عـودة للخلف   منتديات الرس اكس بي > منتديات الرس اكس بي > المنتدى العام والمواضيع المتنوعة
التسجيل الأسئلة الشائعة التقويم تعليم الأقسام كمقروءة


المنتدى العام والمواضيع المتنوعة الموضوعات العامة والمناقشات والحوارات الهادفة، والتي لا علاقة لها بأقسام المنتدى الأخرى.

إضافة رد
 
LinkBack أدوات الموضوع طريقة العرض
قديم(ـة) 06-05-2009, 01:52 AM   #1
عضو ذهبي
 
تاريخ التسجيل: Aug 2008
المشاركات: 2,469
قوة التقييم: 0
طبيب الروح is on a distinguished road
Angry اسحب ملفي من الجامعة أهون من إني اطلب إجازة من المستشفى

بسم الله الرحمن الرحيم

اليوم الجمعه جاي من الرياض بعد نزلة الغاط انسدت اذني

رحت البيت حاولت افتحها تثاوبت عيت اكلت علك عيت

طلعت هوا من اذني وجاني الم فضييييييع الساعه 12 ليلا

الألم يأبى يخليني أنام الساعه 2 والألم يزداد الساعه 3 في الطوارئ

تشخيص الدكتور / جرح داخلي بالأذن ) ياساتر يارب ويعطيني العلاج

طيب يا دكتور ابي ورقة اجازه لبكرا ما أقدر اداوم قال تعال الصباح

وقل للطوارئ يعطونك - قلت تم - الساعه 3.30 فجرا ما قبل الأذان

الألم يزداد اكلت العلاج وانسدح ولعل الألم بدا يخف اذن الفجر انفتحت اذني

صليت ولله الحمد نمت وما قمت الا على اذان صلاة العصر كملت يومي بأذن واحده

اليوم الأحد صباحا توجهت للمستشفى لطلب ورقة اثبات مراجعه فقط - مدير الطوارئ

لو سمحت ابي ورقة اثبات مراجعه قال كلم هذا تعال ياهذا ابي ورقه قال متى راجعت

واقوله قصتي قال يوم الجمعه ولا السبت قلت قبل لا يذن فجر السبت قال يعني اي يوم

قلت يرحم امك بلا دباشه مدري عنكم انا جيت قبل لا يذن فجر السبت بنص ساعه

قال اصبر ويطلع ذاك الملف ويفتحه قال هذا اوراق مراجعات يوم الجمعه ندور اسمك

بعد ما انتهينا يسأل خويه قال الجمعه باليل الساعه 2 يعتبر السبت ولا الجمعه

قال لا يصير يوم السبت بدا دور بملف السبت وندور بملف السبت والعجيب والأدهى والأمر

انها طالعه بالجهاز عندهم بس ما حصلوها بالملف وبالأخير ما صار فيه قال انت ماراجعتنا

قلت الحين بياناتي عندك بالجهاز وتقولي ما راجعت أصغر عيالك انا جاي اهستر عندكم

قال وين ورقتك قلت شف الدكتور كاتب العلاج عندك بالجهاز يعني اني مراجعكم قال مدري

ويبحثون منهو الدكتور ويلقونه بس انوه ماداوم طيب والحل قال نكتبلك بس مره ثانيه تخلي الدكتور

يعطيك ورقه قلت ابشر بس عطنا الاجازه ويطلع تقرير ويختمه قال توجه لم التقارير وانزل تحت

واعطيهم الورقه واجلس احتريها تخلص بعد ربع ساعه قالي رجل التقارير وشوله جالس قلت ابي الورقه

قال تعال الساعه 2 بعد الضهر قلت وش اللي 2 بعد الضاهر ابشري سياره انا كلها ورقة اجازه

قال لازم تختم من الدكتور ومن الاداره ثمن ترجع لنا نختمه لك

قلت طالع من السجن انا وشوله كل التواقيع هذي

قال تعال 2 الضهر ولا يكثر قلت اشزه الورقه انا اروح اختمه يامن العجز جالسين عند المكيف

وتأجلون الأشغال والله ناس

وأقسم بالله اني رحت للمدير ختمها ولا قراها ورحت للدكتور ختمها ولا قراها رجعت للتقارير ختمها ولا قراها

طيب يا أذكيا ختم واحد يكفي عن كل هالأختام ليش المشوره هذي كلها

تذكرت يوم اروح اسحب ملفي من الجامعه والله ياهي مشورة

حشا موب اجازه ذي طلب وضيفه بوزارة الداخلية
__________________
لمشاهدة التقرير الرجاء الضغط على الصورة
الجزء الثاني هنا
الجزء الثالث في ذا
طبيب الروح غير متصل   الرد باقتباس

 
قديم(ـة) 06-05-2009, 04:31 AM   #2
عضو مبدع
 
تاريخ التسجيل: Jun 2006
البلد: امريكا & السعوديه
المشاركات: 1,331
قوة التقييم: 0
Mac.Mazyad is on a distinguished road
لانهم موظفين هم عشان الاختام
__________________
Mac.Mazyad غير متصل   الرد باقتباس
قديم(ـة) 06-05-2009, 04:35 AM   #3
عضو فذ
 
صورة دندوشه الرمزية
 
تاريخ التسجيل: Jan 2005
البلد: ا لـ ـر سـ
المشاركات: 5,625
قوة التقييم: 0
دندوشه will become famous soon enough
ركز على حرف الضاد تخطي فيه واجد <<يعني بدل الظاء تحط ضاد

(-:

وسع صدرك
كان بدل المشورهـ ذي كله خليتهم يخصمون حق الغياب ولاتتعب روحك مع المستشفى (-:

كان اللله فيه عون الجميع
__________________
دندوشه غير متصل   الرد باقتباس
قديم(ـة) 06-05-2009, 05:05 AM   #4
عضو متألق
 
صورة {بنت-عــــز} الرمزية
 
تاريخ التسجيل: May 2007
المشاركات: 1,065
قوة التقييم: 0
{بنت-عــــز} is on a distinguished road
النظام نظام ... لابددد من التدقيق لانه كل موظف مسئول عن اي شي يصدر منه انت تشوفه صغيره المسئله لاكن


بالنظام شي لابددد منه ..الاكيددد انهم مامشوروك الا لشي مكتوب عندهم وماشين عليه وهذا شغلهم :)


بس الصزززز انك غاااوي مشوره


كان مااخذت اجازه وكملت النومه ويخصمون عليك موووب مشكله


تشاااااو
{بنت-عــــز} غير متصل   الرد باقتباس
قديم(ـة) 06-05-2009, 08:38 AM   #5
عضو متألق
 
صورة اكاي الرمزية
 
تاريخ التسجيل: Nov 2007
البلد: نجد العذيه
المشاركات: 745
قوة التقييم: 0
اكاي is on a distinguished road
اولاً نقول لك طهور إن شاء الله وحمداً لله على السلامة

وتأخير معاملات المواطنين في كل الوزارات واماكن العمل هي واردة والحل عند الإدارة لأنه لو وجد اهتمام ومتابعه الشكاوي راح تقل .
وسبب تأخير المعاملات في الإدارات هي التكاسل من الموظفين والإنشغال بأشياء اخرى .. تصفح جريدة..انترنت..وغيره..(هذا هو الواقع ,وهذا هو الحال إلا ما رحم الله )
والسبب الأهم عدم وجود المراسلين في بعض الإدارات بحيث الأغلبية هم مستخدمين من عمال النظافة .
والحمد لله أن اجازات الكادر التعليمي من الوحدة الصحية .لا تأخير ولا تعطيل .

والله يبدل الحال ان شاء الله

آخر من قام بالتعديل اكاي; بتاريخ 06-05-2009 الساعة 08:44 AM.
اكاي غير متصل   الرد باقتباس
قديم(ـة) 06-05-2009, 09:52 AM   #6
عضو ذهبي
 
تاريخ التسجيل: Aug 2008
المشاركات: 2,469
قوة التقييم: 0
طبيب الروح is on a distinguished road
حياكم الله يا إخوان

المسأله موهب إني ابي المشورة

بس وش القهر يقول تعال الساعه 2 الظهر وانا خلصت الأوراق خلال نص ساعه

اي نظام هذا

وبعدين وشوله كل هالتواقيع

الدكتور كتب اجازه ليش ارجعله واروح للمدير يعني فاضين بس
__________________
لمشاهدة التقرير الرجاء الضغط على الصورة
الجزء الثاني هنا
الجزء الثالث في ذا
طبيب الروح غير متصل   الرد باقتباس
قديم(ـة) 06-05-2009, 10:17 AM   #7
عضو مميز
 
تاريخ التسجيل: Jan 2008
المشاركات: 276
قوة التقييم: 0
ابوخديجه is on a distinguished road
الله يكون بالعون تصدق اخوي عندنا فساد اداري عضيم يعني المدير مايدري وش السالفه يجي يتكي ساعه يقراء الجرايد ويقضب الباب والعالم تسرح وتمرح على كيفه ويوظف اللى يبي لاتقولى شهادات واللى مايبي يشوته مع الباب.... بس شكلك منتب زين صح تقولي ليش لان الزين مخدوم وين ماراح
ابوخديجه غير متصل   الرد باقتباس
إضافة رد


يتصفح الموضوع حالياً: 1 (0 من الأعضاء و 1 من الزوار)
 
أدوات الموضوع
طريقة العرض

قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق
Trackbacks are متاح
Pingbacks are متاح
Refbacks are متاح


مواضيع مشابهة
الموضوع الكاتب المنتدى الردود آخر مشاركة
اجازة عيد الأضحى هذا العام تستمر لمدة عام و 17 يوماً حسب موقع الوزارة أبو محمد 2005 منتدى التربية والتعليم 6 31-01-2009 09:00 PM
التقويم الدراسي حتى عام 1438هــ شاهد على العصر المواضيع المنقولة وأخبار الصحف والوطن 5 22-12-2008 05:21 AM
من يريد التقويم الدراسي حتى العام الدراسي 1437/1438هـ فليتفضل حياه الله قلم الصديق منتدى التربية والتعليم 12 11-10-2008 02:17 PM
التقويم الدراسي لعام 1429-1430 وحتى عام 1437-1438 هــ لورانس الرس منتدى التربية والتعليم 7 11-10-2008 01:56 PM
من يريد التقويم الدراسي حتى العام الدراسي 1437/1438هـ فليتفضل حياه الله قلم الصديق منتدى التربية والتعليم 2 28-09-2008 01:56 AM


الساعة الآن +3: 06:37 PM.


Powered by vBulletin® Version 3.8.7
Copyright ©2000 - 2017, vBulletin Solutions, Inc.
SEO by vBSEO 3.6.0 ©2011, Crawlability, Inc.
هذا المنتدى يستخدم منتجات بلص

1 2 3 4 5 6 7 8 9 10 11 12 13 14 15 16 17 18 19