عـودة للخلف   منتديات الرس اكس بي > منتديات الرس اكس بي > المنتدى العام والمواضيع المتنوعة
التسجيل الأسئلة الشائعة التقويم تعليم الأقسام كمقروءة


المنتدى العام والمواضيع المتنوعة الموضوعات العامة والمناقشات والحوارات الهادفة، والتي لا علاقة لها بأقسام المنتدى الأخرى.

موضوع مغلق
 
LinkBack أدوات الموضوع طريقة العرض
قديم(ـة) 12-05-2004, 01:57 AM   #1
عضو متواجد
 
تاريخ التسجيل: Apr 2004
المشاركات: 69
قوة التقييم: 0
بو ردح is on a distinguished road
بنت بدوي

من يريد الزاواج من بنت بدوي ؟
نزل أحدهم على البدوي ضيفاً يريد الزواج من ابنته فقال له البدوي :

أنا عندي لك يا ضيفنا العزيز أسئلة إذا عرفتها زوجتك البنت , أنت مستعد ؟

الضيف / تفضل .

البدوي / وش الشيء اللي يضرك إذا أرتفع وإذا أنخفض ؟

الضيف / هذا الله يجيرني وإياك والعروس ... مرض السكر والضغط .

البدوي / ما لك لوا ... هذا سعر البترول .

طيب ... من هم اللي يكرهون المطر ؟

الضيف / ما أحد يكره رحمة الله .

البدوي / فيه طال عمرك ... المسؤولين اللي في البلدية وخاصة أمانة جدة !

الضيف / وش السبب ؟

البدوي / لأنه يزيد عليهم الشغل وتطلع فضايحهم والناس يدعون عليهم .

طيب ... من هو اللي يصلي النافلة ويترك الفرض ؟

الضيف / المجنون .

البدوي / صدقت ... هذي الموظفة اللي تخدم الناس وتضيع زوجها وأولادها وبيتها .

طيب ... وشو الشيء اللي تسمع به ولا تشوفه ؟

الضيف / هذول الجن والعفاريت , الله يحمينا وإياك والعروس

البدوي / قرّبت ... هذي الميزانية اللي يأكلونها الجن والعفاريت .

من هو الملك اللي نزل من عرشه وضيع شعبه وأشتغل سوّاق ؟

الضيف / هذا سؤال صعب .

البدوي / أبداً هذا بسيط للي يعرف الواقع ... هذي الحرمة اللي تشرد من بيتها وتطالب بسواقة السيارات .

البدوي / وش الدولة اللي فيها رئيسين ؟

الضيف / ما فيه يا خوي حتى الملعب وهو ملعب ما فيه إلا حكم واحد وعنده مساعدين .

البدوي / شفت إنك ما أنت داري بشي ... هذي بيوت اللي ينادون بمساواة المرأة بالرجل .

طيب ... إذا بغيت معنى كلمة عربية وين تدور عليها ؟

الضيف / في لسان العرب أو القاموس المحيط .

البدوي / ما عندك سالفة ... بوش على الذمة , ما تشوف كيف فسر لنا كلمة (( إرهاب )) وكل العالم وافقوه إلا طالبان .

الضيف / أجل , الله يستر لا يجي اليوم اللي يفسر لنا فيه معنى التوحيد والإسلام !

البدوي / طيب ... وش الوردة اللي ما تستخدمها إلا إذا ذبلت ؟

الضيف / أصلاً إذا ذبلت , ما عاد يصير لها قيمة !

البدوي / صحيح ... هذول بنات هالأيام , البنت ما تتزوج فيهن إلا بعد ما تكبر ويروح شبابها وهي تطرد ورى هالسراب اللي يسمونه المستقبل !!

طيب ... منهم الأبرياء اللي يجوز قتلهم ؟

الضيف / ما فيه .

البدوي / هذول ... المسلمين , ما تشوف لما قتلتهم أمريكا في أفغانستان , و قالت حنا ما يمكن نقضي على الإرهاب إلا بقتلهم , وافقهم العالم كلّه حتى المسلمين , لكن لو إن المسلمين قالوا ما يمكن ندمر اقتصاد أمريكا إلا بقتل الأبرياء مثل ما صار في مركز التجارة العالمية , كان عارضهم العالم كله حتى المسلمين , وهذا اللي صار مع إننا ما قلنا شي .

إييييه ... الظاهر يا ضيفنا العزيز إن ما لك نصيب في البنت

لأن ما عندك (( فقه بالواقع )) وبعدين البنت باقي تدرس

وعمرها لا زال 35 سنة وباقي صغيرة على الزواج!! (منقول)
بو ردح غير متصل  

 
قديم(ـة) 12-05-2004, 10:17 AM   #2
عضو نشط
 
تاريخ التسجيل: Dec 2001
البلد: الرس
المشاركات: 84
قوة التقييم: 0
ساني is on a distinguished road
ول يها البدوي مالله استره
كيف يهرج با السياسة
كان ابعد عن الحمام
مايدري أن فيه
احد يسمعة؟
__________________
تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً
ساني غير متصل  
قديم(ـة) 12-05-2004, 10:27 AM   #3
عضو
 
تاريخ التسجيل: May 2004
المشاركات: 14
قوة التقييم: 0
العجمي الاول is on a distinguished road
سلمت اخي صرصور حافي

كان مضوعا جامعا للمتعه والفائده .

فشكرا لك,,
__________________
تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً
العجمي الاول غير متصل  
موضوع مغلق


يتصفح الموضوع حالياً: 1 (0 من الأعضاء و 1 من الزوار)
 
أدوات الموضوع
طريقة العرض

قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق
Trackbacks are متاح
Pingbacks are متاح
Refbacks are متاح



الساعة الآن +3: 03:26 PM.


Powered by vBulletin® Version 3.8.7
Copyright ©2000 - 2017, vBulletin Solutions, Inc.
SEO by vBSEO 3.6.0 ©2011, Crawlability, Inc.
هذا المنتدى يستخدم منتجات بلص

1 2 3 4 5 6 7 8 9 10 11 12 13 14 15 16 17 18 19