عـودة للخلف   منتديات الرس اكس بي > منتديات الرس اكس بي > المواضيع المنقولة وأخبار الصحف والوطن
التسجيل الأسئلة الشائعة التقويم تعليم الأقسام كمقروءة


المواضيع المنقولة وأخبار الصحف والوطن المواضيع المنقولة من الانترنت وأخبار الصحف اليومية و الوطن.

إضافة رد
 
LinkBack أدوات الموضوع طريقة العرض
قديم(ـة) 25-04-2009, 10:25 AM   #1
عضو بارز
 
تاريخ التسجيل: Jul 2007
المشاركات: 687
قوة التقييم: 0
حمودي رساوي is on a distinguished road
شاب فقير خطب بنت عمه المليونير‎

شاب فقير خطب بنت عمه المليونير

وزود عمه طلباته عليه فقال القصيده:

سبحان من يرزق بتوع الملاييـن----- الرازق اللي ما يخيب الرجـا بـه

لي عم عنده معـرضٍ للصواليـن---- أموت واعرف بس من وين جابـه

وإذا سألته قـال بعـت الدكاكيـن------ما يدري إني ما هضمت الإجابـه

الشاهد إني رحت له قبـل يوميـن -----في قصره العامـر ودقيـت بابـه

قال ارحب ارحب عدّ ورد البساتين ----يا مرحبا باللـي لفـا يـا هلابـه

قلت البقا عـدّ النفـل والرياحيـن-------يا شيخ شمل اهل الكرم والذرابـه

قال اسلم الله يحفظك لي من العين -----وآمر أوامر حضرتـك مستجابـه

قلت الصراحة طالبٍ قرب غاليـن----ودي تزوجنـي كريمتـك يـابـه

ثنّى وقال اهليـن والله وسهليـن -----والكون ترخص لجل عينك رقابـه

لكن ترا عندي شـروط وقوانيـن-----قلت اشرط اشرط يا حبيب الغلابـه


قال أولاً مهر العروسـة ثمانيـن------ غير الرسوم وغير حق العصابـه


والثانية عمك يبي منـك سبعيـن-----رسم الأبـوّة والنسـب والقرابـه

وام العروسة حقها منـك ستيـن -----عشانها ست الحسـن والمهابـه

واخوانها كلن يبي منـك خمسيـن-------عداً ونقـداً تنـدرج فـي حسابـه

وخواتها الخمس اعطهن من ثلاثين---- عشان تتوثـق عـروق النسابـه

وتجيب طقم عيار واحد وعشريـن ---وخاتم من الماس المصفى ترابـه

واكياس متروسة كعوب وفساتيـن--- ألوانهـا واشكالهـا مـا تشابـه

وموتر بسواقـه وفيـلا بدوريـن ---أثاثهـا مـن بطرتـه ينحكـابـه


واحجز لنا قاعة بقصر السلاطيـن-----واحجز بهـا رقاصتيـن وربابـه

وامنع دخول اهل اللحى والبزارين----واعزم أميـر المنطقـة بالنيابـه


هذي الشروط اللي على بالي الحين----وذكرني اللي ما حسبنـا حسابـه

قلت اذكر الله يا عـدو المساكيـن---واستغفـره لا يبتلـيـك بعـذابـه


الظاهر إنك منت عارف أنا ميـن -----أنا لو ارقا فـوق متـن السحابـه

ما جبت حتى نص درزن مواعيـن-----واضحك بكيفك واعتبرهـا دعابـه

شروطكم هذي شـروط المجانيـن-----شروطكم شغـل ابتـزاز ونهابـه

شروطكم تقصم ظهـور البعاريـن---شروطكـم همّـن وغـم وكآبـه

شروطكم والله سيوف وسكاكيـن----تذبح بنات المجتمع مـع شبابـه

وين الرضا والعطف واليسر واللين---اللي ذكرهـا الله بمحكـم كتابـه

وين الصفات اللي أمرنا بها الديـن ----وين اختفى نهج النبي والصحابـه

يا عم جعل اللي خلقنا من الطيـن----- يرد عقلك مـن خطـاه لصوابـه

ويجعل نصيبي عند غيرك قل آمين------ ويحسن عزا الصابر ويجزل ثوابه

قال انت لو فكرت تفكير صاحيـن -----ما شفت في مجمل شروطي غرابه

حنا بعصـر العولمـة والمزاييـن -----ماهوب عصر الفلسفة والخطابـه

الناس تسعى للرتـب والنياشيـن---- وانت اهتمامك بالشعـر والكتابـه


والشعر ما ينفعك لو هو دواويـن ----ما دام جيبك مثـل بيـت الخرابـه

يا بوك لا تسمع كلام المصاخيـن----واسأل مجرب عاش في وسط غابه

قلت الله اكبر يا محـرر فلسطيـن ----من يسمعك يحسبك ذيـب الذيابـه

تراك شايب راس مالـك رياليـن ----والبنت ما تسوى جنـاح الذبابـه

قال انقلع مالت على وجهك الشين--- لا عاد اشوفـك عندنـا يالزلابـه

قلت ابشر ابشر لكن الباب من وين---- واقفيت من عنده على صوت بابـه[/
b][/size][/center[/size]]
__________________
تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً
حمودي رساوي غير متصل   الرد باقتباس

 
قديم(ـة) 25-04-2009, 01:31 PM   #2
عضو ذهبي
 
صورة فتى الرس الذهبي الرمزية
 
تاريخ التسجيل: Sep 2008
البلد: الرس
المشاركات: 2,525
قوة التقييم: 0
فتى الرس الذهبي is on a distinguished road
هههه بخيل من زود البخل طلب اللي ما يبيه مشكور وتقبل مروري
فتى الرس الذهبي غير متصل   الرد باقتباس
قديم(ـة) 25-04-2009, 01:58 PM   #3
عضو مميز
 
تاريخ التسجيل: Oct 2008
المشاركات: 116
قوة التقييم: 0
ابوركبة is on a distinguished road
صح لسانك تقبل مروري
ابوركبة غير متصل   الرد باقتباس
قديم(ـة) 25-04-2009, 02:36 PM   #4
عضو
 
تاريخ التسجيل: Aug 2008
المشاركات: 4
قوة التقييم: 0
صافي القلب is on a distinguished road
الله يعطيك الفقر
صافي القلب غير متصل   الرد باقتباس
قديم(ـة) 25-04-2009, 03:22 PM   #5
عضو اسطوري
 
صورة إبراهيم العبد الرحمن الرمزية
 
تاريخ التسجيل: Aug 2008
المشاركات: 10,894
قوة التقييم: 20
إبراهيم العبد الرحمن will become famous soon enough
صح لسانك تقبل مروري
إبراهيم العبد الرحمن غير متصل   الرد باقتباس
قديم(ـة) 26-04-2009, 04:55 PM   #6
عضو بارز
 
تاريخ التسجيل: Jul 2008
البلد: في دنيا ღغريبة عجيبة .....
المشاركات: 503
قوة التقييم: 0
الأمير/م غ ر م is on a distinguished road
شروط تعجيزية لعدم التعبير عن رفضه مباشرة
موضوع وقصيدة رااائعين
__________________
الأمير/م غ ر م غير متصل   الرد باقتباس
إضافة رد


يتصفح الموضوع حالياً: 1 (0 من الأعضاء و 1 من الزوار)
 
أدوات الموضوع
طريقة العرض

قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق
Trackbacks are متاح
Pingbacks are متاح
Refbacks are متاح


مواضيع مشابهة
الموضوع الكاتب المنتدى الردود آخر مشاركة
شاب فقير خطب بنت عمه المليونير‎ حمودي رساوي المواضيع المنقولة وأخبار الصحف والوطن 0 25-04-2009 10:23 AM
فقير خطب بنت عمه المليونير............! $حمضيات$ منتدى الرياضة و السوالف المتنوعة 6 24-04-2009 10:08 AM
إسلامي أم ليبرالي المواطن ( فقير سفير التميز المواضيع المنقولة وأخبار الصحف والوطن 1 25-02-2009 03:12 PM
مليونين فقير فقط عاشق الشمال المواضيع المنقولة وأخبار الصحف والوطن 0 23-09-2008 06:56 PM


الساعة الآن +3: 10:02 PM.


Powered by vBulletin® Version 3.8.7
Copyright ©2000 - 2017, vBulletin Solutions, Inc.
SEO by vBSEO 3.6.0 ©2011, Crawlability, Inc.
هذا المنتدى يستخدم منتجات بلص

1 2 3 4 5 6 7 8 9 10 11 12 13 14 15 16 17 18 19