عـودة للخلف   منتديات الرس اكس بي > منتديات الرس اكس بي > المنتدى العام والمواضيع المتنوعة
التسجيل الأسئلة الشائعة التقويم تعليم الأقسام كمقروءة


المنتدى العام والمواضيع المتنوعة الموضوعات العامة والمناقشات والحوارات الهادفة، والتي لا علاقة لها بأقسام المنتدى الأخرى.

إضافة رد
 
LinkBack أدوات الموضوع طريقة العرض
قديم(ـة) 20-03-2009, 11:15 PM   #1
عضو ذهبي
 
صورة سحاب الشمال الرمزية
 
تاريخ التسجيل: Aug 2006
المشاركات: 2,121
قوة التقييم: 0
سحاب الشمال is on a distinguished road
وارض...................................؟؟؟؟؟؟

القصيدة منقوله

يالله ياخالـق اراضيـن وابحـار **** الـواحـد المعـبـود رازق عبـيـده

الخالق الغفار عـلام الاسـرار **** وفـرق شعـوب الارض فـي كـل يـده

وابدي واسولف من عذيبات الاشعار **** ابيات شعر والمعانـي وكيـده

اشري وابيع واعرف كيف بختار **** واختار من جـزل البيـوت الفريـده

وذكر تراث وعـز وامجـاد وافخـار **** قبائـل تومـن بديـن وعقيـده

وصلت حضارتنا على سطـح الاقمـار **** ابنـا الجزيـر والجزيـره مجيـده

في ظل حكام لهم فعـل واشـوار **** ال السعـود اللـي تفـك الضهيـده

نسل الزعيم الحاكم العـادل البـار **** مجـدد امجـاد الجزيـره بجيـده

حتى اصبحت حره وحنا له انصار **** في ظل اخـو نـوره هنـوف سعيـده

وصارت لابو تركي بطوله وتذكار **** والفخـر والامجـاد تبقـى شهيـده

وخلف لنا املوك لهم فعل واخبـار **** الشعـب واحـد والقيـاده رشيـده

والامن بانينه على ساس وجدار **** وقرو علـى العابـث عقوبـه شديـده

وحنا حماة الدار من كـل غـدار **** ومـا همنـا بطشـه وخبثـه وكيـده

قبائـل مالحقناهـم اوعـار **** وعشنـا بهـذي الـدار عيـشـه رغـيـده

والحمد لله نحمده سر واجهـار **** شعـب تكاتـف مـن سنيـن مديـده

ودون الوطن جيش على كل معبار **** لارفرف البيـرق ونـادى عقيـده

بشرق البلاد وغربها دوم حضار **** وارض الشمال اللـي نفـوده مديـده

وارض الجنوب اللي تخيضر بالاشجـار **** جزيـرة فيهـا القبايـل عديـده

ارض بها قحطـان وافيـن الاشبـار **** وياعـز منهـم بالشدايـد بسيـده

واذكر عتيبه يوم للطيب مغـوار **** لا ثـارت الهيجـا وقـرب ضديـده

وشمر هل الطولات والجود مقدار **** اهل الكرم واهل الفعـول الحميـده

وقوم اعنزه مروين الاخصام الامرار **** اولاد وايـل مـن عصـور عهيـده

ومطير قوم تكرم الضيف لا زرار **** وياويـل خصـم فـي حراهـم وعيـده

واذكر قبيلة حرب يانعم الاخيـار **** وتاريخهـم يحكـي سطـور مجيـده

وسبيع نعم القوم ووجيه الاسفار **** زبن الدخيل ليـا زبـن مـن طريـده

واذكر قبيلة يام والطيـب ينـدار **** اهـل العلـوم الوافيـه والرشيـده

ثم الدواسر تجعـل الخصـم منهـار **** عيـال زايـد عـز منهـم سنيـده

ثم السهول اللي لها الطيب مدرار **** وعن منهج العادات ماهـي محيـده

ثم اذكـر العجمـان حمايـة الجـار **** والمرجلـه والجـاه فيهـم عتيـده

واذكر بني مره طويليـن الاعمـار **** مـا ينقـد المـري ولا لـه نقيـده

ثم الهواجر لابة تقـدح النـار **** اهـل الركـاب اللـي خطاهـا بعيـده

واذكر بني خالد قبيلة وامار **** قوم لهـم فـي المجـد قـول ورصيـده

وبني تميم اللي لها الطيـب مصـدار **** بنـي تميـم وكـل فعـل تجيـده

ثم الزعوب اللي بها الخصم يحتـار **** شجعـان ماترضـى سـوا ماتريـده

العازمي وافي وفي الطيب بيطار **** روحه على كـل المصاعـب صميـده

ثم الظفيري في المصاعيب جبـار **** والطيـب والامـداح باصلـه وطيـده

ثم اذكر الاشراف بجلال واكبار **** اهـل الحجـاز اللـي تفـك الزهيـده

ثم الهذيلي له مواقف ومندار **** راعي الفخـر راعـي العلـوم السديـده

ثم البقوم اللي لهم جيش وامهار **** ريـف الضيـوف ليـا لفاهـم وليـده

واذكر ثقيف اللي لهم مجد وآثار **** ومهمـا حسبنـا مـن كـلام نعيـده

وبلحارث اهل العز بشهود واقـرار **** ا لحارثـي ياطيـب فعلـه وجيـده

والمالكي معروف لا صار ما صار **** في موقف اهل الطيب يبذل جهيـده

واثني تحياتي عدد وبـل الامطـار **** علـى سليـم وكـل خصـم تكيـده

واذكر جهينه هل مواقيف وادوار **** تلقى الجهيني راسم الطيـب بيـده

واذكر بلي والمجدله فعل واظهار **** وتاريخهـم يحكـي فعـول فريـده

وبني عطيه في المواجيـب حضـار **** قـوم بوقـت الجـد قـوم عنيـده

ثم الحويطي والكرامه لـه اشعـار **** ثـم الشـراري لـه فعـول مفيـده

ثم الرشيدي في الصعيبات صبـار **** علـى علـوم الطيـب فعلـه يزيـده

وباقي جنوب الدار والقاف مادار **** باقي علـى قلبـي كـلام واشيـده

زهران نعم القوم في وقت الاضرار **** والخصم عينه مـن لقاهـا سهيـده

والغامدي معروف له عزم واصرار **** راعي المراجـل والعلـوم المفيـده

وشمران قوم والجمايل لهـا اطـوار **** وبلقـرن سـم للقلـوب النكيـده

والاكلبـي والمحلفـي مابعـد بـار **** والحارثـي طيبـه وفعلـه يشيـده

وبني شهر وبني عمر سيـف بتـار **** قـوم علـى الاخصـام نـار وقيـده

والاسمري والاحمري صيتهم سـار **** بيـن القبايـل والمواقـف شهيـده

واذكر عسير الهول ذربين الاذكار **** وابها احتموها فالسنين الشديـده

وادهم والصيعر على حد الاقطار **** يحمون حد الدار مـن اللـي يريـده

وامشي مع الساحل مع جملـه افكـار **** رسمتهـا والطيـر زان اتغريـده

وانزل على جيـزان تاريـخ واديـار **** ورجـال فيفـا والقبايـل عديـده

وارجوا العذر واهل المواجيب عذار **** الي نسيته مانذكر في القصيـده

الواهبي عـدد ابيوتـه بـالادوار **** مـن شاعـر ماشـل قلبـه حقيـده

شهران ربعي هم هل المدح والكار **** واهل الكند واهل السيوف الجديده

يوم البلد مايامن الزنـد لاثـار **** زيزومنـا ابـن مشيـط نعـم الوليـده

فالجهل شجعان وفي السلـم تجـار **** مـن بطـن بيشـه للتهـم لارفيـده

حبيت ابين موقفي بين شعار **** وارجـوا سموحتكـم علـى ذا النشيـده

ماحب انافق واتعنصر تعنصار **** ولا نـي باطيـع اهـل العقـول البليـده

ما كل من طب البحر قيل بحار **** وما كل من شل الفشـق جـاب صيـده

فالشعـر بستـان بـه ورد وازهـار **** واللـي تعداهـا بيوتـه فقـيـده

واقولها في الشعر تكرار وامرار **** ضـرف بـلا عنـوان يلغـى بريـده

وبعض السوالف له مواقف ومحضار**** وشعـر بـلا معنـى لـزوم نبيـده

وصلوا على المرسول شفـاع الابـرار**** محمـد الهـادي وقـدوة عبيـده

من لقى اسم قبيلته يسدحها لنا ببيتها
وارجو السمووحه من الدول المجاوره
__________________
‎‎
‎ يارب علمني كيف اسعد اكبر عدد من الناس علمني كيف ابعث الامل في قلب كل يائس وارسم الضحكات علي شفتي كل حزين وامسح الدموع من كل العيون الباكيه ..واكون قرة عين الجاهلين وازرع محبة الناس لى والكون كلة واجعلنى نورا دئما فى وجهة الظالمين ولا تتركنى حزين مسجون فى همومى وابعثى فى روح المحبة للمحبين والمخلصين على صراطك المستقيم..اللهم امين ..


سحاب الشمال غير متصل   الرد باقتباس

 
قديم(ـة) 20-03-2009, 11:23 PM   #2
عضو مبدع
 
تاريخ التسجيل: Sep 2008
البلد: في قلبهااا
المشاركات: 1,472
قوة التقييم: 11
القول البليغ is on a distinguished road
اقتباس:
ثم اذكـر العجمـان حمايـة الجـار **** والمرجلـه والجـاه فيهـم عتيـده

على طلبك

وإن كنت أرى أن فيها فخرا بالأنساب
القول البليغ غير متصل   الرد باقتباس
قديم(ـة) 20-03-2009, 11:23 PM   #3
عضو بارز
 
تاريخ التسجيل: May 2007
البلد: بلاد الله
المشاركات: 465
قوة التقييم: 0
المثالي is on a distinguished road
قصيدة ممتازة ياراجل هكذا يجب ان يكون الشعر نافيا للعنصرية والعصبية فكل القبائل لها امجاد وبها الطيب والردي ما فيه قبيلة تجمع الطيب بلا ردى والا العكس ابدا فما فيه داعي كل يهايط قبيلتي اطيب وقبيلتي اطيب معلووووم ؟؟
المثالي غير متصل   الرد باقتباس
قديم(ـة) 20-03-2009, 11:41 PM   #4
عضو بارز
 
تاريخ التسجيل: Apr 2008
المشاركات: 470
قوة التقييم: 0
خالد الغفيلي is on a distinguished road
Thumbs up

اقتباس:
المشاركة الأساسية كتبها سحاب الشمال مشاهدة المشاركة
القصيدة منقوله


ثم اذكـر العجمـان حمايـة الجـار **** والمرجلـه والجـاه فيهـم عتيـده

__________________
خالد الغفيلي غير متصل   الرد باقتباس
قديم(ـة) 20-03-2009, 11:45 PM   #5
عضو متألق
 
تاريخ التسجيل: Sep 2007
المشاركات: 700
قوة التقييم: 0
حوطي من الرس is on a distinguished road
وارجوا العذر واهل المواجيب عذار **** الي نسيته مانذكر في القصيـده

آخر من قام بالتعديل حوطي من الرس; بتاريخ 21-03-2009 الساعة 12:09 AM.
حوطي من الرس غير متصل   الرد باقتباس
قديم(ـة) 20-03-2009, 11:53 PM   #6
عضو مميز
 
تاريخ التسجيل: Jul 2008
المشاركات: 286
قوة التقييم: 0
أسير الليالي is on a distinguished road
والنعم في الشعب السعودي كله
__________________
تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً
أسير الليالي غير متصل   الرد باقتباس
قديم(ـة) 21-03-2009, 12:02 AM   #7
عضو مميز
 
تاريخ التسجيل: Oct 2008
المشاركات: 143
قوة التقييم: 0
ليالي الرس is on a distinguished road
ومطير قوم تكرم الضيف لا زار **** وياويـل خصـم فـي حراهـم وعيـده


وهذه بعض الأبيات ،،،



مطير بيـن القبايـل صيتهـا عالـي
في معجـزات القبايـل واهـل الـرده

فارس من مطير عن تسعيـن خيالـي
محسوب وقت اللقاء في في حزة الهده

دون الخوي في المواقف يرخص الغالي
والجارله شيمتـه لـو طالـت المـده
ليالي الرس غير متصل   الرد باقتباس
قديم(ـة) 21-03-2009, 12:09 AM   #8
عضو بارز
 
صورة لاصق بشوشتي علك الرمزية
 
تاريخ التسجيل: Jul 2007
البلد: الرس
المشاركات: 382
قوة التقييم: 0
لاصق بشوشتي علك is on a distinguished road
ثم الرشيدي في الصعيبات صبـار **** علـى علـوم الطيـب فعلـه يزيـده
لاصق بشوشتي علك غير متصل   الرد باقتباس
إضافة رد


يتصفح الموضوع حالياً: 1 (0 من الأعضاء و 1 من الزوار)
 
أدوات الموضوع
طريقة العرض

قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق
Trackbacks are متاح
Pingbacks are متاح
Refbacks are متاح


مواضيع مشابهة
الموضوع الكاتب المنتدى الردود آخر مشاركة
الى عنده معلومه يتفضل ؟؟؟؟؟؟ @&اميرة الكلمه&@ المنتدى العام والمواضيع المتنوعة 16 17-03-2009 11:51 AM
تبين تشوفين حظك ..؟؟؟؟؟؟ همس منتدى الرياضة و السوالف المتنوعة 15 11-01-2009 02:40 AM
يـــســتــاهــلـــون أهـــل الــرس .....!!!!!!؟؟؟؟؟؟ الشموخ333 المنتدى العام والمواضيع المتنوعة 8 06-10-2008 07:09 AM
مس شخصيات لو خيروك بينهما ماذا ستختار ؟ ؟؟؟؟؟؟ سلطانة زمانها منتدى الرياضة و السوالف المتنوعة 25 18-09-2008 05:51 PM
طرائف وعيوب المهرجان ؟؟؟؟؟؟ الـشـفـق منتدى الافراح والمناسبات و التغطيات والتهاني 7 13-08-2008 11:08 AM


الساعة الآن +3: 09:00 PM.


Powered by vBulletin® Version 3.8.7
Copyright ©2000 - 2017, vBulletin Solutions, Inc.
SEO by vBSEO 3.6.0 ©2011, Crawlability, Inc.
هذا المنتدى يستخدم منتجات بلص

1 2 3 4 5 6 7 8 9 10 11 12 13 14 15 16 17 18 19