شعبيات فون

[المهره]

....خلها بالقب...

خلها في القلب تحرق مابقى
عادتي ماشكي على غيري عناي
كل واحد من عناء الدنيا لقى
مشغله والحب هو سبه بلاي
يوم راح اللي معه قلبي هقى
اكمل احزاني وفي قربه هناي
اكمل المشوار انا ويا الشقى
وانسحب في صمت والذكرى عزاي
يكفي ان الحب في قلبه رقى
مثل ماحبه تمكن في حشاي
لو زمانه با لهناء عاد وسقي
. قلبي العطشان مايروي ضماي
لو عطاني من ماي عينه مابقى
ماتساوي ضحكت الغالي معاي

!
!

[أمواج القـدر]

قالوا وهم وأقول عيشوا بالأوهـام
...........................الحب وصل وصد والصـد ياجـع
هات دليلك وإترك سـرد الأفـلام
............................أنـا دليلـي عندنـا لـه * مراجـع *
كف بلاك ولا نبي مِنـكْ إخصـام
.............................خلـك بحالـك قلّبـــ لي المـواجـع
إنت وأنـا والوقـت قـدام قـدام
.............................يومن سألتك قلت القلـب هاجـع
الحب له سلم وقوانيـن وأحكـام
.............................والهجر له تعميم سـري وفاجـع
جاني بقلبٍ من عنا الوقت منضام
..........................وزرعت في وسطه زهورالأراجـع
وعاهدني بدين الوفا دين الإسـلام
...............................يبقـى حبيـب ولا بحبـه تراجـع
هام بغلا من هامته ليـن الإبهـام
...........................و حمام حبه من عنا الهجر ساجع
لو غاب يوم إثنين عشره شهر عام
...............................تراه مهمـا يبعـد اليـوم راجـع
تلين القلب القـوي كثـر الأحـلام
.............................وتقوي القلب الضعيـف الفواجـع

[أمواج القـدر]

يـاالله يالـلي بـك وبآآآياتـك آمنـت
,,,,,,,,,,,,,,,,,,,,,,,,وآمنت في رسلـك وفـي معتقدهـا

يا ملتجـاي ومزبنـي بـك تزبنـت
,,,,,,,,,,,,,,,,,,,,,,,,,مالي سـوا زبنـاك مزبـن بعدهـا

ضاقت علي ولالتفريجهـا إلا أنـت
,,,,,,,,,,,,,,,,,,,,,,,,,ياميسـر العسـرات حلـل عقدهـا

يارب ياللـي لـك تذللـت وأذعنـت
,,,,,,,,,,,,,,,,,,,,,,,عبـدك دعـاك بساعتـ(ن)مارقدهـا

مااقول في نضـم القوافـي تفننـت
,,,,,,,,,,,,,,,,,,,,,,,فنـي بهـا عـن ناقـد(ن)يـنــتــقدهـا

منصاي لك ياللـي بقـدري تهاونـت
,,,,,,,,,,,,,,,,,,,,,,,متهقويـن فـي هــقــوتـن ماوجدهـا

ماجيت لك ناقـص تعاليـم لاهنـت
,,,,,,,,,,,,,,,,,,,,,,,,وحده من السبحـه تنقـص عددهـا

يا زينهـا لـو ما بوجهـه تــشيـنـت
,,,,,,,,,,,,,,,,,,,,,,,كنه مشى بالحاجـه اللـي قصدهـا

ياصاحبي ويش ابن عمك وويش أنت
,,,,,,,,,,,,,,,,,,,,,إن مـا خدمـت النـاس لاتـنـتـقــدهـا

وأقول تبقى يا طموحـي كمـا كنـت
,,,,,,,,,,,,,,,,,,,,,ما للبـيـــوت وعـزهـا إلا عمـدهـا

انا لينـ اني قـلـت فعـلـ(ن) تبيـنـت
,,,,,,,,,,,,,,,,,,,,,وانـا الـذي لا قــالهـا ماجــحـدهـا

أخاف وارحـم واعفـي اذا تمكنـت
,,,,,,,,,,,,,,,,,,,وابقـى عزيز بشيمـتـ(ن )مافقـدهـا

اكتب حروف الشعروأسحب لها برنت
,,,,,,,,,,,,,,,,,,وأحلـهـا .. وأفـلـهـا .. وأعـقـدهـا

[أمواج القـدر]

ياسعود ردالعلم مادمـت أناديـك
,,,,,,,,,,,,,,,,,,,,,,,,ياسعود رده ياعريـب الخوالـي
خطـا رفيقـك مايغيـر مباديـك
,,,,,,,,,,,,,,,,,,,,,,,,,العلـم واضـح مايبيلـه سؤالـي
ماأظن تزعل من رفيقن مخاويـك
,,,,,,,,,,,,,,,,,,,,,,,يابن الرجال مقدريـن الرجالـي
مادام قلبـه ياسنافـي مصافيـك
,,,,,,,,,,,,,,,,,,,,,,,لاتخسره ياسعود طـول الليالـي
ماهوخطا قاصـد ونـاوي يخليـك
,,,,,,,,,,,,,,,,,,,,,,,,خطاه يمـزح ياكريـم السبالـي

وان كان تطلب حق تبشر ونعطيك
,,,,,,,,,,,,,,,,,,,,,,,أعطيك حقك فالبيـوت الجزالـي

من شاعرن مد القصيـده لياديـك
,,,,,,,,,,,,,,,,,,,,,من روس قومن ماتجيب الهزالـي

أبعترض ياسعود مانـي مخليـك
,,,,,,,,,,,,,,,,,,,,,,,أبعترض ياسعود جالـي مجالـي

لاتقطع الصحبه عسى الله يعافيـك
,,,,,,,,,,,,,,,,,,,,,,نصيحتي خذهاعلى كـل حالـي
الصاحب اللي مايعـزك ويغليـك
,,,,,,,,,,,,,,,,,,,,,,,بيعـه علـى ماقيـل ماهو بغالـي
وان كان صاحب ياسنافي وشاريك
,,,,,,,,,,,,,,,,,,,,,,عده على ماقيـل روس الطوالـي
ياسعودأنا طلبـك قصر خطاويـك
,,,,,,,,,,,,,,,,,,,,,,,,ورد القـدم مـن قـول وجدالـي
وصلاة ربي عد مـا قيـل لبيـك
,,,,,,,,,,,,,,,,,,,,وسط الحرم وعداد وبل الخيالـي

[البس الاسود]

أرخصت حبي ليه ياساكن الروح
= بعت الوفا يازين ويلك من الله
كان الهوى يجمعنا جسمين في روح
= ياحيف يالغدار تنساه كله
دور على غيري ترى انت مسموح
= ماعاد لي في شخص حبه مذله
قلبي وقفلته لوح ٍ على لوح
= والفكره اللي جبته ارجوك شله
خبرك تغير والخفي صار مفضوح
= هذي نهاية من تنكر لخله
مافادني كثر السهر فيك والنوح
= الله يصبر قلب مجروح يالله

[أمواج القـدر]

انا من وين ما وجهت الاقيها شقى وهموم
,,,,,,,,,,,,,,,,,,,,,,,,,,,,,اروح يمين والاشمال تعثرني مسافاتي

انا ليش الزمن ضدي ولاعمره ضحك لي يوم
,,,,,,,,,,,,,,,,,,,,,,,,ولوحتى ضحك لي شوي تكدر كل ساعاتي

بكيت ونحت لين تبين في عيوني وسوم
,,,,,,,,,,,,,,,,,,,,,قريب الشوف مني يروح من دموعي وعبراتي

اشكي حالتي لله وانا مالي عن المقسوم
,,,,,,,,,,,,,,,,,,,,,,,,,,,ليا قسى خلي بحكمه مالي غير اهااااااتي

انا ياخل وش سويت ورى حظي معك معدوم
,,,,,,,,,,,,,,,,,,,,,,,جزاي اني عطيت الحب وزدته فوق طاقاتي

انا لو صحت او انهرت فلاظني ابد مليوم
,,,,,,,,,,,,,,,,,,,,,,,,,,,,,,ولاظنيت احد مثلي يعاني كثر وناتي

انا راحل وفي دربي عواصف تحترق بسموم
,,,,,,,,,,,,,,,,,,,,,,,,,,,,,ع الله لو تذكر إنك سبايب كل معاناتي..

[البس الاسود]

دنيا تـدور أيـام ذكـراه بهمـوم
ياما بلت قلبٍ عـن الهـم سالـي
خبله مريح البال وأمضاه بالنـوم
وأهل الهوى يشكون ضيم الليالـي
أصيح أنا ياناس مظلـوم مظلـوم
وشلون نور العين يرضـى بدالـي
كاس الجفا يازين تـراه مسمـوم
وذبح البشر عنده أصبـح حلالـي
وإلى نهيت النفس القلـب ملـزوم
والنفس طوع القلب شرق وشمالي
مير الحظيظ اللي من الحب معصوم
يبات كـل الليـل نومـه عدالـي

[البس الاسود]

غريبة يـوم شفتـه يرتجينـي ** ودمع الشوق من عينه تهامل
بعد ماشفـت ماسـواه فينـي ** أحسبه في كلامة لي يجامـل
ولكن صار صادق نور عينـي ** شبيـه البـدر لامـنـه تكـامـل
انا كنت احسبة وينه وويني ** وربي جابني ماكنت انا أمل

[ســــاري]

هلاااا بالبــس الأســـود ذو القلب الأبيض << تلزّق بالمشرف

موضوعك صاااير مثل المدونــة حقت ناكخ كامخ عباارة الحااره <<ضرورة سجعية

بشارك معك بس مشكلتي ما أحفظ قصيييييد

بس خذ من التراااث :

يقولون بوووه هاااك الوااحد و الوااحد الله سبحااانه المعتلي بمتساااانه .....

و بالأخير :

و جيتكم من عندهم ماعطوني كسرة خبيييزة ..

و من الترااث :

ياساااري ســرى الليل << حافظه علشاان به أنااا

أبحااول أنكس مرتن ثانيه

محبك / ســـــــــــــاري ،،،،

[البس الاسود]

هلا و غلا بنور القلب ساري
حياك اخوي كلي لك


خنت العهد ياخاين العهد واقفيت .. من بعد ماحطمت معنى حياتي
انا اشهد انك ياهوى البال ماأقديت .. يومك نقضت العهد هو والوصاتي
ياصاحبي والله من يحمي البيت .. ماضن به مخلوق سوا سواتي
عامن وانا لانيب حيٍ ولاميت .. بين الجنون ومجلسي بالفلاتي
الا ذكر ايامنا ذيك ونيت .. ثم قلت ياعيني من الدمع هاتي