عـودة للخلف   منتديات الرس اكس بي > منتديات الرس اكس بي > المنتدى العام والمواضيع المتنوعة
التسجيل الأسئلة الشائعة التقويم تعليم الأقسام كمقروءة


المنتدى العام والمواضيع المتنوعة الموضوعات العامة والمناقشات والحوارات الهادفة، والتي لا علاقة لها بأقسام المنتدى الأخرى.

إضافة رد
 
LinkBack أدوات الموضوع طريقة العرض
قديم(ـة) 27-03-2009, 10:33 PM   #1
عضو أثري
 
تاريخ التسجيل: May 2002
البلد: غير معروف
المشاركات: 12,708
قوة التقييم: 30
هزيم الرعد is a jewel in the roughهزيم الرعد is a jewel in the roughهزيم الرعد is a jewel in the rough
Thumbs up مهرجان الكليجا ..تغطية بالصور

بسم الله الرحمن الرحيم
حيث أننا عائلة متفاهمة ولله الحمد ...وحيث أنني أب حنون ...ومنب أهاوش عيالي إذا أخطأوا ... بل أبرحهم ضربا ورفسا وتلفيعا ...وحيث أن علم النفس الحديث يقول ...لفع ولدك ولاتهزؤه بالكلام عشان مايتعقد
.
.
أقول لكم حيث هالهرج اللي فوق ...عرضت على العائلة الكريمة القيام هذا اليوم بزيارة إلى مهرجان الكليجا في المركز الحضاري في بريدة ...للوقوف على هذا المهرجان وزيارته والتفرج عليه والشراء منه لأنني من محبي الكليجا
اتجهت القافلة في تمام الساعة الثلاثة وقنزة من الدقائق ...ووصلنا ولله الحمد الساعة الرابعة ...
حيث أننا وصلنا مكان المهرجان ولايجود إبن ابوه من الناس ...أثر الناس مايجون إلا متأخرين ...فقلنا بأن الأمر خيرة بإذن الله ...فقمنا بالتمشي قليلا وآداء صلاة العصر منداخل المقر همن صورنا كمن صورة
ويوم درينا ويجون الناس كب مرتن وحدة لا اله إلا الله
لا نطيل عليكم ونوريكم الصور
أولا ...
أوقفنا راحلتنا هنا وترجلنا
صورة الراحلة وهي ملبقة جنب راحلة أخرى ..ويلاحظ خلو المواقف من السيارات بعكس يومننا جينا نطلع تعصرت سيارتنا لمين طلعت ياحول ...

.
.
أصريت وألحيت على دحومي إني أصوره هنا ...ولكنه أبدى غضبه وامتعاضه ويبدو لي عدم رضاه بالصورة

.
.
مدخل المهرجان ويظهر لكم عدم وجود أحد وهذي دلالة قوية على إننا مبتسرين بالمرة لكن خيرة

.
.
الشباب الله يصلحهم قولوا آمين ...جلسوا على هالكليجا الكبيرة وامتلت ثيابهم عسل

.
.
في هذا المكان يتم تقديم القهوة والشاهي والكليجا للضيوف ...وهنا صلينا العصر ولله الحمد

.
.
الوجار اللي مايبهر من الحطب

.
.
حركة يقال لها تركيز اللون ... يعني هنا مايظهر إلا اللون الأحمر ومشتقاته << صار بترول

.
.
وهنا اللون الأزرق

.
.
لقطة للمكان مرة أخرى

.
.
وهذا هو المبشور حق المهرجان << قصدك البروشور يالقروي ...ايه هذا قصدي
الكليجا ..زاد الأجداد ..واستثمار الأحفاد

.
.
صور مزيد من

.
.

.
.
أم خالد ماجت مدري وراه

.
.
هزا كيلزا مية مية سديق شيل بيت

.
.
الكليجا في كل مكان

.
.
هذا كان جاي حاااار طازج وأخذت منه

.
.
لأول مرة بالعالم ....الكليجا المحار

.
.
وهذا قسم الأكلات الشعبية بس ماجوا للحين وفيه بعضهم جايين بس صعب تصور حريم ما احد يرضاه لأهله طبعا << هجت به النصايح

.
.
قسم كلية التقنية

.
.
وهنا قسم خاص لإختراعات الأستاذ عبدالرحمن محمد الأردح ...ماشاء الله له اختراعات عديدة

.
.
وهنا اختراع له بعمل سخان ماء بالغاز ...يصلح للبر ايام الكنة << عامل فيها يعرف النجوم

.
.

.
.
وهذا كليجا مقاس كبير ...شوفوا الصورة همن ابقول لكم شي

.
.
قلت له ياخي الكليجا يجيب القداد ويلعب بالمعدة ..قال لأه يباشا ...ده كليقا معمول مخصوص للي بيعانوا من مشاكل بالمعدة ... قلت وش لوون ؟
قال ده مخلوط مع عقينتوه .. زانتاك 75 مج

طبع هالهرج من عندي
طبعا قلت له انهم ناوين يسوون كليجا قطرها 7 متر ومير ينطون بي هالأثنين المصاريا قال طب إزاي حتنتفخ وتأب أب << يعني تقبقب يصير له قبة
قال ديت وهيا صغيرة بتفش بعد فترة ...طب أزاي أم 7 متر ...
قلت عاد والله مدري
قال ممكن عيعملوا لها حديد قوا يرفعها ...أو حيخلوا واحد يخوش قوا يمسكها ..وضحكنا ومشيت وخليتهم
.
.
وهذا قسم حايل
حبق ورز تمن وقرص فريك " يسمونه اسم الظاهر انه جمرية أو شي من هالقبيل "
وقشد ...قشدهم يذكرن بخيول أبطال فرجينيا اللي مرنقطات...وعنده الليمون بالنعناع ... رايق بالحيل اللي يروح ياخذ منه ..ورخيص بريال الصغير بس عيبه انه بارد بزود اللي معه بزارين او هو يتحسس من البارد لا ياخذ

.
.
القشد ورز التمن والجمرية وفيه حبق بعد ..ومعروف حبق حايل

.
.
وعنده لقيت الأستاذ حمود الرميحي وسلمت عليه ولزمت عليه بصورة




بعد ذلك اتجهنا إلا قسم الأكلات الشعبية الأسر المنتجة ..
لكن فيه صعوبة كبيرة بالتصوير لأن به حريم واجد ...لكن يوجد فيه أكلات شعبية مرقوق جريش مطازيز فيش زينجر << نصاب
والكثير الكثير من الأكلات ....الشعبية
وهناك لقيت حمود وأولاده ...والأستاذ البطاح معلم ولدي صالح واستغليت الفرصة وأخذت لهم صورة ثانية

.
.
وهنا لقى صالح صديقه بالمدرسة ..وسلم عليه
بس صديقه شوي تعبان يعني مهوب صحيح بالحيل ياحول ...عموما لزمت عليهم اني اصورهم وهم مع بعض
.
.
.
.
.
.
.
.
.
.
.
.
.
.
.
.
.
.

.
.

.
.
.
وأخيرا طلعنا من المهرجان بعد أن بدأ يكتظ بالناس بكثرة....دخولنا باكرا أتاح لنا الفرجة قبل الزحمة وأخذ فكرة عن المهرجان
أنصحكم بزيارته ..بس إذا ماجاز لكم منب مسؤول
المهرجان من 27 /3 ..حتى 7/ 4
صباحا للرجال ...ومن الساعة 4 عصرا حتى الـ 11 ليلا عوائل
يوجد دورة مياه ومسجد للرجال ومثله للحريم
تقرير بسيط عادي مابه زود ولاهوب لم سنع بس عن قولت
صورتين لبداية الإكتظاظ

.






والسلام عليكم ورحمة الله وبركاته
أخوكم هزيم الرعد -- بروكسل -- شارع الجريف -- نطح نادي الخلود

آخر من قام بالتعديل هزيم الرعد; بتاريخ 27-03-2009 الساعة 10:53 PM.
هزيم الرعد غير متصل   الرد باقتباس

 
قديم(ـة) 27-03-2009, 10:57 PM   #2
عضو ذهبي
 
صورة وليد ابو شيبه الرمزية
 
تاريخ التسجيل: Mar 2008
المشاركات: 3,293
قوة التقييم: 0
وليد ابو شيبه is on a distinguished road
ماشاء الله تبارك الله اهل بريده سنعين

يعطيك العافيه والله كاني بالسوق
وليد ابو شيبه غير متصل   الرد باقتباس
قديم(ـة) 27-03-2009, 10:59 PM   #3
عضو أثري
 
تاريخ التسجيل: May 2002
البلد: غير معروف
المشاركات: 12,708
قوة التقييم: 30
هزيم الرعد is a jewel in the roughهزيم الرعد is a jewel in the roughهزيم الرعد is a jewel in the rough
اقتباس:
المشاركة الأساسية كتبها وليد ابو شيبه مشاهدة المشاركة
ماشاء الله تبارك الله اهل بريده سنعين

يعطيك العافيه والله كاني بالسوق
اي والله سنعين ...والرس ان شاء الله سنعين
أشكرك على المرور ولاهنت
هزيم الرعد غير متصل   الرد باقتباس
قديم(ـة) 27-03-2009, 11:00 PM   #4
مشرف المنتدى العام
عضو مجلس الإدارة
 
صورة سيف الرعد الرمزية
 
تاريخ التسجيل: Nov 2003
البلد: رساوي حفراوي نجداوي شمالي
المشاركات: 14,742
قوة التقييم: 31
سيف الرعد has a spectacular aura aboutسيف الرعد has a spectacular aura aboutسيف الرعد has a spectacular aura about


هههههههههه
اخونا
ابو صالح
انت تحفة
مع الكليجاء
اجل رايح بدري هاه
ورى ما مريت سوق الفقع عشان تكمل فقع وكليجاء

تقبل مروري
والله يصلح لك العياااال بس عاااد لا تكفخهم واجد
ترى ينهزم الهلال

ولك


تحيتي
__________________


(خليفة الخليفة)
تسرني متابعتك تويتر وسناب شات وانستقرام
khalifam2@
سيف الرعد غير متصل   الرد باقتباس
قديم(ـة) 27-03-2009, 11:07 PM   #5
عضو ذهبي
 
صورة غليص ولد رماح الرمزية
 
تاريخ التسجيل: Sep 2007
البلد: في بلاد الحرمين
المشاركات: 3,974
قوة التقييم: 0
غليص ولد رماح is on a distinguished road
يامال العافيه كفيت وفيت طال عمرك

يلزمنا روحة ونضف من الكليجا
غليص ولد رماح غير متصل   الرد باقتباس
قديم(ـة) 27-03-2009, 11:21 PM   #6
عضو أثري
 
تاريخ التسجيل: May 2002
البلد: غير معروف
المشاركات: 12,708
قوة التقييم: 30
هزيم الرعد is a jewel in the roughهزيم الرعد is a jewel in the roughهزيم الرعد is a jewel in the rough
اقتباس:
المشاركة الأساسية كتبها سيف الرعد مشاهدة المشاركة


هههههههههه
اخونا
ابو صالح
انت تحفة
مع الكليجاء
اجل رايح بدري هاه
ورى ما مريت سوق الفقع عشان تكمل فقع وكليجاء

تقبل مروري
والله يصلح لك العياااال بس عاااد لا تكفخهم واجد
ترى ينهزم الهلال

ولك


تحيتي
اي والله يابومحمد بدري ... ولولا وجود رجال الأمن منداخل تسان انواع الذراقة << يقال لك خواف
الفقع اشوفه بالرس بالدوار الجنوبي ..بس ياخوك وش هالفقع اللي للحين .. يبي يدخل الوسم التالي وهم يبيعونه
بالنسبة للعيال ...إذا هزيمة الهلال بضربهم ..عز الله اللي ماجاهم ولانتفة ضربة
تسلم يابومحمد ولاهنت
هزيم الرعد غير متصل   الرد باقتباس
قديم(ـة) 27-03-2009, 11:26 PM   #7
مشرف سوبر
 
صورة عاشق المجاهيم الرمزية
 
تاريخ التسجيل: Mar 2006
البلد: ... كنّا بالغبيه :( ...
المشاركات: 5,555
قوة التقييم: 21
عاشق المجاهيم is just really niceعاشق المجاهيم is just really niceعاشق المجاهيم is just really niceعاشق المجاهيم is just really niceعاشق المجاهيم is just really nice
الله الله

وش هالتقرير والتعليقات الحلوه يا أبو صالح

شئ حلو صراحة .... والأجمل إن فيه إقبال على المهرجان

عموماً ... الكليجا لو تبتل تدور منتب لاقي زي اللي يجبون أهلي مدري منين << يقاله جايب علم

عاد تصدق .... معي واحد بالجامعة من الزلفي ... مبلش واحد من الشباب من بريدة ... كل أسبوع يوصيه يجيب له كمن تنكه كليجا ....

يقول راعي بريدة .. والله إن أشك فيه .. قصدي أشك بههه ... ياكثر ما يآخذ من كليجا شكله يبيع بالزلفي


أحلى ما بالموضوع زميل صلوحي ككك شكله دايم يشوفه بالمختبر بمدرستهم :)


مشكور يا هزيم
عاشق المجاهيم غير متصل   الرد باقتباس
قديم(ـة) 27-03-2009, 11:29 PM   #8
عضو اسطوري
 
صورة ايامى طيف الرمزية
 
تاريخ التسجيل: Jan 2008
البلد: بين احبتي
المشاركات: 8,818
قوة التقييم: 18
ايامى طيف is on a distinguished road
تقرير وتصوير رائع

الحمدلله وفرت علينا الروحه بتقريرك


يعطيك العافيه
__________________
ايامى طيف غير متصل   الرد باقتباس
قديم(ـة) 27-03-2009, 11:34 PM   #9
عضو ذهبي
 
صورة @اميره بكلمتي@ الرمزية
 
تاريخ التسجيل: Oct 2008
البلد: الرس
المشاركات: 2,156
قوة التقييم: 0
@اميره بكلمتي@ is on a distinguished road
يعطيك العافيه ياااااااسفابه ليتي حاضره
__________________
@اميره بكلمتي@ غير متصل   الرد باقتباس
قديم(ـة) 27-03-2009, 11:46 PM   #10
عضو أثري
 
تاريخ التسجيل: May 2002
البلد: غير معروف
المشاركات: 12,708
قوة التقييم: 30
هزيم الرعد is a jewel in the roughهزيم الرعد is a jewel in the roughهزيم الرعد is a jewel in the rough
اقتباس:
المشاركة الأساسية كتبها غليص ولد رماح مشاهدة المشاركة
يامال العافيه كفيت وفيت طال عمرك

يلزمنا روحة ونضف من الكليجا
الله يعافيك ياغليص ...
والكليجا مثل مايقولون بالمثل الشعبي اليوناني ...الكليجا مسامير الركب
هزيم الرعد غير متصل   الرد باقتباس
إضافة رد


يتصفح الموضوع حالياً: 1 (0 من الأعضاء و 1 من الزوار)
 
أدوات الموضوع
طريقة العرض

قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق
Trackbacks are متاح
Pingbacks are متاح
Refbacks are متاح


مواضيع مشابهة
الموضوع الكاتب المنتدى الردود آخر مشاركة
الله من التهوله : مهرجان الكليجا في بريده !!! السلطه الخامسه المنتدى العام والمواضيع المتنوعة 32 24-03-2009 03:24 AM
|| أغلب انــــــاشيـــــد وكليبـــــات قنــــاة شــــدا || مهندس حرف منتدى الصور و هواة التصوير و الكمبيوتر و التقنية 7 21-03-2009 04:14 PM
تغطية اليوم الاربعاء مهرجان الرس 29منتزه القشيع-حديقة الامير فيصل بن بندر Mr.xp منتدى الافراح والمناسبات و التغطيات والتهاني 11 15-08-2008 12:56 PM
تغطية زيارة نائب أمير المنطقة مهرجان الرس السياحي 29 . Mr.xp منتدى الافراح والمناسبات و التغطيات والتهاني 7 12-08-2008 07:25 PM
اليوم ( الثاني ) من مهرجان الرس السياحي ،، [ تغطية قــويــة ] القــادم بقوة ؟ منتدى الافراح والمناسبات و التغطيات والتهاني 41 10-08-2008 03:14 AM


الساعة الآن +3: 12:30 PM.


Powered by vBulletin® Version 3.8.7
Copyright ©2000 - 2017, vBulletin Solutions, Inc.
SEO by vBSEO 3.6.0 ©2011, Crawlability, Inc.
هذا المنتدى يستخدم منتجات بلص

1 2 3 4 5 6 7 8 9 10 11 12 13 14 15 16 17 18 19