عـودة للخلف   منتديات الرس اكس بي > منتديات الرس اكس بي > المنتدى العام والمواضيع المتنوعة
التسجيل الأسئلة الشائعة التقويم تعليم الأقسام كمقروءة


المنتدى العام والمواضيع المتنوعة الموضوعات العامة والمناقشات والحوارات الهادفة، والتي لا علاقة لها بأقسام المنتدى الأخرى.

إضافة رد
 
LinkBack أدوات الموضوع طريقة العرض
قديم(ـة) 28-06-2009, 11:55 PM   #1
عضو مميز
 
تاريخ التسجيل: Nov 2008
المشاركات: 118
قوة التقييم: 0
خيال2008 is on a distinguished road
هذا ماحدث لي بمستشفى الرس

بعد السلام والتحيه
انقل لكم معاناتي التي حدثت مساء هذا اليوم مع مستشفى الرس العام ياللمهزله لايوجد رقيب ولاحسيب سقط ابني بالمنزل على دالوب فذهبت مسرعه الى المستشفى بعد ان انشق حجاجه وكان ينزل منه دم كثير وعمر ابني الذي لايتجاوز السنه والشهرين ولم يكن زوجي معي فاستقبلني موظف الاستقبال وعطاني ورقه ذهبت الى قسم النساء فاذا بدكتور مصري جالس على مكتبه وعنده مرضى قلت ولدي يمشي دمه طايح والفتحه والله كبيره قال ماتشوفين عندي زحمه روحي لقسم التجبير واذا بدكتور هندي جالس يخيط اصبع هندي مثله قلت دكتور ولدي طايح وحجاجه منقطع قال بصوت عالي مافي دكتور روحي لقسم النساء قلت توي جايه وقالوا روحي لمهم قال مافي دكتور وانا احمق مادري وين اودي ولدي وارجع لقسم النساء وادخل على الدكتور المصري واعلمه قال اعمل ايه تشوفي الزحمه عندي قلت طيب وش اسوي وين اوديه شف دمه ويتصل على جراح فوق اعتقد انه سوري ويكلمه قالي خلاص روحي لغرفة التجبير واروح والقى الدكتور الهندي مع هندي وفيه ممرض سعودي الله يجزاه خير ويوفقه واقعد اصيح واناديه وانا ابكي قلت الله يعافيك ولدي طايح ومنقطع حجاجه واوريه قلت ومن اليوم وانا اجي للغرفه هذي ويقولون مافي دكتور قال مين الي قالك مافي دكتور قلت هالدكتور الهندي الي قدامك وهوياخذه مني وينظف جرحه ويجي الدكتور السوري ويخيطه والهندي من بعد ماخلص من هنديه راح قعد على مكتبه وقعدت ادعي لسوري والسعودي من كل قلبي الله يوفقهم وقعدت ادعي على الهندي افرض ان ولدي جاه اغماء او ضاع دمه منو بيوقف معي الله يعين وحسبيالله على هالهندي
__________________
تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً
خيال2008 غير متصل   الرد باقتباس

 
قديم(ـة) 29-06-2009, 12:02 AM   #2
عضو بارز
 
تاريخ التسجيل: Nov 2008
البلد: غرفتي دفا عمري
المشاركات: 424
قوة التقييم: 0
عبوووووووووووووودي is on a distinguished road
اصلا هاذا مو مستشفى هاذا مهزله >تعرف احد تمشي ماتعرف تنطق<
__________________
لا الـــــه الا أنت سبحــــانك اني كنت من الظــالمين...



عبوووووووووووووودي غير متصل   الرد باقتباس
قديم(ـة) 29-06-2009, 12:11 AM   #3
عضو ذهبي
 
تاريخ التسجيل: Sep 2004
البلد: في الرس
المشاركات: 2,421
قوة التقييم: 0
البرج is on a distinguished road
مهزله مستشفى الرس ماينفع إلا التقدم بشكوى لمديرالشؤون الصحية بالقصيم، وبعدين كيف يكون في قسم النساء طبيب وهم يمنعون دخول الرجال لقسم النساء
__________________
تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً
البرج غير متصل   الرد باقتباس
قديم(ـة) 29-06-2009, 12:47 AM   #4
عضو متألق
 
تاريخ التسجيل: Mar 2008
البلد: الرس وشعبانه
المشاركات: 884
قوة التقييم: 0
رساوي يساوي is on a distinguished road
الله يعظم اجرتس ياميمتي يعافي وليدتس لتس
مالنا الأ الصبر لعل الله يفرجه من عنده ولا
حنا من يد نشيط لنشط من مصري لهندي كلن
ينفخ علينا من جهه واذا ضربنا هالدكاتره قالو
ركبو برادات مثل اللي نزل موضوع مره يقول
ان الشيخ حكم عليه يركب برادات للمستشفى والله
رساوي يساوي غير متصل   الرد باقتباس
قديم(ـة) 29-06-2009, 12:47 AM   #5
عضو فذ
 
صورة قطه بيضا الرمزية
 
تاريخ التسجيل: Feb 2008
البلد: الرس حبيبي
المشاركات: 6,869
قوة التقييم: 0
قطه بيضا is on a distinguished road
الحمد الله على سلامة ولدك...والله لو في مكانك كان تفلت في عينه الكلب...
__________________
قطه بيضا غير متصل   الرد باقتباس
قديم(ـة) 29-06-2009, 12:52 AM   #6
عضو متألق
 
صورة #الساهر# الرمزية
 
تاريخ التسجيل: Jul 2008
البلد: الـــــرس
المشاركات: 734
قوة التقييم: 0
#الساهر# is on a distinguished road
الحقيقه مستشفى الرس فوضه بكل ما تحمله الكلمه من معنى ...

والسبب قلة العاملين بالنسبه لعدد المراجعين ...

ونتمنى من مدير مستشفى الرس العام الاسراع بحل عاجل ...

ومستشفى الرس ما تحد عليه الا العازه
__________________


الله يغفرله ويرحمه ويسكنه فسيح جناته
#الساهر# غير متصل   الرد باقتباس
قديم(ـة) 29-06-2009, 12:58 AM   #7
عضو مميز
 
تاريخ التسجيل: May 2006
المشاركات: 160
قوة التقييم: 0
أبو باسل is on a distinguished road
صورة مع التحية للدكتور الرثيع و للدكتور عاطف سرور قبل ذهابه وللدكتور الجديد الخراز
__________________
تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً
أبو باسل غير متصل   الرد باقتباس
قديم(ـة) 29-06-2009, 01:02 AM   #8
عضو مميز
 
تاريخ التسجيل: Apr 2005
البلد: في زوايا قلبها
المشاركات: 205
قوة التقييم: 0
ارشميدس is on a distinguished road
مجزرة الرس العامه

اي مستشفى اي خرطي ذولا فاتحين فرع للقاهره بالرس


والواسطة هي الطبيب والا اضرب الباب


وعزتي للي ماله واسطه


رددووووووووووووووووو ياليل ماطووووووووووووولك
__________________
"
""
"""
""
"
ارشميدس غير متصل   الرد باقتباس
قديم(ـة) 29-06-2009, 01:08 AM   #9
عضو متألق
 
صورة {بنت-عــــز} الرمزية
 
تاريخ التسجيل: May 2007
المشاركات: 1,065
قوة التقييم: 0
{بنت-عــــز} is on a distinguished road
حمدلله على سلامته..


انا لو منك اقل شي اسويه للهندي تفله توقع بجبهته تكرمون :|||


الواحد لازم مع ذا الاجانب خاصه اللي بمستشفى الرس يصير قليل ادب عشان يمشونه :/


كلهم دكاتره وممرضات من دون نفس يشتغلون يبيلهم شيول يقشهم ويجاب طاقم جديد



تشااااااااو
{بنت-عــــز} غير متصل   الرد باقتباس
قديم(ـة) 29-06-2009, 01:21 AM   #10
عضو مبدع
 
صورة تقوى الهجر الرمزية
 
تاريخ التسجيل: Jun 2004
البلد: !..between my dreams
المشاركات: 1,669
قوة التقييم: 0
تقوى الهجر is on a distinguished road
الحمد لله على سلامة الولد ..

وفعلا الطاسة ضااااااايعه بهااك المكان ..

مره من المرات ..

كان جميع اهلي مجتمعين بالرس .. وكنا راشين الحوش بالماء .. عشان نششطفه ..

المهم كان اخوي اللي قبل الاخير :) صالح .. يمشي بالحوش وزلق على راسه وكانت الطيحة قووية

جيت انا واخوي وولد عمي وابووي اخذنا اخوي ونقزنا لمستششششششششششفى الرس العاااااااام << لا شفت الاسم تنهبل تحسب عندك احد ..!

شلنا الولد وكان متصروع من قووة الضربة .. وكان يمييل للإغماء ..

يوم وصلنا للطوارىء استقبلنا واحد سعودي وقاله ابووي ..

السلام عليكم .. الله يحفظك ابوي ولدي طايح على راسه ..

قال الموظف ..! وش تبي اسوي له ..؟

>>> الوكاد ان ابووي ما قفلت معه ..!

قال الوالد .. وش تبي اسوي به ..! << وممير يهبده الا خمس ثواني لو ما قبضناه ..

:)

يوم شاف الموظف ان الامر جدي .. تحترك من كرسيه " سعادته " .. وجاب دكتور يكشف عليه ..!

لما كشف الدكتور على اخوي وخخلصنا الحمد لله .. جاء صاحب الفخامة والفضيلة اعتذر لابوي وقال انا جديد ما عرفت اتصرف ..! << وووووووووووووووووين تنصرف هذي ..؟

ما ادري بصراحة

حنا ما يذبحنا الا الواسطة

مستعديين نووووووظف كل اللي نعرف بالمكان اللي لنا سيطرة فيه .. حتى لو كانوا رخووم ولا هوب قادرين يتصرفون بمثل هالمواقف ..!

:) لكن نقوول عسآه اول مره واخر مرره ندخل هآك المكان ..!
تقوى الهجر غير متصل   الرد باقتباس
إضافة رد


يتصفح الموضوع حالياً: 1 (0 من الأعضاء و 1 من الزوار)
 
أدوات الموضوع
طريقة العرض

قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق
Trackbacks are متاح
Pingbacks are متاح
Refbacks are متاح


مواضيع مشابهة
الموضوع الكاتب المنتدى الردود آخر مشاركة
صدورثمانون أسم جديد للرس لصندوق التنمية العقاري ... الف مبروك ابو عبد العزيز المنتدى العام والمواضيع المتنوعة 25 25-09-2009 09:05 PM
الرس يوفي الرس المنتدى العام والمواضيع المتنوعة 2 31-07-2009 04:57 AM
محافظ الرس يعايد المرضى بمستشفى الرس العام بانوراما المنتدى العام والمواضيع المتنوعة 15 11-12-2008 02:24 PM
بيان بأسماء المعينات الجدد بتعليم الرس وضريه azo منتدى التربية والتعليم 49 15-10-2008 07:58 AM
بيان بأسماء المعينات الجدد بتعليم الرس وضريه azo المواضيع المنقولة وأخبار الصحف والوطن 7 14-08-2008 09:10 PM


الساعة الآن +3: 11:34 AM.


Powered by vBulletin® Version 3.8.7
Copyright ©2000 - 2017, vBulletin Solutions, Inc.
SEO by vBSEO 3.6.0 ©2011, Crawlability, Inc.
هذا المنتدى يستخدم منتجات بلص

1 2 3 4 5 6 7 8 9 10 11 12 13 14 15 16 17 18 19