إذا كنت خريج كلية المعلمين تعال بسرعة

[الحوطه نت]

بسم الله الرحمن الرحيم
السلام عليكم ورحمة الله وبركاته ,,
سمعنا بهالفترة الأخيرة إن فيه مقابلات وإختبارات قبل التوظيف أو التعيين ,,
وسمعنا ان هذا القرار مايشمل خريجين الكلية يعني فقط للجامعات ,, والمشكلة إن بالتعميم جاي أن يشمل الكليات ,, المهم الشباب ماقصروا كل واحد بدا يطلع من راسه هرجه ,, أنا قلت أبحسم الأمر ,, وسأقطعه من دابره <======== تراي مدري وش معناه بس أحس أنها قويه
المهم ,, رحت لشؤون الطلاب في الكلية وقابلت السحيباني قال ماوصلنا ولا سمعنا شي ,, وأدق على واحد من خرجي كلية الرياض قال لازم تروح وتسوي المقابلة ,, قلت بعد لازم أتأكد أكثر وأجيكم وادق على واحد راح لإدارة التعليم ببريدة يقول قالوا لي خرجين الكلية مالهم شي عندنا وأوراقهم مرفوعه ,, وأجيك وأرجع للكلية وأدبل أسبادهم وأغثهم كل شوي وأنا راز خشتي عندهم وشكلي إذا جيتهم مرة ثانية يبي يعطونن رغباتي ويقولون لي ضف وجهك ,,
المهم رحت لمهم وسألتهم يقالي بريئ قلت أنتم صحيح رفعتوا أوراقنا ورغباتنا ؟
قالوا : لا مارفعنا شي والرغبات هذاهن عندنا .
شفتوا شلون التناقظ !! كل واحد يجيب من راسه صوب والضحية أنا وأنت يالخريج ماندري وش الطبخة ,,
الزبدة
خرجين الكلية يختبرون ولا مايختبرون ؟؟ وياليت الي يجواب يكون جابه معتمد مهب أي كلام

اخر كلام يختبرون مثل الناس واليوم اختبرو حقين الدراسات

[الحوطه نت]

إيه صح اليوم اختبروا حقين الدراسات وعطوهم ورقة قالوا لهم : عطوها ديوان الخدمية إذا بغيتوا تقدمون !!!!
شلون كلية المعلمين يقدمون على ديوان الخدمة ؟!هذي آخر نكتة والله
المهم رجعوا للكلية قالوا وش سالفة هالورقة ؟
ردوا عليهم : مالنا بها سنع حطها في مخباتك ولا توريها أحد كخخخخخخخخخخخ

[بدون زعل]

حبيب قلبي كلية الرس ما عنده علم للاسف وهذا سوف يسبب مشاكل لطلاب هذه الكليه

اخي انا طرحت هذا التساؤل في اكبر منتدى تعليمي

وللاسف عرضوا على قرار الوزار الي بدة تطبقه هذي السنه انه انا وانت للاسف لنا امتحان مثلك مثل طالب الجامعه

وهذا الرابط

http://www.moudir.com/vb/showthread....threadid=68628

وللاسف كليتنا نايمه بالعسل

ويقلون ما فيه شي

وراح ادق على شؤون المعلمين بالوزاره وارد عليك

تحياتي



وهذا رابط الموضوع

[الحوطه نت]

أهلين بدون زعل ,,
وأعرف واحد من العايل دق على مدير إدارة التعليم بالقصيم وسأله هل طلاب الكلية يدخلون في الإمتحان ؟
قاله طلاب الكلية مايدخلون في المقابلة الشخصية والكلام ألي في الجرايد إشاعات .

واليوم راحوا خرجين قسم اللغة العربية ,, بس مدري وش صار معهم ؟؟ إذا كنت تعرف أحد في القسم ياليت تسأله ,, وأنا بعد راح أشوف عنهم وارد لكم خبر ,, لان ترا تووووك لك إلى تاريخ 24/5

[الملثم]

السلام
اخوي الحوطي نت وانت بدون زعل المقابلة تشمل كليات المعلمين وهي كالآتي:
السبت 22-5 رياضيات - حاسب آلي - تربية إسلامية
الأحد 23-5 علوم - لغة انجليزية - لغة عربية
الاثنين 24-5 جميع التخصصات ولمن لم تتم مقابلتهم في الوقت المحدد. وعناصر المقابلة هي
تجرى المقابلة الشخصية مع المختصين وفق المعايير التالية:
1- السمات الشخصية للمتقدم للتعليم مجموع نقاطها 6 وهي كما يلي:
أن يكون قدوة حسنة في مظهره وسلوكه (نقطة واحد)، أن يتحدث اللغة العربية بصوت واضح، ان يجيد الحوار وعرض الأفكار بشكل منطقي ومقنع، ان يتسم بالصبر والحلم والأناة والثقة بالنفس.
2- سلامة الحواس (لا يقبل من كان يعاني مشكلة مؤثرة في حواسه ) (3 نقاط).
3- المام المتقدم بواجبات العمل (5 نقاط).
4- التمييز في طريقة التفكير وترتيب وتنظيم الأفكار أثناء العرض والمناقشة (5 نقاط).
5- الثقافة العامة واستخدام الحاسب الآلي (4 نقاط).
6- التمكن العلمي من مادة التخصص (10 نقاط باعتبار 6 نقاط) كحد أدنى للاجتياز.
بعد المقابلة يجي اختبار القدرات ويبدا يوم 2/6/1425 وهو على النحو التالي
على النحو التالي :
السبت 2/6/1425هـ التربية الإسلامية+ قراءات + مكتبات
الأحد 3/6/1425هـ اللغة العربية {كليات معلمين +إعلان مفتوح}+ اللغة الإنجليزية+ تربية بدنية + تربية فنية
الاثنين 4/6/1425هـ رياضيات + علوم + كيمياء + فيزياء + أحياء + حاسب آلي + علم نفس + علم اجتماع + جغرافيا + تاريخ + علم أرض
مع تمنياتي لنا ولكم بالتوفيق في الدارين

[ابو مها]

حسبي الله عليهم ضيعونا !!
5200 خريج من كليات المعلمين هذه السنة والمطروح 2000 وظيفة فقط !!!
يعني 3200 خريج نايمين بالبيوت !!
من متى وخريجين كليات المعلمين جالسين بالبيوت ؟؟
حسبي الله عليهم ,,
وعسى الله يوفقنا وينزل اسمي ,,

[Admin]

اهلين ابو مها

اخوي انا اللي اعرفه ان الخريجين عددهم 4400 خريج تقريبا حسب تصريح
وكيل كليات المعلمين لكن جريدة الوطن الظاهر وضعت العدد + الفوائد :D
وبعد ان ال 4400 هذولا شاملين المسارات والخريجين ومحضري المختبرات
وبعد ال2000 وضيفه مخصصه للأبتدائي يعني للي مثل حالتنا :cool:
لأن اللي مسار وضيفته مضمونه

واتمنى للجميع التوفيق