عـودة للخلف   منتديات الرس اكس بي > منتديات الرس اكس بي > المنتدى العام والمواضيع المتنوعة
التسجيل الأسئلة الشائعة التقويم تعليم الأقسام كمقروءة


المنتدى العام والمواضيع المتنوعة الموضوعات العامة والمناقشات والحوارات الهادفة، والتي لا علاقة لها بأقسام المنتدى الأخرى.

إضافة رد
 
LinkBack أدوات الموضوع طريقة العرض
قديم(ـة) 26-10-2008, 04:14 AM   #1
عضو مميز
 
تاريخ التسجيل: Jan 2008
المشاركات: 145
قوة التقييم: 0
سيدهم is on a distinguished road
جيـــل ال 14 .... جيـــل ال 21 !!!

بحدي

بثني


بثليثاه

برعم


باخص

بسديساه


ذنب التيس

عندك يا مليس


بيض الحمام

عشر تمام


على انغام هالكلمات كنت اصحى من النوم وفي عيوني غمص السنين
ادرعم للمغسلة واغسل وجهي اللي كنه ركبة صيني ( يمديكم على البيااض )
واغسل شعري بشامبو ابو بنت الي لونه احمر اللي كان ينباع عند ام حمد بخمسه ريال
وبعد مكاسر الوالدة ناخذه بريالين ونص .
واكد شعري بسكينة الخضرة ( تبطون على النعومة يا حبايبي )
واسوي لي حركتين من حركات هيفاء وادق لي فرة حول البيت
منها اشيك على الوضع وعلى ( تيلي )
التيـــل : بشد الياء وفتحها هي لعبة هندية الاصل كانت تستخدم للهو واللعب وتضييع الوقت
تعتمد اللعبة على توزيع " التيل " وهي نوع من البلورات الزجاجية مستديرة الشكل
بحجم حبـات الخرز الكبيرة و لها ألوان مختلفة تميزها عن الأخرى
فمنها الروز ( كبيرة الحجم = كبر راس داوود حسين )
وهالروز ما كان موجود بالحارة الا عندي
بالعربي اسمه براجوووون




بعدين وش تبون انتم يا جيل الـ21 خلكم بكانسة الالغام وطقتها
كنت اغبي تيلي تحت قراشيع مامي حلوة اللبن علشان ما احد يقرب لتيلي وحاط فوق هالقراشيع عجرى علشان اي واحد من عيال الحارة يقرب لورثي أقصد لتيلي امحطه بالعجرى
واخليه يلعن ام الساعه اللي جاء فيها لتيلي << التيل كانت عندي مثل الانترنت بهالحزززة
( ياربي سترك يا جيل الـ21 !! )
كنت اتحدى فيها عيال الحارة من خروف لخروف مهب مثل جيل الـ21 يتحدون على بلايستيشن من شاورما لشاروما واذا خربت وسمجت تحدوا من بيبسي عائلة لبيبسي عائلة
بعد ما شفت ان الوضع تمام وان الامور كلها هادية درعمت للبيت وتكيت معالـ ماما


>> الله ياخذ جيل الـ21

أقصد جلست مع حلوة اللبن وقطيت لها كم نكته حتى إنها من كثر ما ضحكت جاها شد بكتفها
وبدت هي تسولف لي عن ذاك الوقت اللي كانوا عايشين فيه وكانت تقول لي ان البنت من يوم يصير عمرها 10 سنوات وهي تعرف تطبخ وتنفخ وتغسل وتكنس يعني فل اوبشن كاملة والكامل الله
مهب مثل بنات جيل الـ21 تشطف وأهي بالـ23 وهي ما تعرف حتى تنظف نفسها
ولا ومن قوة الوجه عندهالبنت لا بغيت تسئلها وش تعرفين تطبخين
تعطيك ابتسامه آددد كده وبعدها تقول لك تبي الجد
ماما ما علمتني الا بيض العيون ولا ابشرك بعد ما اعرف وزنية الملح !!
ايه نسيت شغلة ثانية بعد .. أعرف اسوي كابتشينو واندومي


[ إحمدي ربك يا جدتي إن ربي اخذك والا كان طلع الشيب من اذااانك ]

(هي ليتها وقفت على الطبخ والنفخ )
كان قبل الواحد لا يعرس يسئل إمه بكل برود ويقول لها ؟
يمه البنت كفو وإلا لا ؟
الام بدون تردد : إي والله يا وليدي كفو وبنت تنحط ع الجرح يبرى

الحين لا بغيت تعرس . تروح لإمك وتعطيها لسته كبر لسته ماكدونالدز


- تعرف تطبخ
- تعرف تغسل
- تتفضى للعيال ( ؟ )

و
و
و
و
و
و
و
و
و
و
و
و
و
و

أخر شيء يمه هي كفو والا لا ؟
أمه بعد 5 شهور : لا والله يا ولدي مهب كفو

بعدها مسكت كتف حلوة اللبن وقلت لها يا خراشي
خفت اني ما راح القى بنت سنعه واللي تبي تغنيني عن الورقة والقلم واللسته اللي مادري وش راح اقول فيها !!
تقهويت مع الماما وشوي وسمعت صياح البزارين برى
إلا والله تحدي وتكسير روس على هالتيل
إنطلقت مثل ما ينطلق الفيل ورحت وحست إم قراشيع أمي
وشوي ويهفني واحد على دمجتي الا والدمان طشرت من اذاني
يا لهوتي وش اللي صاير إلا والله إمي هافتني بالعجرى اللي مغبيه
علشان امحط فيها اللي يزرف تيّلي تحسبني بسرق شي من أغراضها
عطتني إمي ( حليب نياق ) علشان تراضيني
مب مثل جيل الـ21 ( تعطيه إمه تويكس )

شربت حليب النياق وجيتكم مطفي النور للعيال وأتكرفس على حله التيّل وخربت عليهم اللعب
وتقبيس بيني وبين ولد إم حمد هوشة بس تراضينا بعدها وكل واحد عطى الثاني روز
مب مثل جيل الـ21 يراضون بعضهم ( بقوطي بايسون وتسالي بالكتشب )
رجعت للبيت وانا رايح فيها من عقب ما تصافقت مع حمد ولد إم حمد
وانا راجع للبيت شطفتني سيارة غريبة كأنها سيكل ابو كفرات بذيك السنين وشوي ويوقف وتنزل منه ذيك البنت
اللي تطرح الطير الطاير من السماء ( مثال يضرب للتهويل والتضخيم لإمر ما )
وتمشي مثل ممشى باريس هيلتون وتلبس مثل لبس انجلينا جولي و و و و { كامله والكامل وجه الله سبحانه } والله البنت كل ما تقرب لمي الظاهر تبي تفزع مع حمد ولد ام حمد
الموهم من الصدمه بديت أفرك عيوني بالتراب ابي أصحى من الحلم فركت فركت ما نفع
اخذت راسي وفركته بجدار بيت ام حمد وبرضو مانفع
والا والله للحين البنت وهي تقرب لمـــي !!
ويوم قربت وهي تحط يدها على كتفي وتقول { تبي تتزوجني }
لا شعورياً انا قلت : إي والله ودي

البنت : بس بشرط
قلت :أنتي تأمرين أمر إشرطي وتدللي لو تبين ورثي عطيتك إياه
البنت : ابيك تقول طز بجيل الاولين }
انا بصوت عالي : طزززززز فيتس إنتي ووراسك اللي كنه ركبة علي عبدالستار
ما إمداني اقول طززز فيتس ويجيني ذاك العبد اللي كنه وجه الحسن كيتا
وخشمه ممحوط بكوع رضا تكر
وينتفني بذيك الركبة اللي خلاني أطيييييييييييييييير ويوم قربت للإرض

وانا اقوم من فراشي مفزوع
تعوذت من ابليس وشوي وانا اشوف
البلاي ستيشن موجودة واللاب توب فوق التلفزيون
قلت الله يعزك يا جيل الـ21 وبعدها إنخمدت
يا ليتني لاحق على جيل الـ14 بس هع هع
سي يوووو
سيدهم غير متصل   الرد باقتباس

 
إضافة رد


يتصفح الموضوع حالياً: 1 (0 من الأعضاء و 1 من الزوار)
 
أدوات الموضوع
طريقة العرض

قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق
Trackbacks are متاح
Pingbacks are متاح
Refbacks are متاح


مواضيع مشابهة
الموضوع الكاتب المنتدى الردود آخر مشاركة
جيـــل ال 14 .... جيـــل ال 21 !!! سيدهم منتدى الرياضة و السوالف المتنوعة 9 27-10-2008 11:39 AM


الساعة الآن +3: 01:56 PM.


Powered by vBulletin® Version 3.8.7
Copyright ©2000 - 2017, vBulletin Solutions, Inc.
SEO by vBSEO 3.6.0 ©2011, Crawlability, Inc.
هذا المنتدى يستخدم منتجات بلص

1 2 3 4 5 6 7 8 9 10 11 12 13 14 15 16 17 18 19