عـودة للخلف   منتديات الرس اكس بي > منتديات الرس اكس بي > المنتدى العام والمواضيع المتنوعة
التسجيل الأسئلة الشائعة التقويم تعليم الأقسام كمقروءة


المنتدى العام والمواضيع المتنوعة الموضوعات العامة والمناقشات والحوارات الهادفة، والتي لا علاقة لها بأقسام المنتدى الأخرى.

موضوع مغلق
 
LinkBack أدوات الموضوع طريقة العرض
قديم(ـة) 03-05-2004, 11:17 PM   #1
عضو مبدع
 
تاريخ التسجيل: Oct 2003
البلد: خيمة على ضفاف "وادي العجمان"
المشاركات: 1,799
قوة التقييم: 0
العجمي2003 is on a distinguished road
دراسة واقعية مثيرة لشباب وشابات الأنترنت..!!

بصراحة انا عندي كلام ودي أقوله الكلام هذا تقريبا وأكرر واقول تقريبا يصير مع أغلب من يدخل النت .....

شاب ... طموح ...

شابه ... طموحه...

يجمعهم ماسنجر بطريقه أو بأخرى .... يبدأ كلام وأستعراض عضلات ... وكل واحد يبرز مواهبه قدام الثاني..

الشاب حط في باله لازم يكسر خشمها .... وهي في بالها تبغى توديه في خرايطها .....

ويبدأ موال النصب ......

أحبك .. أعز مافي الدينا .... ما أشوف احد جنبك ... أنت الوحيده في حياتي ... أحلم بك في اتنباهي ... وأصرخ لك بكل اهاتي .... الخ

ومن بكره نفس الكلام.... تبدأ كذب ..... وتتدرج .... تتدرج .....

بعضها ؟ .... بعضها تقلب صدق .....

وياويله اذا قلبت صدق ..... يتعذب ..... يبدأ يشك ... وكل شوي داخل على ايميلها .... يبغى يتأكد انه مافيه غيره .... لو يحصل له ... ماخلاها تدخل النت .... طيب ليه ؟

تحبها ؟ ..

روح أخطب ....

مو وقته .... تدرس ؟ ماكونت نفسك ؟ ....

وش السبب المانع ؟ ..

اهااا..... منت واثق منها وخايف تخونك بعدين زي ماخانت اهلها ....

حلو تفكيرك ... بس أنت ليش ساعدتها ؟....

ايه انت ساعدتها على الخيانه على قولتك.....

لو خليت علاقتك معها علاقه انسان بانسان ... علاقه صديق وصديق ... او ياشيخ اقطع هالعلاقه وريح نفسك......

إيه البنت غالبا مشاعرها جياشه .... بس مو كلهم ....

صحيح عندها هموم ومسكينه ...بس تراهم كلهم عندهم هموم ...

يعني ماهنا انسان خالي من الهموم .. والبنت بطبيعتها تكون في اقوى حالاتها لما تحسسك أنها ضعيفة.... وقوتها في ضعفها... وتظهر لك ضعفها بكثرة همومها .... وهموما غالبا مصطنعة ....

أقول البعض مو الكل ....




وانتي .... انتي ليش تعطينه وجه ....

اي تحبينه وكلام فاضي ....

استحي على دمك ..... بالله لهالدرجه وصلت الجرأة ....

وبعدين اذا تحبينه صح ... هو يحبك ؟

طيب اذا مايحبك فهو مايستاهل منك انك تحبينه .....

واذا يحبك يثبت لك ؟

الاثبات مو بهديه أو كم كلمه شاعرية .... لالالالالالا.....

الاثبات بالزواج ....

وش المانع منه ؟؟؟....

وليه ماتفكرين بالزاوج اللحين .....؟

ومتى ناويه تتزوجين انشاء الله .....

يعني تعتقدين هو بينتظرك .... كل يوم قاعد يشوف هاللي بالاسواق لابسات هالعبايات المخصره اللي مبينه كل شي ..... وتبغينه يصبر لك ...

ولا بهالدشوش انواع البنات وتبغينه يصبر .....

اصلا هو يبغى البنوته الصغيره يعني لو فرضنا واحد تزوج بنت عمرها 18 سنه ...

حلوه وصغيره .....

بعد عشر سنين.لاحظي انه بعد عشر سنين يعني اقل شي معها اربع بزراين ......

بعد عشر سنين يصير عمرها 28 سنه يعني عز الشباب ...

يعني هو نفسه العمر اللي ناويه تتزوجين فيه .....

عرفتي وشلون الفرق...

الشاب مو مهم كم عمره ....

بس البنت لأ.....

عمرها اهم شي ..... ترا ياجماعه الشكل الخارجي والله عند اغلب الشباب مو مهم ....

ولا جمال الوجه .... لأن هذي اشياء ممكن تروح بغمضه عين .....

بس السنع والرتابه والدلع ... وصغر السن ... هذي المطلوب .....

أنا حسيت إني طلعت برا المووضوع الأصلي وهو

... علاقات....


علاقات الشباب ببعضهم هاليومين صارت .... صارت شفت فلانه ..إيه ايه اللي بالشات .... تراني شبكتها لحد يقرب لها لين اخلص منها ...

وبعد فلانه اللي بالمنتدى .... ايوووووه هذيك عرفتها .... خااااااااااااقه معي ..... امس ارسلت لي تبي ماسنجري ؟ ...

قلت لها ماعندي ماسنجر ... طلبت رقمي ....

تصدقون عاد .... ماتنعطى وجه .... او ماارسلت لها الرقم دقت.....

لا وشفت هذيك اللي ذاك اليوم بالسوق لابسه لثام وعباية مخصرة ...

ايوووه هذيك اللي جسمها جاي زي قارورة كوكاكولا ..... عرفتها .... ايه اللي يوم مريت من جنبها مديت يدي ولمست .....

ايوووووه عليك نور ... ياخي وش اسوي غصب علي اغراء ماقدرت اتحمل ....

انا داري انها حرام .... بس ياخي حنا بشر مو حرام عليها بعد هي .... بالله عليك وشوله لابسه عبايه اذا بتلبسها ضيقة ...

المهم اني رقمتها بالقوه ..... مريت من جنبها وفتحت شنطتها وحيطت الرقم وهي بنت الـ... ماكذبت خبر ... اتاحت لي المجال ..... ومامانعت ...

ويطلعون لنا ويقولون الشباب مضايقيننا ....


وبعدين .... وبعدين ياجماعه ...


هذا والله حالهم ..... كلها صارت مهزله ..... كله كوم

والتلفووووووووووون كوم ثاني ......

اول العلاقه .وش حلوهم كناري ماشاء الله .... وبعد شهرين جوالاتهم مفصوله .....

تبدأ العلاقة بالتلفون ..... وتنتهي بالحرام وبعد مايأخذ الشاب منها كل اللي يبي ...يجحدها ... خلاص خذ حاجته وش يبي بعد ....

وفي المقابل بعض البنات تكلم الشاب يومين وبعدها تقول جوالي بينفصل وماعندي فلوس اسدده والغبي يروح ويسدد لها كل هذا عشان تكلمه باليوم نصف ساعه .... وتكلم غيره ساعات ...

بالتلفون تبدأ العلاقة ... ذكاء... ودلاخه ... واحد ذكي والأخر اغبي مخلوق ....

بالتلفون تكون العلاقة ... أخذ وعطاء ... وفيها استفادة .... واحد يتمتع والأخر مايدري وش السالفه ...

ضايع مع الحب .... اي حب ؟ ....

ياناس خلونا واقعيين ..... وش اللي حب وخرابيط .....

انا ماأنكر وجود الحب كمسلمات يعني (1+1=2) ...

بس الأكيد أنه مهوب بهالطريقة .... أبدا ....

الطريقة هذي غلط ....

يطلع لي واحد او وحده ويقول لك انا مااسمح لعلاقتي مع الشاب انها تتطور يعني هي علاقة صداقة وبس ..

أقول رد عليهم ....

بتقدر او بتقدرين توقفينها عند حد الصداقة ؟؟؟

إذا الجواب ايه .... أقول ياليت وانشاء الله تكون صداقة خلف الشاشه وماتتطور انها تكون برا حدود الشاشه ....

اما صداقة التلفون او خلافة فهذي خطأ وخطأ كبير ..... لأنه من سمح لك أو من حلل لك تسمع صوتها ... صوتها عورة ... وحرام تسمعه ...

وأنتي من حلل لك تسمعين صوته .... اللي خلاك تسمعين صوته ممكن يخليك تطلعين معه بعد ... وحبه حبه نوصل للمحظور .... حتى لو طالت دروبه ...


من كل هالكلام خلاصة القول ..... ليه صار الشاب أو البنت ماعاد يقدر يتخيل نفسه بدون حبيب او حبيبه .... أو اقل شي صديق أو صديقه ...

يعني ليه الشاب يحس بنقص لو ماعنده خويه والعكس صحيح مع البنت ؟ .....

السؤال هذا يبغى له جواب والجواب مايكون بالإتفاق ولايكون بنقاش ونوصل في النهاية لحل ...لأ طبعا ..... الجواب يكون من داخل كل انسان ...


وياجماعه اخر كلامي في هالموضوع

(ياإبن ادم لاتدور الصيدة والصيدة في ظهرك )....

عندك اخوات وبنات عمومه وبكره عندك بنات وزوجه ... وانتي بعد مثله ...


منقول
__________________
تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً
العجمي2003 غير متصل  

 
موضوع مغلق


يتصفح الموضوع حالياً: 1 (0 من الأعضاء و 1 من الزوار)
 
أدوات الموضوع
طريقة العرض

قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق
Trackbacks are متاح
Pingbacks are متاح
Refbacks are متاح



الساعة الآن +3: 08:55 AM.


Powered by vBulletin® Version 3.8.7
Copyright ©2000 - 2017, vBulletin Solutions, Inc.
SEO by vBSEO 3.6.0 ©2011, Crawlability, Inc.
هذا المنتدى يستخدم منتجات بلص

1 2 3 4 5 6 7 8 9 10 11 12 13 14 15 16 17 18 19