عـودة للخلف   منتديات الرس اكس بي > منتديات الرس اكس بي > المنتدى العام والمواضيع المتنوعة
التسجيل الأسئلة الشائعة التقويم تعليم الأقسام كمقروءة


المنتدى العام والمواضيع المتنوعة الموضوعات العامة والمناقشات والحوارات الهادفة، والتي لا علاقة لها بأقسام المنتدى الأخرى.

إضافة رد
 
LinkBack أدوات الموضوع طريقة العرض
قديم(ـة) 06-03-2009, 05:56 PM   #1
عضو بارز
 
تاريخ التسجيل: Jul 2008
البلد: ولاية الدحلة سيتي
المشاركات: 400
قوة التقييم: 0
واحد من العيال is on a distinguished road
Talking يبه.. أنا قررت أتزوّج .. !!!!!!!!!!!!

يبه.. أنا قررت أتزوّج ..

فيطأطئ الأب رأسه ثمّ يرفعه فجأةً رفعة صاروخيّة .. فينعكس ضوء الأبجورة من صلعته على أعين الابن المسكين الذي قرر أن يلقي بنفسه في التهلكة.. ويقول الأب بانبهار.. : تستهبللللللل .. وأطال حرف اللام حتى أنه يعتقد بأن هناك سعبولة سقطت من شدة الانبهار..

فينتهز الابن فرصة انبهار أبيه فيقول.. بس ماهنا دراهم يبه .. فيقول الأب الملكّع .. إيه والله ماهنا دراهم..

فيقول الابن الأكثر لكاعة.. الواحد يقعد عزوبي أزين له .. وش لك ووش للأحفاد والإزعاج..

فيقول الأب الأعظم لكاعة .. صدقت يا ابني صدقت..

فيخر الابن عند قدمي أبيه ويقول.. طلأّني يا بابا..

قصدي احرمني من الميراس.. أول مرة أشوف أب مايبي أحفاد.. وش ذا.. لو اني قايلها قدّام أي أب ثاني كان طقني بخمسمية ألف عشان أطق لي موتر صاحي وبيت والمهر وحق شهر العسل.. لكن ماش طلعت أب فالصو يابابا..

فيرد الأب: بابن ينصك على خشمك بلا .. انقلع وخل محشش اللي قاعد مقابلهم طول اليوم ينفعونك..

خل البياع ولا نكس ولا زعيم المحششين يسوونها ويتبرعون لك.. بلاهم يشوفونك أكثر منّي..

وجب فرقة منحرفه تطق لك وتُسقط الأقنعة.. وخل ميشيل تنشر الخبر مايحتاج كروت.. وبعد كم يوم بتلقى صور عرسك في موضوع شاركنا ونزل صورتك ..

وماعليك خواتك القطريات ماراح يقصرن .. بيحضرن عرسك ويكتبن عنه موضوع عشان تمارس فيه هواياتك

وأزين شي إن السعودية مافيها سواقة حريم ولا كان فري قيرل تعبثت في شوارعنا وهي تحد خلق الله وتصارخ..

ودحوم والمصرقع موجودين مايحتاج تتفق مع قهوجي.. وولد الحمايل بيجيب معه كوفي الدانكن دونات أبو 3 ريال معه

وصدقني الضيوف بيكونون مستانسين بوجود الملكي .. بيقعد طول الوقت يسألهم : هل تتوقعون أن الزواج له تأثير على الإقبال على المنتديات؟؟ هل من الممكن أن تكون قاعات الأفراح من ابتكار فولتير؟ يعني بيشغل تاريخ أهاليهم شوي..

طبعاً قلبي بن ساكن بن بيل بن قيتس ماراح يحضر لأنه بيكون مسافر كالعادة.. والواقع إنّه مستحي يحضر العرس بفنيلة علاقي ووزرة وطاقية مشخّلة..



بالتأكيد لابد تكون سيّارة الإسعاف جاهزة خارج القاعة عند النساء.. لأنه احتمال كبير بنوته حجازيه تطيح من فوق الكرسي ويصير لها شي.. تخبر طويلة ماشالله عليها ..

بس حاول إنّك تحذّر فرقة منحرفه من إن المايكرفون لايطيح بيد عيوف .. لأنها بتقعد تتكلم ولاراح تسكت.. وممكن لاجا وقت صلاة الفجر تأذّن بعد وتخطب فيهم خطبة الجمعة..

نكس بتلقاه قاعد بزاوية وموب عاجبه القهوة اللي مسويها دحوم .. ويقول المصرقع ياخي ماعندكم Red wine ؟

وإذا احترقت لمبات في القاعة ولا شي لاتشغل بالك.. البياع والفريق التقني بيكونون موجودين ومعهم سلّم خشب وسقالة..

طبعاً قل لزوجتك تبلّغ المعازيم إنهم مايحتاج يروحون كوفيرات ولا شي.. برلنتي اللي تشذّب جناحيها بتكون موجودة وممكن تتولّى تشذيب شنبات النسا..


طبعا ميشيل راح تتولى المسألة وتيبّب وألف الصلاة والسلام عليك ياحبيب الله محمّد.. وتقول للبنات ليش مو كل وحدة تكتب اسم عائلتها على فستانها.. .. <<== شغل خطابه

وبالتأكيد فرقة منحرفوه ماراح تقصّر معها وبتعطيها commission على شغلها..


هنوف نجد بتكون مشغوله وماسكه جوال أبو كاميرا وتدور مكان فيه نور قوي عشان تصوّر ظلّها واللمبات وتنزّله في المنتديات..



فري قيرل تقول ليش جايبين طقاقات ؟؟ العرس كان ممكن يكون أحلى لو إنها أغاني Jazz

لوتس قاعدة تصوّر الطاولات والثريّات .. نكس يقول .. لو العرس طلع من إطاره أنا ممكن أحذف الحفل وأنقله للشكاوى والاقتراحات..


زعيم يدخل بالسيجار الكوبي حقّه ويلقى زحمة ويقول .. الله يلعنها بلد.. كله من الحكومة.. أنا خلاص بهاجر.. وصرقوع يقول له ياخي مافي أزين من الدفيدوف..


الخاطف طبعا لاصق بجنب باب الحريم ويقول في نفسه نفسي اجلس معهم واشوف وش يسولفون فيه ...

ابله دع دع بتشْغل البنات وتقول لهم يابنات.. أنا مو عارفة كيف أتفاهم مع أمي.. قلت لها كيف حالك قالت لي الحمد لله تخيلوا ؟؟؟ وزركش تقول لها احمدي ربّك .. أنا أبوي تخيلي فتّش فاتورة جوّالي؟؟

ابلة منيرة بتجيب صورتها وهي صغيرة وتقول هذي أنا وأنا صغيرة كنت ولد ويوم كبرت صرت بنت..

عذاب وبنت شيوخ قاعدين بطاولة لحالهم وكل وحدة جايبة معها شنطتين زيادة عشان يحطونها قدام الكراسي الباقية عشان محد يجلس معهم وياخذون راحتهم في الحش..



منحرفووه تتكلّم مع اللي جنبها و تحلف بالله وتقول .. أنا مو انتصار الشرّاح والله العظيم..



زركش كل شوي تسأل اللي جنبها .. أنا دبة ؟؟ وميشيل تجي تقول انتي قولي لي أوّل أنا دبّة ؟؟ وعيوف تطلّع صورة فزّاع من شنطتها وتقول يابنات بذمّتكم مو يهبّل ؟؟

وقتها ماقدرت أستحمل أبوي وهو يتطنّز في أصدقائي وأخواني وأخواتي.. قلت له يبه .. بس خلاص أرجوك..

ما أسمح لأي مخلوق يتكلّم عليهم .. لو سمحت راعي مشاعري تكفى..

ويسكت الأب متأثراً بتوسّلات ابنه.. ويطأطئ رأسه..

فيقول الابن .. يبه .. أنا خلاص قررت إني ما أبي أتزوّج..

فيستانس الأب ويطق اصبع .. ويعود الابن الذي تخلى عن فكرة الزواج من أجل أصدقائه يغنّي ظلمووه ...
__________________
تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً
واحد من العيال غير متصل   الرد باقتباس

 
إضافة رد


يتصفح الموضوع حالياً: 1 (0 من الأعضاء و 1 من الزوار)
 
أدوات الموضوع
طريقة العرض

قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق
Trackbacks are متاح
Pingbacks are متاح
Refbacks are متاح


مواضيع مشابهة
الموضوع الكاتب المنتدى الردود آخر مشاركة
ابـــــشـــــــركم قررت اتـــــــرك الصــــــلاه !! king alrass المنتدى العام والمواضيع المتنوعة 48 08-03-2009 11:01 PM
قررت اشتري لي كم بنت كاتب عدل المنتدى العام والمواضيع المتنوعة 31 05-02-2009 09:42 AM
بنت قررت العنوووسهـ وسبب الصور هاذي هههههههههههههه $البرنس صوصو$ منتدى الرياضة و السوالف المتنوعة 30 06-01-2009 04:13 PM


SEO by vBSEO 3.6.0 ©2011, Crawlability, Inc.