داااااب يـقتــحم سيااااارتي وربي ســـــتر

[صادق الـوعد]

السلام عليكم ورحمة الله

خبر مصور :

اقتحم امس بعد صلاة الجمعة دب سيارتي بالمزرعه وتم والله الحمد قتله بعد ساعات من المطاردة

التفاصيل
ذهبت للمزرعة بعد صلاة الجمعه اتمشى فيها و قفت السيارة عندالسد لحظة نزلت ولا دقيقه
وبعدها مشيت بالسيارة ممكن 5 متر ولا اللي قدامي على الطبلون
( الصورة هذي بعد الامساك بالداب )

في هذي اللحظه نقزت من السيارة مدري من الباب ولا الدريشة وهربت بعمري
قلت ياولد لو دخل بالطبلون وش بيطلعه خليين الحق عليه قبل لا يدخل بطابلون
ممكن اسحبه من السيارة لكن تعرفون الركب هالوقت ما تشيل ههههههههه

رن رن الجوال يدق و انا ماني فاضي له منهبل و جتني ام الركب اتركه ياولد

المهم رجعت ولا اشوفه الا وهو يدخل بفتحة المكيف
قلت هالحين ان شاء الله ما منه خوف رح لأهلك وخوانك يساعدونك عليه
رحت لهم تعرفون العيون ماهي لم الطريق لم فتحة هالمكيف يعني كم حفرة على جفرة
مدري وش وطيت بدربي
وصلت لهم قلت لهم الفززززززززعه الداااب بالسيارة مصدقين وغير مصدقين المهم

فكينا الدرج وبعض الطابلون و حطينا غااااااااز ما نفع
قلت بروح للبيت واتفاهم معه لو اعدام بالرمي

وقفت السيارة عند الباب بس يطلع يشم هوا و يرجع




قلت مالك يالذيب الا تستعمل الفيتوووو قصدي الفليت
رحت البقالة وهااات ياصديق علبة افليت
بخيت كل العلبه في فتحة المكيف بعد ما سكرت الفتحات الثانية

وبعد خمس دقائق سحبت الكيس من الفتح الا وهو مثل الصاروخ طالع
اخذ له لفه بشنطة السيارة ورجع بيدخل بطابلون وتم والله الحمد القبض عليه وقتله











وضعت علبة الفليت على راس الداب .. كان مخنوق مرة من الفليت ومتغير لونه












والله يكفيني شرهن

ويكفي الجميع

لا احد يقول مو سام يكفي قتله انه هبلني
وخلاني مسنتر عند السيارة 3 ساعات اراقب
كلمت اللي متصل قال بنروح مبهل تروح معنا قلت له لا انا هالحين منهبل
فكنا لا ننخبل
هههههههه
والحمد و الشكر لك يااارب

[قهوة مارس]

اووووووووووه الحمدلله على سلامتك صدوقي..

والله انه يخوف شكله ..

والله هالامطار بدت تجذب الديبان والحييايا لسيارات العالم..الله يستر عليهم

لازم الواحد يأخذ حذره قبل لايركب السياره هو بالبر..

والله يستر ..

تحياتي...لكــ...

[رساوي بس نصراوي]

الحمدلله على سلامك
لكن وشلون دخل السياره مدري

[رهف الاحزان]

الحمد الله ع سلامتك ....

[الجـوري]

الحمد لله ع السلاامه,,,

[عضو متلطم]

...

الله الله الله ..

يا ساتر ..

الحمد لله على السلامة صدوق ..

بعدين لو مت من وين لي واحد اتهاوش معه ..؟ << هذا اللي همكـ .. هههههههههههه
حمد الله ع السلامة .. يالله متى عشاء السلامه << همك بطنكـ بس .. هوع ..

الله يكافينا الشر ..

[رساويه بالريازز]

الحمدلله على السلامه لايكون عين ماصلت على النبي << بدت الوساويس تشتغل واحد من اقاربي ششوى ولا يسوي حادث وينقلب يبسبب ضب طلع عليه عند دواسة البلنزين يحربش رجووله وفي الاخير صار مزحه سسخيفه جدااا من صديقه مدخل الضب في سيارته وهو مادرى يقول ماخفت من الضب قد انى انهبلت وارتبكت الله يحفظ الجميع

[هزيم الرعد]

اليوم طلعت أنا والبزورة لم الوادي العصر
مابه إبن أبوه ... قلت شكلنا تقل مهابيل العالم تلقاهم بالجنوب وحنا هنا لحالنا
عاد الشاهد إننا لقينا أم جنيب مذبوحة ... خلف دلة ... شكله مذبوحة من فترة
عاد قبل اربع سنين كنا طالعين لم أم عشر ...وبالليل مادريت إلا هكالكوبرا تدخل علينا بالخيمة ..وأنا اللي أقوم وأمسكه ..وسوبليكس خلفي ..وأنواع البقوس ...وكفوف ..ومسكة منومة ..لمين نامت
وقمت وطحلته مع ظهره لمين ماتت
الحمد لله على السلامة
لاعمرك تنزل وتخلي الموتر مهجوجتن بيبانه

[أنا من أكون?]

الحمد لله على السلامة أخوي صادق الوعد .
والظاهر أنك خايف ومرتبك أو مستعجل وهذا انعكس على كتابتك.
فعلى غير العادة تكتب بأخطاء إملائية.

[نيتروجين]

الحمـد للهـ على سـلامـتــكـ وما تشوف شر إن شاء الله . .

ولا تخلي باب السيـارهـ مهجوج


عـاد انا أول ما دخلت الموضوع وقريـت :

اقتحم امس بعد صلاة الجمعة دب سيارتي بالمزرعه وتم والله الحمد قتله بعد ساعات من المطاردة

قلت أفا بدأ صدوووق يطلقهـن عليـنـا يحسبنا بالقطب الشمـالي



ولا تنسانا من العشاء الي يقول متلطم >> الأستراحه عليّ

^
عـآد يقولون الحضور من العصر ككككككـ




تقبــل مـــروريـــ . .

[عيـون المها]

يا حليلههههههههههههه صغيرووووووووووووووووووون """"""""" احلى يالشجاعة


متأكد هربت من الباب السقف سلييييييييييييم


.......... هذي الصور وقمت وقعدت لين جاني شد عضلي اجل انت ايش سويت


لا من جد جات سليمة وربي نجاك الحمد لله

[عاشق الشمال]

هاذى زواريق الماء كاثرة مع السيل هالايام ..ماهب سامة بس نعنبوها تروع بعذرك يصادق...وسلامات يابعدى