عـودة للخلف   منتديات الرس اكس بي > منتديات الرس اكس بي > المنتدى العام والمواضيع المتنوعة
التسجيل الأسئلة الشائعة التقويم تعليم الأقسام كمقروءة


المنتدى العام والمواضيع المتنوعة الموضوعات العامة والمناقشات والحوارات الهادفة، والتي لا علاقة لها بأقسام المنتدى الأخرى.

إضافة رد
 
LinkBack أدوات الموضوع طريقة العرض
قديم(ـة) 25-10-2008, 11:40 PM   #1
عضو مميز
 
تاريخ التسجيل: Jan 2008
المشاركات: 145
قوة التقييم: 0
سيدهم is on a distinguished road
أمـ رقيبــــهـ ... وشوي مشكل (( بالصور ))

بسم الله الرحمن الرحيم

في بداية موضوعي لازم اسوي عمليات احماء .. لأن لياقتي تحت الزفت
يعني ابمغط لي فرتين بالحوش وطمرتين على جدار جارنا السوري
( ابو فاتن عسى الله يحفظه هو وبنته ) <= رجعت لكم بعد ما دقيت لي فرتين وتكرفست

مقدمه

طبعاً لازم في كل موضوع ابسدحه لازم نلقى لنا محور حديث .......
واليوم ما لقيت بمخي الا .. ( أم رقيبة عالم من اختيار الدلوخ )
وهي تستاهل كلمة عالم لانها يا ناس مدينة كاملة .
يعني اسواق وناس وسيارات ومخيمات وتصوير
ما بقى الا يحطون الفيصيليه وبوفية تسالي <= كل هوا بس

ماهي ام رقيبة ؟ سؤال يتبادر لذهن من يملك عرقوب اصفر على فسفوري ؟

تعريف ام رقيبة : هي عائلة مكونه من اب وام .. حيث لم يكتب لهما الله النجاح بالانجاب
وصار لهم حادث على طريق الرياض - المجمعه - الارطاويه - ام الجماجم - حفر الباطن
حيث بنشر معهم الكفر الخلفي عند الارطاوية وراح فيها ابو رقيبه ( الله يرحمه )
فلم يتبقى بهذه العائلة الا ام رقيبة .. وتخليداً لذكراها
اطلق تسمية المكان اللي توفى فيه ابو رقيبة على اسم ام رقيبه <= ابوووووك يالذكاء


طبعاً الحين ام رقيبة تعريفها تغير وصااار !!

هياط + بذخ + فتل عضلات + ما لذ وطاب من فئات المجتمع = لوس انجلوس

الحين بيطلع لي واحد وبيقول اصابعك ماهي سوا

ابرد عليه بكل ادب واقول له .. وش دراك


لا يعني الناس ماهي سوا .. بس الاكثرية منهم هذي سواياهم
يعني فيه ناس تدور قطرة الماء علشان تعيش
او حبة رز علشان تسد جوعها
وحنا بام رقيبه من زود الفسقه مفطح كامل معطينه للسوداني


عطوني رآيكم بآم رقيبه ؟

صورة وتعليق


الظاهر اللي يبي يشوف الصورة يقول من بقى بالسعودية ما طلع <= بالله
يعني اتحداكم تقولون لي سيارة ما طلعت بهالصورة
تتوقعون بهالصورة كم في واحد مو صااحي ؟
والا وش رايكم اغير السؤال ويصير على النحو التالي
بهالصورة كم فيه واحد صاحي ؟


الغرب يدخلون موسوعه جينس للارقام العالمية
باختراعات وقنابل نووية ووصول مركبة لسطح القمر
وحنا ( يالعرب ) ندخل موسوعة جينس بـ ....


( شووفوو الصورة )


لأ يجيني احد ويقوول أنها قديمة لآنه عارف وش أبرد عليه .. ؟؟
تتوقعون من عقب ما شآفو هالصورة رفعوآ سعر الرز
بعدين شوفو اللحم !! انا اتوقع انه لحم دينصور


صورة .. and .. تعليق !!



انا ودي اعرف من اللي مسوي هالممشى علشان اتفاهم معه ؟
يعني الحين انتصار الشراح اذا بغت تمشي من هالسيب -
أي الممشى - لازم ترفّع على كفرين علشان تقدر تدخل للبيت؟
تصدقون بديت اشك ان راعي هالبيت كل اهله دببه وما يبي يطلعهم من البيت ؟
يعني تخيلو زوجته تجي عنده وتقول له نبي نروح للسوق ؟
يرد عليها زوجها بكل هدوء ويقول لها .. دوري غيرها بس



يقولون تراي جايب ملف روكو ابو ريالين

تحرجم حوالي 1500 وبعض المصادر تقول انهم 700 ( والله من الجحاده )
من خريجي كليات المعلمين والتربيه الخاصه من كل المناطق
( مدري شلون اتفقوا ) << يحرش الوزارة عليهم
وهالعالم متجمعة من فجر الله ويصايحون يبون وظايف تعليميه
يقولون وش حيث الي قبلنا توظفونهم وحنا نقعد نقشر بصل ؟؟
وليه تقبلوننا دامكم موب موظفيننا ؟ << كل هواااااا


مراسلنا اللي بالهند وتونا عيناه قبل كم خبر مدري كم يوم يقولكم ياطوال الاعمار
ان قطار هندي احترق نتيجة التماس كهربائي
( ليه ما يكون تماس بشري من هالزحمة والحبحر اللي فيه ولا يمكن هنديه مسكت معها تزين عشا معترض لزوجها على النار وشبت في القطار ) <<< اغدي كشنه على هالسجع
المهم راح في هالحريق 32 هندي كلهم ودعوا الملاعب
ومعهم كم بقرتن وكم وزار << أتهقوون كل ذولا رايحينن لحفلة رابح ..فرع نيودلهي << أقول على شحم طيب سم طال عمرك


صور مالهاش آسآمي

هالصور اللي تحت مالهاش بند محدد يا عزيزيني
يعني صور مشكلة .. تعرفون وش معنى مشكل؟
والا لاءه
الحمدلله إنكم بتعرفون مشكل بتعني إيييه
طاااب دحدرو تحت وشوفو الصور وعظوا على شحم وإتقو الله جميعاً


888
88
8



وانا محتتتتاج مثلك

ياعزيزيني تصدقون انا ودي امسك غازي القصيبي مع صلعته ذي اللي كنها صلعه عبدالمنتصر بالله
وهو منسدح على بطنه وارصه كف على خدوده واقول له بكل هدوء انت وش قصتك على الشباب
ورى ما توظفهم ؟ انت وش تبي علشان ترضى على عيالنا
تبي لك وجبة من كنتاكي علشان توظفهم والا اقول
انت حرام عليك حتى فلافل من السفير << قفلت معه
وفي الختااااااااااااام

أتمنى أني ما أثقلت كاهلكم وأستقطعت جزءاً من وقتكم في ما لا فائدة فيه
وشكرآ
[/CENTER][/CENTER]
سيدهم غير متصل   الرد باقتباس

 
قديم(ـة) 26-10-2008, 12:08 AM   #2
عضو مميز
 
تاريخ التسجيل: Jul 2008
المشاركات: 291
قوة التقييم: 0
امان is on a distinguished road
حسبنا الله ونعم الوكيل وش ذا البذخ لاحول ولا قوة الا بالله
ياكرهي لحركات النصب والاحتيال ازعجونا بام رقيبه واكثرهم نصابين معقول حيوان بملايين ؟ حسب قول اصحاب الحيوانات
كم واحد شفته يتباهى ان عنده اشكال والوان من هذه اللي يسمونا مزاين او زينات واكثر هرجه كذب في كذب يعني اكثرهم كذابين والله اعلم من وين جاب الفلوس
امان غير متصل   الرد باقتباس
قديم(ـة) 26-10-2008, 12:20 AM   #3
Banned
 
تاريخ التسجيل: Aug 2008
البلد: يازين الشمال
المشاركات: 71
قوة التقييم: 0
الديزل 573 is on a distinguished road
ياأخي المزاين عادي وهاذي من عوايدنا وسلومنا (وتتذكر ان الشباب فاضين والفراغ قاتل لذلك من الافضل انهم يقضون اوقات بالبر والوناسه )
أو تبيهم يطقون الجنز والسلاسل وطحيني وهلم جرا من تقليد الغرب
اما المفطح فصحيح ان هناك فسق وكرم شوي زايد عن حده



وياليت إذا لقيت وظيفه لك لاتنسانا ترى ذبحنا الفراغ( وأم رقيبه)
الديزل 573 غير متصل   الرد باقتباس
قديم(ـة) 26-10-2008, 12:21 AM   #4
مشرف منتدى التربية والتعليم
عضو مجلس الإدارة
 
صورة ابو جود الرمزية
 
تاريخ التسجيل: Mar 2008
المشاركات: 14,333
قوة التقييم: 29
ابو جود is a name known to allابو جود is a name known to allابو جود is a name known to allابو جود is a name known to allابو جود is a name known to allابو جود is a name known to all
.. أخوي سيدهم >>> الرسالة وصلت

تحياتي لك
__________________



Twitter
abojoodxp@
InstagraM
ABOJOODXP


ابو جود غير متصل   الرد باقتباس
قديم(ـة) 26-10-2008, 12:27 AM   #5
عضو ذهبي
 
صورة عاشق الكيف الرمزية
 
تاريخ التسجيل: Jul 2007
البلد: وأينما ذكر اسم الله في بلد *** عددت أرجاءه من لب أوطاني
المشاركات: 2,454
قوة التقييم: 0
عاشق الكيف is on a distinguished road
ام رقيبة هي ام العصبية القبلية وهي ام كفر النعم
عاشق الكيف غير متصل   الرد باقتباس
قديم(ـة) 26-10-2008, 02:32 AM   #6
وللنفس بهجه
 
صورة HOLSTEN الرمزية
 
تاريخ التسجيل: Oct 2007
البلد: ... Loadaing
المشاركات: 12,458
قوة التقييم: 0
HOLSTEN has a spectacular aura aboutHOLSTEN has a spectacular aura aboutHOLSTEN has a spectacular aura about

.
.






لحـــــــــــــاله ..!!

.
.

__________________
HOLSTEN غير متصل   الرد باقتباس
قديم(ـة) 26-10-2008, 05:07 AM   #7
عضو مبدع
 
صورة حبحر أصلي الرمزية
 
تاريخ التسجيل: Jan 2008
البلد: ""ღ ""
المشاركات: 1,514
قوة التقييم: 0
حبحر أصلي is on a distinguished road


هههههههههههههههههههههههههههه

حلوووووووووووه

بس اتوقع راح تحذف علشانها فيها رقم ههههه
__________________
..{ متىْ يعودْ وَ ترجعْ الآبتسآمهْ
الصبرْ مهمآ طآلْ لهْ وقتْ و حدودْ
حبحر أصلي غير متصل   الرد باقتباس
قديم(ـة) 26-10-2008, 05:25 AM   #8
عضو متألق
 
صورة {بنت-عــــز} الرمزية
 
تاريخ التسجيل: May 2007
المشاركات: 1,065
قوة التقييم: 0
{بنت-عــــز} is on a distinguished road
تصدق ان اسلوبك رائع ههههههههه خفيف دم باين على طبيعتك موب مثل البعض يشخص قبل يكتب في منتدى


بالنسبه للتخلف اللي يقال عنه مزاين <===بالله الشعب وش استفاد منه يعني خلصت امورنا وقضايانا عشان


كلن يستعرض بنياقه !!!!! لو مخترع شي ولا حاط بقيمه هالبعارين مشروع وموظف عيالنا كان ابرك


المشكله صار كل من هب ودب حتى لو انه مايفهم بالبعارين يشارك بمزايين


هالحين البعير بالله زين !! :|


شين يشب التسبدددددددددد فاهمين العروبه والاصاله غيررررررر


هذا مو مهرجان مزايين هذا فسسسسسسسسسسسسق وتضييع للاموال والدليل الصحن اللي مجتمعين عليه كنهم ذبان


ماكبر كروشهم الا هالرزززززززززز


شكل اللي يبي وظيفه وكاتب رقمه طريقه جديده للترقيم يبي سحليتن تكلمه خخخخخخخخ


تشكررررررررررررت على الموضوع


تقبلوااا مروري


تشااااااااااااااو
{بنت-عــــز} غير متصل   الرد باقتباس
قديم(ـة) 26-10-2008, 02:49 PM   #9
عضو مميز
 
تاريخ التسجيل: Jan 2008
المشاركات: 145
قوة التقييم: 0
سيدهم is on a distinguished road
امان .. تشكرات
الديزل .. تشكرااات
ابو جود .. مشكور يالغالي ع المرور والرد
عاشق الكيف .. ياليت ابو رقيبه عااايش كان ام رقيبة ماسحرات هالعالم .. تشكرت
Holsten .. << والله اني معجب في مواضيعك ومشاركاتك وانا مااعرفك .. ومشكور ع المرور والرد
حبحر اصلي .. تشكرات .. لا ان شاء الله ماتحذف الصورة
بنت عز .. تشكرات ع الرد
حقنة1 .. تشكرات ع المرور
سيدهم غير متصل   الرد باقتباس
قديم(ـة) 26-10-2008, 03:10 PM   #10
عضو فذ
 
تاريخ التسجيل: Jun 2006
البلد: داآخل جرة عـسل~
المشاركات: 5,544
قوة التقييم: 0
°● حــنـــيــن ●° is a jewel in the rough°● حــنـــيــن ●° is a jewel in the rough°● حــنـــيــن ●° is a jewel in the rough
لاحول ولا قوة الا بالله
°● حــنـــيــن ●° غير متصل   الرد باقتباس
إضافة رد


يتصفح الموضوع حالياً: 1 (0 من الأعضاء و 1 من الزوار)
 
أدوات الموضوع
طريقة العرض

قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق
Trackbacks are متاح
Pingbacks are متاح
Refbacks are متاح



الساعة الآن +3: 03:44 PM.


Powered by vBulletin® Version 3.8.7
Copyright ©2000 - 2017, vBulletin Solutions, Inc.
SEO by vBSEO 3.6.0 ©2011, Crawlability, Inc.
هذا المنتدى يستخدم منتجات بلص

1 2 3 4 5 6 7 8 9 10 11 12 13 14 15 16 17 18 19