عـودة للخلف   منتديات الرس اكس بي > منتديات الرس اكس بي > المنتدى العام والمواضيع المتنوعة
التسجيل الأسئلة الشائعة التقويم تعليم الأقسام كمقروءة


المنتدى العام والمواضيع المتنوعة الموضوعات العامة والمناقشات والحوارات الهادفة، والتي لا علاقة لها بأقسام المنتدى الأخرى.

إضافة رد
 
LinkBack أدوات الموضوع طريقة العرض
قديم(ـة) 25-07-2009, 02:45 AM   #1
عضو مميز
 
تاريخ التسجيل: Feb 2007
البلد: بالرس
المشاركات: 127
قوة التقييم: 0
ريا is on a distinguished road
Exclamation (كيف الحال يالرقابة الصحية)+(ليه الحلاقين متفهمين والمشاغل لا ؟)

السلام عليكم ورحمة الله وبركاته

من عطلة العام وأنا ودي اكتب هالموضوع بس مادري وش الي مانعن لكن بعد اليوم خلاص مانب ساكته


إبراء ذمه : موضوعي هذا لا أقصد فيه جميع المشاغل ( أي لا أعمم ) فقط اقصد بعض المشاغل التي تعاملت معها ولن اسميها ولن اسامح بالدنيا ولا الأخرة من يدخل موضوعي ويسمي بعض المشاغل ليصفي حساباته الشخصية معها لأني أعلم ظروف العمل والضغط التي يمرون بها خصوصاً أيام العطل ولكنه فقط يعبر عن وجهت نظري واطالب فيه ببعض حقوقي (فالزبون على حق)


النقطة الأولى الي بتكلم عنها عنونتها بـ ( كيف الحال يالرقابة الصحية ) ؟؟!
كلنا عارفين أن العطلة هي موسم الزواجات وهو الموسم المهم للمشاغل وأنا والله مقدره وشايفه بعيني الزحمه والتعب الي يعانون منه كوفيرات وعاملات المشاغل وانهن على رِجل وحده من الصبح إلى نص الليل لكن أنا زبون والزبون المفروض أنه يكون على حق ومن ابسط حقوقي اني أطالب بنظافة الأدوات الي بيستخدمونه معي يعني ممكن اقول فرش الشعر والإستشوار صعبة مع الزحمة الموجودة وطبعاً كل زبونه وده تخلص بسرعة انهم ينظفونهن بعد كل وحده او يغيرونهن لكن فيه اشياء ثانية صعب اني اسكت عنه يعني مثلاً فيه مشغل كد شقرت عندهم قبل كم سنه استعملت لي الكوفيرا اسفنجة دائرية شكله كانت مستعمله قبلي لأن كني لمحت فيها اثار كحل وبللته بمويه ومسحت فيها عيني وابسط شي ممكن تسويه انه تجيب القطن الطبي الي يبيعونه بكل مكان الي يصيرن مجموعة في كيس وتستعمل لكل زبونه قطنه وترميه وصلى الله وبارك مهوب تستعمل اسفنجة لكن علشان ما اظلم باقي المشاغل الحق يقال ان اكثر المشاغل يستعملون القطن وعلشان بعد ما اظلم الكوفيرا الي شقرت لي اعترف اني ما اعترضت قدامه ولا قلت شي يعني يمكن لو اني طالبه ماتستعمل الإسفنجة كان لبت لي طلبي

واليوم رحت برضوا لمشغل كنت ابسوي شمع والشمع هذا مثل الحلاوة لكنه يذوب في جهاز وتغط الكوفيرا اصبعه او عصا وسط الشمع وتاخذ مقدار منه وتحطه على الجسم وتنتف فيه الشعر ويبقى شوي من الشمع لاصق على اصبعه او العصا وترجع تغطه مره ثانية بالجهاز وتاخذ مقدار ثاني من الشمع وهكذا وتقوم الزبونه وتقعد زبونه ثانية وتستعمل معه نفس الشمع الي بالجهاز وهكذا الين يقضي الشمع وتعبي الجهاز من جديد بلا ماتنظف اوعية الجهاز الي يصير لاصق بهن الشمع بس تكب بهن شمع من جديد وهو على وساخته وابسط شي ممكن تسويه اذا كانت ماتقدر تاخذ اوعية الجهاز تنظفهن بعد كل زبونه انه ماتكثر مقدار الشمع يعني تحط لكل زبونه المقدار الي تحس انه يكفيه وتستعمل عصا خشبي بدل اصبعه تاخذ فيه الشمع وتغير العصا لكل زبونه واقصد بالعصا الخشبي عصا الايسكريم الي ينباع برضوا مجموعة بكيس واحد وارجع واقول علشان مااظلم كل المشاغل انا ماشفت الا مشغل واحد يسوون كذا مادري عن الباقيين وش يسوون


أنا عارفه ان الي يقرأ كلامي بيقول لنفسه طيب ليش تكبرين الموضوع الحل موجود إنك تاخذين اغراضك معك للمشغل ويسوون لك فيها وعلشان كذا اقول لكم اقروا النقطة الثانية بموضوعي وهي بعنوان (ليه حلاقين الرجال متفهمين والمشاغل النسائية لا)
قلت للكوفيرا الي تشيل بالشمع اليوم لو اجيب جهاز للشمع زي جهازكم وتشيلون لي بجهازي عادي قالت لا سوي بحقنا بعدين قالت جهازك نفس هذا قلت ايه (مع اني الصراحة ماشريت الجهاز بس ناويه ان شاء الله اشريه بعد الي شفته اليوم) وسكتت ماقالت لا ايه ولا لا وبعدين رحت لمشغل ثاني وسألتهم عن نفس الموضوع قالت لي الموظفة الي بالإستقبال عادي جيبي جهازك , وأنا عن نفسي أول مره اقول للمشغل ابجيب اغراضي معي لأني أخاف يعيون واتفشل والا يعتبرونه اهانه لهم والا يوافقون بس مايعاملونن زين ولا يخلصون معي بالشغل لأن الحريم حساسات مهوب مثل الحلاقين الرجال لو اقول لهم بجيب اغراضي معي بيحسونه استحقار لهم وانا والله مااستحقرهم بس مع الزحمه عارفه انهم مهوب سامحينن لي اتشرط نظفوا اغراضكم غيرووا لي الفرشه غيروا لي القطن

إذاً موضوعي هذا اوجهه بالمقام الأول لبعض صاحبات المشاغل حتى يشددن الرقابه على نظافة مشاغلهن أو على الأقل يقولون للعاملات بالمشغل يسمحون للزبونه بإحضار اغراضها الشخصية إذا كانت ترغب بذلك ولا يتحسسون العاملات ولا صاحبة المشغل من طلب الزبونه بإحضار ادواتها لأنه لو ما كان عاجبه المشغل ماكان جت له أصلاً بس من حقه يكون له اغراض خاصة


وشكراً
ريا غير متصل   الرد باقتباس

 
قديم(ـة) 25-07-2009, 02:54 AM   #2
عضو بارز
 
تاريخ التسجيل: Jun 2009
المشاركات: 330
قوة التقييم: 0
مشاري99 is on a distinguished road
كلام جميل هل يجد آذان صاغيه ؟؟؟؟؟؟؟؟؟؟؟؟؟
مشاري99 غير متصل   الرد باقتباس
قديم(ـة) 25-07-2009, 02:58 AM   #3
*صعبة قوية*
 
صورة *الـــعـالمـــيه* الرمزية
 
تاريخ التسجيل: May 2008
البلد: بقلوب أحبــــــتي,,
المشاركات: 7,777
قوة التقييم: 0
*الـــعـالمـــيه* is a name known to all*الـــعـالمـــيه* is a name known to all*الـــعـالمـــيه* is a name known to all*الـــعـالمـــيه* is a name known to all*الـــعـالمـــيه* is a name known to all*الـــعـالمـــيه* is a name known to all
كلامك واااااقعي 100%

اشياااء كثيره يستخدمونها ويكرفونها لاكثر من زبونه!!

يعني حرااام يمكن لاقدر الله وحده فيها مرض اوحساسيه معديه!!!<<وش نسوي بذي الحاله؟؟

كل مادخلت المشغل اخاااااف واتردد بس الشكوووى لله

مشكوووره اختي,,

بانتظاااااار الحل!!
__________________
لَآ إلَهَ الآ اللّهْ . . عددَ مَآكَآنْ . . وَعَددَ مآيكُونْ . . وَعَددَ الحَركآتِ والسّكُونْ


*الـــعـالمـــيه* غير متصل   الرد باقتباس
قديم(ـة) 25-07-2009, 03:13 AM   #4
عضو ذهبي
 
صورة عسولهّہ الرمزية
 
تاريخ التسجيل: Jul 2008
البلد: في كِـِـِوكب العسِـِولآت مو من وراهـِ
المشاركات: 3,405
قوة التقييم: 0
عسولهّہ has a spectacular aura aboutعسولهّہ has a spectacular aura about
اقتباس:
استعملت لي الكوفيرا اسفنجة دائرية شكله كانت مستعمله قبلي لأن كني لمحت فيها اثار كحل وبللته بمويه ومسحت فيها عيني
اكيد لو انتي ساكته بتمسحك باي اسفنجه بس لو تقولين له بالعكس مافيها شي

موضوعك حلو
__________________
أستغفر الله وأتوب إليه
عسولهّہ غير متصل   الرد باقتباس
قديم(ـة) 25-07-2009, 03:14 AM   #5
عضو ذهبي
 
صورة حِكــايه الرمزية
 
تاريخ التسجيل: Nov 2007
البلد: .....
المشاركات: 3,285
قوة التقييم: 0
حِكــايه has a spectacular aura aboutحِكــايه has a spectacular aura aboutحِكــايه has a spectacular aura about
ليته على كذا.)
انا مره رحت لمشغل وجت مجموعة بنات يبغون يسوون مكياج واتوقع من القرى المجاورة).
تدرون قالت كل وحدة اسويلها مكياج ب200 ريال وافقن).
راحت وطلعت لهم مكياج من ابو ريالين وكحل يحوم الكبد برضه من ابور ريالين!!!!
وهن ياغافل لك الله وش يدريهن).
شيء يقهر من جد).استغلال لابعد الحدود).
وفوق هذا تسرح شعرك بفرشه مستخدمه ومناشف مستخدمات).
وهـ الله لايحدنا لهالمشاغل الكحيانة.
عوااافي موضوعك بالصميم.)
حِكــايه غير متصل   الرد باقتباس
قديم(ـة) 25-07-2009, 04:46 AM   #6
عضو ذهبي
 
صورة صرخة انثى الرمزية
 
تاريخ التسجيل: Apr 2008
البلد: ضيعت دروبي وخطواتي
المشاركات: 2,845
قوة التقييم: 0
صرخة انثى is on a distinguished road
ياعمري يارياا هذا قليل بحق بعض المشاغل من اهماال ووصخ بالذات اوقات الزحمه بالعطل والمناسبات

لكن للامانه كلامك جدا صريح ويحكي واقعنا اللي كلنا نعاني منه ومافيه اي مبالغه

لكن الحل الوحيد اننا مانجامل العاملات ونسكت على الغلط على حساب صحتنا يعني الوحده اذا شافت الشي اللي موب عاجبه تقوله معليش

غيريه وجيبي شي جديد والا مغسوول وياليت بعد نقدر نعتمد على انفسنا بكل شغلنا ولانحتد لهم الا للضرورة القصوى

شكرا لك ريا وان شاء الله يوصل صوتك لصاحبات المشاغل وياخذونه من باب الجديه ومايتهاونون فيه...
__________________
صرخة انثى غير متصل   الرد باقتباس
قديم(ـة) 25-07-2009, 06:29 AM   #7
عضو مميز
 
تاريخ التسجيل: Feb 2007
البلد: بالرس
المشاركات: 127
قوة التقييم: 0
ريا is on a distinguished road
أشكر كل الي تفاعلوا مع موضوعي
مشاري99
العالمية
عسوله
munaleeza
صرخة انثى <<< انتي تقولين المفروض مانجامل أنا والله ما اسكت علشاني اجامل اسكت علشاني اخاف يعني أمس وش الي ردن مالزمت على الي تسوي شمع انه تنظف الجهاز وتعبي فيه شمع جديد الا اني خايفه انه تعصب علي وتسوي لي بنفس شينه وتحرق وجهي بالشمع ونفس الكلام الي يقصون اخاف لو اقوله ابجيب فرشي معي خربت لي شعري


أما قصدي بـ( ليه الحلاقين متفهمين والمشاغل لا ) أقصد أن الي أعرفه واسمعه أن أكثر الرجال ياخذون عدة الحلاقة حقتهم معهم للحلاق ويستعمل لكل رجل أدواته الخاصة الي جايبهن معه والحلاقين عادي متعودين على كذا أما حنا الحريم لا نخاف ناخذ عدتنا معنا ويفسرونه غلط


هاه قولوا لي يابنات تأيدون أننا ناخذ عدتنا معنا والا وشولوه وسوسه ؟؟؟؟؟؟

ورسالة اوجهها لكل صاحبة مشغل استشعري ياعزيزتي مراقبة الله لك وأعلمي أنك محاسبة عن كل انسانه دخلت في الماضي وسوف تدخل بالمستقبل الى مشغلك سواء سويتي لها شيء محرم كالنمص و الوصل الي الناس الحين متهاونين فيه كثير أو اهملتي صحته وضريتيه
ريا غير متصل   الرد باقتباس
قديم(ـة) 25-07-2009, 08:19 AM   #8
عضو مبدع
 
تاريخ التسجيل: Nov 2007
المشاركات: 1,928
قوة التقييم: 0
سواااااح is on a distinguished road
وشي ثاني وهو أسعارهن غاليه جدا

لو يخفضون شوي

أجل المكياج والتسريحه بـ 300 ريال!!!

ليلة وحده وشغلها ماياخذ له نصف ساعه!!
__________________
سواااااح غير متصل   الرد باقتباس
قديم(ـة) 25-07-2009, 01:27 PM   #9
عضو متألق
 
صورة اسمى احساس الرمزية
 
تاريخ التسجيل: Dec 2008
البلد: فِي عَالَمْ لآ يَجُولْ فِيه غَيْر{الصّمْت}
المشاركات: 1,041
قوة التقييم: 0
اسمى احساس is on a distinguished road
وانا اقول كلامك واااااقعي 100%
بس الحمد لله انا ماروح للمشاغل ابد والله لا يحدن عليهم
مشكوره على الموضوع بوركت ِ
__________________
...



اسمى احساس غير متصل   الرد باقتباس
قديم(ـة) 25-07-2009, 01:30 PM   #10
عضو مميز
 
صورة Rina-Ishida الرمزية
 
تاريخ التسجيل: Apr 2008
المشاركات: 270
قوة التقييم: 0
Rina-Ishida is on a distinguished road
كلامتس صح ميه المية
لكن في مشغل اتصلت عليهم و قالوا ميخالف تجيبين أداوات
لكن فيه مشاغل ثانية قالوا لأ
__________________
Rina-Ishida غير متصل   الرد باقتباس
إضافة رد


يتصفح الموضوع حالياً: 1 (0 من الأعضاء و 1 من الزوار)
 
أدوات الموضوع
طريقة العرض

قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق
Trackbacks are متاح
Pingbacks are متاح
Refbacks are متاح


مواضيع مشابهة
الموضوع الكاتب المنتدى الردود آخر مشاركة
التوعية الصحية ( مفاهيم واساسيات ) التثقيف الصحي المنتدى الدعوي و الأسرة والمجتمع 8 16-05-2009 06:06 PM


الساعة الآن +3: 03:01 PM.


Powered by vBulletin® Version 3.8.7
Copyright ©2000 - 2017, vBulletin Solutions, Inc.
SEO by vBSEO 3.6.0 ©2011, Crawlability, Inc.
هذا المنتدى يستخدم منتجات بلص

1 2 3 4 5 6 7 8 9 10 11 12 13 14 15 16 17 18 19