LinkBack أدوات الموضوع انواع عرض الموضوع
قديم 16-07-2004, 06:05 AM   رقم المشاركة : 1
معلومات العضو
غلاامي**
عضو بارز
 

إحصائية العضو







Post أم ريـــال .... " قصة حقيقية " حصلت في المملكة العربية السعودية

أم ريـــال .... " قصة حقيقية " حصلت في المملكة العربية السعودية


تقدم سعود لخطبة ريم هي رفضت في البداية بحجة كل البنات انها بتكمل دراستها لكن
امها وابوها اقنعوها في الأخير لان الولد اخلاق ومستقيم ووظيفة محترمة ومن
عايلة كبيرة والكل يمدح فيه ويتمناه لبنته...


المهم جا وشافها وشافته واعجبو بعض... واخذ موعد من ابو ريم علشان يجي مع ابوه
ويتفاهمون على باقي الامور الروتينية... جا الموعد المحدد وحضر سعود مع ابوه
واثنين من اعمامه... ومعهم المهر...

قام وفتح علبة المهر واخذ منها ريال واحد فقط ورجع الباقي وقال حنا نشتري
الرجال...!!!


عجز المعرس واهله يقنعون ابو ريم فاستسلموا واخذوا فلوسهم ومشوا... مرت الايام
وريم ابوها عوضها المبلغ اللي رجعه وجهزت نفسها وجت ليلة العرس...


اول ما دخلت ريم على عريسها استقبلها وقال: (هلا يا ام ريال!!!) البنت طاح
وجهها ساعتها بس عدتها... مو حلوة تسوي مشكلة من اول ليلة... ومن ذاك اليوم
وسعود ما تعدي ريم من عنده الا يعايرها بالريال... بعدين تطور الموضوع وصار
يقارنها بكل شي بريال... لين قال مرة: ( تشوفين علبة البيبسي هذي؟ تراها تسواك
كلكم بريال خخخخخ!!!) وكمل ضحك وهي تغلي...


بس ريم كانت كتومة ما تحب تشكي لاحد حتى اقرب الناس لها امها... ومرت الايام
وهو ما يناديها الا ام ريال او علبة البيبسي!... هو ما يقصد يهينها بس المزح
الثقيل الله يفكنا من شره


المهم راحت لامها مرة وأمها كانت ملاحظة عليها إنها متضايقة من شي فحلَّـفتها
تقولها وش فيها...

بعد محاولات كثيرة من الأم فضفضت لها ريم وهي تبكي وقالت لها الشي الوحيد اللي
منكد عليها حياتها... وطلبت من أمها إنها ما تجيب سيرة لأبوها...


لكن الأم قالت: (لا يا بنيتي أبوك غلط ولازم يصلح غلطته وياما قلت له إن هذا
يقلِّل من قدر بنتك ما يرفعه لان الناس الحين يقيسون بعض بالفلوس بس ما
سمعني... خليه يشوف وش سوى...


أنتي يا بنتي لك كرامة وإحنا ما بعناك... تطمني وخلي الموضوع علي) وراحت طيران
لزوجها وهي تغلي بتنفجر من القهر وحكت له السالفة...


أبو ريم انهبل من اللي سمعه وحلف ما تطلع ريم من بيتي إلا راد لها اعتبارها...
جا سعود بياخذ زوجته عالعادة بس ريم ما طلعت طلع ابوها بدالها وسلم عليه وطلب
منه ينادي أبوه وأعمامه يجون يتقهوون عنده...


وانه بعد المغرب حيكون في انتظارهم... الولد ما شك في شي راح ونفذ اللي قاله
ابو ريم وجاب أبوه وأعمامه... استقبلهم أبو ريم وجلَّسهم في المجلس بدون ما
يحسون بشي...


طلع أبو ريم من جيبه ريال ونادى ولده الصغير محمد وقال له: ( محمد أبوي رح
للبقالة وجب لي علبة بيبسي...!) الرجال استغربو وضحكو فيما بينهم على تصرف أبو
ريم أما سعود ما وصلته الرسالة لسه...

جاب محمد البيبسي وحطه على الطاولة...

شوي قام وطلع ريال ثاني نادى محمد وارسله يجيب له علبة بيبسي ثانية... سعود بدا
يعوّره قلبه... كنه شم ريحة تلميح...

جا البيبسي وحطه أبو ريم جنب الأول...

وعمل نفس الشي مرة ثالثة وجاب بيبسي ثالث وحطه مع الباقين...

وقال: ( الحين الله يحييكم اقدر أقولكم ليه أنا مناديكم... أنا أخذت منكم مهر
بنتي ريال واحد...


بس ولدكم ما قدر هالشي وقعد يعايرها بعلبة البيبسي... أنا الحين غيرت رأيي...
أنا باخذ بنتي... وانتم خذو بدال ريالكم ثلاث علب بيبسي...!)


الرجال ما يدرون وين يودون وجيههم من كلام ابو ريم تفاجأوا وفشلهم سعود بعمايله
بجد أما سعود الله اعلم بحالته شوي ويغمى عليه هو كان يتميلح وريم تبلع بس ما
توقع إنها بتكبّر الموضوع...


أبو سعود قال: ( والله ما لي وجه أقول شي بس أتمنى انك تمسحها بوجهي أما سعود
أنا بتفاهم معه... وبنتك على راسي... ترجع بيتها معززة مكرمة واضمن لك انه ما
راح يعيد اللي سواه)...

رد عليه أبو ريم : ( كلامك على عيني وراسي يا بو سعود بس والله ما تطلع
بنتي من بيتي الا بثلاث مية ألف ريال مهر زيها زي غيرها أنا يوم رفضت أول مرة
آخذ الفلوس توقعت أنها بتكبر بعيونه لكن مع الأسف اكتشفت العكس)


طبعا الجماعة ما قدرو يقولون شي الا إن هالشي من حقك وحق بنتك... وجمعو المبلغ
وقدموه للبنت وكذا ما عاد فيه شي يضايق ريم بس سعود ما عاد له عين يحطها بوجه
أبوها..... وبس

منقول :cool:



















التوقيع

تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً

قديم 16-07-2004, 12:12 PM   رقم المشاركة : 2
معلومات العضو
بــ أبو ــدر
عضو مميز
 

إحصائية العضو







افتراضي

الأخت ( غلا أمي ) مشكورة على هذه القصة .
و سواء كانت حقيقية أم لا ، لكنها تدل على معنى صحيح .
فالمفترض إن الآباء ما يبالغون في المهور لأن هذا له أثر سلبي على حياة البنت وله تأثير على وضع زوجها المادي ، و لا يقللون من المهر لأنه يقلل من قيمة البنت بعين رجلها ( مثل ما حصل بالقصة ) .

تمنياتي لك بالتوفيق .



















التوقيع

تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً

قديم 16-07-2004, 01:40 PM   رقم المشاركة : 3
معلومات العضو
الزاحف
Guest
 

إحصائية العضو






افتراضي

كل الشكر والتقدير لك غلاامي

ولن ازيد على كلام اخي ابو بدر فقد وفا وكفا

قديم 16-07-2004, 02:41 PM   رقم المشاركة : 4
معلومات العضو
ملّوح
Guest
 

إحصائية العضو






افتراضي

كل الشكر والتقدير لك غلاامي

ولن ازيد على كلام اخي ابو بدر فقد وفا وكفا

قديم 16-07-2004, 02:46 PM   رقم المشاركة : 5
معلومات العضو
Admin
عضو مميز
 

إحصائية العضو








افتراضي

الصرااااحه سعود هذا قهرني ودي اكفخه ياخي الرجال اكرمك وعطاك بنته
وتجي تسوي معاها كذا ليه :mad: :mad:

والله لو بيدي مايتزوج هذا ولا بربري :mad: هاللوح والله قهر اخخخخخخخخخخخخخخخخخ
بس لو اعرفه
افففففففففففف من القهر جعت ابروح اتغدى مره ثانيه :D


الا على فكره ياغلامي ابو ريم مابقي عنده بنات :o :o لغدين اروح اتقدم



















التوقيع

تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً

قديم 17-07-2004, 02:27 PM   رقم المشاركة : 6
معلومات العضو
غلاامي**
عضو بارز
 

إحصائية العضو







افتراضي

ابوبدر..
الزاحف...
ملوح...
مشكورين على التفاعل مع القصه
والمشاركه براي والنقطه الي اثارها ابوبدر مهمه في وقتنا الحالي....
ااادمن...
مشكورعلى مرورك وتفاعلك مع القصه...
واذا عند ابوريم بنات تستاهل انت كل خير....
بالتوفيق..



















التوقيع

تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً

قديم 17-07-2004, 02:40 PM   رقم المشاركة : 7
معلومات العضو
د.ربيع
عضو متواجد
 

إحصائية العضو








افتراضي

والله شي نذل بمعنا الكلمه يبيله تكفيخ سعود
وش هالمطمطه والله يبيله عجرا تخليه مايفرق بين الددسن والكزس بس يالله
وشكراً على القصه الهادفه والرائعه



















التوقيع

تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً

قديم 17-07-2004, 03:34 PM   رقم المشاركة : 8
معلومات العضو
غلاامي**
عضو بارز
 

إحصائية العضو







افتراضي

مشكورررر دكتورناا على المرور....
الله يعطيك العافيه...



















التوقيع

تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً

قديم 17-07-2004, 05:27 PM   رقم المشاركة : 9
معلومات العضو
فتى الشنانة
عضو مميز
 

إحصائية العضو








افتراضي

اخواني الكرام القصه صحيحه
لكني اعرف احد الاشخاص المقربين للمسمى(سعود)
انا لا ااعرفه لكن اعرف الشخص القريب له
طبعا القصه اعرفها منذ مايزيد عن عام

لكن هناك خطاين في القصه
الأول وهو ان والد سعود لما علم بالقصه رفض ان تخرج البنت من بيت والدها حتى يقوم بدفع مهر...
والمهر كان عباره عن 100 الف وليس 300...
وشكرا لاخي غلا أمه :p



















التوقيع

تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً

قديم 18-07-2004, 12:45 AM   رقم المشاركة : 10
معلومات العضو
غلاامي**
عضو بارز
 

إحصائية العضو







افتراضي

مشكور اخوي على الرد..
والتوضيح...وفعلا سعود اخذجزاه
300 ولا 100 هواللي جنا على نفسه...
بالتوفيق...



















التوقيع

تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً



الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع



الساعة الآن 06:13 AM





SEO by vBSEO 3.6.0 PL2 ©2011, Crawlability, Inc.

1 2 3 4 5 6 7 8