عـودة للخلف   منتديات الرس اكس بي > منتديات الرس اكس بي > المواضيع المنقولة وأخبار الصحف والوطن
التسجيل الأسئلة الشائعة التقويم تعليم الأقسام كمقروءة


المواضيع المنقولة وأخبار الصحف والوطن المواضيع المنقولة من الانترنت وأخبار الصحف اليومية و الوطن.

إضافة رد
 
LinkBack أدوات الموضوع طريقة العرض
قديم(ـة) 19-07-2009, 04:22 PM   #1
عضو مبدع
 
صورة ألماااسة حسااسة الرمزية
 
تاريخ التسجيل: Aug 2007
البلد: كنت آمنة في حضــن عـــــنيزة
المشاركات: 1,147
قوة التقييم: 0
ألماااسة حسااسة is on a distinguished road
Thumbs up هــــكر ؟؟ بس طـــــيب ..!

["]<< قصه صارت وتم ارسالها على الايميل أحببت أن تطلعوا على أحداثها للاستفادة والعظة خااااااصة الشباصاااات ...ويمكن صارت لبعضكم ويارب ماتصير لصديق هدفي منها التحذير حنا نسمع بس مانصدق لين نطيح بنفس الموقف :-

في ذات فجر جميل < كنت اسولف مع صديقتي على المسن < طبعآ مايك فأذا بالأيميل يقول تم تسجيل دخول من جهاز آخر < فر راسي وش القصه ؟ ..

رجعت فتحت الأيميل جاتني اضافه من ايميل ماعرفه حطيت منع دقايق وشفته قدامي ضاف نفسه غصب عرفت وقتها ان جهازي مخترق اسولف مع صديقتي عن اللي اشوفه اقولها شكله اخترقني جاني بمحادثه يقول ايه اخترقتك ومن شهر !!!

قفلت معي وسكرت الأيميل صارت تطلعلي مفكره على سطح المكتب منه يقول حتى لوسكرتي الأيميل انا مخترق جهازك وسجل محادثاتك وكل شي بجهازك عندي ومسجل لك مكالمات بالمايك ؟
< الحمدلله مالي صور بالجهاز ولا اي شي خاص لي بس مكالماتي مع صديقاتي بالمايك مسجلهن <

رجعت افتح الأيميل اشوف قصته قالي ابي اتعرف انا معاك من شهر وحفظت انفاسك اعرفك لاصرتي رايقه واعرفك لاتضايقتي ابي اكون صديق ومن شهر موجود بجهازك وعايش حياتك واظهرت نفسي الآن لأنك سولفتي مع خويتك عن الهكر وانا اسمعكم حبيت اعلمك وشو الهكر !!
_
بعدها ارسلي مقطع مسجل بصوتي !!
هنا بديت انهار وابكي < موعن شي بس مهما كان صعب تسمعين صوتك بيدين رجل غريب الموقف بحد ذاته قاتل والأسوء انه حصل بفترة ضغط نفسي بالنسبه لي وجاني جني الأمنيات وكمل الناقص هاها < بعدين اقولكم وشو جني الأمنيات ..

>
المهم وقتها تعبت وقعدت ابكي.. النكته يقولي لاتبكين اسمعك تكفين لاتبكين متعود اسمع ضحكتك واستهبالك < هذا كله بالرسايل الفوريه يسمعني وانا اراسله بالمحادثه < لحسة مخ صح بس هذا لأنه مخترق جهازي يسمعني ويسمع كل شي حولي بمجرد مافتح الجهاز < _ شوي الا اسمع صوت حمامه عند شباكي الا الحبيب يقول حلو صوت الحمام الفجر < < بغيت اشقق هدومي وقتها _

< لحظه نسيت شي جوالي جنبي يدق عاد يقولي ردي اسمع جوالك يدق والنغمه حلوه هاها
وانا مازلت اصيح ومصدومه هستر فيني الله يسامحه.. هنا بدئت طيبة الهكر الشرير تطفو على السطح < لاحضو الأخت تحاول تستخف دمها هذا كله عشان اهدي من رتم الموقف ع الأقل قدام نفسي لأنه موسهل علي تذكر تفاصيله < وين وقفنا ايه عند الطيبه والسطح < لاتستغربون تأثير الجغرافيا < < خلاص آخر مره اخرج عن النص < ايه هين < اللي يطلع كم قوس زي هذا < بالقصه له جائزه < يمه
خلاص برجع لسالفتي المهم يوم سمعني ابكي قالي روقي خلاص مسحت اللي عندي وانا حاضر للي تبين وتحت امرك انا جني الأمنيات تمني امنيه بصوت عالي شوفي احققها اولا ؟ مستعد اكون عين لك اكشف لك كل اللي حواليك لوتبين ادخل على الناس اللي بمسنك اخترق اجهزتهم واطلعلك بلاوي < < قلتله مشكور انت اطلع من جهازي بس ولك فائق الشكر والإحترام < تحريآ للمصداقيه آخر ثلاث كلمات انا زودتها اللحين من عندي < طبعآ قعد يحلف ويقسم انه مستعد لأي شي ويحاول يهدئ من روعي < حلوه لاتقولون < سألته كيف جاني من وين عرفني كيف دخل جهازي وايملي ؟ وهنا بيت القصيد والهدف من الموضوع كله مابي احد يطيح بنفس غلطتي يقول ان عنده برنامج يبحث عن الأجهزه اللي فيها منافذ مفتوحه على مستوى العالم ولقيت جهازك صدفه ودخلت من ثغرات جهازك < الثغرات هذي تجي نتيجة فيروسات هي اللي تفتح المنافذ بالجهاز < ومنها دخلت ونصبت ملفات التجسس بجهازك < بغض النظر عن صحة روايته من عدمها الآهم تأكيد رداءة برامج الحمايه حقات ام ريالين هاها قلتله انا عندي برنامج ( نود ) قوي كيف دخلت قالي معلومه اساسيه عندنا بالهكر قاعده تقول ماوضعت انظمة الحمايه الا لتخترق والبرنامج هذا ضعيف وقتها ذكرته بحديث الرسول صلى الله عليه وسلم من تتبع عورات الناس تتبع الله عورته ومن تتبع الله عورته فضحه ولو في عقر داره ) طلع الرجال فيه خير ومثقف وعنده نزعة دين كيف صار هكر الله اعلم اعترف ان ماقصده لي مضره بس تسليه وقال عشان اثبتلك بطلع الآن من جهازك واحذف ملفات التجسس اللي حطيتها وانا معاك < سـألته سؤال جوهري دامك ماتبي مضرتي ليش سجلت صوتي ؟ قال عشان متى مانويت افاجئك واعلمك اني مخترق جهازك يكون عندي دليل على كلامي !!

بعدها اعتذر ووعدني انه مايدخل ابد..
سألته كيف احمي نفسي بعدين ومااتعرض للموقف هذا مره ثانيه نصحني بالنصائح التاليه < شفتو هكر بس طيب هاها < وانا طلبت نصيحته لأن اهل مكه ادرى بشعابها < وكني اشوف علامات استفهام تنور فوق رؤوس البعض < ياحبيلي يازين كلامي < تقولون كيف تثقين فيه وبنصايحه ؟ بقولكم تأكدت وطلع كلامه صحيح واللي عنده تعليق او اضافه ياليت يفيدنا ..

قال اول شي ركبي كاسبر 2009 ماحد يقدرله خطير ثانيآ لاتحملين اي شي من النت امتداده exe‏ لأنها غالبآ اما ملفات تجسس او فيروسات تفتح منافذ جهازك وتسهل الأختراق ثالثآ تحديث برنامج الحمايه بأستمرار من النت عشان يكشف الباتشات الجديده
وبعدها طلب مني اسامحه ووعدني مايكررها
الشاهد من القصه واوجه كلامي للبنات خاصه لاتحطون اي شي خاص بالجهاز لاصور لامعلومات ولا اي شي لاتضيفون احد ماتعرفونه لاتفتحون رسايل الأيميل والأهم والأخطر الكام اللي عندها كام تحط عليها لاصق اسود بحيث لو انفتحت مايطلع قدامه الا شاشه سودا وطبعآ اكيد سمعتو عن برامج تفتح كامك وانتي ماتدرين وقالها لي الهكر بنفسه يقول حاولت افتح كامك بس ماشفت شي الا ظلام لأني حاطه عليها لاصق ثقيل اسود وهذا اخطر شي بالموضوع من غير اختراق اي احد بالأيميل معك يقدر يفتح كامك بدون ماتدرين عن طريق برامج خاصه اخفي الكام وارتاحي وارجع واقول النت هذا بحر عمرك ماتوصل ساحله يبي حذر واستقامه والله يستر علينا وعلى بنات المسلمين عمومآ انا زيادة بالأطمئنان بس سويت فرمته كامله للجهاز ونفذت تعليمات الجني الرحوم

اللي ابيه منكم انكم تدعون بالله للهكر الطيب ان ربي يهديه ويبعده عن هالطريق يارب آمين آمين آمين هو وعدني انه يبعد عن هالسوالف الله يهديه ويهدينا الى مايحب ويرضا واشهدكم واشهد الله قبل اني سامحته من كل قلبي لانه مهما كان بالأخير طلع انسان شهم ومعدنه اصيل لو واحد غيره مايخاف الله وش كان صار ؟؟ ماقول الا يازين البلاستيشن بس قال نت قال ههههه
آسفه ع الأطاله وتوته توته خلصت الحدوته ..

< ملاحضه اخيره .. لامانع لدي من نشرها لآخذ الفائده والله لايحرمني ولايحرمكم اجرها لاني وربي مانزلتها الا لغرض التحذير وللبنات خاصه وتنبيه للي مازلوا داخل معمة التهكير واالترصد للناس او اللي استهوتهم القصه وحبو يعيدون بثها من جديد مع انسانه ثانيه بقولكم كلمه او بالأحرى آيه اختم فيها كلامي ( ولاتحسبن الله غافلا عما يعمل الظالمون ) هذا تجسس وترويع للآمنين يعني انا وحده فبيتي آمنه لاضريت احد ولاجيته اتعرض لموقف مثل هذا وربي للحين الروعه فيني ماراحت وتذكرو حديث المصطفى صلى الله عليه وسلم ( اعمل ماشئت كما تدين تدان )
وتقبلو محبتي ..
سبحانك اللهم وبحمدك اشهد ان لااله الاانت استغفرك واتوب اليك ..

[/COLOR]
__________________
ألماااسة حسااسة غير متصل   الرد باقتباس

 
قديم(ـة) 19-07-2009, 04:43 PM   #2
عضو متألق
 
تاريخ التسجيل: Sep 2007
المشاركات: 700
قوة التقييم: 0
حوطي من الرس is on a distinguished road
تحصل كثير ونصحك بافضل برنامج وغالبية الهكر يدورون على اجهزة الحريم لأن فيها متعه و....

المهم هو نصحك وأنا بنصحك بعد بتركيب برنامج الافيرا نسخة مجانيه وتعتبر أفضل برنامج للبحث عن الفيروسات

حمليه من هنا

وسوي تحديث وشوفي البلاوي المتلتله بعد النود
وللمعلوميه ما يسوي تعارض مع الكاسبر سكاي

وكل طقه بتعليمه
حوطي من الرس غير متصل   الرد باقتباس
قديم(ـة) 19-07-2009, 04:48 PM   #3
عضو مبدع
 
صورة ألماااسة حسااسة الرمزية
 
تاريخ التسجيل: Aug 2007
البلد: كنت آمنة في حضــن عـــــنيزة
المشاركات: 1,147
قوة التقييم: 0
ألماااسة حسااسة is on a distinguished road
مشكوووووور ماقصرت أخووي تم التحميل ويلوموني في الحواااطى أحسهم أخوان التشاينا
__________________
ألماااسة حسااسة غير متصل   الرد باقتباس
قديم(ـة) 19-07-2009, 05:21 PM   #4
عضو بارز
 
صورة فهد العلولا الرمزية
 
تاريخ التسجيل: Mar 2008
البلد: في قلب روما الإيطالية
المشاركات: 340
قوة التقييم: 0
فهد العلولا is on a distinguished road

بالفعل موضوع يستحق القراءة ويجب علينا شكرك على طرحه في هذا الوقت بالذات لأن يوافق إجازة والكل يدخل النت

خصوصاً البنات المسكينات اللي ما يدرون بحركات الهكر وما يفعلونه في أجهزة البنات وكثير حيل سمعت بقصص يشيب لها

الرأس أغلب الهكر منهم من تاب ومنهم من أصابته بلوى في اهله كما تدين تدان ومنهم من لقي حتفه بسبب دعوه صادقه من

ناس تضرروا من أفعاله,,,,

وبالنسبة للهكر اللي ذكر في القصة فعلاً عجيب وغريب في نفس الوقت وكثر الله خيره وبيض الله وجه هالذيب اللي بان طيب

اصله ومعدنه النفيس ,,,

وفي الختام تقبلوا تحياتي والسلام...
__________________

ولـو مـمـشـاي فـي جـمـراً يـفيـده && مـشــيــت بـجـمــرهـا كـنـه عـوافـي &&
فهد العلولا غير متصل   الرد باقتباس
قديم(ـة) 19-07-2009, 06:28 PM   #5
عضو ذهبي
 
صورة صرخة انثى الرمزية
 
تاريخ التسجيل: Apr 2008
البلد: ضيعت دروبي وخطواتي
المشاركات: 2,845
قوة التقييم: 0
صرخة انثى is on a distinguished road
احسن شي بالموضوع اننا اول مرة نستفيد من حوطي بشي لصالحنا وينفع مايضر ...

شكرا اختي الماسه ...
__________________
صرخة انثى غير متصل   الرد باقتباس
قديم(ـة) 19-07-2009, 08:37 PM   #6
عضو مبدع
 
صورة ألماااسة حسااسة الرمزية
 
تاريخ التسجيل: Aug 2007
البلد: كنت آمنة في حضــن عـــــنيزة
المشاركات: 1,147
قوة التقييم: 0
ألماااسة حسااسة is on a distinguished road
نورت أخوي فهد ولا شكـر على وااجب الأخوة والدين النصيحة
__________________
ألماااسة حسااسة غير متصل   الرد باقتباس
قديم(ـة) 19-07-2009, 08:39 PM   #7
عضو مبدع
 
صورة ألماااسة حسااسة الرمزية
 
تاريخ التسجيل: Aug 2007
البلد: كنت آمنة في حضــن عـــــنيزة
المشاركات: 1,147
قوة التقييم: 0
ألماااسة حسااسة is on a distinguished road
اقتباس:
المشاركة الأساسية كتبها ~free girl~ مشاهدة المشاركة
مشكوره يـآ الماسه حساسه على القصه ..

لكن اتوقع الهكر اللي لهم القدره على اختراق الاجهزه بالشكل هذا نادرين واتمنى انهم يكونون كذا ..

الصراحه انه قصه رعب ..

مشكور يـآ حوطي ع البرنامج << جاري تحميل البرنامج ..
بالعكس اللحين كثروا بصورة مخيفة أشكر لك مرورك
__________________
ألماااسة حسااسة غير متصل   الرد باقتباس
قديم(ـة) 19-07-2009, 08:44 PM   #8
عضو مبدع
 
صورة ألماااسة حسااسة الرمزية
 
تاريخ التسجيل: Aug 2007
البلد: كنت آمنة في حضــن عـــــنيزة
المشاركات: 1,147
قوة التقييم: 0
ألماااسة حسااسة is on a distinguished road
اقتباس:
المشاركة الأساسية كتبها صرخة انثى مشاهدة المشاركة
احسن شي بالموضوع اننا اول مرة نستفيد من حوطي بشي لصالحنا وينفع مايضر ...

شكرا اختي الماسه ...
الشكر لمرورك أما عن حـوطي فقايلة لكم الأخ مناحي قصدي حوطي راااعي دوووووعابات فقط لاغير
__________________
ألماااسة حسااسة غير متصل   الرد باقتباس
قديم(ـة) 19-07-2009, 08:54 PM   #9
عضو متواجد
 
تاريخ التسجيل: Feb 2008
المشاركات: 48
قوة التقييم: 0
zaeem is on a distinguished road
معليش انا عندي تعليق على القصه


هل صدق ان الهكر يدخل ويسمع كل صوت عندك حتى صوت الحمامه ؟

ياليت الي يعرف يجاوبني ؟
__________________
تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً
zaeem غير متصل   الرد باقتباس
قديم(ـة) 19-07-2009, 11:17 PM   #10
عضو مبدع
 
صورة ألماااسة حسااسة الرمزية
 
تاريخ التسجيل: Aug 2007
البلد: كنت آمنة في حضــن عـــــنيزة
المشاركات: 1,147
قوة التقييم: 0
ألماااسة حسااسة is on a distinguished road
والله يازعيم الكل أكد لي صحة هذا الشيء اذا كان المخترق من المحترفين
__________________
ألماااسة حسااسة غير متصل   الرد باقتباس
إضافة رد


يتصفح الموضوع حالياً: 1 (0 من الأعضاء و 1 من الزوار)
 
أدوات الموضوع
طريقة العرض

قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق
Trackbacks are متاح
Pingbacks are متاح
Refbacks are متاح



الساعة الآن +3: 09:44 AM.


Powered by vBulletin® Version 3.8.7
Copyright ©2000 - 2017, vBulletin Solutions, Inc.
SEO by vBSEO 3.6.0 ©2011, Crawlability, Inc.
هذا المنتدى يستخدم منتجات بلص

1 2 3 4 5 6 7 8 9 10 11 12 13 14 15 16 17 18 19