عـودة للخلف   منتديات الرس اكس بي > منتديات الرس اكس بي > المنتدى العام والمواضيع المتنوعة
التسجيل الأسئلة الشائعة التقويم تعليم الأقسام كمقروءة


المنتدى العام والمواضيع المتنوعة الموضوعات العامة والمناقشات والحوارات الهادفة، والتي لا علاقة لها بأقسام المنتدى الأخرى.

إضافة رد
 
LinkBack أدوات الموضوع طريقة العرض
قديم(ـة) 28-07-2009, 11:17 PM   #1
عضو ذهبي
 
تاريخ التسجيل: Oct 2008
البلد: في رحاب الله
المشاركات: 3,297
قوة التقييم: 0
نبض مشارك is on a distinguished road
Arrow ..::..ياشبـاب تكفون طلبتكم .. لاتردون هالوجه..::..



الله يرضى عليكم أبحتسي؛؛؛وأسمعون لاتطلعون
ترى الموضوع مافيه كلافه هي كم كلمه تقعقع بصدري

اليوم رحت السوق ومعي أهلي... نزلتهم وجلست في السياره أنتظرهم
ومقفل الشباك وفاتح المكيف وماأسمع حس أحد
كان قدامي بنيات على أعمار العشرين ,,أظنهم ينتظرون أحد ياخذهم
طبعاً ماأخذت كم دقيقه ألا وقوطي ببسي يرنع سيارتي من ورى
أنهبلت قمت نزلت أقصد ترجلت من السياره
وأثر مافيه أحد!! ... ألا شايب جالس وعمال ...وتحت السياره قوطي ببسي ...
قلت من اللي رماه؟!!... قال العامل :هذا نفر شباب راح سياره!!!...

!!!!!!!!!!!!!!!!!!!!!!!!!!!!!!

أناسكت وركبت....<<أيه قلت بنفسي واحد قذر

بعد عشر دقايق من اللي صار تأخروا أهلي ماأطلعوا
نزلت أبروح لهم ..وأنا نازل البنات يحسّبن وبصوت عالي شوي أحس أنه موجه لي
قلت بنفسي ياولد وش السالفه وقسم بالله أن وجهي يخر من الأحراج والهبله
وأنا ماسك عتبت المحل أبدخل مر جمس أسود فيه أنسان ..
ورمى علبتين سفن <<<شكله يجمع من الشارع
عرفت أن الحركه مقصوده للبنات
طلعوا أهلي وأنامعهم وأثره رجع نفس الجمس ومعه "أثنين نفر شباب "ورمى كم كلمه قذره كقذارة صندوق القمام

****
عقبها طننننننننن عيييييييط لسيارة المرور اللي عند الجامع...وحدّثت بمارأيت على أستحياء
وركبت سيارتي ومشيت...

أنا مهب أول مرّة أشوف أنسان يؤذي البنات في السوق لاوالله مهب أول مرّه
لكن أول مره أشوف أذى وصل لحد رمي العلب...!!


!!!!!!!!!!!!!!!!!!!!!!!!!!!

والله ياأخوان أني ماأدري وش أقول !!

حتى الشرطي ماقلت له شئ غير فيه جمس بهذه المواصفات وهذا رقم اللوحه
وأنه مر3مرات يرمي علب وكلام على المارين وبس ... والله أستحيت

والله عيب عيب عيب عيب عيب عيب عييييييييييييييييييييييييب يارجل أستح وش سويت!!
والله مهب أخلاق رجال والله العظيم مهب أخلاق رجال


هذا سفه..هذا ضعف أراده
موب قادر تقيم نفسك على اللي سويت ؟؟!!
لأنك والله لو فيك ذرة رجوله كنت وطيت راسك بالتراب من الكلام القذر اللي ماأدري كيف سمحت لنفسك تطلعه لمسلمات

ياأخوي "المسلم الملسلم
الملسلم من سلم المسلمون من لسانه ويده" .
بنات مالك ومالهن ياأخي ماترضاها لأقرب الناس لك
أتق اللي خلقك تراه يشوفك والله العظيم ورب الكعبه مهب عجز عنك
والبنات قسم بالله أنهن يحسبن عليك وسمعتهن بأذوني الثنتين ...
والله يادعوة وأنا أخوك والله يادعوة مايرده ألا باب الله سبحانه

أنا ماأدري وش تستفيد وش تتغدي بهاالحركه والله أنك ولاشئ ...والله أنك طابوق ولا شئ ..
على بالك الطوابيق اللي معك بالسياره يشجعونك من حبهم لك ؟؟...إيخسي شيطانك وشيطانهم اللي ضحك عليكم والله لو يحبونك ماصفقولك

وش خليت للمهابيل..!!؟ تدور في جمس أسود مظلل كنه دبابة أقتحام على بالك ماأحد يشوفك؟
على بالك ماأحد يشوفك؟! فوقك الله سبحانه والله العظيم لو توزى بنفق تحت الأرض شافك..وسبحانه يمهل ولايهمل...

******
أنا لوما أهلي معي ولا كان علوم
والله ياتسبدي أنه تقل جمر
ياأخوان من يوقفهم عند حدهم والله أنهم كثروا ..الله لايزيدهم ...ويهديهم
عجزنا وحنا نصيح بالمساجد عجزنا وحنا نكتب بالمنتديات عجزنا ياشباب متى تنتبهون لأعماركم

ياشباب متى تنتبهون لأعماركم
ياشباب متى تنتبهون لأعماركم
متى تنتبهون لأعماركم
متى متى بس؟
والله أن الموت ماله ساعه ماله موعد
ياأخي أستح من وقفه بتاقفها قدام ربك وش تقول له هكاالساعه؟؟
وش تتسوي أذا جت القاصه والمقصوص منها وأخذوا حسناتك وأقتصوا منك.. وأنت مالك ألا تراب...تراب يامال الغنيمه
ترى الدنيا مهب عبث أماااااه
لاتحسب أنك تلعب بدون حساب لا يالحبيب الناس له حقوق والله له الحق الأكبر لاتنساه
"في كتابٍ لايغادرُ صغيرةً ولاكبيرةً ألاّ أحصاها ووجدوا ماعملوا حاضراً ولايظلمُ ربُّك أحداً "
أنت توحي



ياشباب

أناوالله ماكتبت هالكلام لأني أكرهكم أنا ماأعرفكم.......أنا كرهتكم بكراهة أعمالكم وأخلاقكم اللي توطي الراس
أدري أن فيه بنات ضايعات بالسوق وماأقول ألا الحمد لله على ماأعطى الله لايبلانا ويصلحهن
لكن أنت رجل تطلع وتدخل موسع الله عليك شف لك دار غير السوق والله مهب أطيب لك أن مت فيه
ولاهب من شيمنا حنا يالرجال ..والله أني أنحرجت وأنا مالي دخل

*****
أخخخخخ ياعالم تعبت من الكتابه وعسى ماأكون تحت هذا السطر
لقد أسمعت لو ناديت حيّا ... ولكن لاحياة لمن تنادي

أسأل الله أن يهدي قلوبكم....وأنا لله وأنا أليه راجعون


__________________


عن أبي هريرة رضي الله عنه قال :
" أوصاني خليلي بثلاث لا أدعهن حتى أموت ، صوم ثلاثة أيام من كل شهر ، و صلاة الضّحى ، و نوم على وتر "

المحاضرة التي بدلت حياتي ★★★★★
نبض مشارك غير متصل   الرد باقتباس

 
قديم(ـة) 28-07-2009, 11:40 PM   #2
 
صورة فادي الثواب الرمزية
 
تاريخ التسجيل: Sep 2008
البلد: القصيم / الرس !!
المشاركات: 1,078
قوة التقييم: 0
فادي الثواب is on a distinguished road


أخي و حبـيـبـي في الله .. نبض مشارك ..

أتعرف ( أشـبـاه الرجال ) ؟
لا أخفيك إنني أسميه داء العصر ..

وعندما ترى مثل هذا المظهر .. ينقدح في ذهني دور هيئة الأمر بالمعروف ..
ودورك .. ودوري .. ماذا قدمنا لحماية شبابنا وفتياتنا ؟؟

وعندها يصفـق " الزناة " وقراع الكؤوس من (بني ليبرال وعلمان) ..
بهذا التطور والإزدهار " الإختلاط " ..

هنا نستشعر ونستطيع أن نقدّر أهمية الأمر بالمعروف والنهي عن المنكر ..
لا أقول إلا (حسبنا الله ونعم الوكيل .. أسأل الله أن يهديهم)

نبض .. شكر الله لك غيرتك ..



فادي ,,

__________________


سأختار قوة المنطق ... وسأترك لك منطق القوة

فادي الثواب غير متصل   الرد باقتباس
قديم(ـة) 29-07-2009, 12:11 AM   #3
عضو ذهبي
 
تاريخ التسجيل: Oct 2008
البلد: في رحاب الله
المشاركات: 3,297
قوة التقييم: 0
نبض مشارك is on a distinguished road
أحبك الله الذي أحببتنا فيه
يمرُّون مثل البرق جبنــــــــــاء متخفين بأغطيت أبليس الموهومه,,,لايسعني بهذه الثواني ألا أن أقول بصوت المتألم العاجزحسبنا الله ونعم الوكيل
المزعج الأمَرّْ حين يترجلون بثقة بين الفتيات ويتلقونك بأعذار أقبح من أفعالهم "حنّا ماغلطنا حنا نتمشى ..حرام بعد"!!
أضحك متألماً ياأخي حين أرى بني قومي مرتدين زِيًّ الأطفال ..هل العورة من السرّة وحتى الركبه؟
وكأن المقاسات ضاقت عليهم أسأل الله أن يعافيهم مما أبتلاهم...
أتحسر على البيوت حين أرى ثلة أخرى من بنات قومي يرتدون فساتين سوداء والعينان تومض نحو مؤشر الأنحدار...

فــــــادي
المسأله بدت صعبة جداً بالنسبة لي ..لا أخفيك........ أشعر بالعجز هناك...
لا أنكر دور رجال الحسبة
لكن السوق يافادي أصبح معرض بالأشكال والأجناس المخجله من فتيان وفتيات أفكارهم متشوكه ببني علمان..

هذا دوري في المنتدى ولعله قلة حيلة أن شئت قل

اللهم أهدي قومي فأنهم لايعلمون....


__________________


عن أبي هريرة رضي الله عنه قال :
" أوصاني خليلي بثلاث لا أدعهن حتى أموت ، صوم ثلاثة أيام من كل شهر ، و صلاة الضّحى ، و نوم على وتر "

المحاضرة التي بدلت حياتي ★★★★★
نبض مشارك غير متصل   الرد باقتباس
قديم(ـة) 29-07-2009, 12:24 AM   #4
عضو ذهبي
 
صورة همس الرمزية
 
تاريخ التسجيل: Apr 2007
البلد: في مملكتي
المشاركات: 3,349
قوة التقييم: 0
همس is on a distinguished road
الله يعين

الفراغ يسوووووووي اكثر عطلة وفاضين وما فية رقابه ذاتية من انفسهم

ولا خووووووف من الله ولا من الناس

لا وجاي رمضان بعد الله يعين على دوجتهم بالسووووووق وقله حياهم

الله يهدي الجميع
__________________


عساك تبقى حي ياشايب لي
يابوي ياللي مايساويك رجال
همس غير متصل   الرد باقتباس
قديم(ـة) 29-07-2009, 01:30 AM   #5
عضو اسطوري
 
صورة ســــاري الرمزية
 
تاريخ التسجيل: Aug 2006
البلد: .. الكوكب المسكوون ..
المشاركات: 36,682
قوة التقييم: 0
ســــاري is a jewel in the roughســــاري is a jewel in the roughســــاري is a jewel in the rough
::

لقد أسمعت لو ناديت حيّا ... ولكن لاحياة لمن تنادي

أسأل الله أن يهدي قلوبكم....وأنا لله وأنا أليه راجعون


و في مثل هذه الشرذمة يصدق القول :

إن الله يزع في السلطان ملا يزع في القرآن

فما لهم الا التأديب و لا شيء غيره

فالذي لا يستحي من الله فلن يستحي من الناس ..

نسأل الله لهم الهداية

و أن يكفيناا شر كل من فيه شر

شكر الله لك غيرتك اخي الكريم

محبك / ســــــــــاري ،،،،




::
__________________
ربّ اغفر لي و لوالدي و بُنيّتي و اعلي درجاتهم في علييين،،



ســــاري غير متصل   الرد باقتباس
قديم(ـة) 29-07-2009, 01:40 AM   #6
عضو مبدع
 
صورة شموع تحت المطـر الرمزية
 
تاريخ التسجيل: Sep 2007
المشاركات: 1,818
قوة التقييم: 0
شموع تحت المطـر is on a distinguished road
موضوعك قمه الروعه

لكن من عندك شببااب فاضي لعبت فيهم العطاله والفراغ والعافيه والنعمــه
__________________
لا الًـه الا الله
شموع تحت المطـر غير متصل   الرد باقتباس
قديم(ـة) 29-07-2009, 02:53 AM   #7
عضو بارز
 
صورة أبو حسن 2000 الرمزية
 
تاريخ التسجيل: Aug 2007
البلد: KSA@JOR
المشاركات: 575
قوة التقييم: 0
أبو حسن 2000 is on a distinguished road
اخوي الغالي نبض مشارك
موضوع بالصميم وجا بوقته خصوصا وانه الحين إجازة واغلب الشباب فاضيين
لكن أنا بعرف هل هذا موقف يرضاه لأحد من خواته ولا لأمه ؟!
أنا بسأل مايخاف ربه مثل ماهو يسوي كذا تدور الأيام ويصير لأخته ولا بنته نسي ان الله يمهل ولا يهمل ؟!
لكن اللوم مو عليه اللوم على أهله اللي تاركينه بهالشوارع ولا يعرفون مع مين ماشي ولا مع مين طالع !
أتمنى من هيئة الأمر بالمعروف في موسم الإجازات إقامة ندوات نصح وتوعية للشباب لانه الشباب مرحلة تأسيس اذا هو تأسس بفكر غير سوي غير واعي منحرف اخلاقيا وش بينفع الدين والأمة بكرا لاكبر وصار اعتمادنا عليه !
ولا هي مرحلة طيش وتعدي ؟!
لي عودة يانبض بس كتبت الرد على عجالة
همسة : لو إني منك نزلته وجلدته بوسط السوق قدام العالم وخليته يتربى ولا مسكته وجريته للهيئة :) >>قهرني
لكن تفكيرك سليم بإنك بلغت المرور وهم ان شالله قدها
شاكر لك
__________________

عندما تشعر انك انسان مهم وتتحمل مسؤولية كبيره..عندما تَحاط وحدك بمجموعة من المهندسين ...انت تشرح لهم ... وهم يستفسرون ...ثم تنهال عليك امواج المديح منهم..
عندها قل : أقسم لنفسي انها البداية !
سبحان الله وبحمده... سبحان الله العظيم
أبو حسن 2000 غير متصل   الرد باقتباس
قديم(ـة) 29-07-2009, 03:27 AM   #8
عضو مميز
 
تاريخ التسجيل: Jan 2007
المشاركات: 284
قوة التقييم: 0
حائرة is on a distinguished road
اجل قواطي ..!!!

يعني وش يبون بالضبط ؟؟ بيحسون برجولتهم مثلا ؟؟!

او فضاوة وتصرفات بدون معنى ..؟!

الله يعافيهم ولا يبلانا

كفيت و وفيت .. الله يجزاك الجنـــة
حائرة غير متصل   الرد باقتباس
قديم(ـة) 29-07-2009, 03:56 AM   #9
عضو خبير
 
صورة @&اميرة الكلمه&@ الرمزية
 
تاريخ التسجيل: Oct 2008
البلد: جوهانسبرغ
المشاركات: 5,208
قوة التقييم: 0
@&اميرة الكلمه&@ will become famous soon enough@&اميرة الكلمه&@ will become famous soon enough
ياحلليلك ماشفت شي من الهوايل با من الفراغ والبطاله الله يهديهم ويفتح على قلوبهم كل شي فيهم ززين حنونين وحبووبيين وخدوومين وقلوبهم طيبه بس لو يخلون اترقيم كان يصيروون احسن شباب في الدوونيياااا <<< تحاول تحتويهم
__________________
@&اميرة الكلمه&@ غير متصل   الرد باقتباس
قديم(ـة) 29-07-2009, 05:27 AM   #10
عضو ذهبي
 
صورة صرخة انثى الرمزية
 
تاريخ التسجيل: Apr 2008
البلد: ضيعت دروبي وخطواتي
المشاركات: 2,845
قوة التقييم: 0
صرخة انثى is on a distinguished road
الله يهديهم ويستر على بنات المسلمين

الله يجزاك الفردوس الاعلى على حرصك واهتمامك
__________________
صرخة انثى غير متصل   الرد باقتباس
إضافة رد


يتصفح الموضوع حالياً: 1 (0 من الأعضاء و 1 من الزوار)
 
أدوات الموضوع
طريقة العرض

قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق
Trackbacks are متاح
Pingbacks are متاح
Refbacks are متاح


مواضيع مشابهة
الموضوع الكاتب المنتدى الردود آخر مشاركة
↑→ التصويـت للطبق الرئيسي ←↓ دندوشه المنتدى الدعوي و الأسرة والمجتمع 74 21-12-2008 02:07 PM


الساعة الآن +3: 01:35 AM.


Powered by vBulletin® Version 3.8.7
Copyright ©2000 - 2017, vBulletin Solutions, Inc.
SEO by vBSEO 3.6.0 ©2011, Crawlability, Inc.
هذا المنتدى يستخدم منتجات بلص

1 2 3 4 5 6 7 8 9 10 11 12 13 14 15 16 17 18 19