عـودة للخلف   منتديات الرس اكس بي > منتديات الرس اكس بي > المنتدى العام والمواضيع المتنوعة
التسجيل الأسئلة الشائعة التقويم تعليم الأقسام كمقروءة


المنتدى العام والمواضيع المتنوعة الموضوعات العامة والمناقشات والحوارات الهادفة، والتي لا علاقة لها بأقسام المنتدى الأخرى.

موضوع مغلق
 
LinkBack أدوات الموضوع طريقة العرض
قديم(ـة) 27-07-2009, 04:43 AM   #1
عضو متألق
 
تاريخ التسجيل: Sep 2007
المشاركات: 700
قوة التقييم: 0
حوطي من الرس is on a distinguished road
Red face مالا يعرفه الرجال داخل صالات الافراح النسائية


بسم الله الرحمن الرحيم
الحمد لله والصلاة والسلام على رسول الله وبعد...
حينما نسمع أن النساء ناقصات عقل ودين لا يقصد بها أنهن أقل عقل من الرجال... ولكن لان الحرمه تأتيها الدوره الشهريه كل شهر ولا تصلي فيها ولا تصوم ولا تمس القرآن ولا تدخل المسجد... الخ بعكس الرجل الذي لا تأتيه دوره شهريه ...
أخي الرجل لو تعلم ما بداخل قصر الأفراح القسم النسائي سترى أن الحريم يفقدن عقولهن إلا ما شاء الله تبارك وتعالى وهو على كل شيء قدير سبحانه....
حاولت بقدر المستطاع أن أبين لك أخي الرجل ما يدور خلف أسوار القسم النسائي الذي لا ترى منه إلا سيارة تنزل حريم وأخرى تشيل حريم... ولا تسمع إلا صوت الطقاقات أو صوت الـ D.J.
ولكن حوطي من الرس سوف يبين لك خفايا ما يدور خلف القضبان ونسأل الله سبحانه العفو والعافية في الدنيا والآخرة...وإليك التفاصيل:
1- هل تعلم أخي الرجل أن البنت الغير متزوجة تعرض نفسها بطريقة لا نعلمها نحن الرجال؟؟؟ البنت اللي ما تزوجت ولا جاها نصيب فهي تبحث عنه بالأعراس ، فتقوم البنت بضرب المكياج على وجهها ثم تدخل القصر وتقوم بالرقص ثم يهيم من يراها بجمالها وتتعجب تلك العجوز أن هذه لم تتزوج فتقوم بالبحث عن أم تلك الفتاة ثم تأخذ رقمها لتخطبها لولدها العزيز .
2- المكياج وما أدراك مالمكياج... تقول أن هالحرمه جايه لحفله تنكريه ، الوجه ابيض والرقبة سوداء تقول تشجع فريق الشباب السعودي ... واللمعة اللي حاطته على وجهها كنه قزاز... هل تعلم أخي الرجل أن مقياس الجمال داخل القصر للأفضل مكياجا وليس للافضل دينا ولا أخلاقا ولا علماولا جمال. لله دركن أيتها الحريم...
3- الملثمات والمغاتير والمنقبات << تقول أنواع من الابل... على العموم هذولي عالم ثاني داخل صالة الأفراح... تجيك الملثمه وتسوي مكياج على الي يطلع من وجهها بس والمنقبه نفس الشي يعني لو لا قدر الله وطاحت غطوتها وإلا طرحتها شفت الوجه شكلين شكل أبيض من المكياج وحب السكر والكحل والحمرة ... والشكل الثاني هو الشكل الحقيقي بالنسبة للوجه يعني أي كلام..
وقفه
طبعا لك الحق أيها الرجل تسأل ليش تجي الوحدة منقبة؟؟؟ والا متلثمة؟؟؟
الإجابة باختصار شديد هي إما أن الحرمة لم تعزم أساسا وجايه لأنه مذكور لها أن هناك زواج بقصر الـ.... فيه طق. وإما أن الحرمة عجزانه تتمكيج فيكون اللثامة أسهل طريق للخروج بشكل حسن ووضع بعض المكياج وبعض الحمرة على الجزء الظاهر من الوجه بس , وإما تكون ما عندها فستان تلبسه فتكون العباية ساترة للقميص اللي لابسته.
4- عند الحرمة لازم يكون اللون واحد يعني صبغة الشعر والخروص <<الحلق والساعة والكحل والحمرة واللي فوق العين والديرمان<<الروج ...الخ ويا كثر حوستهن على الفاضي وبس...
5- تجيك وحده من الحريم وتقول للكوافيره أبي مثل مكياج نانسي عرجم وإلا باستال مزعلاني ... حتى لو انها ما تشبه لها بس شي بالخاطر خخخخخخخخخخخخخخ ما احد يحتقر نفسه بس الثقه بالنفس زينه.....

6- الرقص هذا يبي له مجلد لحاله... ولكن سأركز على أن الحرمة إذا قامت بالرقص فهي تهدف لإعجاب الحضور برقصها وأنها الأفضل ... والطامة الكبرى أن مقياس ذلك هو أن تقوم الطقاقة بتشجيعها وتنادي بلون فستانها ثم تقول أيوه يا لون فستقي أو وردي ... وفي تلك الليلة ما لها سالفه إلا شفتي الطقاقه يوم شجعتني... المشكلة لو تقول لها تشتغلين طقاقه ؟ تقوم عليك وتقول ما عاد إلا هي اشتغل طقاقه.... يا خف عقل السعودية تتلزق بالطقاقات.
7- أما رقص العجيزات لحاله خصوصا إذا صارت الأغنية اللي ترقص عليها سريعة وإلا هاديه.

8- الخدمة الذاتية : عاد هذي فيها مواقف عد وأغلط..... طبعا للي ما يعرف الخدمة الذاتية هي طاوله وعليها مجموعة كراسي للضيوف الكرام من الحريم... بعض الحريم إذا جلسن على طاوله تقول جالسات بفصل ثاني ابتدائي يعني انس انهن يقومن وإلا يتحركن شبر وإذا قامن خلن وحده على الطاولة تدرون ليش؟؟؟ عشان ما تجي وحده وتاخذ مكانهن ثم يكملن السهرة واقفات........
وتجيك حرمه إذا بغت تمشي شالت اللي على الطاولة من حلاو ومعجنات وحطته بالشنطه لأنها مستحيه تاكل قدام الناس فتروح للبيت وتاكل بالخمس ولا عندها إلا كاس الماء ماليته ببسي...
والسوالف على الطاولة عن فلانه كيف ترقص وعلانه يا شين رقصتها وشفتي فلانه؟؟؟ تراها مطلقه... لا وازودك من الشعر بيت ترى عرس رجالها بعد أسبوع خخخخخخخخخخخخ ...

10- بـ صالات الأفراح تجدون العجب العجاب فهناك أشكال وألوان ولكن الغريب بالأمر أن هذه الأم تخاف على بناتها يسرقون فتشتري فساتين تتشابه لبناتها الصغيرات ، فتشوف بنات أم صالح لبسهن واحد وبنات العمة مزنه لبسهن واحد وهلم جرى .. بس الأم مستحيل تلبس مثل أختها<<< واخزياه وش بيقولون الناس عني .خخخخخخخخخخخخ بيقولون الحمد لله والشكر على العقل .

9- البوفيه المفتوح وما أدراك ما البوفيه المفتوح... إذا بغيت تشوف البذخ والإسراف على أصوله شف البوفيه المفتوح... ويا ليت أن العشاء يكفي الحضور الكريم من الحريم... يا ناس يا عالم يا حريم الله يهديكن ويشفيكن ترى ربعنا ما يعرفون لهالحركات يعني خلوكم على صحن الرز وعليه قطعة لحمه ومعها ببسي وبرتقاله وموزه .لكن يا شين اللي يلبس ثوب مهوب له....
إذا قالوا حياكم الله تفضلوا على العشاء يا سلاااااااااااام تشوف ترتيب الصحون والأكل من ما لذ وطاب ثم تجيك الحرمة الأولى تاخذ لها صحن وتملاه من جميع الأنواع وتاخذ حق عشرة حريم وتروح لحالها وتقعد تاكل... خخخخخخخخخخخخ وتجي الثانية ونفس الطريقة والعاشرة ونفس الطريقة ثم يخلص العشاء وما يبقى إلا الخبز وشوي حمص ومتبل لكم حرمه والباقي يحطن الحره بالحلاو والمعجنات .... وتروح الليلة ما تعشى الا ربع الحريم بس.
11- بعد العشاء وملء البطون تبدأ العجز بسحب الكراسي نحو المنصة ويجلسن يتفرجن وإذا جت فرصه زينه قامت ترقص نسأل الله العفو والعافية.



وبالأخير هناك نقاط كثيرة ولكن ما أحب أطول الموضوع أكثر من كذا ونسأل الله أن يهديهن ويشفيهن ويرفع عنهن ويرحمنا وإياهن برحمته
حوطي من الرس غير متصل  

 
قديم(ـة) 27-07-2009, 05:08 AM   #2
عضو نشط
 
صورة الماااااس الرمزية
 
تاريخ التسجيل: Jun 2005
البلد: الارض الفانيه
المشاركات: 84
قوة التقييم: 0
الماااااس is on a distinguished road
(
)
(

كــــل واحـــد يتكلمــ عن اهل بيته واللي عنده وحولهـ والتعميمــ ماينفع بذي المواضيع السامجهـ....

وانا اتوقع انك حكمت على الحريم كلهن لان اللي حولك كذا لا تقول لا ... لانك رجل وماتدخل صالات الافراح الا اكيد تشوف حركات اللي حولك ...

بس اللي تبطي ماتطولهن مايسون ذا الحركات ...

اقتباس:
3- الملثمات والمغاتير والمنقبات << تقول أنواع من الابل...
بس ابي افهم علشان حسيت الكلام لخبط معلوماتي .. صح الابل انثاه الناقه ؟؟؟ والذكر حقه وش يسمونه بعير <<< وياشين البعير اذا حقد ...


(
)
(
__________________
..
إذا جار الوزير وكاتباه وقاضي الأرض أجحف في القضاءِ
فـ ويلٌ ثم ويـلٌ ثم ويلٌ لقاضي الأرض من قاضي السماءِ
الماااااس غير متصل  
قديم(ـة) 27-07-2009, 05:23 AM   #3
Banned
 
تاريخ التسجيل: Sep 2008
البلد: في ارض الله الواسعهـ
المشاركات: 109
قوة التقييم: 0
دلوعه الرس is on a distinguished road
تسسسسسسسذب ماعمري حطيت مكياج00والخطاطيب طوابير00
اووب كلنا نحط مكياج00
شكلك تمنى حريمتك تلط لك وياويلي ماعنده ولاروج00
دلوعه الرس غير متصل  
قديم(ـة) 27-07-2009, 05:30 AM   #4
ღ قلب 1 ما نفترق ღ
 
تاريخ التسجيل: Nov 2005
المشاركات: 4,588
قوة التقييم: 0
miss a will become famous soon enough
هههههه
والله خطير ع هالعنوان .. مسوي انت الي تعرف عن الحريم وفاهمهن وباخصهن ؟
شكله انت الي هاوشتك الطقاقه يوم تقول ( سكر الباب لافقع وجهك الحين ) ههههههههه

طبعا هذا مقطع مشهور انتشر للطقاقه منيره تهاوش واحد يويق عليهم بالعرس ..

وغير كذا تبي عروسنا مثلكم يالرجال تقل بعزا يالله لاتغيير علينا ..

وطمبق طمبق
__________________
شكراً
miss a غير متصل  
قديم(ـة) 27-07-2009, 05:38 AM   #5
عضو مبدع
 
صورة Dream girl الرمزية
 
تاريخ التسجيل: Apr 2008
المشاركات: 1,555
قوة التقييم: 0
Dream girl is on a distinguished road
....



ماودي احلف انك بنت ..الحين حنا وحنا بنات ماانتبهنا لكل هذا وشلون عاد ولد..بس فضحت عمرك بهالموضوع..
طيب الحين انت وش تبي بالضبط يمكن نقدرنساعدك ونخفف عنك لانك تنرحم صراحه عفوا تنرحمين..


عاد الحين تقتبس الرد وتقول شكرا على المرور... احلاااا يابارد ياللي مايهمه شي صراحه انت قوي وعضلااات


...







....
Dream girl غير متصل  
قديم(ـة) 27-07-2009, 05:44 AM   #6
عضو مبدع
 
صورة شموع تحت المطـر الرمزية
 
تاريخ التسجيل: Sep 2007
المشاركات: 1,818
قوة التقييم: 0
شموع تحت المطـر is on a distinguished road
شكلك من شكيـــــــــــــــــــــله الي يدخلون الزواجات و هم مغاتيــــــــــــــــــر


هذا سابقا لكن الان كل الزواجات ممنوع المغاتيـــر


وش تحس فيه ا نت ؟


وش رايك تجين تقهو ين معي ياحصيصه بس خلي عنتس الهياط
__________________
لا الًـه الا الله
شموع تحت المطـر غير متصل  
قديم(ـة) 27-07-2009, 06:48 AM   #7
عضو متواجد
 
صورة دغيميه^^ الرمزية
 
تاريخ التسجيل: Jul 2009
المشاركات: 35
قوة التقييم: 0
دغيميه^^ is on a distinguished road
هههههههههههههههههههههه

الحمدلله والشكر ع نعمة العقل
صدز ان العقل نعمه
لاوالمشكله ذاكر اشياء حنا يالحرييم مانشوفهن بالزواجاات
من وين جايبهن مآآآدري
صرااحه ذا الآدمي يصلح يآلف روآآيات خياااليه هههههه
الله يشفييك مير ويعافيك مما ابتلاك
ننتظرك برواايه جديده
دغيميه^^ غير متصل  
قديم(ـة) 27-07-2009, 07:23 AM   #8
عضو متألق
 
صورة #الساهر# الرمزية
 
تاريخ التسجيل: Jul 2008
البلد: الـــــرس
المشاركات: 734
قوة التقييم: 0
#الساهر# is on a distinguished road
والله انك صادق ..

والخبل الي يطاوع الحريم ...

والعرس الي ما فيه حريم فاعلم انهم وفروا بنسبة 90%
__________________


الله يغفرله ويرحمه ويسكنه فسيح جناته
#الساهر# غير متصل  
قديم(ـة) 27-07-2009, 07:24 AM   #9
عضو متواجد
 
تاريخ التسجيل: Feb 2008
المشاركات: 48
قوة التقييم: 0
zaeem is on a distinguished road
ياخي مدري

بس كلامك فيه من الصحه الشي الكثير
__________________
تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً
zaeem غير متصل  
قديم(ـة) 27-07-2009, 07:34 AM   #10
عضو مميز
 
صورة توفـي لي الرمزية
 
تاريخ التسجيل: Dec 2008
المشاركات: 134
قوة التقييم: 0
توفـي لي is on a distinguished road
يــــــــــاســـــــاتــر!!!!!!
__________________
إذآ ڪْــآن آڷأمـس قـد ضــآع ..!! فبيـن يديـڪْ آڷيـــوم ..
ۈإذآ ڪْــآن آڷيــوم سـۈف يجمـع آۈرآقـﮧ ويـرحــڷ فلديـڪْ آڷغــد
ڷآتحــزن علـى آڷأمـس فهـۈ ڷـن يعـۈد وڷآ تأسـف علـى آڷيـۈم فهـۈ رآحـڷ ..
ۈآحڷــم بڜمـس مضيئـﮧ فـي غـدٍ جميـــڷ ..:(
توفـي لي غير متصل  
موضوع مغلق


يتصفح الموضوع حالياً: 1 (0 من الأعضاء و 1 من الزوار)
 
أدوات الموضوع
طريقة العرض

قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق
Trackbacks are متاح
Pingbacks are متاح
Refbacks are متاح


مواضيع مشابهة
الموضوع الكاتب المنتدى الردود آخر مشاركة
يا خادم الحرمين الشريفين هل انا سعوديه ؟؟؟ ღ لحظـة سگوٍن ღ المواضيع المنقولة وأخبار الصحف والوطن 2 05-12-2008 06:33 AM
الــــنـــــهــــايـــــه،،،، في صمتي مهابه منتدى الرياضة و السوالف المتنوعة 40 11-11-2008 02:00 AM


الساعة الآن +3: 10:57 PM.


Powered by vBulletin® Version 3.8.7
Copyright ©2000 - 2017, vBulletin Solutions, Inc.
SEO by vBSEO 3.6.0 ©2011, Crawlability, Inc.
هذا المنتدى يستخدم منتجات بلص

1 2 3 4 5 6 7 8 9 10 11 12 13 14 15 16 17 18 19