شعبيات فون

[البس الاسود]

ترجـّعـني لمـاضيك الطواري
ايا قلبي ..وانا من قبل اكابر
افكّر بك .. مثل ما أنت داري
واهوجس بك مثل ماكنت خابر
وابيت الليل مع ذكراك ساري
ادوّر لي الى صبحك معابر
كتبتك نبض اعجب كل قاري
خيالك حرف واحساسي محابر
انا لو كان حـظي باختياري
بنيت بساحة الراحه منابر
ولكنّ القدر ... فاق اقتداري
وخلّى .. حاضر الآمال غابر
وخلاّني مع نجومي السواري
على درب الاسى والصمت عابر
ربا دنياي ... لاعتها الذواري
وصارت من بعَد إنسي مقابر
كأنّ البيد وفجوج الصحاري
مع احزاني ... زنازين وعنابر
بغيت اكتم تباريحي واداري
بعد ما مرّت سنيني واصابر
واكفّ الدمع يوم الدمع جاري
ولكن لا متى ..والشوق جابر
اذا ماوحيت عبدالله الطواري
قطع من جيش صبري كل دابر
ورجعّني لماضيك اضطراري
وانا من قبل كنت اقسى واكابر

[البس الاسود]

يوم اقلبت.. صوت لها جرحي القديم..
يوم اقبلت .. طرنا لها انا وشوقي والنسيم..

وعيونها ..
عين المحتني وشهقت..
وعين حضنت عيني وبكت..
ويافرحتي..
الحظ الليله كريم.. محبوبتي معزومه من ضمن المعازيم.


في زحمة الناس صعبه حالتي..
فجأه اختلف لوني وضاعت خطوتي..

مثلي اوقفت تلمس جروحي وحيرتي..
بعيده اوقفت وانا بعيد بلهفتي..

ماحد عرف اللي حصل ..
وماحد لمس مثل الامل..

كل ابتسامه مهاجره جات رجعت لشفتي..
وكل الدروب الضايعه مني تنادي خطوتي..

ويارحلة الغربه.. وداعا رحلتي..

ياعيون الكون غضي بالنظر..
اتركينا اثتين عين تحكي لعين..
اتركينا الشوق ماخلى حذر..

بلاخوف بنلتقي.. وبلا حيرة بنلتقي..
بالتقي بعيونها وعيونها احلى وطن.. وكل الامان..

[البس الاسود]

سنين ابعد وجت همسه .. عادت حاضرين امسه*
رجعت امارس الاشعار .. بسجن حروفك الخمسه

بدأت تزهر كتاباتي .. وفاح العطر بأبياتي
لي جيت ابتعد عنك .. هرب من داخلي ذاتي

تعالي لاتخليني .. معك كامل عناويني
لي جيتي مع الاهداب .. نزعتي الشوف من عيني

احسك نغمه في صوتي .. واذوقك طعم في قوتي
تعالي نجمع الاطفال .. اهل الميلاد ياموتي

[البس الاسود]

لا ســقــاك الله يــايــوم الـسـفــر*
هـلـت العـبـرات سـاعـة الــوداع
أسبحي ياعيـن فـي بحـر السهـر

يـا سفينـه مـا يساعـدهـا شــراع
آه يـادنـيــا الـظـلـيـمـه والـقــهــر*

آه يادنـيـا المـتـاعـب والـصــراع
يـا معيـن اللـي علـى قفلـه صبـر

راحت الأيـام مـن عمـر الضيـاع
لا ســــلام ولا كــــلام ولا خــبــر

هددونـي فـي السفـر والإنقـطـاع
أختفت شمسه ضحى غاب القمر

لا شفـت لا نـور لا يوجـد شـعـاع
الأمــل مكـتـوم عقـبـك يـــا بـــدر

لو تشوف الحال ترجعلـي بسـاع

[البس الاسود]

هَبْ البَرَّادْ وزانت النفسيه والجو روعه والمشاعر حَيَّه
والغيم غطى الديره السحريه وجَادَتْ لك الأبيات يا مَغَنيها

غيم وسَعَةْ بال ومطر يا الغالي ولا طرى غيرك أبَدْ في بالي
قربك هَنَّاي وشوفتك تَحَلى لي ونفسي لأجل وصلك فِدا غاليها

صَبْ المحبه بأشرب مِنْ إدلالك وخل الكلام ومدّ لي فنجالك
أنا ما أروق إلا لا صَرّتْ قبالك لا يا بعد روحي ويا مداويها

فيك الجمال الطاغي المتباهي يا لذة السُكّر بكوب الشاهي
ملامحك فتنه وزينك راهي وأوصافك الفخمه من يجاريها ؟

وعيونك أليا سَلهَمَتْ ذباحه مرتاحه وما كِنها مرتاحه
نظراتها سحريه ولماحه الله يخليها لمن يرجيها

لبيه يا الوجه الجميل الهادي شوفك هوا نفسي وقربك زادي
حبك بـ وادي والبشر في وادي وعروق قلبي جَيَّتَكْ تحيِيّها

وينك ثلاث أيام فاقد صوتك ؟ ترى المَكابَر ضاع بين سَكوتِكْ
لا يسرقك عمر الغلا ويفوتك وتحوسَكْ الدنيا وتحزن فيها

دايم وجوالك يجيب الصدمه ! كل ما اتصل خارج نطاق الخدمه !!
إلى متى تبني الوصل وتهدمه ؟ الأيام من دُونك أنا ما أبيها

لا تلتفت للعالم النَقَادَه اللي على درب الردى مِعتَادَه
على العلوم الناقصه وَرَادَه مهما تسوي طيب ما يِرضِيها

[البس الاسود]

ابشر من عيوني الثنتين .. مثلك نلبّي مطاليبه
القلب ما يسكنه اثنين .. واحد ويكفيك تعذيبه

اهواك يا ناعس الطرفين .. وغيرك من الناس مالي به
عذبتني بالهوى يا زين .. تعذيب الاحباب راضي به

تلعب بقلبي هبوب البين .. ويبيع حبك ويشري به
الله واكبر سواد العين .. يسرق عيوني ولا ادري به

عليك يا باهي الخدين .. الهم يقبل ويقفي به
مجروح انا بالحشا جرحين .. والثالث انت تسابيبه

[البس الاسود]

غاب القمر .. وانهى السمر .. والأنس غاب
حب انعمر .. كيف اندمر .. واصبح خراب
من يوم غاب البدر في وسط السحاب

غاب الحبيب وغاب فرحي والسرور
وامضت ليالي الانس واظلم كل نور ..
واستسلمت روحي لأيام العذاب ..

من عقب مافارقت محبوبٍ حبيب*
زادت بي اللوعه وزاد بي اللهيب ..
والقلب من فرقا حبيب الروح ذاب ..

ليت الليالي تعيد وقت مضى
بعد الزعل والانس نرجع للرضى ..
هذا الذي برجيه واحسب له حساب ..

وأنا سبب نوحي وانا المخطي صحيح
وباعترف بالذنب للخل المليح ..
ننهي الخلاف وينتهي كل العتاب ..

بكتب له رساله وبهديه السلام
وازكى التحيه واعترافي بالتمام ..
وابرسل المكتوب وانتظر الجواب ..

حقه علي برضيه واعترف بخطاي
وانا بعد لي حق يمشي في رضاي ..
ولا نضيع فرصة ايام الشباب ..

[البس الاسود]

سمرت بصحبة حروف القوافي ..
احملها تناهيت خوافي ..
اشكل بالحروف الوان صوره ..
احركها من المعنى بصافي ..
اشيل الحرف من معنى لمعنى ..
واداري ما ظهر واظهر بخافي ..
وإلا مني عطيت الحرف ونه ..
بها حرفي على النجمات طافي ..
يقوم كل نجم من منامه ..
انا ما نيب اسامر نجم غافي ..
يجيني كل نجم منه معنى ..
ولا قد قلت للنجمات كافي ..
تصورلي دموع وابتسامه ..
من عيون تقصوت ما تشافي ..
الا يا نجم يا عالي تبصر ..
شف بعين المحبه عين وافي ..
وخبرني عن علومه وحاله ..
عسى قلبه مع الاشواق دافي ..
وخبر صاحبي عن حال خله ..
ترى يمشي على الاشواك حافي ..
ولو ممشاي في جمر يفيده ..
مشيت بجمرها كنه عوافي ..
ولكن وش يفيده لو ذبحني ..
ومن يوصف جماله عقب قافي

[ســــاري]

وإلا مني عطيت الحرف ونه ..
بها حرفي على النجمات طافي ..
يقوم كل نجم من منامه ..
::
الله الله ... صح لساان قايلهاا
وسلم الله نااقلهااااا ..

[البس الاسود]

هلا و غلا في ساري
ساري المفعول حبك بالضمير