LinkBack أدوات الموضوع انواع عرض الموضوع
قديم 13-04-2004, 11:26 AM   رقم المشاركة : 1
معلومات العضو
 

إحصائية العضو








افتراضي مقارنه بين (أطفال الناس الهاااااي و وأطفالنا المحترمين )

هاذي مقارنه بسيطة بين أطفال الناس الهاي وأطفالنا

***

أطفال الناس الهاااااي

حيث يبداء يوم اطفال الهاي عندما يستيقظ على صوت الكناري

اللي بغرفته

بعدها يتوجه للحمام ويفرش اسنانه ويتروش

ويطلع من الحمام وتستقبله المربية بالمنشفة وتصبح عليه يروح ويغير ملابسة

وياخذ شنطتة وينزل لغرفة الطعام ويصبح على امه وابوه واحلى بوسه ياخذها منهم

ويفطر ذاك الفطور طبعا عبارة عن كرون فلكس " الديك ذاك " وبيضه وحده بس !!

وكاس عصير وشويت زبده مع العسل

بعدين يقوم يغسل فمه ويودع الماما والبابا ويتوجه للسيارة يلقي السواق مبتسم

ويفتح له الباب ويودية لمدرسته الخاصة " أم الدراهم "

***

وأطفالنا المحترمين

ورعانا يقوم الصبح بعد ما يطلع عين اهله ولازم افراد العائلة تمر عليه

علشان تصحيه وكل واحد وطريقته :

الاب : قم جعلك المرض

الأم : قم جعلك الجدري

الأخ : قم لا فقع وجهك

أخته : والله إذا ما تقوم تروح فيها يالله قوم وأعطيك شنطة أخوك

" تسوى نفسها بتدلعه "

" ما درت أنه يروح بسير لزاق " للمدرسة هذا إذا راح بعد

يقوم يمر الحمام على السريع ويغسل وجهه شطف

وبعدين ياخذ اقرب كتب عنده ويربطها ويجيك مدحدر يدور الفطور ويتفاجأ أنهم ما حطوه .؟؟

بعد ما يجي الفطور وهو كالعادة : فول شكشوكه تميس + حليب ابو قوس

يبدا الورع بالأكل وشوي الا وهو حاذف أخوه بعلبة الهندسة ؟؟؟

ويسحب صحن الفول من عند أخته " مسكين ما يطول "

وشوى الا هو مسدد بقس عنيف يمشي 200 لأخوه الثاني !! لأنه سرق فسحته ؟؟

أبوه يتكلم معه يا ورع أركد وافطر وعين خير انت وش بلاك وراك مدرسة

يرد الورع على ابوه : انت ما تشوف سعيدان سارق فسحتي ؟؟ " سعيدان اكبر سروق بالبيت "

أبوه على طول يصدق ويصك سعيدان كف صدقي

المهم بعد ما يخلص الفلم اليومي يروح الولد للسيارة يلقي اخوه فاتح السيارة

ويصب ماء للرديتر المشقوق تقفل اخلاق الورع وينقز للشارع ويأشر لأقرب

سيارة ويروح للمدرسة " أكييييييد حكومية "

***

أطفال الناااااااس الهاي

يرجع الطفل من المدرسة يلقي المربيه في استقباله وتاخذ الشنطة وتوديها لغرفته بصحبته

يغير ملابسة ويغسل وجهه ورجليه

ويستريح له ساعة في أنتظار افراد العائلة عشان يتغدي طبعا بشوكه وسكين " رايق "

" ما اعرف وشو أكلهم بس اللي اعرفه أنهم ياكلون "

وبعد الغداء يروح لغرفة الجلوس ويشرب شاهي ويحلي بقطعة كيك

وبعدين يروح لغرفته على شان ينام له ساعة قبل العصر

***

أطفالنا المحترميييييييييين

أما الورع منهم يجي من المدرسة وثوبه قالب لونه بني " تقول جدار مدرسة "

ولا دخل البيت حذف الشنطة بالصاله " آسف السير اللزاق "

وفصخ ثوبه

ووينك يالشارع وهاتلك يا للعب " طبعا أخوياه يحترونه "

ولعب كوره بذا القايله وعادي الشارع مولع من الحرارة ولا كأنه فيه شيء

وأهله ما يدرون ؟؟

في هذه الأثناء يرسل ابوه كتيبة من أخوانة للبحث عنه ولا لقوه وجابوه

للبيت قام يصيح طقوني وسحبوني قدام الناس " والله ما أحد لمسة النصاب "

المهم يحطون الغداء " معروف دجاج يا كبسة لحم "

يتغدى الورع الكريم ويصـــــــــــــــــــــــــــك

بعدها لتر لبن غيره ما فيه !!

بعدها يجلس ساعة فاتح ثمة يحتري من يوديه يغسل له يديه !!؟؟

***

أطفال الناس الهااااااااااااااي

أطفال الهاي لا جاء العصر جابوا دروسهم وشافوا وش عليهم من واجبات

وحلوها وحضروا دروس بكره بمساعدة الماما والبابا

بعدها يروح لغرفة الألعاب ويجلس على البلاي ستيشن 2 وخذ لعب لمدة ساعتين تقريبا

يعني الى وقت ما بين المغرب والعشاء

بعدها تطلبة أمه مع بقية أخوانه عشان يجتمعون ويشربون العصير

ويسولفون سواليف مررررررره حلوه " أسألوني " ؟؟


***
أطفالنا المحترمييييييييين


يجي وقت العصر وهو نايم " مفعول اللبن " يقوم قبل المغرب

ويأخذ دروسه وواجباته " وأقلامه ناسيها في درج الطاوله اللي بالمدرسة "

ويروح عند أخته ويتحايل عليها بكل ما أوتي من قوة عشان تحل له الواجبات

ويا ويلها وسواد ليلها إذا قالت لا

بعد كذا أنواع الدجه مع ورعان الحارة ومن هم على شاكلته

ما يخلون هندي الا وسرقوا سيكله ولا دكان " حلووه دكااان " الا لعبوا بحسبته

ولا رجع البيت تلقي رأسه مفلق من جميع الاتجاهات

والشرطة تدوره وجارهم مسوي أعلان عليه مطلوب حي أو ميت !!

" مساكين أهله "
***

أطفال الناس الهااااااي


أطفال الهاي بعد ما يتعشي ويمسي على أهله يروح لغرفته ويجلس

على النت ساعه أو ساعتين إلى موعد نومه " الساعة 10 تقريبا "

بعدها يغير ملابسة وتجي المربية وتحكي له قصة اللين ينام وتطفي النور .

***

أطفالنا المحترمين

لا رجع البيت " الساعة 11 " ما يدخل مع الباب لا ينط من السور

على شان أبوه ما يمسكه

وعلى طول يزبن لغرفته ويسكر الباب ويطفي النور ويطل من الدريشه " يعني الشباك "

على باب الشارع الرئيسي يشوف وش صار على مسلسل المشاكل
المكسيكي اللي جابها معه للبيت وكيف بيحلها أبوه

ومع جارهم ومع الشرطة ومع الناس . " يبي يقيم أبوه أبو الشباب "

وفي أثناء ذلك يستغل الفرصه ويدز للمطبخ وياخذ منه جبن

" جبنة البقره الضاحكة "

وخبز ويرجع لوووووكره " آسف غرفته "

ويتعشى من ذا الجبن والخبز ويقفل باب الصندوق " اكرر اعتذاري الغرفة "

اللين يدوخ " على الساعة 3 " لا و أزيد كم من الشعر بيت ما ينام الا وهو متلطم !!؟؟؟

" على باله مراقب "


تقبلوا تحياتي



















التوقيع

تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً

قديم 13-04-2004, 12:55 PM   رقم المشاركة : 2
معلومات العضو
العجمي2003
عضو مبدع
 

إحصائية العضو








افتراضي

يبدا الورع بالأكل وشوي الا وهو حاذف أخوه بعلبة الهندسة ؟؟؟

ويسحب صحن الفول من عند أخته " مسكين ما يطول "

ههههههههههههههههه
_____------_______-----------_______----------


الحمدلله أني لست الى هؤلاء ولا الى هؤلاء..
أخذت من هذا جزءا ومن الأخر جزءا..فكونت طبقة مستقلة بي أسمها "الطبقة الكادحة"

_____------_______-----------_______----------


ما أحد مرتاح..لا "الهاي" ولا "اللو" << يحسبه كنود :)
..

مشكور أخي شاطىء الأحزان على الموضوع..

العــجمي



















التوقيع

تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً

قديم 13-04-2004, 11:10 PM   رقم المشاركة : 3
معلومات العضو
الازرق
عضو متألق
 

إحصائية العضو








افتراضي

هاهاهاهاهاهاهاه



والله انك اكثر من رايق


تسلم يمينك والله


وتراني مثل اخوي العجمي

من "الطبقة الكادحة"



















التوقيع

تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً

قديم 14-04-2004, 01:50 PM   رقم المشاركة : 4
معلومات العضو
 

إحصائية العضو








افتراضي

اخوووي العجمي2003

كم اسعدني مرورك بموضوعي والرد عليه 0


اجل بين بين يسلموووو اخوووي 00


تقبل تحياتي



















التوقيع

تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً

قديم 14-04-2004, 01:52 PM   رقم المشاركة : 5
معلومات العضو
 

إحصائية العضو








افتراضي

الازرق اخوووي

كم اسعدني مرورك بموضوعي والرد عليه 0


تقبل تحياتي


شاطىء



















التوقيع

تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً



الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع



الساعة الآن 07:16 AM





SEO by vBSEO 3.6.0 PL2 ©2011, Crawlability, Inc.

1 2 3 4 5 6 7 8