عـودة للخلف   منتديات الرس اكس بي > منتديات الرس اكس بي > المنتدى العام والمواضيع المتنوعة
التسجيل الأسئلة الشائعة التقويم تعليم الأقسام كمقروءة


المنتدى العام والمواضيع المتنوعة الموضوعات العامة والمناقشات والحوارات الهادفة، والتي لا علاقة لها بأقسام المنتدى الأخرى.

إضافة رد
 
LinkBack أدوات الموضوع طريقة العرض
قديم(ـة) 18-12-2008, 03:26 PM   #1
عضو بارز
 
تاريخ التسجيل: Dec 2005
المشاركات: 432
قوة التقييم: 0
MaNoOo is on a distinguished road
Exclamation مواقف صارت بيننا بالرس عندنا احنا اهل القلوب الطيبة الطاهرة ؟!!!

فاطمة زوجة فراس جات اليوم لزيارة خالتها أم فراس والله ماقصرت الله يجزاها خير
أم فراس مااحد قدها اليوم زوجة وليدها الغالي جايه تسلم
تحووف فيها وتزوف وتسوولف عليها وتقص وش شافت ووش سمعت
فاطمة اجودية لكن عليها قلطات ماادري وش تبي
ام فراس تسولف قصة وفراس يسمع بضميير
فجأة فاطمة التفتت على فراس وقلطت له بسؤال بااايخ
وقطعت السالفة علشان مايلتفت لامه كثير وينساها ..
وفراس رد عليها وبدا يسولف مع فاطمة والعجوز تسولف على روحه شافت مااحد لمه سكتت وقامت تبرم طرف كمه ..

صدق دنيا غريبة الله يعين عليها


نورة زوجة ابراهيم حبوووبة وطيبة
تقوم الصباح تلقى ام ابراهيم مجهزة لهم الفطور وتفطر وتحط عيالها عند خالتها
وتطلع للدوام
ترى مو غلطانة يعني وش تسوي بهم تحطهم بالشارع
تدق الساعة عشر هاه ياخاله لبستي فهد حفاظته وخالد وضيتيه .. صدق واخزياه
ترى مو غلطانة يعني وش تسوي بهم تحطهم بالشارع
تدق الساعة 11 خاله نبغى اليوم كبسة دجاج ترجع الساعة 1 وتلقى السفرة جاهزة وتتغداء والله بالعافية وتطلع تنام
المسكينة جاية تعبانة تخلي عيالها عند خالتها وتطلع ترتاح شوي
ترى مو غلطانة يعني وش تسوي بهم تحطهم بالشارع
تقوم العصر تلقى الشاهي جاهز تقهوى وتروح لاهله
ماتقدر تتاخر بالليل وعنده دوام ترجع لببيته تتعشى تلقى العشاء جاااهز وتطلع تنام
ام ابراهيم تشيل المواعين وتغسل وتنظف وتدخل تااافلة ام العافية وتحط راسه وتنام
جارتها الصبح زارتها ولقتها مو بصحة
قالت قولي لابراهيم يوديك للمستشفى والا يجيب لك شغالة تساعدك لو على العيال
قالت لا نورة غيوررررة وماتحب الشغالات وقالت لابراهيم يانا يالشغالة بالبيت
طيب اقعدي يانورة مو واجب الدوام قالت اترك مستقبلي علشانكم
طيب اطبخي سبعي نظفي قالت انا اجي تعبانة ومالي خلق شئ .ياناس ماااتقدرون

البلع مو تعبانة وماتعف عنه والدوجة كذلك لكن مساعدة لااا
والله ان ودي اجيب لهالعجيز شغاله تقطون معي ؟؟؟


هناء زوجة طيبة لزوجها حسين لكن مشكلتها هرجها كثييير وتنقل لزوجها كل مشكله حتى لو كانت تااافهه
الموضوع غير نظرة حسين لاهله
صار يشوفهم شرانيين
ويحس انهم صدق ودهم يخربون بيته
واميمته مسيكينة لااحول ولا قوة
كل اللي تبغاه هناء انه مايروح يتقهوى مع ابيه
وحصلت اللي تبغاه
وانبسطت
وصارت سواليفها هم تغيروا علي هم مايبغوني هم يعدوني غريبة بينهم هم وهم وهم
يمكن هم تغيروا وصاروا يسكتون يذلون من لسانها ومايبغون يخربون حياة ولدهم لكن مالقوا معها حل ؟؟


ام عبدالله عجوز مقعده اتفقوا عيالها ان كل اسبوع ياخذها واحد منهم
الله يجزاهم خير ماقصروا
وهي رفضت تروح لبناته بحكم ان البنت ببيت زوجها
لكن اذا جلست عند عيالها البيت بيتهم وماتحس نفسيا انها مثقله عليهم
والمسكينة كل يوم تتتغير حالها وصارت دايما مهمومة
زوجة الولد تبغى حريتها وكل بعد كم اسبوع وجايبين هالعجوز عنده
كذا معناها <<
ماتروح لاهلها لمدة اسبوع
ماتطلع للسوق
ماتلبس على كيفه
بدوا يتضايقون
العجيز بااالعه الهم وساااكته
في يوم من الايام حست انها تعبانة مرررة
قالت لوليدها الكبير ودني لبنيتي
وداها وكل دقيقة تتدهور حالتها
جابوا لها دكتور
قال انها تقريبا تحتضر
البنت دقت على اخوانه وقالت لهم ان الوالده تحتضر والدكتور عندها وتعالوا
كلهم جوا
طبعا وين حريمكم ورى ماجوا يودعونها
كل وحده راحت لاهله خواته متجمعين واللي عندهم ضيوف واللي ماتحب تشوف هالمواقف واللي واللي من هالاعذار
البنت وعيال البنت قاعدين فوق راسه
قالت ام عبدالله لعيال بنته واللي مجتمعين :
ياعيالي اللي بيبر بأمه في هالزمن يخليها ببيتها ويجيب لها خدامه
ياعيالي اللي بيبر بأمه في هالزمن يخليها ببيتها ويجيب لها خدامه

وكانت بمثابة صفعة قاااسية حيث الجميع ندموا على ...
على كل لحظة طلعوا وتركوها بالبيت لحالها
على كل لحظة تعشوا من برى وجابوا لها خبزة وشاهي
على كل لحظة قالوا لها ازعجتينا بهالراديو
على كل لحظة سكتوها بحجة ان سواليفها تجيب النوم
على كل لحظة كل واحد منهم قابل زوجته وتركوها متحضنة الدفاية والهم والتفكير طوول اليوم
على كل لحظة رفعت زوجته صوتها على امه وسكت من الاطرش بالزفة
على كل لحظة تمنوا فيها هاللحلظة اللي تموت ويرتاحون منها ....

الله يصبر كل عجوز فقدت شايبها وكل شايب فقد عجوزه هذي قصص شهدتها منها بنفسي وسمعت البعض ممن اثق بهم ووالله انني ماوضعتها الا لتعم الفائدة ولينتبه الجميع لما يجري لوالديهم فالزوج في اكثر الاحيان لاينتبه لمثل هذه الامور (غيرت اسماء الشخصيات )

احيانا زوجة الولد تكون مظلومة واحيانا تكون ظالمة
المظلومة تحتسب الاجر يكفي ان ام زوجها جابت لها اغلى انسان بهالدنيا وربته لحد ماصار مايعصي لها كلمه
واذا كنت ظالمه فبكرى في القريب هناك حساب وعقاب ودقة بدقة ولو زدت لزاد

السؤال اللي يدور في بالي : هالعجز و الشيبان ليه ربوا عيالهم وتعبوا عليهم وسهروا ودفعوا دم قلوبهم ؟!!!!
معقوله علشان يكافئونهم كذا

اعجبتني بعض السواليف عن زوجة الولد اللي عكس هالموضوع وراح اكتبها لكم قريبا احس انها تثلج الصدر
__________________

اللهم ارزقني رضاك وابني لي عندك بيتاً في الجنة
وارزقني رضا والديّ واغفر لهم وأطل بعمرهم على طاعتك
وجميع المسلمين

آآآمين يارب العالمين
MaNoOo غير متصل   الرد باقتباس

 
قديم(ـة) 18-12-2008, 04:05 PM   #2
عضو مميز
 
تاريخ التسجيل: Sep 2008
المشاركات: 147
قوة التقييم: 0
الجنون فنون is on a distinguished road
صدقوني ..
الحياة كلها تبي قلوب صافية نظيفة ..
لو صفت القلوب انتهت المشاكل ..
القلب الأسود أساس المشاكل ..
بس المشكلة كيف تقنعه إن قلبه أسود ..؟؟؟؟؟؟
الشر كل الشر (( بأصحاب القلوب السوداء ))
حياتهم نكد ومشاكل .. واللي يعيش معهم تصير حياته نكد ومشاكل ..
كم نحن بحاجة لمراجعة ( النصوص الشرعية ) الواردة في
حسن الخلق وسلامة القلوب من الأحقاد والأضغان ..!!

كم وحدة قلبها أسود وتشوف الناس بعين طبعها وتحصلونها دايم شيلة شيلته
كأنه داخلة حرب ، كأنها جندي في ساحة القتال ينتظر أي هجمة للرد بأقوى
ما يملك من الذخيرة .. هههههه هاها .... عالم غريبة .... الواحد دايم
مستأسد ينتظر أي فريسة لينقض عليها ..
ما يدري إن الناس فيهم خير وطيبة .. على باله كل الناس مثله ؟؟؟؟؟
>>>> ودايم نقول : >>>> الجنون فنون .....
الجنون فنون غير متصل   الرد باقتباس
قديم(ـة) 18-12-2008, 04:20 PM   #3
عضو متألق
 
تاريخ التسجيل: Sep 2008
المشاركات: 742
قوة التقييم: 0
ابو قاسم is on a distinguished road
كثير ما تصير المواقف هذي معناااااااااااااااااااااااااااا
ابو قاسم غير متصل   الرد باقتباس
قديم(ـة) 18-12-2008, 05:04 PM   #4
عضو مميز
 
تاريخ التسجيل: May 2007
المشاركات: 135
قوة التقييم: 0
n_aa_S is on a distinguished road
الحريم إذا مالقو رجال صارو هم الرجال وإذا صارو هم الرجال
ما أفلح قوم ولو أمرهم امرأة
هذا باختصار سبب المشاكل كلها اتكلم من واقع خبرة
n_aa_S غير متصل   الرد باقتباس
قديم(ـة) 18-12-2008, 07:24 PM   #5
عضو بارز
 
تاريخ التسجيل: Dec 2005
المشاركات: 432
قوة التقييم: 0
MaNoOo is on a distinguished road
الجنون فنون
ابو قاسم
n_aa_S
تشريف رائع الف يعطيكم العافية
حياكم الله


بالنهاية احس ان الموضوع راجع للرجال اولا واخيرا واحيانا مابيكون رضى قد يكون جهل او ثقة فوق المطلوب بالزوجة

ولكن تبقى الام أم ولااازم نشوف خاطره مهما حصل ومهما كان
__________________

اللهم ارزقني رضاك وابني لي عندك بيتاً في الجنة
وارزقني رضا والديّ واغفر لهم وأطل بعمرهم على طاعتك
وجميع المسلمين

آآآمين يارب العالمين
MaNoOo غير متصل   الرد باقتباس
إضافة رد


يتصفح الموضوع حالياً: 1 (0 من الأعضاء و 1 من الزوار)
 
أدوات الموضوع
طريقة العرض

قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق
Trackbacks are متاح
Pingbacks are متاح
Refbacks are متاح


مواضيع مشابهة
الموضوع الكاتب المنتدى الردود آخر مشاركة
اسماء التعينات بنات (9314) معلمة الف مبروك اخومناحي منتدى التربية والتعليم 33 05-03-2010 12:56 PM
ثلاث بنات وثلاثة شباب في خيمة في الصحراء وحدهم..!!(1) اللي على الحكم عيا المنتدى الأدبي والشعر و الألغاز 63 01-01-2009 01:40 AM


الساعة الآن +3: 11:52 AM.


Powered by vBulletin® Version 3.8.7
Copyright ©2000 - 2017, vBulletin Solutions, Inc.
SEO by vBSEO 3.6.0 ©2011, Crawlability, Inc.
هذا المنتدى يستخدم منتجات بلص

1 2 3 4 5 6 7 8 9 10 11 12 13 14 15 16 17 18 19