه من سواقكم..لأنه قد
يكون سبب في تأخر ولادة العنز اللي انت شاريها....ولو اني داري انك منتب وجه
سواقين..

برج الزبيرية 15 ذو القعدة إلى 15 ذو الحجة
يتمتع اصحاب هذا البرج بالذكاء الفائق..لدرجة انهم يدخلون الأختبارات وهم
ماذاكروا..تبي تشارك بمن سيربح المليون..وتبي تاصل للسؤال الأخير..بس يبي يدق
عليك خويك بآخر لحظه ويعلمك ان بنت جيرانكم ماتحبك..وانه رايحه وطي مع ابوك
وتموت
فيه ..وتصاب انت بحالة تسمى الأستصطال المزمن...ويدخلونك مستشفى وتجي
ممرضة ووتفقد الذاكرة هالممرضه وتحبك بالغلط وتجيبون عيال تسمونهم على اسم
خال
امك من الرضاع


برج المصاقيل من 15 ذو الحجة إلى 15 محرم
خشمك كبير..وانت معيي تقتنع بهذه الحقيقه..كبر خشمك سوف يسبب لك مشاكل اذا
جيت
تصور..فيضطر المصور انه ياخذ لك صورتين وحده لك والثانيه لخشمك...يصارحك
حارس استراحتكم بأن خشمك كبير..فتنفخ عليه انت..فيعبر عن مشاعره ويقوم
يفقع

وجهك ويصير وجهك كنه علبة هندسه مافيها منقله..بس فيها مثلث..والفرجار ضايع....ومع
كل ذلك تبي تتزوج وحده تشبه ساندرا بولوك..يابختك ياعم.. أخسسس
فى الاخير احب اقول كذب المنجمون ولو صدقوا

يالله كل واحد يقولنا وشو برجه

سي يوووو
سيدهم غير متصل   الرد باقتباس

 
قديم(ـة) 08-10-2008, 09:17 AM   #2
نهر العطاء العذب
 
تاريخ التسجيل: Sep 2007
البلد: في مكان ضيق سيرد له كل البشر
المشاركات: 6,211
قوة التقييم: 0
ارض الجليد is on a distinguished road
ههههههههههههههههههههه

قال رسول الله صلى الله عليه وسلم : (((((((( كذب المنجمون ولو صدقوا)))))))))
أما اسماء الابراج لحاله
__________________
اللهم استرنا فوق الأرض وتحت الأرض ويوم العرض
ارض الجليد غير متصل   الرد باقتباس
قديم(ـة) 08-10-2008, 09:31 AM   #3
عضو ذهبي
 
صورة ابن القصيم الرمزية
 
تاريخ التسجيل: Jan 2007
البلد: في قلب الرس..
المشاركات: 2,847
قوة التقييم: 0
ابن القصيم is on a distinguished road
والله عيب مثل هذي المواضيع ,, تصدقون خرافات الغرب

لايعلم الغيب الا علام الغيوب ,,

الله يهديك
__________________
الحمدلله الذي اذل بالموت
رقااب الجبااابره
وحطم بالموت آمال الطوااغيت
ابن القصيم غير متصل   الرد باقتباس
قديم(ـة) 08-10-2008, 09:45 AM   #4
عضو مميز
 
تاريخ التسجيل: Jan 2008
المشاركات: 145
قوة التقييم: 0
سيدهم is on a distinguished road
اقتباس:
المشاركة الأساسية كتبها ارض الجليد مشاهدة المشاركة
ههههههههههههههههههههه

قال رسول الله صلى الله عليه وسلم : (((((((( كذب المنجمون ولو صدقوا)))))))))
أما اسماء الابراج لحاله
مشكور على مرورك
تحياتي لك
سيدهم غير متصل   الرد باقتباس
قديم(ـة) 08-10-2008, 09:46 AM   #5
عضو مميز
 
تاريخ التسجيل: Jan 2008
المشاركات: 145
قوة التقييم: 0
سيدهم is on a distinguished road
اقتباس:
المشاركة الأساسية كتبها ابن القصيم مشاهدة المشاركة
والله عيب مثل هذي المواضيع ,, تصدقون خرافات الغرب

لايعلم الغيب الا علام الغيوب ,,

الله يهديك
ياليت لو تقراء الموضوع زين الله يجزاك خير
شكلك رديت وانت ماقريت شي
تحياتي لك
سيدهم غير متصل   الرد باقتباس
قديم(ـة) 08-10-2008, 10:07 AM   #6
عضو ذهبي
 
صورة ابن القصيم الرمزية
 
تاريخ التسجيل: Jan 2007
البلد: في قلب الرس..
المشاركات: 2,847
قوة التقييم: 0
ابن القصيم is on a distinguished road
اقتباس:
المشاركة الأساسية كتبها سيدهم مشاهدة المشاركة
ياليت لو تقراء الموضوع زين الله يجزاك خير
شكلك رديت وانت ماقريت شي
تحياتي لك
هههههههه ماعليش والله صحيح اني رديت قبل لا اقرا شي

العذر والسموحه ,, اغلطنا عليك
__________________
الحمدلله الذي اذل بالموت
رقااب الجبااابره
وحطم بالموت آمال الطوااغيت
ابن القصيم غير متصل   الرد باقتباس
إضافة رد


يتصفح الموضوع حالياً: 1 (0 من الأعضاء و 1 من الزوار)
 
أدوات الموضوع
طريقة العرض

قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق
Trackbacks are متاح
Pingbacks are متاح
Refbacks are متاح



الساعة الآن +3: 08:23 PM.


Powered by vBulletin® Version 3.8.7
Copyright ©2000 - 2017, vBulletin Solutions, Inc.
SEO by vBSEO 3.6.0 ©2011, Crawlability, Inc.
هذا المنتدى يستخدم منتجات بلص

1 2 3 4 5 6 7 8 9 10 11 12 13 14 15 16 17 18 19