عـودة للخلف   منتديات الرس اكس بي > منتديات الرس اكس بي > المنتدى العام والمواضيع المتنوعة
التسجيل الأسئلة الشائعة التقويم تعليم الأقسام كمقروءة


المنتدى العام والمواضيع المتنوعة الموضوعات العامة والمناقشات والحوارات الهادفة، والتي لا علاقة لها بأقسام المنتدى الأخرى.

إضافة رد
 
LinkBack أدوات الموضوع طريقة العرض
قديم(ـة) 11-03-2009, 05:02 PM   #1
عضو متألق
 
تاريخ التسجيل: Sep 2007
المشاركات: 700
قوة التقييم: 0
حوطي من الرس is on a distinguished road
شيخ القبيلة والليل خيم في جبينة .

قبل امس جمعنا شيخ قبيلتنا واجتمعنا حوله وهو علي فراش الموت ,,عطانا مجموعة من العصي الصغيرة مربوطة وقال حاولو تكسرونها رحنا وفكينا

الرباط وكسرناها وعطيناه العصي مكسرة ,, اخذ يناظر بالعصي ويناظر , ويناظر , من عيونة كنه يبي يقول حكمة بس متوهــق , المهم

يوم جت سكرات الموت , تكلم وقال شوفوا ياأبناء القبيلة اناجمعتكم اليوم كح كح كح ( شيخ قبيلتنا يكح)

تلقون ورى الباب صندوق كح كح كح اعواطرطرعونوياهرهر ( شيخ القبيله كح ثم كح ثم رجع ) >>>>>

الصندوق هذا فيه كنز بس الصندوق مقفل ,, والحل لفتح الصندوق تلقون خريطة تحت فراشي هي الي تدلكم علي المفتاح , ثم سكت شوي ثم
ثم جته سكرات الموت وقبل لا تطلع روحه رحنا نجيب سكين بس مات قبل السكين
( الله يرحمة ) ,,,
رحنا بسرعة وفتحنا الخريطة بحثنا عن مفتاح الصندوق كما هو موضح بالخريطة ,, رحنا للموقع تحت الشجرة
وجينا نبي نحفر ( وجتنا البلدية , وفهمناه السالفة ,, وقال لازم ترخصون الخريطة ,, رحنا للبلدية نبي نرخص الخريطة قالوا لازم تصدقونها من الغرفة التجارية رحنا وصدقناها من الغرفة التجارية وطلعنا لها رخصة من البلدية , وقلنا فرصة مادام قضت من الغرفة التجارية والبلدية نمر علي مكتب العمل ونستخرج تأشيرتين ,, ورحنا وحفرنا الموقع كما هو موضح بالخريطة حفرنا متر , مترين , عشرة , عشرين ( الله يرحمة حاطه علي بعد 65 متر ) لقينا المفتاح رايح فيها مصدي ومتكسر

رحنا للخزنة وكسرناها بحثا عن الكنز ,, لقينا فيها, بعد ماكسرناها ,

دلة متكسرة رايحه فيها من الدلال القديمة.,., زعلوا شباب القبيلة

وراحوا وهم زعلانين ., وبقيت اناو الخزنة وثالثنا الدلة .,.,.

كنت مصدع من الكرف والتعب المهم قلت ابسويلي قهوه بالدله القديمة يوم حطيت فيها ماء وحطيتها علي النار

وفاحت الدلة .,., سمعت صوت غريب مثل صوت ( شفيع ياراجل ) وطلع دخان من الدله

ثم طلع واحد يشبة أحد ابناء الرس قديم معة ددسن 93 بوري ؟؟ .,., ( طلع المارد ) يقول شبيك لبيك

انا بين ايديك .,., قال اطلب اي شيْ يجيك بالحال .,. قلت يعني اطلب اي شي .,.,

قال اطلب لو تطلب المملكة أو الفيصلية من بكرة نفرغها بأسمك .,. قلت تكفى ابي ارض بالرس مساحتة 400م

علي شارع 10 علي كيفك تفتح شمال جنوب شرق غرب اهم شي ارض بالرس .,., ياسيدي لو تطلب المستحيل
جبته لك بس طلبك هذا فوق المستحيل .,., طلب خيالي .,. تبي ارض بالعليا ابشر , تبي ارض طريق الملك فهد ابشر , تبي ارض في باريس أو لندن أو واشنطن ابشر .,., بس ارض بالرس صعبه ., واذا ماصدقتني ادخل علي هذا الرابط ((أسماء بلا محسوبيات يأهل الرس. عدالة , لاظلم .))

قال اطلب طلب ثاني وبسرعة ترى الشباب ينتضروني ابكملهم رابع بدلة جدك ., الي كنها وجه خروف مودينها للقصاب ؟؟؟
قلت تكفي ابي كتاب تاريخ قبيلتي .

قال :ابشر دخل للدلة بسرعة ., ثم تأخر علي وأنتضرت وتأخرعلي وأنتضرت يوم شفته زودة شوي .,
زدت النار علي الدالة طلعلي واحد ثاني من الدلة كنة الممثل ابو ضب البزيع ومع خمسة أوراق باصرة يقولي يأخي تراك ازعجتنا ., جاي خويك هالحين جاي راح للمكتبة الفلاح وجاي, قصر , قصر, علي النار . ثم دخل للدلة
وبعد خمس دقايق جاء المارد ومعة الكتاب .,. ويقولي (( خذ الكتاب انت وقبيلتك الي كنها جماهير الحزم , كل يوم واحد داخل الملعب))

الكتاب لونة احمر ومكتوب عليه بأسود تاريخ القبيلة ,,

قريت الكتاب وياليتني ماقريته اهـ بس اهـ ..ثم أهـ وآهـ .

وش هذي القبيلة رايحه فيها .,كلهم رخوم برخوووم .,

مكتوب بالمقدمة (( اننا نتنقل من مكان الي آخر (( توقعت بحث عن الربيع )) والسبب كان ان القبايل الثانية تطرنا لا جينا بجنبهم .

شيخنا الي أسس القبيلة شرووود بين قوسين رخمة .,.

ولد الشيخ أقصد ( ولد الرخمه ) تأثر بقصة روميو وجليت وحب بنت شيخ القبيلة المجاورة راحت البنت وعلمت

ابوها ., ودخل أبوها علي بيت شيخنا وسحب ولد شيخنا ( ولد الرخمة ) مع رجلة وسحب وتسحيب وسحب

لين وصله للساحه (( ارض فضاء تطل عليها بيوت العشيرة ))ويلوحو بالعقال ويلوحوا والرخمة يصيح ويقول تكفي اتركني تكفي خلني ترا تكفي تهز الرياجيل تكفي لين تفل العافية وراح وتركو متمدد .,.

شيخنا يوم درا زعل اشد الزعل .,. قال للفرسان تجهزوا بكرة الفجر نبي نغزاهم لازم نرد الثار , نبي نهجم عليهم ونأخذ بعارينهم , خلهم يعرفون منهو حنا ,. ويوم جاء الفجر وغزيناهم جينا نبي نأخذ بعارينهم أخذوا غنمنا.
هذا المثل المعروف مضروب بقبيلتنا .,((والله من زين القبيلة ))

وراح شيخ وجاء بعدو شيخ فشلنا بين القبيال الثانية باع غنمه وبعارينه وشراله بقرتين وثور .,

وراح شيخ وجاء شيخ بعدو حكيم كل شيوخ القبايل عندهم أكثر من فرس ولكن شيخنا هذا عنده حمار تكرمون

وكان حكيم ويقول رحم الله امراء عرف قدر نفسة .,جاه ضيف مسير عليه وعشاه ومن بكره تكلم الضيف قال ان بسراحة ياشيخ القبيلة جيت ابغي اشتري الحمار الي عندك سكت الشيخ ثم سكت وقال ياضيف الرحمان الي جيت علشان تشتريه تراك تعشيته امس (( كني حاتم الطائي ))., قال الضيف هاه انت وش تقول وينقز علي شيخ القبيله وسحبه مع رجله
لين وصله للساحه (( ارض فضاء تطل عليها بيوت العشيرة ))ويلوحو بالعقال ويلوحوا .,.

وراح شيخ وجاء شيخ بعدو , الشيخ هذا عجيب رمنسي يحب الرومنسية كان معجب بالفنانة زينب العسكري ويوم جته بنت سماها هدي التخصيصي, عندوه خمس نياق مغاتير شكلهن يجيب الهم قرر يشارك في المزاين, الناس خابرين نياقه ماهن مزايين, ضحكوا عليه وضحكوا وضحكوا ., وتفاجؤا يوم جاء المزاين اخذ ترييب الأول ,. جوه الناس وسالوه تكفي وشلون علمنا تكفي ., عطاهم ظهره وهو يقول ( لا لا مأبغاء اسوي دعايه لا لا الدعاية ماأبغاها )) لين لز عليه ., قال ابد بس قبل المزاين بيومين دخلت نياقي ليدي سنتر
مكياج ليناني ,وصارن مزاين .,.,.

وراح شيخ وجاء شيخ بعدو منعم الله عليه بالمال قرر يطور ( فرسان القبيلة ) حطلة ميدان للتدريب الشباب شرق القبيلة كني اشوف الميدان
وبه لوحة مكتوب عليه (الكلية التقنية الصحية لمنسوبي التعليم العالي بالحرس الوطني للقوات المسلحة) , شكل اللوحة بس يلفت الأنتباه, مثل لوحة العوض للسراميك ,وجاب مدربين من امريكا وبريطانيا والمانيا الغربية
وعين رئيس الكلية واحد امريكي اسمه مستر هنري .
سافر شيخ القبيلة ومعه اخوه الى امريكا وبعد عشرين سنة رجعوا للعشيرة استغربوا من فرسان القبيلة نفس مستواهم

زعل شيخ القبيلة ونادي رئيس الكلية وقال : مستر هنري ( فرسانك هذولا مثل مستشفي محافضة ؟ مايتطورون ولا عشرين

سنة ).

زعل الشيخ وأخوه , وراحوا للبيت وصدفه يوم دخل الشيخ لقى امه ( تنتفض ماسكة الكهرب ) ,

راح يصفق يحسب امه ترقص ههههههه ثم بعده دخل اخوه (( لقى امه تقل جمرة من الكهرب )) مولعة نار

قال اخو الشيخ :ماشأ الله امي منورة اليوم ...منورة يايمة منورة , منورة . منورة ,

هذي امك الأم مدرسة . المفروض لا شفتها مولعة نار انك تطفيها ماتقول منوره منورة منورة يايمة ..

ثم ماتت امه الله يرحمها واحوا لمغسل الموتي يغسلها ويوم غسلها وقضى طلب 50 ريال ماعطاه الشيخ فلوس

يقول (( والله لونها لكزز)) ويدعي عليه مغسل الموتي قاله (جعلك تروح وانت حي )وصابتوا أخر عمره ريحة تبين علي بعد كيلو مثل ريحة

سوق الغنم ويبتلشون فيه القبيلة مايدرون ينقلون بيته , مثل ما أبتشلوا البلدية,وين ينقولون سوووووووق الغنم ..

هذه قصص من زعماء قبيلتي باقي عن شجرة القبيله ومكانتها في الحلقة القادمة
حوطي من الرس غير متصل   الرد باقتباس

 
قديم(ـة) 15-03-2009, 05:49 PM   #2
عضو متألق
 
تاريخ التسجيل: Sep 2007
المشاركات: 700
قوة التقييم: 0
حوطي من الرس is on a distinguished road
0000000000000000000000؟؟؟
حوطي من الرس غير متصل   الرد باقتباس
قديم(ـة) 15-03-2009, 07:25 PM   #3
عضو مميز
 
تاريخ التسجيل: Jul 2008
المشاركات: 162
قوة التقييم: 0
*ضي* is on a distinguished road
ق------------------------------------------------مه في طرحك للقضايا

لاعدمناك
*ضي* غير متصل   الرد باقتباس
قديم(ـة) 15-03-2009, 08:06 PM   #4
مشرفة منتدى الأسرة و المنتدى النسائي
 
صورة ام الغااااالين الرمزية
 
تاريخ التسجيل: Feb 2008
البلد: مع الغواااااالي
المشاركات: 9,501
قوة التقييم: 19
ام الغااااالين will become famous soon enough
ممكن احد يفهمن وش السالفه
__________________
يارب لك الحمد كما ينبغي لجلال وجهك وعظيم سلطانك
ام الغااااالين غير متصل   الرد باقتباس
قديم(ـة) 15-03-2009, 08:32 PM   #5
عضو مبدع
 
تاريخ التسجيل: Sep 2007
المشاركات: 1,535
قوة التقييم: 0
رساوي صميم is on a distinguished road
اقتباس:
المشاركة الأساسية كتبها ام الغااااالين مشاهدة المشاركة
ممكن احد يفهمن وش السالفه
من دهاء الحوطي ترك القصة في البداية مبهمة من اجل ان ننتظر الحلقة القادمة
وبالقصة القادمة او كما قال الحلقة القادمة يتبين معنى القصة وتبدأ رحلة فك الرموز
داهية ياحوطي الم اقل لك ان قلمك فلتة هذا الزمان؟؟
ومن هذة القصة ياحوطي يحق لنا ان نسميك (تشارلز ديكنز) الرس اكس بي
ابدآع ياح ـوطي لم ارى كاتب خيالة اوسع من خيالك
سيسطر التاريخ اسمك بحروف من ذهب ياحوطي
عزفت لنا لوحة ابداعية تناغمت الكلمات ورقصت الحروف من بين طياتها
تتظلل كلماتي تحت حروفك وتنطلي بعذوبة حروفك وتبقى ليجول الفكر فيها لايعلم من سحرها ام من غموضها
وتعطر حبري حينما وقفت اتأمل نضمك والتنسيق بين سطور قصتك الرائعه
بحق قلمك فلتة
__________________
تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً

آخر من قام بالتعديل رساوي صميم; بتاريخ 15-03-2009 الساعة 09:00 PM.
رساوي صميم غير متصل   الرد باقتباس
قديم(ـة) 15-03-2009, 08:53 PM   #6
عضو مبدع
 
تاريخ التسجيل: Sep 2007
البلد: في قلب صغيرتي
المشاركات: 1,145
قوة التقييم: 0
الزمن القادم is on a distinguished road
رشاقة القلم ورصانته من الزلل حين

يجود بالحبكة الساخرة والتي بها إسقاطات رائعة لقضايا جوهرية ،،، كل هذا الزخم من تداخل الافكار وبلورتها بهذا القالب

،،،،،، اجزم انه لا يستطيع نسج ذلك الا القلائل من الافذاذ ،،،،،، واحسب انك واحد من أولئك
__________________
[
الزمن القادم غير متصل   الرد باقتباس
قديم(ـة) 15-03-2009, 09:48 PM   #7
عضو مميز
 
تاريخ التسجيل: Sep 2008
المشاركات: 210
قوة التقييم: 0
البرق انار لي ظلالي is on a distinguished road
تقارعت كلماتك لتنسج لنا قضايا تتناغم خيالا وتصفق لواقعها المرير
سلمت اناملك
بس اتوقع ان باباي هو شيخ القبيله ....!!!

آخر من قام بالتعديل البرق انار لي ظلالي; بتاريخ 15-03-2009 الساعة 09:53 PM.
البرق انار لي ظلالي غير متصل   الرد باقتباس
قديم(ـة) 15-03-2009, 09:55 PM   #8
عضو مبدع
 
تاريخ التسجيل: Aug 2008
المشاركات: 1,351
قوة التقييم: 0
عاشق الشمال is on a distinguished road
واللة منتب سهل لكن ربعك كلة واحد عندهم....الف شكر حوطى وسير لا تبطى
عاشق الشمال غير متصل   الرد باقتباس
قديم(ـة) 16-03-2009, 01:48 AM   #9
عضو ذهبي
 
تاريخ التسجيل: Oct 2008
البلد: بين ألوان الغروووب
المشاركات: 2,020
قوة التقييم: 0
لحظة غروووب is on a distinguished road
هههههههههههههههههههههه تحفه ها الحوطي


لحظة غروووب غير متصل   الرد باقتباس
قديم(ـة) 16-03-2009, 06:44 AM   #10
عضو ذهبي
 
صورة @اميره بكلمتي@ الرمزية
 
تاريخ التسجيل: Oct 2008
البلد: الرس
المشاركات: 2,156
قوة التقييم: 0
@اميره بكلمتي@ is on a distinguished road
هههههههههههههههههههههههه والله انك ذيب واضم صوتي لرساوي صميم
__________________
@اميره بكلمتي@ غير متصل   الرد باقتباس
إضافة رد


يتصفح الموضوع حالياً: 1 (0 من الأعضاء و 1 من الزوار)
 
أدوات الموضوع
طريقة العرض

قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق
Trackbacks are متاح
Pingbacks are متاح
Refbacks are متاح


مواضيع مشابهة
الموضوع الكاتب المنتدى الردود آخر مشاركة
تسري بقلبي ذكريات الحزن والليل الطويل الزعيمه منتدى الصور و هواة التصوير و الكمبيوتر و التقنية 17 22-12-2008 11:50 PM
انا والليل والعبره AMOOOL المنتدى الأدبي والشعر و الألغاز 6 10-11-2008 06:03 PM
في ضيافة الجن !!!! (حقيقه لاخيال ) لاتفووووتكم بندر ماغيره المنتدى الأدبي والشعر و الألغاز 12 24-09-2008 04:57 PM
إلغـاء القبيلة .... لمصلحة من ؟! البتار2008 المواضيع المنقولة وأخبار الصحف والوطن 0 04-08-2008 02:06 PM


الساعة الآن +3: 03:00 PM.


Powered by vBulletin® Version 3.8.7
Copyright ©2000 - 2017, vBulletin Solutions, Inc.
SEO by vBSEO 3.6.0 ©2011, Crawlability, Inc.
هذا المنتدى يستخدم منتجات بلص

1 2 3 4 5 6 7 8 9 10 11 12 13 14 15 16 17 18 19