عـودة للخلف   منتديات الرس اكس بي > منتديات الرس اكس بي > المنتدى العام والمواضيع المتنوعة
التسجيل الأسئلة الشائعة التقويم تعليم الأقسام كمقروءة


المنتدى العام والمواضيع المتنوعة الموضوعات العامة والمناقشات والحوارات الهادفة، والتي لا علاقة لها بأقسام المنتدى الأخرى.

إضافة رد
 
LinkBack أدوات الموضوع طريقة العرض
قديم(ـة) 13-01-2009, 01:01 PM   #1
عضو مبدع
 
صورة فايز الحكيم الرمزية
 
تاريخ التسجيل: Feb 2007
البلد: الرياض
المشاركات: 1,918
قوة التقييم: 0
فايز الحكيم is on a distinguished road
في ايطاليا وبس ,,,,,

(خذ وخل قبل كل شيء)
في يوم كنت اتمشى (انا عبدالرحمن مساعد) ايه وشفيكم ليه ماصدقتوا يعني كل سفره بعلمكم فيها ماصارت المهم في مدينة روما الإيطاليه من شارع الى شارع ومن محل الى محل وكان الجو جميل وبراااد <<<يقهركم... اسولف مع هذا واسأل ذاك وشوي اشرب قهوه وارجع اكل عسكريم (ايس كريم) <<< مايحس له طعم الا اذا قال عسكريم.... ومره اوقف اتفرج على اللي يشحذون و يسوون حركات اتستعراضيه (طراره راقيه وممتعه في نفس الوقت يعني تدفع بنفس راضيه)... الحلو في الموضوع ان كل واحد في حاله ماحد له دخل في الثاني سو اللي تبي لكن لاتغلط على احد (طبعاً انا يمنعني ديني واخلاقي اني اسوي مثلهم) ... الشعب كله تقريباً يمشي وكل واحد منهم كلبه معه اعزكم الله كل واحد منهم يجر الثاني مادري وش حادهم على الشقى.. يمكن لانهم ماينجبون اطفال صاروا يفرغون الحنان المتراكم في كلابهم..
المهم وانا اتمشى مريت على هذي البوابه الكبيره

اعجبني منظرها وقلت يالله ندخل ونشوف وش وراها, صارت هذي البوابه تودي لجسر للمشاة


وهذا الجسر يمر على نهر


صرت اتمشى على الجسر يمين ويسار واتفرج على خلق الله ولافيه رجالين يمشون مع بعض كل واحد يمشي مع وحده وياليتهم يمشون زي الناس,
مايتركون حركاتهم لافي شارع ولا عند اشاره ولا في اتوبيس

المهم ماعليكم من حركاتهم نرجع لموضوعنا

وانا جالس ادربي راسي لفت نظري وجود شي غريب على هذا الجسر المفروض مايكون هذا مكانه ابداً لكن وش جاب هذا الشي هنا؟!!!

شفتلي بنت عندها طاوله عليها عشرات الاقفال اللي هي موضوعنا!!!




وش جاب هذي الاقفال على جسر مافيه ولا باب عشان يتقفل؟؟!!

في العاده اشوف ناس يبيعون ورد او نظارات وشنط يدويه او عده ومفكات لكن اقفال غريييبه!!!

رجعت التفت للجهه الثانيه شفتلي وجه مألوف لي

بنقالي عنده طاوله ثانيه لكن اكبر وعليها بعد اقفال


وجع!! ::لا

وش يسوون هذولي؟

وشهيله هذي الاقفال؟

اللي اعرفه ان البنقاليين مايبيعون الا ورد او يمررون مكالمات هذا وش جابه هنا؟!

لكن قلت يمكن هذا البنقالي سمع ان الراجحي في بداية حياته كان يبيع اقفال وصار الحين مليونير وناوي يسوي مثله

رحت للبنقالي, على قولتهم وجه تعرفه ولا وجه تنكره

سلمت عليه

وكنت مستحي اسأله عن هذي الاقفال لانه كان وضعها طبيعي بالنسبه لهم ولا فيه احد مستنكر الوضع

قلت له انت عايش هنا من زمان

قال لي 15 سنه وكان يتكلم لغه البلد بطلاقه

قالي انت سعودي (طلع ذهين)

قلت ايه

قال انا اشتغلت في السعوديه قبل 15 سنه لكن الحين نسيت اللغه العربيه


قلت هذا اللي خلى عيال عمك يلعبون فينا لعب

المهم قلت وش تشتغل الحين

قال ابيع اقفال

تمام وصلت للي ابي

قلت له ليش تبيع اقفال؟

قال عشان اي واحد يحب وحده او يبغى يهدي زوجته هديه

!!!

قلت له يهدي حبيبته او زوجته قفل؟!

قال لا.. يشترونه مني ويكتبون اساميهم عليه ويحطون التاريخ وبعدين يقفلونه في المواصير المنتشره على الجسر وبعدين يرمون المفتاح في النهر

قلت ليش هذا كله؟

قال علشان يبقون يحبون بعض ولا ينفصلون عن بعض طول ماهذا القفل في مكانه ومقفل

بعدين قالي انت ماتشوف المواصير اللي على الجسر كيف مليانه من الاقفال واشر لها

انا طالعت للمواصير وذهلت من المنظر شي مهول اعداد هائله من الاقفال على كل ماصوره وكل عمود وكل زاويه وفي اي مكان يصل له القفل

طلعت الكمره وصرت اصور العمدان والمواصير في كل مكان الين تعبت






.






بعد مانتهيت من التصوير ناداني البنقالي



قالي ماتبغى تشتري قفل

قلت لا

قال ماعندك حبيبه

قلت الا عندي

قال خلاص اذا تحبها لازم تشتري قفل وتكتب اسمك واسمها والتاريخ عليه وترمي المفتاح في النهر

الصراحه احرجني

وقلت بالمصري (مابدهاش) وبالنجدي (مامنهاش)

وشريت القفل منه وسوالي تخفيض علشان صار صديقي وكتبت اسمي عليه اسمي بلحالي والتاريخ لكن مارميت المفتاح في النهر تركته معي

وهذي صوره قفلي :^

.

.

.

.

تم حذف الصوره لاسباب امنيه



تدرون ليش مارميت المفتاح؟

لاني الصراحه يمكن احتاجه في يوم من الايام
فايز الحكيم غير متصل   الرد باقتباس

 
قديم(ـة) 13-01-2009, 01:56 PM   #2
عضو
 
تاريخ التسجيل: Feb 2008
المشاركات: 17
قوة التقييم: 0
Milk Shake is on a distinguished road
استمتعت كثير بالموضوع خصوصاً وإني من محبي إيطاليا

اما حكاية الأقفال فهي عجيبة...يعني معقولة كل هاللي معلقين اقفالهم ما انفصلو؟ كثر منها :):)
Milk Shake غير متصل   الرد باقتباس
قديم(ـة) 13-01-2009, 02:09 PM   #3
مشرفة سابقة
 
صورة # سدووومه # الرمزية
 
تاريخ التسجيل: Dec 2008
البلد: في دنيا مافيها للوفاء ذرة
المشاركات: 10,205
قوة التقييم: 0
# سدووومه # is just really nice# سدووومه # is just really nice# سدووومه # is just really nice# سدووومه # is just really nice
وربي نكته الايطاليين>>>>هههههههه

عليهم اعتقادات حتى بالاقفال

مشكوووووووووووووووووووور اخوي فايز

صور روووووووووعه
# سدووومه # غير متصل   الرد باقتباس
قديم(ـة) 13-01-2009, 02:30 PM   #4
عضو مميز
 
تاريخ التسجيل: Aug 2007
المشاركات: 101
قوة التقييم: 0
alialali is on a distinguished road
لا والله
هذي لعب الهنود والبنقالية بها السياح والطليان
alialali غير متصل   الرد باقتباس
قديم(ـة) 13-01-2009, 02:32 PM   #5
عضو مميز
 
صورة تايلور الرمزية
 
تاريخ التسجيل: Feb 2008
البلد: الرياض ووووووووووه بس
المشاركات: 278
قوة التقييم: 0
تايلور is on a distinguished road
ياخي اكتب منقوووووووووووووووووووووووووووووووووول

الى متى السرقة عيني عينك

كني رايح لايطاليا

والله لو باحلف انه ابعد مكان رحت له جدة

ويكون بعلمك ان هذه الصور جايتني على الايميل قبل شهرين
__________________
من هو تايلور ؟؟
هو أبو الادارة العلمية
تايلور غير متصل   الرد باقتباس
قديم(ـة) 13-01-2009, 02:49 PM   #6
عضو مبدع
 
صورة فايز الحكيم الرمزية
 
تاريخ التسجيل: Feb 2007
البلد: الرياض
المشاركات: 1,918
قوة التقييم: 0
فايز الحكيم is on a distinguished road
الاخ تايلور
هذه ليست سرقه سامحك الله
ولو انك مفتح كان قريت في البدايه جمله (خذ وخل)
والقصد منها التعرف على معتقدات الشعوب وليس بالضروره الاقتناع بها
ويفضل ان تصمت اذا لم تقل خيرا
فايز الحكيم غير متصل   الرد باقتباس
قديم(ـة) 13-01-2009, 03:16 PM   #7
عضو متألق
 
تاريخ التسجيل: Sep 2008
المشاركات: 742
قوة التقييم: 0
ابو قاسم is on a distinguished road
طيب مشكوور
ابو قاسم غير متصل   الرد باقتباس
قديم(ـة) 13-01-2009, 05:27 PM   #8
عضو مميز
 
تاريخ التسجيل: Nov 2008
البلد: في قلوب محبيني
المشاركات: 131
قوة التقييم: 0
بوصالح911 is on a distinguished road
يعطيك الف عافيه بجد استمتعت بالموضوع
مشــــــــــــــــــــــــــــــــــــــــــــــــ ـــــــــــكور..
بوصالح911 غير متصل   الرد باقتباس
قديم(ـة) 13-01-2009, 05:35 PM   #9
عضو مبدع
 
صورة ألماااسة حسااسة الرمزية
 
تاريخ التسجيل: Aug 2007
البلد: كنت آمنة في حضــن عـــــنيزة
المشاركات: 1,147
قوة التقييم: 0
ألماااسة حسااسة is on a distinguished road
اعتقااادااااات صح بااااااااااطلة << بس تظل رومانسية
تعلموا يالتماسييييييييح
مشكور على النقل
__________________
ألماااسة حسااسة غير متصل   الرد باقتباس
قديم(ـة) 13-01-2009, 06:40 PM   #10
عضو اسطوري
 
صورة ابو صالح الرس الرمزية
 
تاريخ التسجيل: Aug 2007
البلد: في قلب كل شخص احبني في الله فإذا رحلة عنكم فذكروني بكل خير وادعو لي بالرحمة
المشاركات: 29,533
قوة التقييم: 41
ابو صالح الرس has a spectacular aura aboutابو صالح الرس has a spectacular aura about
يازين من جمع الاقفال وباعة
__________________
وما انا سوى عابر
سأمضي يوما تاركـ خلفي احلاماً ،اوجاعاً،ذكرياتـ ، وطيف يجول في طرقات قلوب احبــابــي ...
توتر m_s_aldhalaan
ابو صالح الرس غير متصل   الرد باقتباس
إضافة رد


يتصفح الموضوع حالياً: 1 (0 من الأعضاء و 1 من الزوار)
 
أدوات الموضوع
طريقة العرض

قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق
Trackbacks are متاح
Pingbacks are متاح
Refbacks are متاح



الساعة الآن +3: 03:44 PM.


Powered by vBulletin® Version 3.8.7
Copyright ©2000 - 2017, vBulletin Solutions, Inc.
SEO by vBSEO 3.6.0 ©2011, Crawlability, Inc.
هذا المنتدى يستخدم منتجات بلص

1 2 3 4 5 6 7 8 9 10 11 12 13 14 15 16 17 18 19